#1  
قديم 02/02/2011, 07:01 PM
المجلس العام
تاريخ التسجيل: 28/04/2003
المكان: المجلس العام
مشاركات: 2,104
░█◄✿ ‏ ][.::.مسابقة أجمــل خط .::.][ ✿► █░







فكرة : الساقي + تركي السلماني
تصميم :
عاشق بو يعقوب
اعداد:الهنوووف






يعتبر الخط العربي واحداً من أهم الكنوز الفنيّة الإسلامية،
نظراً لما يحمله من قيمة فنية مؤثرة في النفس البشرية من خلال ما يجسده روح (الخط)
من جماليات،
تتمثل في نقل (الآيات/ الأحاديث/ الأقوال المأثورة/ الأدعية/ الحكم) بروحانيّة وأصالة
ونظراً لما يبثه روح (الخط) ويدخله من طمأنينة وسرور.
ومع تسارع وتيرة هذا الزمن, والذي من خلالهِ أنتشرت وسائل التكنولوجيا السريعة , تم الاعتماد
بشكلٍ عام على التقنيات الحديثة في تنفيذ متطلباتنا الكتابية, وغيرها من المتطلبات الأخرى ,
فلا يُستغرب إن قلّ الاهتمام بالخط , و بالكتابة اليدوية على وجه الخصوص




العبارة المطلوبة

عنِ ابْنِ مَسْعُودٍ رضِي اللَّه عنْهُ قال : قال رسُولُ اللَّه صَلّى اللهُ عَلَيْهِ وسَلَّم :
« منْ قال :أَسْتَغْفِرُ اللَّه الذي لا إِلَهَ إِلاَّ هُو الحيَّ الْقَيُّومَ وأَتُوبُ إِلَيهِ ، غُفِرَتْ ذُنُوبُهُ
وإِنْ كَانَ قَدْ فَرَّ مِنَ الزَّحْفِ »
رواه أبو داود والترمذي والحاكِمُ ، وقال : حدِيثٌ صحيحٌ على شَرْطِ البُخَارِيِّ ومُسلمٍ .

المطلوب فقط كتابة :
أَسْتَغْفِرُ اللَّه الذي لا إِلَهَ إِلاَّ هُو الحيَّ الْقَيُّومَ وأَتُوبُ إِلَيهِ


شروط المشاركة في الفعالية :
1- ان تكون الكتابة على ورق ابيض او لون فاتح لـ وضوح الخط
2- يحق لكل عضو المشاركة مره واحده فقط ويجب الالتزام بالعبارة المطلوبة
3- تمنع الردود الخارجة عن صلب المسابقة والمجال مسموح للتعليقات على المشاركات




المسابقة سـ تستمر اسبوعين ابتداء من
يوم الاربعاء 29-2-1432 هـ



ومامن كاتبٍ إلا سيفنى .ويبقي الدهر ما كتبت يداهُ
فلا تكتب بكفك غير شيءٍ. يسرك في القيامة أن تراهُ

ونسال الله أن يجعل ما تخط أيدينا شاهدا لنا لا علينا..



\

/
تسعدنا مشاركاتكم



اخر تعديل كان بواسطة » المنتدى الاستشاري في يوم » 03/02/2011 عند الساعة » 12:40 AM
  #2  
قديم 02/02/2011, 07:03 PM
زعيــم مميــز
تاريخ التسجيل: 13/04/2007
المكان: "الرياض"
مشاركات: 1,964
دخلت الموضوع فوق 30 مرة واشوف ردي ولا ادري وش اقول

بس ابي اصير اول واشوف وش يحسون فيه الي يحجزون

المهم ماحولي قلم وورقة ولمعلومية خطي بااااايخ

لي باك ثاني

اخر تعديل كان بواسطة » hilali+milani في يوم » 03/02/2011 عند الساعة » 04:00 AM
  #3  
قديم 02/02/2011, 07:04 PM
الصورة الرمزية الخاصة بـ جار الزعيم مميز
زعيــم مميــز
تاريخ التسجيل: 28/07/2009
المكان: .,
مشاركات: 3,375
فكرهـ رائعهـ
منكم يا احلى آدارة
يالله وين الخطاطين والرسامين والمبدعين
وين
  #4  
قديم 02/02/2011, 07:05 PM
الصورة الرمزية الخاصة بـ I B R A H E M
زعيــم مميــز
تاريخ التسجيل: 09/09/2009
المكان: رياض العز و الخير
مشاركات: 1,858
يمكن أفكر أكتب حتى أفوز بجائزة أسوأ خط
  #5  
قديم 02/02/2011, 07:05 PM
الصورة الرمزية الخاصة بـ وينك يالزعيم
زعيــم مميــز
تاريخ التسجيل: 28/02/2004
المكان: بـ آحضُآنْ الرْيآضْ ♥
مشاركات: 14,097
.




بمشيئه الله سيـكون لي بمشآركه و بقوه , وسأعلـن التحدي من الأن
تقبلوآ تحيـآتي وتقديري , لي عوده
  #6  
قديم 02/02/2011, 07:09 PM
الصورة الرمزية الخاصة بـ حروف الغلا
عضو استشاري بالمجلس العام
رئيسة رابطة توتنهام
تاريخ التسجيل: 02/04/2010
مشاركات: 7,040


حتى المسابقات فيها حجز ...

كان ودي بس الخط مشكلة

الله يوفق الجميع و بانتظار المواهب
  #7  
قديم 02/02/2011, 07:17 PM
الصورة الرمزية الخاصة بـ هلالي سديراوي1
زعيــم فعــال
تاريخ التسجيل: 25/11/2008
المكان: سدير
مشاركات: 465
ان كان فيه اسوء خط شاركت
  #8  
قديم 02/02/2011, 07:25 PM
الصورة الرمزية الخاصة بـ المشجع الوفي
محرر أخبار المجلس العام
تاريخ التسجيل: 30/05/2007
المكان: في مكان
مشاركات: 2,543
حجججز لي عودة
______________

رجعت بس سحب قراري بالمشاركة ..

لكن و للسعي للأفضل..
وش رايكم بمسايقة أسوأ خط

نظراً للكم الهائل من المشاركي,,
حتى قبل بدء المسابقة....

اخر تعديل كان بواسطة » المشجع الوفي في يوم » 02/02/2011 عند الساعة » 08:44 PM
  #9  
قديم 02/02/2011, 07:27 PM
موقوف
تاريخ التسجيل: 22/04/2007
المكان: جمهورية الرياض الشعبية
مشاركات: 1,002
حـــــــــــــــــــــــــــــــــجــــــــــــــــــــــــــــــــــــز
  #10  
قديم 02/02/2011, 07:31 PM
الصورة الرمزية الخاصة بـ سعودي أصيل
زعيــم متألــق
تاريخ التسجيل: 05/01/2004
المكان: طيبة الطيبة
مشاركات: 1,454
ههههههههه ورا العالم تحجز ؟؟

قسم انكم تخوفون

خطي حلو وشكلي بهون ههههههههه

مع هذا .. لي رجعة << النبره فيها تحدي

------------------------------------------------------

بآآآآآآآآآآآآآآآآآآآآآآكـ


يوم تمر محل تبي قلم خط 2 مل .. وتلقى المحل مقفل .. هنا وش تسوي ؟

طيب يوم تدور قلم خط بالبيت أو عالأقل قلم سايل يساعدك بالكتابة ولا تلقى .. وش تسوي ؟؟

طيب يوم تلقى قلم مرتز قدامك وتفكر تغامر به ولا لا .. تغامر؟!! ياولد .. لا لا مايجي .. ياشيخ الوقت راح ولا شاركت بالمسابقة ... اقولك ... شاآآرك فييه خاربة خاربة

-------

جآآآآب لي المرض .. اقلقني .. كرهني بعيشتي .. أكتب ويقطع الخط وانا مندمج .. أرجع اعيد عليه من جديد ...... لاآآآآ وفوق كذا ( قزم ) ... أنا وش لون أمسكه

هذا القلم اللي يتحدى وبقوة




^
^
^

بصراحة طالع رزة مع يدي <<< لبى أنا بس




وهذا الخط ....





لنا التحدي .. ولكم الاستمتاع ... ولنا ولكم روح الفن والابداع



برايفت :
:: ماتهقون اني جبت العيد ؟؟! ... قسسسسم انها سقطت سهواً ... ولا ترا مايعجزني كتابة كلمتي ( الحي القيوم ) ::






ألقــــــــاكم

اخر تعديل كان بواسطة » سعودي أصيل في يوم » 05/02/2011 عند الساعة » 03:12 AM
  #11  
قديم 02/02/2011, 07:39 PM
مشرف سابق في منتدى الجمهور الهلالي
تاريخ التسجيل: 03/10/2008
المكان: الله كريم يمد الخير / و يساعد ..!!
مشاركات: 4,180

بإذن الله سنعود في الوقت المناسب !

و من الآن نعلن التحدي للجميع !


ألف شكر
  #12  
قديم 02/02/2011, 07:43 PM
الصورة الرمزية الخاصة بـ صـمـت
زعيــم مميــز
تاريخ التسجيل: 18/05/2010
المكان: ’،’,~’، فــي احـلى و اجــمــل وأرق ســطـح فـي الرياض
مشاركات: 1,593
مشكوورين على المسابقه

وانا اول المشاركين باذن الله...

لكن بشوف اقرب قلم عندي وبكتبه كسلان اقعد اضبط حركات وكذا<<<طبعا اذا مسموح؟؟


  #13  
قديم 02/02/2011, 08:37 PM
الصورة الرمزية الخاصة بـ مـوت ومـيـلآد !
زعيــم مميــز
تاريخ التسجيل: 22/12/2008
المكان: روما البدايات وآخر ساحل ومينا *
مشاركات: 5,084
Arrow

وآإإو , فللللله ! عآد ششي فيه خط ورسسم أنآإ جآإهزه مآعندي أشكآليه !
اوووكي هذآ مكآإني , و بكرآ بكتبهآإ إن شششآإءالله !
السآقي + تركي السلمآني + عاشق بو يعقوب + الهنووف = آلف شششكر لكم على ـآإ المسسآبقه وهالمجهوود !
برررب !


بآآآآآآآآآآآآآآآآآآآآك !
يآنآسسس والله الوآإحد لا مسسك قلم وورقه مآيفكهآ ابد !
يالله يالله فكيت يدي من قلم الرصصآص ! قلت يابنت خلاص اسستحي واكتبي اللي اطلبوىإ منتس !
ومير كتبت بـ خطين ! خط نسسخ , وخط رقعه ! قلت لكم اللي يمسسك القلم مستحيل يفكه ! تحمممملوآ بثآرتي !

- خط الرقعه !



~

- خط النسسخ !



/

بسس والله محتآإره مدري اي وحده اختآر فيهم أدخلهآ بالمسسسآبقه !
بسس ششكلي بجزم على ـآإ الصصصوره ألأولى ـآإ !
هنووو يآإبعدي , ترآإ الصصوره الأولى ـآإ هي اللي بتدخل بالمسسآبقه ! يعني الثآإنيه نهي , بسس زيآإدة عدد !
~

اخر تعديل كان بواسطة » مـوت ومـيـلآد ! في يوم » 03/02/2011 عند الساعة » 05:36 PM
  #14  
قديم 02/02/2011, 08:55 PM
الصورة الرمزية الخاصة بـ هلال اسيآ
زعيــم مميــز
تاريخ التسجيل: 07/07/2010
مشاركات: 4,902


تعوذوا من ابليس ، مالقيتو الا مسابقة الخط !

60% تقريبا من درجاتي بالاختبآرات تطير بسبب هالخط السامج ،

بالتوفيق لكم
  #15  
قديم 02/02/2011, 09:05 PM
الصورة الرمزية الخاصة بـ Ṩσσłŧẵή
زعيــم مميــز
تاريخ التسجيل: 22/01/2008
مشاركات: 4,725
مدامّ به مسابقه فّ أنا بشارك < قل قسم ،
فكرهْ رائعهّ والأروعْ من إختارهّا [ الهنوف ]
كل الشكر إستشاريو المجلس ،
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:13 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube