|
نداء من المغتربين في أمريكا للأمير بندر بن ثامر والمشرفين والأعضاء السلام عليكم ورحمة الله وبركاته ساحب السموالأمير بندر بن ثامر..اخواني المشرفين..اخواني الأعضاء، أسعد الله مسائكم (صباحكم) جميعاً، منذ زمن ونحن هنا في أمريكا نطالب اخواننا المسؤولين في التلفزيون السعودي ببث القناة الثانيه الفضائيه بالأضافه للقناة الأولى على أمريكا!... وهي -اي القناة الثانيه- في الحقيقه أجدر بالبث لأنها تحتوي على برامج وأخبار باللغه الأنجليزيه وتحاكي الأجانب.. فالأمركان أو من يملك جهاز الأستقبال للقناة غالباً ما يكون يتكلم الأنجليزيه والأمريكان هنا لا يفهمون العربيه!.. والأن وقد أصبحت القناة الرياضيه تبث على نفس القناة...نتمنا أن تضاف الى القناة الأولى أو - إذا كان هناك مشكلة تكاليف ماديه على الدوله - يلغى بث الأولى وتحل القناة الثانيه مكانها. لقد سبق وأن تحدثنا مع المسؤولين في التلفزيون كما ذكرت وكانوا متعاونين جداً وأخص بالذكر الدكتور علي النجعي الذي ابدا أستعداداً كبيرً لتلبيه طلباتنا - جزاه الله عنا كل خير- ولكن كل مسؤول وصلاحياته كما تعلمون. المسأله ليست معقده كما يتخيل البعض..وهنا أطرح بعض الخيارات الممكنه وأرجو أن تكون مناسبه وأرجو أن لا يترددون الأخوان بأضافة أي خيارات اخرى: 1. يضاف بث القناة الثانيه على أمريكا مع ا لقناة الأولى لتصبح القنواة السعوديه التي يصل بثها الى أمريكا اثنتين (دولة الأمارات تبث أربع قنواة فضائيه على أمريكا دبي، دبي الرياضيه، دبي الأقتصاديه، وأبوظبي الفضائيه) 2. تلغى القناة الأولى وتكون القناة الثانيه هي القناة الوحيده على أمريكا. 3. إذا كانت الخيارات الأولى غير مناسبه..إذاً يعاد بث المباريات من الدوري السعودي على القناة الأولى بعد نهاية البث اليومي بهذه الطريقه لا يتأثر المشاهد في المملكه وفي نفس الوقت يكون الوقت مناسب جداً للطلبه والموظفين السعوديين في أمريكا (من وحوالي الساعه السابعه الى الساعه التاسعه أو العاشره مساءً بتوقيت العاصمه واشنطن). تعلمون انه لولا مشيئة الله ثم ارتباطاتنا التعليميه أوالوظيفيه لما اخترنا البعد عن الوطن الحبيب..وأهالينا وأحبتنا.. وفي هذا الوقت بالذات وبعد أحداث الحادي عشر من سبتمبر.. الحقيقه أن الكثير من السعوديين هنا سواءً طلبه أو موظفين محرومين من هذه الناحيه و يتمنون متابعة الدوري السعودي خاصةً أن الحلول ليست بأعجازيه لا تقنياً ولا مادياً!!.. ويكون ذلك بمثابة تخفيف ولو بسيط عنا. أرجو أن تتم متابعة هذا الموضوع من جهتكم.. والعشم فيكم كبير...وأرجو من الأخوه المشرفين تثبيت الموضوع إن أمكن..ولو لمده قصيره. أما بالنسبه للأخوه الأعضاء فنرجو أن لا تبخلو علينا بمساعدتكم قدر الأمكان والأتصال بالمسؤولين في التلفزيون السعودي أو مطالبة من لكم بهم صله أو علاقه هناك. جزاكم الله عنا كل خير. |
وانا اخوي هلالي كليفورنيا مغترب زيك والله يحفظنا ويحفظك وكل مغترب عن وطنة ويرجعنا سالمين غانمين نعاني نفس المشكلة وياليت لو يوخذ بأحد الاقتراحات ولو على للاقل تختر المبارة الواحدة الى 45 دقيقة لاهم الاحداث . |
اخوي الرزين، شكراً لك...أقتراحك ذكرني بقناة Fox Sports World وهم ينقلون في بعض الأوقات مباراة وتكون من الدوري الأسباني على سبيل المثال...وتكون مدتها ساعه بالضبط..ينقلون فيها أهم أحداث المبارات...حتى اني أول مره شفت الطريقه هذي ما لاحظت انهم يقطعون من المباراة وحسبتها كامله...يعني عندهم واحد متخصص يسوي (editing) للمباراة بطريقه حلوه...وحتى اذا كانت المباراة الكامله (اقصد تسعين دقيقه) ممله بالطريقه هذي تكون أكثر اثاره. فعلاً اخوي الرزين!..اقتراح ممتاز! |
((------------------- والله تعاطفت معكم وياليت ترفعونه الى وزاره الاعلام عن طريق برقيه والامير بندر بن ثامر بعد مهو مقصر بس شكله اليومين هذي مشغول عنا خخخخخخخخخخخخخخخخخخخخخخ الله يوفقه في حياته الزوجيه ان شاء الله |
والله كلامك صحيح وان شاء الله تنحل هذه المشكلة والله ولا حق اننا نشترك بالART اللي كلما تتصل فيهم يقلولولك احنا نحاول ننقلها ... وما عندك أحد !!!!!! وفي الاخير ينقلولك المربع الذهبي كأنك تتفرج أي فيلم من النهاية !!!!!!! وربك يعين ان شاء الله |
فكره ممتازه و تستاهلون اكثر بعد.....انشاءالله سأبذل قصار جهدي لاتمام هذه العمليه من اليوم و باذن الله سأجد طريقه.....ولا يهونون باقي الاعضاء على رأسهم الامير بندر |
والله وانا اشهد انا في شيكاجو و فارق التوقيت بينا والمملكه 9 ساعات ياعني لما تكون في مباره تلاقيني مسانتر قدام التلفزيون من 8 :upset: الصباح وفي الاخير ما تنقل يا صابت يا خابت و للاسف دايم تخيب و من سخريه القدر مباراه المنتخب النهائيه شفتها على قناه فلسطين تخيلوا عشان مباره الهلال كلمت الارت 100 ماره وارسالتلهم اي ميلات و ما نفع والله الغبنه والوني واثق من انه ولا شاي بيصير بس انحاول و المثل يقول الرصاصه الي ما تصيب تدوش <<<<<<<<<<<< لاعباه فيه المسلسلات المصريه :D :D |
يا ليت يسوونها الا اقول ما وصلك التعميم الي من السفارة والله يا هو تعميم 25 صفحه لازم تتقيد بجميع التعليمات الموجوده قبل الذهاب الى دار الفقر(الهجره) علشان نبصم ونسجل معلومات لا حولا ولا قوه الا بالله الله يعدي على خير |
اي تعميم ما وصلني شي |
في احد يعرف اذا مباره الاتحاذ و الهلال منقوله في امريكا ولا لا؟ |
شكراً على تواصلكم ويا ليت الأعضاء يفزعون خاصةً أن فيه خبر ان الرياضيه بتصير فضائيه قريباً. بالنسبه للشباب اللي في أمريكا...أوصيكم بتقوى الله أولاً... ثم بعدم التباطئ في مسألة التسجيل مع دائرة الهجره..ترا الوقت يطير.. وترا كلها كم سوأل وبصمه وانتم طالعين...واللي ما سوى شي غلط ما يخاف من شي..وأهم شي اتكلوا على الله سبحانه وتعالى. مهم!.. يا ليت الطلبه اللي راحو وسجلوا يشاركون هنا ويعطونا انطباعاتهم عن اللي صار لهم أثناء التسجيل...عشان اللي ما راحوا يستفيدون ويكونون مستعدين أكثر. وشكراً لكم مقدماً. |
الله لنا أخوي هلالي كاليفورنيا،، بالفعل كم هي معاناة تتبع أخبار ومباريات الهلال في أمريكا .. فالقناة الأولى لم تعد تنقل أي مباراة كرة قدم بعد انطلاق القناة الرياضية (الأرضية) .. أما الـART فقليلاً ما تنقل مباريات للهلال تقتصر في بعض مباريات القمة والنهائيات فقط .. لا أرى أي ضير من نقل المباريات مسجٌلة على القناة الأولى صبيحة اليوم التالي لأي مباراة نُقلت على القناة الرياضية بدلاً من الفراغ البرامجي الذي يسود فترة البث الصباحي للتلفزيون السعودي.. الله يكتب اللي فيه الخير ويلقى هذا الطلب القليل من الإهتمام.. تحياتي،، أخوكم، أبوسعد |
انشا الله تنحل هذه المعاناااه ......... زييييين ما فييه بامريكا اورربت ESPN ...... انا اخبرر بالصيييف لما كنت بامريكا كان فييه اوربت ESPN .... بس ما ادري هل تجيييب الوري السعودي ..... لان اذا ما كنت مضيع انه ان لESPN بثيين واحد للشرق الاوسط و الثاني للامريكا ...... و شكرا |
أخوي ابو سعد.. شكراً لتواصلك معنا..ومثل ما قلت "الله يكتب اللي فيه الخير ويلقى هذا الطلب القليل من الإهتمام" أخوي زعـــ( اسيا )ـــيم.. ال ESPN اللي في أمريكا تختلف عن اللي تبث على اوربت..حنا نتمنا أن الأوربت تبث على أمريكا. بعدين ألأقربون أولى بالمعروف...المفروض المسؤلين في وزارة الأعلام يوصلون القناة الرياضه عندنا..بس الشكوى على الله. شكراً لك |
يااااااااالييييييييت والله انا في ولايه الاباما والفرق بيننا وبين الرياض 9 ساعات في الشتاء ..... وكل صبحيه من الساعه 8 عند التلفزيون وماغير فرفره ولازم كل يوم اسوي ابديت للداتا في الدش يعني عن قولت امكن تطلع القناه الثانيه او الثالثه ههههههههه تصدق ان يازين التلفزيون قبل مايطلعون هالعله الثالثه ....... انا عندي راي ثاني ... انهم يصكون القناه الثالثه ويرجعون المياه لمجاريها .... بلى ثالثه بلى بطيخ .....الحين من اول نشوف شوط او نص ... اما الحين فاقعد بها ..... على الله ثم على ana ام بي سي ... وال ام بي سي ماتنقل شي .... انا اشهد ياقناه فلسطين هي اللي نقلت مباريات كاس العرب ههههههههه هذا وهم في اسو الحالات ماديا وكل شي وناقلين المباره لامريكا ... موب مثل XXXXX الله يخلف بس ...... انا داري بتصير القناه فضائيه بس على العربسات ... يعني بس على الدول العربيه واللي حولها ... يعني مهيب لم امريكا .... يعني بنقعد بها ..................... انا من رايي انهم يصكون هالاولى ويحطون الثانيه والله ابرك وشكرن اخوي على الموضوع اللي صدق مهم للي مثلنا وياليت يعطونه وجه المسولين |
| الوقت المعتمد في المنتدى بتوقيت جرينتش +3.
الوقت الان » 10:02 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd