أهلين وسهلين


شخبار الحلوين الامورين ؟؟؟


ان شاء الله طيبين ؟؟؟


الحمدلله


بدخل في الموضوع على طول وبدون مقدمات


بعد ما تعلمتوا شلون تسوون مجموعة في الياهو


لاحظت ان بعضكم سوا المجموعة ببس ما خلاها بادراة او اشراف او مراقبة


يعني


Unmoderated


تدرون يعني ايش ؟؟؟


يعني اي واحد يرسل اي شي للمجموعة ماأحد يقدر يقوله لأ .......كل الأعضاء بيوصلهم الايميل....بغض النظر عن المحتوى سواء كان صورة خليعة والا فايروس مدمر وبركاني


يعني المجموعة اذا كان لها هدف معين مثلا الشعر والقصائد بس ......ما بتحتفظ بشخصيتها لأن كل واحد بيحط اللي يبيه من غير ما أحد يقوله لأ


مجموعة كنت فيها ماكان عليها اي اشراف .........وأحد الأعضاء ارسل ايميل يحذر فيه من مين ؟؟؟


يحذر فيه مني لأني ارسل فيروسات .......وأنا ما ارسلت شي ......بس في طريقة ممكن الواحد يغير اسم المرسل ويشوه سمعة الناس .....ويا ويله من ربي


المهم اني علشانكم سويت شرح مبسط............. اذا اتبعتوا الخطوات السهلة والواضحة ان شاء الله بيصير على المجموعة ادارة واشراف

طبعا لازم تتدخلون على الصفحة الرئيسية للمجموعة


بس على فكرة لازم اي رسالة توصل تشيكونها بين فترة وفترة وتحددون اذا كانت زينة والا نحول يعني مو زينة ...مناسبة والا عزيمة اقصد غير مناسبة


وطبعا لازم تروحون ل


Messages


بعدين


Pending


وتختارون ايش اللي توافقون عليه وايش اللي تحذفونه او ترفضونه (يعني ترسلون رسالة لصاحب الايميل تقول ان ايميلك تم رفضه)


ان شاء الله استفدتوا وفهمتوا وتعلمتوا


ودعواتكم والله معكم