بسم الله الرحمن الرحيم .,


شي يقهر
وشي غريب
وشي يرفع الضغط
وشي يثبت ان الاداره ترمي الملاين على الانديه الاخرى

الرياض: مركز الأمير فهد بن سلمان الإعلامي في نادي الهلال

اعتمد الجهاز الفني قائمة أسماء لاعبي الفريق المشاركين في دوري أبطال آسيا 2011م الذي سيستهل الهلال فيه أولى لقاءاته أمام سباهان أصفهان في الأول من مارس المقبل، وضمت القائمة الـ30 لاعبا التالية أسماؤهم : (حسن العتيبي, فهد الشمري, عبدالله السديري, عبدالله الغامدي, عبدالله الدوسري, أسامه هوساوي, ماجد المرشدي, عبدالله الزوري, فهد السبيعي, شافي الدوسري, محمد نامي, محمد القرني, سلمان الفرج, سلمان الخالدي, سلطان البيشي, يونج بيو, رضوان الموسى, خالد عزيز, ميريل رادوي, سلطان البرقان, عبداللطيف الغنام, نواف العابد, ويلهامسون, أحمد الفريدي, محمد الشلهوب, أحمد علي, عبدالعزيز الدوسري, وليد الجيزاني, عيسى المحياني, ياسر القحطاني) .




الحين القائمه رفعت للاتحاد الاسيوي
طيب وين اللاعب الابرز في بطولة دبي .؟
طيب وين اللاعب صاحب 5 مليون << ماني متاكد ..؟؟
طيب وين اللاعب الي تقولون عنه انه حل لمشكلة الضهري ...؟؟؟
طيب وين اللاعب يحيى الكعبي....؟؟؟؟

والله ترى يمكن بسبب هذي الحركه ينهدم لاعب شاب ونخسر لاعب موهوب وشاب

اتمنى ان الاسماء المرسله تكون خاطئه او ان اسم يحيى سقط سهوااا

يعني وبكل صراحه يحيى الكعبي افضل من اللاعبين الي لونهم احمر في الاسماء الصادره
خلونا نتكلم عن فهد السبيعي
انا اول مره ادري ان في لاعب في الهلال اسمه فهد السبيعي ومع احترامي الشديد له طيب نقول اني انا ماني متابع طيب ماشفناه لعب مع الفريق الاول ولا مره بكذا يحيى افضل منه .

طيب خلونا نتكلم عن محمد القرني
انا اعرف ان في الهلال لاعب اسمه محمد القرني لاكن يلعب في مركز المحور والهلال عنده تقريبا 5 لاعبين في المحور او اكثر
وهم خالد عزيز رادوي الغنام البرقان سلمان الفرج يلعب محور الفريدي يستطيع ان يلعب محور

والقرني ماقد شفته لاعب مع الهلال الاول

فاتمنى اننا نعيد النضر في اللاعب يحيى الكعبي
واتمنى من مدير الكره بالنادي الاسطوره سامي الجابر انه يرجع ويتاكد من الاسماء لعل وعسى سقطت سهواا << مع اني ما اتوقع بس نحسن النيه

او ان اللاعب بيروح اعاره الى الفتح وهذا الي اتوقع وبكل صراحه ...


اسف على الاطاله
وفي انتضار ردوودكم حول الموضوع

اتمنى من المشرفين رفع الموضوع لانه في غاية الاهميه