الليحن انت اللي كاتب هالكلام والا قلمك
ابغى احدد موقفي من القضيه صراحه
اولا اهنيك على قدرتك البلاغيه في الوصول لغايتك من المعنى والهدف ...
وانا اشد على يدك بس بدون ما اوجعك يعني اشد بشويش في انك تواصل على هذا المنوال في مواضيع اكبر من الاعتراف والتحقيقات والاستخبارات
بالنسبه للموضوع نفسه بسم الله خلنا نتفلسف :
شوف ياخي الشعب السعودي الشهيد شعب جاحد صراحه ونصاب
قسم بالله ما تطلع من الواحد بمعلومه زي الناس
تساله عن عدد اولاده يقولهم وهو يتمتم خايف من العين والله مو من زين العيال
تساله وش مسوي في الوظيفه يقول ماشي الحال وهو اكبر راس في العمل وراعي منصب عشان الواسطه
تساله بكم شريت موترك يقول والله اقساط وبهذله وحاله وهو كاش من عند الحمراني بس خايف من السلف
تقوله وينك ما شفتك امس يقول مريض وهو صاحي بس عنده عقدة اقول الصدق بسرعه
وربي حتى لو تقوله من تتوقع بفوز الحزم والا برشلونه (في حفل اعتزال مسي

) يقوم يتفلسف خوفا من ابداء راي بسيط في شي واضح جدا
وتجيني اللحين تبيهم يعترفون بقصور في الامور الاجتماعية والعرفية
ياشيخ اذا الحكومه نفسها ما اعترفت بان جده يبيلها شغل الا يوم غرقت ، وما اعترفت بمستوى المنتخب الباهت الا بعد الخمسه اليابانيه ، وللحين ما اعترفوا بضعف التعليم ، ومصايب الصحه ، وبلاوي البلديات والامانات
الاعتراف بالحق فضيله وربي ان تبطي وتفحط بلادي العزيزة في مهاوي التخلف لين تعترف بالقصور وتخلي عنها الغرور


شاكر لك موضوعك اخوي حق الرس والا الامام
