قصتي مع ( الهلال الاحمر ) وحملة (911) - نادي الهلال السعودي - شبكة الزعيم

المنفهق · #1 21/01/2011, 03:37 PM

السلام عليكم ورحمة الله وبركاته

مساكم الله بالخير ومبروك الامطار والخير واسأل الله ان يجعله صيبا نافعا للمسلمين

جايكم اليوم بسالفه صارت لي واتوقع مرت علي غيري كثير

قبل فترة كنت جالس بالاستراحة بامان الله ومبسوط وكان وقتها الوالد مسوي عملية بالكبد

وتعب علينا الله يشفيه حتي استقرت حالته ورحت الاستراحه ذاك اليوم بعد ما تطمنت عليه

وجاني اتصال من اخوي يقول الوالد تعبان اطلب اسعاف وتعال وطلعت بسرعه وابتصل علي

الهلال الاحمر وانسي رقمهم من الربكه والاستعجال وادق علي الدفاع المدني واقفل لاني تذكرت انه مو هو

واتصل علي رقم ثاني ويطلع لي المخدرات لاحول ولا قوة الا بالله قلت له كم رقم الهلال الاحمر \

قال 997 ( رقم جوال هذا مو اختصار ) واتصل عليهم والحمد لله يجون بسرعه وقاموا بالواجب واكثر

وكنت اتكلم مع المسعف وقلت له السالفه قال هذي مشكله نعاني منها الناس ما تحفظ الرقم

وكانت جنسيته جنوب افريقي قال المفروض الرقم للطوارئ موحد قلت الشكوي لله ودنا بس ما يحصل

المهم ياليت المسئولين يوحدون رقم الطوارئ ويريحون الناس بأسرع وقت لانه وقت الحادث الانسان مستحيل يفكر

بهدوء بس لما يكون فيه رقم موحد لجميع حالات الطوارئ اتوقع راح

يحفظونه الناس ويتصرفون بسرعه من ناحية الاتصال .

مع تحياتي للجميع

حروف الغلا · #2 21/01/2011, 03:50 PM

997 هذا الرقم بالامارات للمطافي
الله يشفي الوالد
ربي يوفقك

س ا م 6 · #3 22/01/2011, 12:13 AM

كلامك صحيح

المفروض يوحدون رقم الطوارىء ..

و يكون التبليغ من المديريه العامه .. و المديريه تقوم بدورها و تبلغ الجهة المختصه

و لاهنت على الموضوع

و الله يشفي والدك بالسلامه

بِنتْ آلهِلآل =$ · #4 22/01/2011, 12:29 AM

_

كَلآمْ سَلِيمْ .. وآكِيدْ توْحيِدْ آلآرْقَآمْ رَآحْ يوفِرْ كثِيرْ مِنْ آلوقَتْ ,
لإنْ آلنَآسْ بتْكوُنْ بِ موْقِفْ صَعْب .. مآيحْتملْ آلإنْتَظآرْ وآلرَبْكه ,

وآلله يَشْفيْ آلوآلد .. ويَخْليّه لكُمْ إنْ شَآء آلله ,
عَآفآكْ يَ آلطيّب |

مـوت ومـيـلآد ! · #5 22/01/2011, 12:36 AM

ألله يششفي ابوك ويقومه بآلسسلآمه أن شششآإء الله

!
عآد تصدق والله مآ أعرف ولآ رقم من حقين الطوآرئ وهيك ششغلآت

!
يعني لو صآر لنآ شي دقيت على ـأآ بيتنآ

, هو الوحيد اللي حآفظته

! <<--

حاتم · #6 22/01/2011, 01:26 AM

اخااف بااكر يوحدون الرقمـ وتحصلهمـ بدل ما يرسلون لك اسعاااف تحصل جيب جوزات عند البااااب هههه

بس عرفتمـ حاليا ما هي فاائدة كتاب الوطنية الذي بدى معناا من الصف رابع ابتدائي وحتى انتهاء ثالث ثاانوي ولو على كيفهم معك بالجاامعة بس مـن المهم حفظ ارقااام المهمة لا قدر الله لو نسيت الرقمـ او لم تحفظة ووقت الحاجة نسيت هذه الرقم

تكوون انت السبب لا قدر الله بوفااة او حريق او من هذه الكلام

الله يشفي اباااك ومشكووور ’’

هلاليه سنعه · #7 22/01/2011, 01:38 AM

وعليكم السلام ورحمة الله وبركاته

اهلا اخوي المنفهق
الحمدلله على سلامة الوالد الله يحفظه لكم ..
ياليت يعمل بها الاقتراح لأن الواحد مع الروعه وام الركب
مايدري وش الارقام اللي يتصل عليها
911 صراحه برنامج رائع واثر فينا ..
لدرجة حفظناه اكثر من ارقام الطوارئ عندنا ..
يعني حتى اطفالهم تعلموا وكيف طرق الاسعاف
وحسن التصرف ..
الله يحمينا وياكم من كل شر ..
يعطيك العافيه ..

دمتم بخير ..‘‘

Fahad Al Sudais · #8 22/01/2011, 09:49 PM

إقتباس

الرسالة الأصلية كتبت بواسطة المنفهق


	وكانت جنسيته جنوب افريقي

اكثر شي شدّني من موضوعك هالجملة.. او خلني اقول ( استفزّتني )

سؤال عريض جداً بعرض السماء : ليش جنوب افريقي ؟؟

جمعية الهلال الاحمر.. او عفواً نسيت هي اصبحت الآن ( هيئة )

منظمة حكومية تجسد لنا المعنى الحقيقي لكلمة ( عبء ) على البلاد والعباد

الاسعاف في حقيقته يكاد يكون أهم عمل على وجه الارض.. (( وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا ))

وهيئة الهلال الاحمر السعودي تكاد تكون أسوأ جهة على مر التاريخ

( الجنوب افريقي ) يتم استقدامه ليقود سيارة الاسعاف ويقوم بأعمال اسعافية بدائية لا مبهر فيها ولا جهد يشكر
ومقابل ذلك يقبض من الاموال مايقترب به الى مستوى سيء الذكر ( قارون )

و ( السعودي ) يتم التضييق عليه ويستلم ( ملاليم ) و ( طفسة ) فلوس تقترب به الى مستوى البائس ( البوعزيزي )
ليمل ابن الوطن ويهرب الى سوق الخضار فيبحث عن رزقه بين كيس بصل وصندوق طماط

يا سمو رئيس الهيئة

ليس التطوير بجلب ( مبتدئين ) من استراليا وجنوب افريقيا برواتب فلكيه ليتدربوا على ايدي السعوديين المغلوب على امرهم

ليس التطوير بجلب ( مسعفات ) من جنوب افريقيا برواتب خيالية.. لنكتشف اننا امام ( المتردية والنطيحة وما اكل السبع )

التطوير ياطويل العمر يكون بما يلي :

1- تحديث اسطول سيارات الاسعاف بمركبات متطورة
2- افتتاح مراكز فرعية منتشرة في جميع انحاء المدينة لضمان سرعة الاستجابة والوصول
3- انشاء معاهد تدريب ( رجالية - نسائية ) تخرج لنا كادراً مقتدراً وطنياً
4- إلزام المستشفيات الخاصة بالتعاون مع مسعفي الهيئة ومنع سيارات الاسعاف الخاصة بهم
5- اعطاء صلاحيات اشمل واكبر وزيادة العلاوات والبدلات بما يتوازى مع الجهد المبذول

اخيراً.. من يصدق ان مسعفي ومنسوبي الهلال الاحمر لا يتمتعون بالتأمين الطبي !!

حاتم · #9 22/01/2011, 11:24 PM

^^^

يدورون الرخيص والكويس ؟؟؟

قبل فترة اعلنـت وزارة الصحة عن جلب اكثر من 2000 دكتور من افريقيا {{ مصر ـ سودان ـ جنواب افريقيا }}

وبالتووفيق للجميع

داق لطمة · #10 23/01/2011, 12:37 AM

ايه ذكرتني فيه رقم اتوقع محد يدري عنه

112

هذا الرقم لو انت بالربع الخالي وما عندك شبكة تدق على هالرقم يردون عليك

نرجع للموضووعك
الله يشفي لك الوالد والمفرووض انهم يحطون رقم موحد لجميع الدوااائر المهمة زي الاسعاف والهلال الاحمر والدفاع المدني والشرطه وكل شي ...

.. الله يعين ..

زعيم يعشق الزعيم · #11 23/01/2011, 04:29 AM

الله يشفي ابوك ويقومه بالسلامه..

أمممممم.. أنا كنت مثلك ناسي ارقام الطوارئ ..

ألين ماشريت الآي فون

فحملت برنامج لقيت فيه كل ارقام الطوارئ والخدمات بالمملكة..

حتى فيه أرقام وخدمات أول مره أسمع به.. مثلا 966 .. هذا رقم للتبليغ عن الكوارث الطبيعية

990 المباحث العامة

وفيه المباحث الادارية والرقابة التجارية وجمعية حقوق الانسان وشكاوى الأمانة وحماية الحياة الفطرية وألخ ألخ

يعني كل شي تحتاجه وماتحتاجه بتلقاه.. فأنصحك اذا عندك آي فون حمّله وأذا ماعندك أشتر وحمّله

الله يحفظ الجميع ويبعد عنهم كل مكروه..

الوافي22 · #12 23/01/2011, 06:17 AM

إقتباس

الرسالة الأصلية كتبت بواسطة داق لطمة


	ايه ذكرتني فيه رقم اتوقع محد يدري عنه 112 هذا الرقم لو انت بالربع الخالي وما عندك شبكة تدق على هالرقم يردون عليك .