|| تقديم ذهاب الدور نصف النهائي #90 .. اشبيلية ضد الريال في قمة كبيرة .. وبرشلونة يستضيف ألميريا في اللقاء الآخر || - صفحة رقم 6 - نادي الهلال السعودي - شبكة الزعيم

ريفآلدوٍ · #76 24/01/2011, 01:50 AM

إقتباس


	يعني كشغل دفاعي وضغط بدون كرة ... مااشوف الفكر او المنهجية اختلفت .. ممكن صار الفريق افضل من ناحية التمركز من هالناحيه (لكن برضو هالشي يعود لسبب بكتبه تحت ، وهو نوعية اللاعبين بشكل عام)

معليش ياكبيتانو الظاهر الاصابة باخر مباراة لازال اثرها موجود

حسين من جدك كان الظغط على حامل الكورة عندنا هو نفسه ؟ .. ماكنت اشوفه للأمانة ايام ريكارد ! .. خصوصا الاطراف واتذكر ان اظهرتنا الدفاعية كانت تعاني بحكم ان رونالدينهو وجولي مايساعدون بالتغطية وخصوصا روني ! .. اتذكر مباراة مانشستر اللي بالاولد ترافورد ! .. زامبروتا عانى الامرين في جهته واغلب مواجهاته كانت ماتتضمن لاعبين من المان ضده وحده ! .. هالشئ مانشوف ابد مع بيب ! .. الظغط تغير وبشكل كبير ! .. الكل يركض ورى الكورة كنها اخر دقايق المباراة ! .. وحسب ماشوف ان التغيير الابرز واللي احدثه بيب هو الظغط والقتالية ! ..

مايخص نقطة البناء من الخلف ماشوف فيها هذاك الاختلاف ! .. بيكيه بعهد بيب وماركيز

بعهد ريكارد ! .. نفس طريقة البناء ولو اني افضل ماركيز وياكثر ماشفنا تمريراته الطويلة اللي دايم يتلقاها روني

.. مشهد كنا نشوفه بالمباراة عشر مرات

.. بمعنى صناعة اللعب من الخلف كانت متواجدة وبشكل رائع بعد ريكارد ! .. بيكيه يادي نفس دور ماركيز ببدء الهجمة من الخلف ! .. وبكذا تقريبا اشوف مسالة بناء الهجمة بعهد المدربين متقاربة ! ..

ماخطر ببالي من شطحة

.. وتلقى الانبراشة كبتنا العزيز

..

سلآم

PUYOL Carles · #77 24/01/2011, 02:10 AM

^^

انظر لما بين القوسين

+ اني لمحت انه مفهوم الكرة مابين المدربين مختلف شوي بغض النظر عن تشابه مدارسهم .. ايمانهم باسس نجاح اسلوب كرة القدم الا يبغوه مختلف

نوعية اللاعبين اختلفت .. اختيارات ريكارد للاعبين غير اختيارات بيب .. تركيزهم على تفاصيل مختلفه عن بعض ..

انا قلت كمنهجية او فكر ماختلف الشي كثير .. لكن باختلاف نوعية اللاعبين .. فرق مستوى الشي .. صار فيه فعالية وجوده اعلى من هالناحية + التحسن من الناحية التكتيكيه و التمركز .. بس اشوفه برضو متداخل باختلاف نوعية او عقلية اللاعبين

وش الا بيخليه يطير رونالدينيو ؟ ابرا ؟ هالتفاصيل الصغيره

البناء من الخلف .. تغيرت من ناحية انه النادي اصبح جماعي اكثر ويحب يسيطر على الكرة .. لما بيب يقول بشكل علني "احنا بدون كورة فريق كارثي" .. حط في بالك كم بيشتغل على انه يضمن انه الشي يصير زي مايبغا ..

فترة ريكارد .. فيها تشابهات كثيييرة من الفريق الحالي .. لانهم يتشاركو فلسفه وحده بشكل عمومي ويتشاركو في بعض اللاعبين .. لكن .. ماكان بجماعية الفريق الحالي .. ابدا ..

انييستا يقول كنت اضحك لما يقولو انا وتشافي مانقدر نلعب مع بعض .. على الرغم من اني استمتع معاه .. طيب كان فيه شئ مودائما فعال في فترة ريكارد اذا شاركو هالاثنين .. لكن الحين عادي .. ليش .. الفريق مومهتم يروح لقدام كثر ماهو مهتم يمهد لحركة الكورة والتنويع فيها ..

ماكنا نشوف فكتور فالديز متداخل في اللعب كثر الحين

لما تشوف وش كثر الفريق مايحب يطير الكورة بشكل عشوائي ويفضل يحتفظ بها ورى حتى في اصعب الظروف .. هنا بتشوف انه العقلية اختلفت

وجود مدافعين كابيدال والفيس وبيكيه .. طورت كثير من عملية اخراج الكرة .. عكس قبل الا لما كان الفريق احيانا يختصر امور كثيرة ويرسل كورة طويلة الى رونالدينيو .. يس ، كان هالشي فعال جدا .. بس ماكان لوقت طويل

بيكيه وماركيز يتشابهو صحيح في الكرات العاليه او اسلوبهم .. لكن بيكيه فعال اكثر في الأرض .. الولد متنوع ومتمكن اكثر من رافا

ولا ننسى انه فيه فرق كم سنة بين فترة المدربين .. والكورة تتغير في بعض الاشياء من فترة لفترة

alking yasser · #78 24/01/2011, 02:52 AM

اكد الموقع الرسمي للنادي وصحيفه سبورت إصابه "كارلويس بويول" بأوتار ركبته اليسرى وتحديداً العضله المتسعه سيغيب على اثرها عن مباراه "الميريا" القادمه بالكأس .

ويذكر ان "بويول" قد خرج ودخل "بيكيه" ليعوضه بدايه الشوط الثاني من مباراه "راسينغ" وبذلك سيكون الغائب الثاني مع "الفيس" المصاب ايضاً .

اكد الموقع الرسمي للنادي وصحيفه سبورت إصابه "كارلويس بويول" بأوتار ركبته اليسرى وتحديداً العضله المتسعه سيغيب على اثرها عن مباراه "الميريا" القادمه بالكأس .

ويذكر ان "بويول" قد خرج ودخل "بيكيه" ليعوضه بدايه الشوط الثاني من مباراه "راسينغ" وبذلك سيكون الغائب الثاني مع "الفيس" المصاب ايضاً .

Puyol farà tractament en el seu genoll esquerre | FCBarcelona.cat

الله يعين ع غيابهم المؤثر بقووووة

ريفآلدوٍ · #79 24/01/2011, 04:37 AM

الحين راحت الاصابة يآكارليس

نقطة بسيطة بس

إقتباس


	انظر لما بين القوسين + اني لمحت انه مفهوم الكرة مابين المدربين مختلف شوي بغض النظر عن تشابه مدارسهم .. ايمانهم باسس نجاح اسلوب كرة القدم الا يبغوه مختلف

كمدرسة ذكرت التشابه بالظغط دون كرة ! .. هالشئ انا خالفتك فيه ! .. يمكن تشابه المدارس بالشق الهجومي بس ! .. ومثل ماذكرت انت بيب قال حنا بدون كرة زلايب

.. وهالشئ يبين ان فترة ريكارد الدفاعية سيئة ! ..

إقتباس


	نوعية اللاعبين اختلفت .. اختيارات ريكارد للاعبين غير اختيارات بيب .. تركيزهم على تفاصيل مختلفه عن بعض .. انا قلت كمنهجية او فكر ماختلف الشي كثير .. لكن باختلاف نوعية اللاعبين .. فرق مستوى الشي .. صار فيه فعالية وجوده اعلى من هالناحية + التحسن من الناحية التكتيكيه و التمركز .. بس اشوفه برضو متداخل باختلاف نوعية او عقلية اللاعبين وش الا بيخليه يطير رونالدينيو ؟ ابرا ؟ هالتفاصيل الصغيره

+1

أطربني يآهوه

.. هنا الكلام ! .. التمركز ! .. صارت فيه تحركات في حاله الهجمة بشكل مربك للخصم ! .. انطلاقات للكل ومن كل جهة ! .. ألفيش يمين ! .. بيدرو يتوغل ! .. ميسي يوقف برا ! .. انييستا يضم للداخل ! .. اكثر من لاعب يتمركز وينطلق مع الهجمة بشكل يصعب مامورية مجاراة هجمة البرشا ! .. في عهد ريكارد كان التركيز الأكبر على طريقتين ! .. ايتو يكون بوضع تسلسل ! .. باص طويل من رونالدينو لجولي المنطلق من الخلف ! .. كشكل ثاني رونالدينو لايتو بشكل مباشر سواء كباص ارضي او عالي ! ..

ككلام عن نوعية اللاعبين ومثل ماذكرت ! .. بيب مايعجبه اللاعب اللي يكتفي بدور واحد ! .. كرونالدينو ! .. صعب تشوفه يرجع يقطع الكورة ! .. ديكو ؟ .. مزاجي ! .. ابراهيموفيتش ! .. نظام أنا أكبر من النادي ! .. كل هذولا مايناسبون طريقة بيب التدريبية ! .. بعكس عهد ريكارد ! .. وياكثر ماسمعنا مشاكل ! .. وخصوصا من ايتو ورونالدينو ! .. ولاشفنا من ريكارد ردة فعل ! ..

إقتباس


	لما تشوف وش كثر الفريق مايحب يطير الكورة بشكل عشوائي ويفضل يحتفظ بها ورى حتى في اصعب الظروف .. هنا بتشوف انه العقلية اختلفت وجود مدافعين كابيدال والفيس وبيكيه .. طورت كثير من عملية اخراج الكرة .. عكس قبل الا لما كان الفريق احيانا يختصر امور كثيرة ويرسل كورة طويلة الى رونالدينيو .. يس ، كان هالشي فعال جدا .. بس ماكان لوقت طويل بيكيه وماركيز يتشابهو صحيح في الكرات العاليه او اسلوبهم .. لكن بيكيه فعال اكثر في الأرض .. الولد متنوع ومتمكن اكثر من رافا

سهل انك تمرر بوجود لاعبين مثل ألفيش وبيكيه بالخط الدفاعي ! .. عكس لما يكون اوليغير متواجد معك بنفس الخط

.. بس برضو ماننكر دور بيب ! .. تقريبا بالمباراة كاملة ماتشوف الا عمليتين او ثلاث لتشتيت الكورة ! .. بينما الباقي تعتمد على تداورها لحد مايخف الظغط ويبدى بنيان الهجمة من جديد وبشكل منظم ! .. الأمور البسيطة هذي هي اللي تميز فترة بيب ! .. التفاصيل الصغيرة اللي تقول عنها هي اللي احدثت الفارق الكبير ! .. اوكي ريكارد تشامبينز ودوريين ! .. بيب سداسية للذكرى ! .. هنا فرق التفاصيل الصغيرة ! ..

----------------

كثروا من هالاسالة

.. للأمانة متعة

.. لاهنت اخوي بدر مرة اخرى

سلآم

hilalemooot · #80 24/01/2011, 10:02 AM

إقتباس

الرسالة الأصلية كتبت بواسطة THEO WALCOTT


	هلا صديقي المنشستراوي ترى أكثر مباريات أحب أتابعها بالاسباني هي مباريات فالنسيا لذلك ما تكلمت من راسي الحكم زرف اسبانيول و ليفانتي و ملقا و كلها قدامكم ماتا هدفين من تسلل واااااضح قدام اسبانيول و ليفانتي و مباراة ملقا أتوقع واضح الفلم اللي صار و لا تحاول تنكر طردين البلنتي استهبال و كمل عليها و طرد بلغريني اللي انغبن من اللي صاير .

هلا صديقي الارسنالي

اجل بلنتي ماتا سواليف .. قلي انك تستهبل يبو حميد

بلغريني اشوفه قرار قاسي بحكم الظغط اللي كان عليه بس الحكم شاف انه احتج كثير خصوصاً حكم الرايه تراه طول المباراة وهو ناشب له مع انه ماله ذنب باغلب الاخطاء .. ياخي انا اخبر المدربين اذا يبون يعترضون يتكلمون للحكم الرابع .. بلغريني قالبها مناحه مع حق الرايه

.. بعدين مدرب وانطرد وخير ياطير يعني .. حسستني انه كان يصخن وبينزل يقلب النتيجة بس طرده الحكم

لـ تحميل هدف اللقاء الوحيد لـ فالنسيا عن طريق اللاعب ماتا اضغط هنا :: اضغط هنا ::

بالنسبة للهدف اللقطة صعبة بالذات في الثانية 55 تقريباً .. اللاعبين اقرب مالهم على نفس الخط .. بس ميلان جسم ماتا يحسسك انه متسلل .. عموما اللقطه صعبة

عموماً دامك متابع فالنسيا فمعناته ملحق على الاخطاء التحكيميّة اللي تعرض لها الفريق .. فلا تقول زرف رجاءاً قل شوية تعويض

Mr.Anfield · #81 24/01/2011, 10:42 AM

الف مبروك فوز الريال

واضح الفريق يحتاج مهاجم مع قله فعاليه بنزيما
الفريق امس حاول من كل الامكان لكن إنهاء الهجمه ماكان بالشكل المطلوب
عموماً مثل ماقلت .. ماينقص الريال إلا مهاجم فقط

الف مبروك البرشا

BENZEMA10 · #82 25/01/2011, 12:17 AM

بيلباو 2 - 0 هيركوليس

خافي مارتينيز الدقيقه 4
لورينتي الدقيقه 59

الدقيقه حاليا 60

مونيايين يصعّب الأمور على هيركوليس
و يسجل الهدف الثالث في الدقيقه 65
بعد تمريره خاطئه في منتصف الملعب
تقدم بالكوره و حطّها بكل هدوء برجله اليسار

3 - 0 لـ أسود الباسك
الدقيقه 67

Hilali 3asal · #83 25/01/2011, 12:19 AM

اتلتيكو بلباو وهيركوليس النتيجة 2/0 للباسكيين الدقيقة 58 من المباراة

الأول من خافي مارتينيز في الدقيقة 4

والحين الهدف الثاني من لورينتي

Strange Mad · #84 25/01/2011, 01:31 AM

إقتباس

الرسالة الأصلية كتبت بواسطة PUYOL Carles


	+ الشئ الاهم ، بيب مومخليهم يتخدرو .. على الأقل الى الحين !

هنا الشيء اللي مجنني في قوارديولا .. بصراحة قوارديولا اظهر تميز خارق لحد الان في مسيرته التدريبية من ناحية الجوانب النفسية ..

.. نوعية فوارديولا لحد الان اشوفها هي الاميز واللي تقدر توفق بين التميز التكتيكي والنفسي ويمكن اي واحد يشوف برشلونة والمستوى الفني اللي يوصل له يقول اكيد المباراة الجاية راح يطيح مستواهم اوعلى الاقل الطموح عندهم ينزل لكن هالشيء ماصار ابد .. هنا انت ماتقدر تنسبها الا للمدرب لان اللاعبين ممكن يمشون الفريق بمدرب سيء لمباراة او مباراتين لكن كل هالفترة وبنفس الرغبة والحماس هذا رائع ويحسب لبيب تماما .. هذا غير ان الفريق الفريق برا ملعبه نفس ماهو في ملعبه وافضل بعد واللي ايضا تمثل لك شخص قادر يبعد لاعبيه عن الضغوط الخارجية ..

مع ايماني بان قوارديولا لا زال في بداياته وماتقدر تعطي حكم نهائي عليه الا انه افضل من ريكارد بدون شك ..

بالنسبة للضغط على حامل الكرة واللي اشوفها في فريق بيب اضعاف ماكنت موجودة قبل وفي ظني انها السبب الاول لنسبة السيطرة المهولة اللي يسويها البرسا بل ان فيا وبيدرو اذا كانت الكورة مع دفاع الخصم في بداية ملعبه يكونون هم خط الدفاع الاول للفريق .. واقرب مثال واللي يبين لنا ان هذا اسلوب بيب ابرا العام الماضي واللي كان يجري ويضغط بشكل غير معتاد عليه وماشفناها فيه مع الفرق اللي لعب معها قبل لكنه بعدين قل عنده هالشيء وغطرسته لها دور كبير وهذا الشيء اللي مايناسب بيب ..

نقاش حلو

Hala Madrid · #85 25/01/2011, 05:24 AM

جوناس .

المركز : مهاجم .
العمر : 26 .
من : جريميو البرازيلي .
الى : فالنسيا .
قيمه الصفقه , 1,2 مليون يورو .
مده العقد : 4 سنوات .
الاعب هداف الدوري البرازيلي .

as

Royal Lover · #86 25/01/2011, 06:26 PM

،

مبروك فوز الريال ..

ما تابعت المباراة لظروف الاختبارات .. لكن الواضح أن الريال وجد صعوبة كبيرة
في المباراة ! و تغيير التشكيل منذ البداية والزج بـ قرانيرو وقاقو !والإبقاء على ألونسو
في دكة البدلاء ..
مفارقة عجيبة اذا ما تابعت مباراة للريال يسجل بنزيما هدف ههههه

Hala Madrid · #87 25/01/2011, 11:34 PM

عقوبات من الاتحاد الاسباني :

ميسي : غرامه 2000 يورو لعرضه قميص داخلي في المباراه .
ويلينغتون " ملقا " لقوله للحكم في مباراه فالنسيا : " ابن العاهره

" ايقاف مباراتين .
ابونو " ملقا " : لقوله للحكم : انت نذل ايها الوغد هههههههههه

. ايقاف 3 مباريات .

عقوبه ميسي عشان محد يقول شيء عادي ويخترع قانون , الماده 91.1 من نظام الاتحاد الاسباني يمنع رفع القميص ووضع الاعلانات او الصور او عناوين او شعارات .

as

Hilali 3asal · #88 26/01/2011, 12:03 AM

^^^^

تدري اكثر شي اضحكني بالقرار بالنسبة لعقوبة ميسي انها غرامة مالية + تسجيل بطاقة صفراء عليه مع ان الحكم ما اعطاه أي بطاقة .

يعني الغرامة المالية مفهومة والقانون واضح مافيه كلام ، وحتى الفيفا تطبق نفس القانون واذكر انهم فرضوا غرامة على انيستا مع منتخب اسبانيا بعد ماسجل الهدف في النهائي وخلع القميص والفانيلة اللي تحت مكتوب عليها اسم لاعب اسبانيول اللي مات دانيال خاركي ، لكن اول مرة اسمع اتحاد محلي يعاقب لاعب بتسجيل كرت أصفر عليه والحكم ما اعطاه أي شي ... يعني اعرف الاتحادات تفرض ايقاف او غرامة اوكيه اذا كان خطأ فادح لكن تعاقبه انك تحسب ضده كرت اصفر مدري حسيتها نكتة .

Hala Madrid · #89 26/01/2011, 06:11 AM

^

ابو سلطان معروف ان الاعب الي يفصخ فانيلته ياخذ كرت , ميسي رفع نصها والحكم مشاها له بالمباراه , فالاتحاد الاسباني رجع للـ اللقطه وغرمه مع اضافه الكرت الي كان مفروض الحكم يعطيه , على فكره الاتحاد الاسباني وبعد نهايه كل جوله يسوي بيان بالعقوبات لكل جوله يعني لا تحسبون انهم متعمدين عشان ميسي .

Royal Lover · #90 26/01/2011, 10:36 AM

|| ذهاب الدور نصف النهائي ||

نعود مجدداً للبطولة الثانية بطولة كأس الملك بعد إنقضاء الجولة الـ 20 ، وصلت البطولة إلى مراحلها الأخيرة وبالتحديد الدور قبل النهائي والتنافس
كبير وقوي بين الأندية الأربعة وهم : الريال - برشلونة - إشبيلية - ألميريا .. وسيلتقي في ذهاب هذا الدور ريال مدريد ضد إشبيلية في ملعب السانشيز
بيزخوان في الأندلس ، بينما يستضيف برشلونة متصدر الليغا ألميريا في ذكرى لـ اللقاء الأخير بين الفريقين الذي إنتهى بـ 8 أهداف لـ لاشى لِ
الفريق الكاتلوني .

|| المتأهلين للدور نصف النهائي ||

- إشبيلية : تأهل إشبيلية لهذا الدور بعد ما سحق فياريال بثلاثية نظيفة سجلها كلاً من : ريناتو و كانوتيه و رواناو ويذكر أن الذهاب أنتهى بالتعادل
الإيجابي 3 - 3 .

- ألميريا : وصل ألميريا إلى الدور نصف النهائي بفوزه على الديبور 3 - 2 في الريازو ويحقق المفاجأة بإقصائه لـ لاكورونا .. وكان لقاء الذهاب من
نصيب ألميريا بفوزه بهدف وحيد .

برشلونة : رغم خسارته في إياب الدور الماضي من بيتيس بثلاثة أهداف لهدف وحيد إلا أن الفريق الكاتلوني حجز مقعده في الدور نصف النهائي وأستفاد
من فوزه العريض في الذهاب بخماسية نظيفة .

ريال مدريد : الريال بدوره أكمل عقد الفرق الأربعه بعد ما أنتصر بهدف يتيم لـ نجم الفريق الأول كريستيانو رونالدو في الدقيقة 22 .. 4 - 1
في مجموع المباراتين .

|| ترتيب الهدافين ||

1 ) ألفارو نيغيريدو .. ’’ 8 أهداف ‘‘
2 ) كريستيانو رونالدو .. ’’ 6 أهداف ‘‘
3 ) خوسي أولوا .. ’’ 6 أهداف ‘‘
4 ) ليونيل ميسي .. ’’ 5 أهداف ‘‘

|| مباريات ذهاب الدور نصف النهائي ||

الأربعاء 26 يناير 2011

إشبيلية × ريال مدريد
اليوم الأربعاء | الساعة 10 بتوقيت العريجاء

على قناة الجزيرة الرياضية +2
بتعليق / حفيظ دراجي
الملعب : على ملعب سانشيز بيزخوان

برشلـونة × ألميريـا
اليوم الأربعاء | الساعة 12 بتوقيت العريجاء

على قناة الجزيرة الرياضية +2
بتعليق / رؤوف خليف
الملعب : على ملعب الكامب نو

نقاش :
- توقعاتك لِ مباراتي نصف النهائي ؟
- التشكيلة اللي تتمنى أن يدخل فيها فريقك ؟
- اشبيلية ضد الريال قمة الجولة رأيك الفني حول اللقاء
ومدى صعوبة اللقاء على الفريقين ؟
- برشلونة وألميريا وذكرى الـ 8 .. هل سيتجاوز البرشا ألميريا
بسهولة أم لألميريا كلام ثاني ؟

أنطلقوا وأعذروني على التأخير ..