قصيدة جميلة جداً للشاعر ضيدان بن قضعان اتمنى تعجبكم




[poet font="Simplified Arabic,4,darkblue,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
بعد الفقر حطت شريحة و جوال = يسعد مسا جوالها و الشريحة
كانت تجيني تشتكي قلة المال = و تصيح لا جا طاري الفقر صيحة
تقول أبويه دايم الدوم رحال = و أمي كبيرة سن دايم طريحة
و أنت الوحيد اللي لك القلب ميال = دايم يصارحني و أنا له صريحة
طفلة و أنا معشوقها بين الأطفال = جريح حب و طاح له في جريحة
كنا سوى نرسم على التربة آمال = و أحلام تقتلها الحياة الشحيحة
كم دمعة كانت على الخد تنهال = و إذا نزلت ضاقت علي الفسيحة
الله كم صرخة .. و همسة .. و موال = الله كم جادت علينا القريحة
الله كم بيت كتبناه يختال = و أقول أنا ضيدان و انتي المليحة
نخيل لو ما فــ السما برق و خيال = و انكذب الأيام لو هي صحيحة
و تقول لا حطيت لك بشت و عقال = و سخر لك الرحمن عيشه مريحة
أخاف تتركني على عثرة الفال = للفقر و وجيه الحياة القبيحة
و حبيتها بين الخلايق و الأزوال = حب يطول الوقت محد يزيحه
و سلمتها قلب تباريه الأهوال = و طاح الخفوق و طيحة القلب طيحه
راحت و خلتني مع القيل و القال = شاعر صواريف الدهر تستبيحه
و دار الزمان و غير الحال بالحال = و جاها الزمان بكل ورده و شيحه
فلة و خدامة و لكزس و جوال = و أنا عجزت ادفع رسوم الشريحة
[/poet]