[c]


حايل عروسه زينها في سملها
.................. مايلزمه مكياج من كل الأصناف
عاداتنا عجز الزمن ماقتلها
................. وأنفوس اهلها در ماهن بالأصداف

قال أحمد الفهد العريفي


وهذا الشاعر عبدالله الأشقر الله يرحمه[poet font="Arabic Transparent,5,black,normal,normal" bkcolor="transparent" bkimage="backgrounds/7.gif" border="none,4,gray" type=0 line=200% align=center use=ex length=0 char="" num="0,black" filter=""]
حـوراء سنا نوره بسحر البهـاء سار "=" باهر بهـاه أطفـأ بهـا جملة الحـور

طلت .. وهلت .. وأهمل الوبل مدرار"=" يبكي سماه ويضحك الورد مسـرور

غـنا غـنوج تبتسـم لك بالأزهـار"=" عبيرهـا مسـك وعـنبر وكافـور

تشـكلت فيهـا الروابي والأشـجار"=" لبست حللهـا زينة القـد والطـور

فاحت روايح ريح روحـه والأثمـار"=" نشـوة شذاها تنعش الروح بعطـور

عليلهـا يشـفي عـليله بالإسـحار "=" ترقص غصـونه بالصـباء تيه وغرور

دان جـنا جـناتها الخضـر وجـوار "=" طرب بها البلـبل يغـرد لشـحرور "="

تكامـلت وأمسـت محط للأنظـار "=" صيغت بهـا الأشـعار نظم ومـنثور "="

ناديتهـا بخضـوع وإجلال وإكـبار"=" مسـتسلم هـايم ولو مت مـعذور

يالله يا نـور العــذاري والأقمـار "=" من وين يـا بدر تكـامل بديجـور

قالت سنا شمـس العرايس والأقطـار "=" تاج الجمـال ومنتهى الحسـن والنور

أهلي رجـال المجـد وافين الأشـبار"=" لطّـامة العـايل فـنا كل طـابور

يا ما تفانوا وأرخصـوا غال الأعمار "=" من شأن شاني وإسمـي اليوم مشهـور

حايل فخر شمّـر هـل الدار والجـار "=" يوم اللقـاء صبيان حايل على سـور

قـوم إلى ثـاروا هل الـدار للـدار "=" تفرح بهـم عيني وأفاخـر هل الدور

قوم تجـر الضـيف لكـتار وابهـار "=" طـبع تواصـوا فيه غيّاب وحضـور

يا دار حـاتم لـو تنحـيت مقـدار"=" القلب بين السمر والحمـر مأسـور

دار نشـينا به مــواليد واكــبار "=" حقه كـبير وعقهــا زور وفجـور

أم لنـا نفخـر بهـا سـر وأجهـار "=" أهل الجـبل دونه سبيل عن الجـور

يا ما وطـوا دونه من النـار والحـار "=" أحد فنى وأحـد بـذل كا مدخـور

واليوم عز الـدار من روس الأخـبار "=" من صلب أبو تركـي مناعير ونمـور

صـاروا عيال العـود له مثل الأسوار "=" وقرت بهم نجـد بعـد كل محـذور


[/poet]

وهذا الشاعر جلعود لافي

[poet font="Simplified Arabic,4,black,normal,normal" bkcolor="transparent" bkimage="backgrounds/5.gif" border="none,4,gray" type=0 line=200% align=center use=ex length=0 char="" num="0,black" filter=""]
حائل إلي منّي بوصـف وصفتهـا "=" أقـول كلمـة حـق ما مثل حائل

حائل جمـيلة والنشـاما رجالهـا "=" هي دار حـاتم والمـدايح دلائـل

أرض الشرف والجود والمجد والكرم "=" عسى على أهـل حائل تهل المحائل

أحب حائل وأمدحـه وأفتخر بها "=" أرض الكـرم الطـيبين الفعـائل

حـاتم وعنتر في ترابـه ترعـرعوا"=" والشاعر أمرؤ القيس من بطن حائل

قرية تـوارن وسـطها قـبر حاتم "=" وعنتر من أموات ( النعي ) النـزائل

الموقـدة تشـهد وتاريخ حـائل "=" هو شـاهد الواقع ما هو قول قائل

والله ما هـذا تحــيّز إلـديرتي "=" ولا هو بعيب إن قلت فيها المثائل

ومن لا مدح داره وربعـه وفعلهم "=" مـا ينتمي للطـيبين الاصــائل

حائل كما اللـؤلؤ وصـايف ترابها "=" وهواها يشـفي للقـلوب العـلائل

حائل الى جاهـا غريب ونزل بها "=" ما جاب للمرحـال عنها رحـائل

الجـار والدخيل والضيف والخوي "=" ما يلحقـه من قـوم حـائل هزائل

أجـاء وسـلمى والنفـود الكبيرة "=" منها نبع ذكـر الكـرم والجمـائل

أعمّهـا ما خـص ديـرة وديرة "=" بالجـود ما حـد مثلهـا نال نائل
[/poet]






[poet font="Simplified Arabic,4,deeppink,normal,normal" bkcolor="transparent" bkimage="backgrounds/10.gif" border="solid,4,deeppink" type=0 line=200% align=center use=ex length=0 char="" num="0,black" filter=""]
اغليك يا دار بك الخــال والعم "=" وقلبي وتفكــيري ودمي وروحي

اغلي ترابه واغلي الضـلع الأدهم "=" وجو يخـلي كل صـدر شروحي

احبهــا باللـيل والـيل مـالتم "=" واحبهـا وقت المسـا والصبوحي

احبهـا حب عـليه اللحـم صم "=" حتى يحطـون الجسـد بالضروحي

انا بحـبه ناشـف الراس مغـرم"=" وغـلاه غطى فوق عالي طموحي

غلاه فوق العـد والكـيف والكم "=" ما ينقري رقمه طــويل فضوحي

دار بهـا من دور حـاتم مكـارم "=" من مطلع الإســلام قبل الفتوحي

وقامت بها الأحفـاد تنهـج وتهتم "=" في طيب اهلهـا كل مخلوق يوحي

وياويل حالي كـان بعـده علي تم "=" ويا حسرتي ون كان طول نزوحي

تكفـون حـلوا عقـدتي لا تحطم "=" الحكـم لو كـان مـاني لحوحي

أبكي قهـر وان جيت عفشي محزم "=" وقول وآعـزاه وشـلون اروحي

انـا حـياتي دونهـا كلهـا غم "=" سني ضحوك ومدمـيات جروحي

مدمن على ماها ومدمن على الشم "=" شمت هواهـا يوم يقـبل يفوحي

ويا زين ضلعه كان بالضـل سلهم "=" وقام الحمـام اللي بلوحـه ينوحي

واضحك طرب كان الشمالي تنسم "=" والبدر في جـو العــليا يلوحي

سبحان من كمـل جمـاله ونظم "=" جمع نفوده للسهـل للسـفوحي

وصارت كـآبة نور والكون معتم "=" عندي وكـل في ديـاره بجوحي

ومرافقـة ناس بهــا يبعـد الهم "=" اللي مجالســـهم تزود فروحي

امشي مع اللي لا حسـدني ولانم "=" ورافق الرجل الشـريف السموحي

نضحك مع الغـالين والليل مظلم "=" الجـو بارد والســوالف مزوحي

هذا يرحـب بك وهـذا يسـلم "=" وهذا يهـلي من ضمـير نصوحي

هـذي مـناي يـوم قـالوا تكلم "=" وضحت ما بالقلب ماني شحوحي

حبي لهـا ما هـو على غيرها ذم "=" لكن بغـيره صـار حبه رجوحي

وصلوا عدد من يسكن القاع واليم "=" على رسـول في كلامه وضوحي

عبدالعزيز الطلال الصقيري

[/poet]

[poet font="Simplified Arabic,4,white,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
برقـه تـلالا من جـنوب وشمـالي "=" يا عل ماطـر ديمــته فوق برزان

في وسط سـوقك يا عروس الشمالي "=" يفـيض على واديك بسـتان بستان

وادي الأيـرع لأرتـوت به فعـالي "=" والعش والمسـمى الى شـعب عفنان

في فـيه شرق الأحــيمرعــيال "=" ترقـد على سفحه سـواليف فرسان

هذه مغيضــــة والزبـارة تلالي "=" وهذه عقــدة والوســيطا لها شان

يا زين مخــلاف على شـف بالي "=" يم النهــايد لأمــتلت فيه غدران

يا زينهـا ما بين قاعـــد جـبالي "=" عكاش .. طـالب مع مليحه وركان

قـارح مع جــانين بالحـيل غالي "=" اذا ازهـر الحـوذان فوق ام غبران

يـا عزوتي يا بهـــية بالجمـالي "=" يا درة أوطــان تباهي بالأوطان

يا ديـرة مــنزالها طـي عـالي "=" انا اشــهد انك للكـرام دوم عنوان

عبدالعــزيز اللي كســاها دلالي "=" يوم ادلقـت له سـورها صف بيبان

يسـتاهلك مقــول بـالاول وتـالي "=" من نسل ابو تركي ثرى ذرب الايمان

يا عـزوتي يا طـربتي يا حـلالي "=" يا حايل التحـنان قـلبي معـك الآن

يا لايمـي في حـب حــايل ترالي "=" في شـوق حـايل عزوة شوقهم بان

امرح مع الهاجـوس وارسـم خيالي "=" واكتب لها في دفـتر الشـوق عنوان

الشاعر / حمد الدعيج

[/poet]

[poet font="Simplified Arabic,4,white,normal,normal" bkcolor="transparent" bkimage="backgrounds/22.gif" border="none,4,black" type=0 line=200% align=center use=ex length=0 char="" num="0,white" filter=""]
احمد الفهد العريفي

يادار

يـا دار لا تذرف عـلينا دموعك "=" حقك علينا ما نصـا في معـاديك

حقك عـلينا بالجفــا ما نروعك "=" نعاف غال اعمـارنا لاجل نرضيك

وش عاد لو صارت حصير جذوعك "=" نصـبر على يا دار مـرك وحاليك

ما همـنا يا دار ريفـك وجوعك "=" في كل حـالاتك نحـبك ونغليك

يا دار حنا اللي نطحــنا جموعك "=" يوم ان يشخـان القـبايل تثاريك

صبيان حـايل بالقسا هم دروعك "=" وشمر عيال العـم ربعـك وأهاليك

يا دار ضمي شمــر في ضلوعك "=" ربع تهــل دموعهـا يوم تطريك

دار الكـرم وأصلك يشابه فروعك "=" ما مـات حاتم وألف حاتم بواديك

الجود والله والشـرف من طبوعك "=" والعـز بأرضـك والحمية براعيك

وانتي مثل عــذرا تزينك ردوعك "=" ولا هيب عاداتنا نبيعـك ونشريك

يا دار ما جاك الجفـا من ربوعك "=" ولا يلعــنك يا دار حي ربي فيك

يجـيك من ناس غذتهـا ضروعك "=" ما هم بمن حضرك ولا من بواديك

تعـيش من درك وتأكـل زروعك "=" وتفرح بسياتك وتجحـد حسانيك

ناس تخـلط نجوعـها من نجوعك "=" وليا امحـلت قامت مع القوم ترميك

يـا دار لا تذرف عليهـم دموعك "=" لومك على اللي من ربوعك يجافيك
[/poet]



[/c]

حايل عروسه زينها في سملها
.................. مايلزمه مكياج من كل الأصناف
عاداتنا عجز الزمن ماقتلها
................. وأنفوس اهلها در ماهن بالأصداف



الله الله الله


وش هالزيييين ماشاء الله عليك اخوي صفوق بصراحه حلووووو مررره يعطيك الف عافيه

وكل قصيده احلى من الثانيه ;)

تحياتي لك يالغالي على مواضيعك الجميله وروحك المبدعه

يا عزوتي يا طربتـي يـا حلالـي " " يا حايل التحنـان قلبـي معـك الآن

يا لايمي فـي حـب حايـل ترالـي " " في شوق حايل عزوة شوقهـم بـان

==========================================

تسلم اخوي صفووووووووووووووووق