حبيبي اللي شفنا اليوم يعتبر بدايه والقادم اسوأ بكثير
انا احاول بشتى الطرق اني ماأدخل بنيت احد لكن الحكم المتطرف مايعطيك فرصه الامور واضحه عيانآ بيانا
وفيه امور لو تدقق فيها او مايحتاج تدقق فيها هي واضحه وضوح الشمس الامور هذي طال عمرك ابقولها لك وعلمني رايك
الاعلام (( القنوات )) : شف يالغالي من بعد بطولة اسيا والوضع تغير بتغير الرئيس العام لرعاية الشباب ومن ضمن التغييرات الاعلام شاهد الرياضيه السعوديه واكتساح اللوبي الاصفر لجميع برامجها
الطامه الاكبر قناة (( لاين سبورت )) اغلب برامجهم تلميع بالنصر ومن ضمن هذي البرامج برنامج الهراج (( الجوله )) لو تشوف الحلقه اليوم تدري ان همهم خدمة النصر جميع عناوين الحلقه مديح بالنصر ولاعبيه وجمهوره كأنهم اخذين الدوري حتى محللهم التحكيمي محمد فوطه يستغفل المشاهدين بتحليله لضربة الجزاء الثانيه لبنو فقر ... ووليد الهراج اكثر من مره يردد ان النصر لازم يعود ليعود الدوري والرياضه السعوديه لمستواه !!! يعني كأن الرياضه عندنا واقفه على النصر اذا بدع صارت رياضتنا في اوج عطائها والعكس صحيح !!!
الحكام : من اليوم ورايح وانا اخوك منتب شايف الا مثل هالتحكيم في مباريات النصر عشان كذا لا تستغرب من اللي انت تشوف الحين لان الشر قادم بقيادة اسير الشوك عضو شرف الداعم لفريقهم !!
المعلقين : انا ابيك تسمع عامر عبدالله اليوم وشلون تعليقه على المباراة صراحه تفاجئت بطريقه لمدح الفريق النصراويه بشكل مبالغ فيه حتى في كلامه يوم يقول (( النصر قادم ياويلكم يامن تشاهدون الان هذا النصر قادم !! )) ... ولا تنسى معلق الجزيره في مباراة التعاون والنصر حماد العنزي (( نصراوي متعصب معروف )) وكيف نسى نفسه وهضم حق التعاون وبكل بجاحه يفتي ويحلل بالتحكيم لصالح فريقه المفضل !!
غير الشايب ناصر الاحمد وخوفه من النصراويه ينحاز لهم بطريقه واضحه وفاضحه !!
المحللين :الى درجه اني استغربت اني اشوف سلمان المطيويع ماشي بالموجه الصفراء بطريقه عجيبه ويكفي استضافته للمريض النفسي فهد الهريفي وانتقاصه من لاعبين الهلال وخاصه ياسر وهم يمثلون الوطن دون ايقافه عند حده من قبل المطيويع !!
وفوق جميع هذي النقاط اللي ذكرت وهي النقطه الاهم عضو شرف داعم في نادي بالدوري (( النصر )) يعين رئيسآ عاما لرعاية الشباب
سؤال يدور براسي مؤخرآ .. رياضتنا الى وين ؟؟؟؟؟؟