|
إقتباس:
قسسم بالله مالي خلق أتابعها من بعد الخسارة من أوسوسنا متعة شيقة لك أبو عابد فرحانين لأننا انهزمنا الدنيا دوارة يبو عابد عقبال ما أضحك عليكم إن شاء الله هههههههههههههههههههه تصبح على خير أخووي والله يوفقك :wub: |
بدر العذر والله منك يا بعدي .. يعلم الله ماني مبسوط بـ هزيمة الريال وراجع ردي السابق .. واعتب على اللي يظهرون الفرح بطريقه مستفزه من الجانبين واهم شي الاستمتاع بـ كرة القدم مهما كان الفريق اللي يلعبها لانها في الاخر الشي اللي نبحث عنه وان شاء الله ترجع اثارة الدوري في الجولات القادمه لان هزيمة الريال ليست في مصلحة الدوري في ظل فوز برشلونه اسبانيول يقدم مباراه كبيره ولكن دون استفاده من الفرص وهو الى الان الافضل سيرجيو غارسيا اضاع فرصتين احدهما في القائم الايسر للحارس ماركيز يسدد يساريه قويه من خارج المنطقه تعتلي العارضه :s5s: الحكم المساعد يرتكب خطأ ويعطي روسي افضلية التسديد باتجاه مرمى كاميني من تسلل واضح ويكسب ضربة زاويه وكرة خطره يبدع كاميني في صدها قبل ان يشتتها المدافع جارسيا يفشل في هز شباك الغواصات رغم الفرص السانحه له في المباراه ولعل ابرزها الانفراديه اثناء كتابة هذا السطر الرائع جوزيبي روسي يسجل هدف عالمي :s5s: في الدقيقه 45 مستغلا هفوه دفاعيه في الجهه اليسرى ليسدد يساريه قويه لم يشاهدها كاميني الا في الشباك فياريال 1-0 اسبانيول |
مبروك لبرشلونة و هارد لك للريال. مستوى هزيل جداً من الريال أستغربت كثيراً أمامه ولم أقدر على إيجاد أي عذر مقنع بصراحة لهذا المستوى. طبعاً الدوري لسا مانتهى ولازالت المنافسة قائمة ورب العالمين هو وحده من يعلم ببطل الدوري ولا فيه شيء مضمون ابد. محد يعرف الظروف اللي ممكن تحصل في الـ 17 مباراة القادمة. لكن بكل تأكيد المنطق يقول أن المنافسة ستكون صعبة جداً عالريال اذا ماجرت الأمور في مسارها الطبيعي. والمطلوب من الريال أن يفوز في كل مبارياته القادمة. ــــــــــ البارسا رغم صعوبة هيركوليس استطاع الانتصار بفضل الله سبحانه، هيركوليس بعد الهدف الأول انخفضت معنويات اللاعبين مما أتاح للبارسا الفرصة لتسجيل الأهداف الثاني والثالث. بالتوفيق للجميع |
خسارة مدريد اليوم طبيعية جدا اذا شفنا ظروفها من ارهاق وملعب صعب اشوف الريال مشواره في الدوري اكثر من رائع طبعا لو نقارن بالعام الماضي راح نلاحظ انه تقريبا على نفس الرتم ويمكن اقل شوي بسبب ان الفريق اعطى اهتمام لبطولة الكاس اللي كانت مرهقة اكثر من مباريات الدوري بينما البارسا مهد له الطريق لنهائي على طبق من ذهب .. مشكلتنا ان الريال يلعب في منافسة مع برشلونة الذي لا يخسر او حتى يتعادل وبالنسبة لي اظن الدوري انتهى طبعا منطقيا الدوري باقي دور كامل ممكن يتغير اشياء كثير لكن حتى لو يخسر برشلونة نقاط فالريال ايضا سيخسر مورينهو يريد يلعب على البطولات الثلاث مع مدريد وهذا مستحيل في الدوري الاسباني اذا نظرنا الى ان المنافس برشلونة فريق لا يخسر اي نقطة بينما لو نشوف الانتر العام الماضي قدر يحقق الثلاثية على الرغم من انه كان يفقد الكثير من النقاط في الدوري بسبب الارهاق لان المنافسبن اقل ونفس الشيء البارشا يوم حقق الثلاثية كان في منافسة مع الريال اللي كان سيء لكن الان مورينيو والريال مطالبين بان لا يخطئوا ويفوزوا في كل المباريات وهذا مستحيل وفوق الطاقة .. بالنسبة لي احمل مورينيو الخسارة خصوصا اشراكه ديماريا لكني اراها طبيعية جدا خصوصا لو شفنا الغياب الاجباري لالونسو بسبب الاصابة واللي وضح كيف تاثيره على الفريق يكون اذا غاب عموما الريال لديه بطولتين ينافس عليها بطولة الكاس وهي الاقرب خصوصا ان المطلوب تجاوزه هو مباراتين فقط .. بصراحة برشلونة افسد متعة الدوري الاسباني :yes: وبالنسبة لي لم اعد استمتع بادائهم ابدا واظن الكثيرين مثلي لان حلاوة كرة القدم في الاثارة والمنافسة اما ان تفوز في كل يوم بصراحة شيء مقرف :razz: والمفترض ان يتبرعوا بخسارتين لاجل اضفاء الاثارة للدوري :s2: :d |
^^^ والله لو نفوز المباراة الجايه كان نطيرررر |
، هاردلك لكم الخسارة :cry: خسارة مرة وماكنت متوقعها ولا أحد أظن أنه كان يتوقع أن نخسر اليوم ! الريال اليوم ذكرني بمباراة برشلونة .. اللاعبين كلهم ماهم في مستواهم عك موب طبيعي ودك ما تشوف المباراة :cry: .. التغيرات ماهي منطقية من المو .. كاكا ما راح يضيف لك شى .. وين بيدرو :smilie47::cry: بس ! أديبايور هذا اول لقاء له وما قدم اي شى وطبيعي بحكم أنها المباراة الأولى له .. أخطاء دفاعية بالهبل .. الفارق اللحين 7 نقاط صعب جداً ان نوصل للغريم أو نتعداه لكن موب مستحيل .. المطلوب في هاللحظة أن نركز على الكأس ودوري الأبطال بشكل أساسي وبعدها نفكر بالدوري .. |
إقتباس:
لذلك بعد المباراه ستكون الاحتمالات كبيره بـ هديه كتلونيه لعيون الدوري واعني هزيمه قد تحيي الامال الملكيه |
خـسـارة اقدر اقول عنها مستحقة .. ابتكلم عن مورينهو والتشكيلة الي بدأ فيها .. اربيلوا - البيول-كارافاليو-راموس لاس-خضيرة اوزيل رونالدو - بنزيما - دي ماريا خضيرة و لاس .. الف علامة استفهام على مشاركتهم مع بعض .. اتفقنا وشفنا اكثر من مرة .. انهم مع بعض يقدمون عـكـ كروي رهيب .. لاتوصيل كورة صح لا استخلاص كور صح .. لعبهم مع بعض يجبر فريقنا كامل انه يلعب عند الدائرة ويعطي الفرصة للمنافس انهم يتقدم .. راح اوضح هاذي المسألة قدام .. كان بالإمكان مشاركة غرانييرو بدل واحد منهم على الاقل يوصل كرات صح .. كاسياس الى البيول الى كارا الى خضيرة الى كاسياس .. هاذا كان مسار الكورة طول المباراة .. الونسو كان المفروض اشراكه من بداية الشوط الثاني .. لاحظنا انعزال تام بين الدفاع والوسط .. مافي اي كورة طلعت من الدفاع الى الوسط او الهجوم بشكل صحيح .. كنا نشوف اجتهادات من كرستيانو واوزيل وحتى بنزيما .. كل واحد منهم يرجع يستلم كورة قريب من دائرة نص الملعب !!! أكثر لاعب لمس الكورة كاسياس !! دفاعنا يوصل الى نص الملعب بالكورة .. ثم يرجعها لكاسياس !! مافي اي تحركات بدون كورة .. مافي اي محاولة لخلق مساحات .. مافي حتى عرضيات او لعب على الاطراف صحيح ؟!! وبعد تسجيل اوساسونا الهدف .. مورينهو ثلاث تبديلات مع بعض ؟!؟! والله ما اذكر ولا مرة شفت مباراة وشفت ثلاث تبديلات مع بعض ؟!! دخول الونسو كان المفروض من بداية الشوط الثاني .. الخلل كان واضح جدا في توزيع الكرات .. بتأخير دخول الونسو الفريق اجبر انه يلعب الكورة بنص ملعبنا .. وشفنا مع اول غلطة جا الهدف .. دخول اديبايور .. تبديل صحيح .. بس وش الفايدة منه اذا ما استفدت منه صح ؟؟ يعني لاعب رهيب بالكرات العرضية .. من اول ما دخل الظاهر ما شفنا الا كرتين عرضيتين او ثلاث بالكثير ؟!!!! دخول كاكا ؟!!! يعني عندك بيدرو ليون الجاهز بدنيا وفنيا وتدخل كاكا ؟!!! كان ممكن بدخول بيدرو اننا نشوف كرات عرضة اكثر .. ممكن نستغلها بوجود اديبايور وكرستيانو وبتقدم راموس .. ............................. خسارة كانت بسبب الريال اولا واخير .. ابي افهم فريق زي ريال مدريد ليه يجعل المباراة توصل للمرحلة هاذي ؟!!! مفروض اول نص ساعة بالمباراة تحاول تحسمها .. مفروض ما نطلع من اي شوط اول والنتيجة سلبية .. متى اشوف الفريق يتحكم برتم المباراة .. يحرك الكورة على راحته .. تعبنا واحنا نعتمد على الفرديات والاجتهادات .. شاهدنا الفريق في أكثر من مباراة حسمها بشكل جماعي بلعب رائع وسلس وأهداف من اكثر من لاعب .. اخر مباراة كانت ضد اياكس في هولندا .. من بعدها وفريقنا مرة فوق ومرة تحت ؟!!! ...................................... الموضوع مو ان برشلونة قوي وفريقنا ضعيف .. الموضوع ان برشلونة دايم بعد اول ربع او ثلث ساعة تشوفه مسجل هدف هدفيين مخلص المباراة .. حتى ضدنا .. سجلوا اول ثلث ساعة هدفيين وخلصنا .. الي ابي اوصل له .. ان الفريق مفروض ما يوصل بالمباراة الى هاذي الدرجة .. لازم لازم يخلصها من بدري ويرتاح .. لو افترضنا الريال سجل اليوم بأول ربع ساعة .. كان شفنا اوساسونا يتقدم يحاول تعديل النتيجة .. وهاذا راح يترك مساحات يسهل استغلالها بتسجيل الثاني .. من بعدها تقدر توصل بالمباراة الى مهرجان اهداف وانت مرتاح .. ! ................................ |
إقتباس:
والله العظيم اني من امس قالو لي بكرا الريال قلت ايه فرصه يفوزون وفرصه كريس يوسع الفارق التهديفي بس تفأجات اوساسونا 1ـ0 ريال مدريد انهبلت ماصدقت دقيت على واحد مدريدي مارد عرفت انها خســارهـ على العـموم توسع الفـارق بيننا وهل صحيح اللي سمعت ان كريس قال بعد المباراة اوعـدكم ان اتليتكو مدريد يفوز على البرسا وان اقويرو يسجل اذا صـدق فاقول لكريس من راقب الناس مات همـا ولاتنسى انها بالكامب نو يعني ...(((يبطوون)) بس مافيه شيء مستحيل بكرهـ القدم بس اللي قاهرني انه انت خلكـ بفريقك وش تبي بالناس الثانين والله حاله الفارق+7 وهو يقول لا سيسجل سيرجو اقويرو هدف ويتقلص الفارق الى +4 وشكرا لكـ |
^^^^^^^ هلا اخوي .. ابي اعرف بس .. المباراة خلصت من ساعة ونص .. متى قدر كرستيانو يصرح ؟؟؟!! |
إقتباس:
قوارديولا لحد الان يظهر انه مدرب من طينة الكبار تكتيكيا وذهنيا صحيح معه فريق احلام ولاعبين يساعدون لكن بدون مدرب جيد يقدر يوظفهم ماراح يوصلون اللي وصلوه .. اما لو ينعاد سيناريو موسم كابيلو :s5s: لو تصير يعتزلون مشجعي برشلونة الكرة افضل لكن مثل ذاك الموسم مايصير الا مرة وحدة في العمر .. |
هارد لآك هزيمة الريال يا الملوك :smilie47::cry: أوكي أنا معكم أنه ما كنا نتوقع هزيمة الريال الليلة لكن بيني وبينكم أنا كنت انتظر هاللحظة ولا أدري متى بتجي لكني كنت متأكد أنها يوم من الأيام بتصير .. هزيمة الريال وابتعاد البرسا :cry: اللي متابع الريال هالموسم بالدوري يشوف أن الفريق يفوز بفارق هدف أو هدفين بعكس البرسا اللي ما يفوز إلا بفارق ثلاثة وطالع :s5s: ولحد الآن أغلب المدريديستا ما وصلوا لقناعة أن فريقهم بطل ويستحق الدوري أو أنهم لما يتابعوا المباراة يكونون ضامنين الفوز على الأقل بنسبة أكثر من 50% بعكس أكثر أخوياي الكتلان اللي يجلسون يتراهنون على كم هدف بيسجله البرسا << ضامنين الفوز :d عموماً الكورة تعطي اللي يعطيها .. والدوري بدري عليه .. المهم أن الريال يأخذ درس ويستفيد . |
إقتباس:
اكثر من مره اكون ضد ما يسويه من تغييرات ولكن في الاخير يثبت انه يعرف ماذا يريد ويصل لمبتغاه اسبانيول خسر اما الفياريال ومباراه مجنونه ومثيره .. اتعجب من اللي يقول دوري ريال وبرشلونه وكأن دورياتهم تعاني من كثرة الابطال وفي العشر سنوات الاخيره فاز بالانجليزي 3 فرق بس والايطالي 3 على ما اظن او 4 منها هيمنه للانتر لمدة 5 سنوات والاسباني 3 او 4 بعد في اخر 10 سنوات |
حاليا ميسي وبعد تسجيله هدفين في مرمى هيركوليس يعتبر ثالث هدافي برشلونه في تاريخه على مستوى الدوري بعد سيزار 195 و كوبالا 131 واعتقد انه قادر على كسر رقم كوبالا هذا الموسم في حين انه لن يحتاج للكثير لتحطيم رقم سيزار في الموسم القادم اذا استمر على معدله التهديفي الخرافي حيث وصل الان للهدف رقم 109 بـ فارق 22 هدف عن كوبالا وكذلك يحتل المركز الرابع في قائمة هدافي الفريق في جميع البطولات حيث لا يزال يتفوق عليه كل من سيزار بـ 235 هدف و كوبالا 194 و جوزيب ساميتير 178 هدف حيث يملك ميسي 164 هدف مناصفة مع اسكولا وهو قادر على تحطيم كل الارقام هذا الموسم ما عدا رقم سيزار ايضا الذي يبعد عنه بـ 71 قد يصل لها بعد بعد موسم ونصف او موسمين على الاكثر |
هاردلك الخساره المستحقه , الفريق من بدايه المباراه وهو واضح عليه الارهاق وواضح انه ما عندهم شيء يقدمونه , كالعاده الانديه الصغيره تستقعد قدامنا وكأنهم يلعبون على نهائي الابطال على الروح والقتاليه , العجيب القتاليه ما تطلع قدام برشلونه لاننا نلاحظ انهم مستسلمين من البدايه , لحد يقولي برشلونه قوي ومدري ايش برشلونه عنده هجوم قوي صح فريقنا عنده مثل هالهجوم ليش ما نشوف استسلام قدامنا ؟</B> لاعب اوساسونا كرر المشهد الي صار قدام مايوركا اخذ كرتين صفر ولا انطرد ! حكم عجيب حتى بنفس الوقت الي اخذ فيه الكرت الثاني للتمثيل قالي اخوي انطرد عليه كرت والحكم يمشي والاعب يكمل المتش ! ما نقول هالطرد بيغير المباراه بس ياخي اطرده نفذ القانون , المباراه وانتهت بخيرها وشرها الواجب ننسى هالخساره ونحاول نصحح وضع الفريق قدام اشبيليه والتأهل للنهائي ان شاء الله لانه بيرجع الفريق والاعبين للوضع الصحيح بتكون دفعه معنويه كبيره انك تنهزم وترجع بالمتش الي بعده وتحسم التأهل لنهائي الكأس , اشبيليه صعب واتمنى ما ندخل المباراه وحنا ضامنين التأهل بحكم الفوز بهدف بالذهاب , الدوري لسى ما انتهى صحيح صعب تعثر برشلونه ومافيه فريق كفو يوقفهم لكن بالكوره كل شيء متوقع , وتذكرو موسم كابيلو الفرق 13 نقطه ونرجع ونجيب الدوري , نبي مثل هذيك الروح والفدائيه والقتاليه . للاسف جمهورنا يبي دائم فوز فوز ما يعترف بشيء اسمه خساره او تعادل لانها شيء طبيعي بكره القدم , شيء يضيق الصدر ويقتل المعنويات اننا نشوف ردود تقول راح الدوري وراح مدري وشو والاعبين فاشلين وما نفوز الى بصعوبه , ما فيه تقدير لوضعيه الاعبين والارهاق الى اعدمهم مافيه تقدير لوضعيه الانديه التي تلعب قدامنا وكأنهم على نهائي , مافيه تقدير لضغط المباريات , مافيه تقدير لضغط الصحافه , تبون دايم الفريق كل الموسم يكون جاهز 100 % , شيء مستحيل انه فريق يستمر على اداءه طول الموسم , لازم تجيه فترات تصاعديه وفترات تنازليه , ليش ما تعترفون ان الفريق لعب هالموسم 34 مباراه ما انهزم الى في 3 ؟ ليش ما تعترفون ان الفريق قدر هالموسم يطلع بـ 18 مباراه بدون ما يدخل مرمانا اي هدف ؟ ليش ما تعترفون ان الفريق تصدر الابطال بمجموعه هي الاصعب بالبطوله ؟ مع ان هالارقام كلها لفريق جديد ومدرب جديد ومن اول موسم قدرنا نسوي هالشيء , وضعكم غريب كل شيء يصير تجيبون طاري برشلونه , حنا ما علينا من برشلونه علينا من فريقنا , انتم تقارنون بين فريق جديد وبين فريق له كم سنه ما يزود عليهم الى لاعب او اثنين , التفاهم موجود من سنوات بعكس فريقنا , انا معكم فريقنا ما يقدم كوره حلوه الحين بس اني مقدر وضع الاعبين ليش اطلب منهم المستحيل ؟ ليش اضغط عليهم ؟</B> صرت اتمنى الفريق يفوز بكل المباريات موب بس عشان افرح الى عشان ما اشوف ردود انهزاميه منكم , لو الاعبين يقرون كلامكم كان جد جد انعدمت المعنويات والروح .</B> فيه نصيحه ابعطيكم اياها الي بيكتب رد لا يجي بعد نهايه المباراه تعال بعد ما تروق وترتاح وتجمع افكارك عشان محد يشك بوضعك , ردي بالرابطه شكرا للي بيقرآ والمعذره على الاطاله .</B> </B> |
| الوقت المعتمد في المنتدى بتوقيت جرينتش +3.
الوقت الان » 07:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd