|
طيبة القلب خذها و ع اقرب برميل :( السلام عليكم :ga: ياناس ابي اعرف وش الزين بالتطعيس دق علي خويي من صباح الله خير قم الجو روووعة وانا اقول بنفسي ياليل هالسعوديين ماقد شافوا سحاب <<<<يبي يعلمكم انه مولود بالريف الفرنسي :d المهم طلعت معهم واخرتها ع طعوس ع طريق الدلم كل دداسن الخرج واي سيارة لها صندوق(حوض) تلقاها هناك وبرررد ومطر واا قاعد اطالع هالسيارات اللي ترقى وتتزل وسيارات تغرز :s5s: الله يصلح اخوي اللي مزعجني ع التطعيس ومطامر من ديرة لديرة عشان هالتطعيس :s5s: المهم هي هوايات واذواق مثل مافي ناس صوفية ماتحب الكووورة في ناس ماتت ع الكورة :alzaeem: المهم خلني اتكلم بموضوعي اللي بالعنوان :cry: كان قبل سنتين في واحد من عيال حارتنا تقاعد ابوه ونقلوا للرياض عااد حنا لنا سنتين تقريبا ماشفناه من يوم نقل :s5s: جاا واحد من اخوياي اللي بحارتنا القديمة قال علاوي تذكر خوينا فلان قلت اي صحيبك قال اي قال انت عندك شي الخميس عاادي اطلع معك بسيارتك للرياض :laugh: قلت اووك نو بروبلام انا بشوف اهلي ان ماكان يبون مني شيء ثم بعلمك :laugh: جا الخميس وخلصت مشاوير اهلي وكلمته قلت هاا بينا نطلع له قال يلا :s2: قلت كلمه شف وين ساكن قال طيب رحت اصلي العشا يوم طلعت كلمت واحد من اخوياي - اعز اخوياي- قلت بطلع بعد شوي مع فلان :ba1:للرياض يبي يشوف صقيق له يعزه واجد له سنتين ماشافه :ba1: قال لنا صقيقي مالك دااعي ليه انت تعطي فلان وجه كنسل الطلعة فلان مايستاهل ومافيه خير :s5s: والله ذا اللي تسويه له ماراح يفيدك هو بشيء قلت ولو انا وعدت الولد وان شاء الله ماراح نطوول قال شف انا حذرتك وقلت لك والله مايستاهل تسوي له شيء :wub: قلت له شف انا ماابي ازعلك بس ماراح اطول برجع بدرري وابي قابلك واتكلم معك :s5s: الولد عصب وسكر -سبحان الله صدق احساسه-:cry: مريت خويي وطلعنا لخويه للروضة قال وقفوا سيارتكم ومشينا بسيارتي :wub: طلعنا وتعشينا ولفينا ومن هالسوالف ثم شوووي بدا يدخل بحواري اول مرة اشوفها بحياتي مدري وش والتفت علي صقيقي قال نبي نشتري حشيش الا الثاني قال يلا كم معك ياعلاوي :to: ياولد ياهوووه وش حشيش وش هالحتسي فكوني :cry: قالوا والله مايسوي شيء وفلة ومحدن داري هذا انا اللي امشي معك اغلب الايام تشك اني محشش لا هاذني احشش ومستانس s121s فكوني ياعيال انا مامعي الا اللي لحاجتي ومانيب دافع شي ولو معي ماراح ادفع s121s قالوا ليه وراك صاااير بزر يااخي عاتي وحدة ماتسوي شيء :mad: المهم تهاوشت معهم وخليتهم يرجعوني لسيارتي وعلطول ع الخرج وكرهت الساعة اللي وديت الولد فيها ولا مشيت معه :ranting: واللي قاهرني اكثر اني كذا مرة يغلط علي وانا بقلبي امشيها له واقول مافي احد مايغلط الين بغيت اكلها ع راسي بالاخير:cry: طبعا يوم علمت خويي عن السالفة قال لي انا قايل لك لاتمشي معه وهو مايستاهل تضيع وقتك وتمشي معه بس انت ماتاخذ الامور بجدية وع نياتك وهالشيء في هالوقت نساه هالوقت مافيه خير وكل الناس مصالح :cry: طبعا وهو يتكلم لي وينصحني :smilie47::rose: جا ببالي ولد خالي ع نياته ومايذي احد ولو تطلب ايش سواه لك والعيال هنااك مستغلينه استغلال غير طبيعي :ba1: لاجاا قالوا له يافلان والله اننا جوعانين وش رايك تباشر لنا بعشا يقول يلا مشينا ويعشيهم بالمئات :to: ومن يوم يلقيهم ظهره والله ياه يتكلمون فيه ويضحكون عليه لين تتقطع بطونهم من الضحك :mad: السؤال هنا 1- هل طيبة القلب هـ الزمن تعتبر دلاخة ؟:s3s: 2-وش اللي يخلي الناس في هالزمن زي الوحوش تاكلك وان صرت ماراح تنفعهم بشيء رموك ولا التفتوا عليك ؟:cry: 3-ليه اللي لسانه طوويل او فلوسه واجد هو الحلو واحسن انسان بالارض وماجابت مثله الامهات واللي ع نياته او فقير لاابوه لا ابو من جابه لدرجة ان بعض الناس تقول انه سبب خروج المنتخب السعودي من اسيا :s5s:؟ لي عودة مع ردودكم ان شاء الله :smilie47::rose: |
السؤال هنا 1- هل طيبة القلب هـ الزمن تعتبر دلاخة ؟:s3s: أيه دلاخـة والمشكلة إني دلخ مثلك لكن مانقول إلا عسى الله يخلف علينا. 2-وش اللي يخلي الناس في هالزمن زي الوحوش تاكلك وان صرت ماراح تنفعهم بشيء رموك ولا التفتوا عليك ؟:cry: يقولك المثل : إذا لك حاجة عند ... :d.. قله ياسيدي وهذا المثل دارج ويطبقونه بحذافيره ياعمي المشكلة لو تسوي كل شئ لأحد ومنعت أو اعتذرت عن شئ قالك مافيك خير ونسى كل شئ سويته له . ذكرتني بسالفة واحد صراحة الشهادة لله ولا هي منة ولا شئ خدمته بكل شئ خصوصا أيام الدراسة في الثانوي الولد يتيم الأب ومسكين وحيد أمه المهم أن أمه تعرفني زين ودقت علي وقالت انتبه للولد وخله يكون معك دايم تخبرني ياعلاوي إني دافورر :d المهم معدل الولد في ثاني ثانوي 76 وبثالث ثانوي الترم الأول كل يوم معي بالمدرسة بالفصل وفي العصرية لين العشاء عندي بالبيت صار ياكل ويشرب معي بالبيت وربي عن حسن نية كل اللي أسويه وجت نتائج الترم الأول ولله الحمد جاب 98 وعليها طبعا انبسط الولد وفرحوا أهله الترم الثاني قليل الحيا سبب لي مشاكل مايعلم فيها إلا ربي ليــه مدري؟؟!! تدري إنه كسر لي السيارة وسرق جوالي غير كذا موصي ناس كل ماطلعت من المدرسة ألقى كفر السيارة مبنشر ومن الحقارة كاتب على الكفر تستاهل يا أحمد تخيل بالله هههههههههه وأنا عن طيب نفس تركته ولا سويت له شئ وحتى بعض المدرسين كانوا يقولون لي اتركك منه وانتبه لنفسك ودراستك لدرجة إنه سبب لي مشكلة كبيرة مرة بس وقتها كنت بعزاءجدتي أم الوالدة الله يرحمها ولا فضيت له.. كلمني واحد من المدرسين وقالي الله يمهل ولا يهمل مرت الأيام وبعد سنة قلت بدق عليه ردت أمه على الثابت قالت لي مسافر وبعد يومين أدق قالت أنت أحمد قلت ايه قالت فلان في السجن وهي تبكي استغربت ليه قالت جوا المباحث وشالوه لأنه سرق سيارة لكزس وفيها لاب توب وخمسة الالاف ريال ومنتظرين المحكمة وش تقرر سبحان الله تذكرت كلمة المدرس اللي كلمني فقلت له أي خدمة أي شئ ياخالة أنا موجود فسبحان الله ربي يحاسب كلن على عمله أنت سو خير ولا تنتظر من أحد أي جزاء والأجر عند ربي. وغيرها كثييييييييييييييييير من المواقف تصير لي بس مابي أطول بالكلام عليكم واترك المايك لأخواني يثرونا بتجاربهم :smilie47: 3-ليه اللي لسانه طوويل او فلوسه واجد هو الحلو واحسن انسان بالارض وماجابت مثله الامهات واللي ع نياته او فقير لاابوه لا ابو من جابه لدرجة ان بعض الناس تقول انه سبب خروج المنتخب السعودي من اسيا :s5s:؟ ذكرتني بفهد الهريفي يوم يقول سبب خروج المنتخب السعودي تأجيل مباراة الهلال والإتحاد في الدوري هههههه :to: وعلى طاري الفلوس يقول المثل المصري معاك قنيـه تسوى قنية مامعكش ماتسواش :s2: الله يرزقنا بس.. الطيبة بالقلب وأنا أخوك مو بالفلوس والمناصب والكشخة. قبل أختم كلامي بالنسبة لأخوياك دلني عليهم عشان أبلغ عنهم لأني للحين ماترقيت ويمكن إذا علمت عليهم يرقوني مرتين هههههههههه << نظامك :s2: أشكرك على موضوعك وسعة صدرك لكلامي الطويل. والله يرزقنا الطيبة ومساعدة الناس . |
وانا بسألك سؤال اعتبره هجمه مرتده.. :D من فيه قلبه طيب هالايام...؟؟ هالزمن زمن شك و حسد و غيره و العياذ بالله برب |
هلا آخوي محب الجنة >> الله يرزقك الجنة والمسلمين آجمعين الانسان الطيب مب انسان غبي ولا دلخ بس المجتمع اللي حطهم بهالصورة وآمي دآيم تقول لي: الله يعطي كلّ على نيّته >> وكلّ على نيته يلقى توافيقه وبالعكس الانسان الطيب يلقى ثمار طيبته بالمستقبل وولد خالك اللي تقول عنه،، هالناس اللي مستغلينه ربي يسلط عليهم ناس يستغلونهم بشكل اكبر وآفظع وآشنع من استغلالهم لهارجال الطيب وغير كذ1 ربي يرزقه وويوفقه بدنياه عشان طيبته وآنا شفت ثمار هالطيبه على نآآس وآآجدين ومن هاللي شفت قررت آكون مثلهم والله يرزقني على قد نيتي عوافي على الطرح وكلمات مره رائعة وتقبل مروري |
اتووقع القلـب الطيب هو سبب هذه المشاكل الا حنا فيها حاليا تثق بالوواحد لحد الموت واخر شي يقدر فيك ويمشي اتووقع لزم الواحد ينسى شي اسمة طيبة قلب ولــكــن تبغى الصداقة والأخوة شي ثااني وحنا عندنا طيبة القلب يعني استقلال ضحك على الأخرين مشكووور |
إقتباس:
أناااااااااااااااااااااااا يااستاز :d:ba1: ** سنعود بعد قليل ,, ماقرات الموضوع بس قرات رد بعض الناس :ap: ******* إقتباس:
لاتندم على مواقف صارت لك اعتبرها دروس لك لـ المستقبل تتعلم منها :yes:,, واخوياك تبع الحشيش بلغ عليهم إذا إنت قدرت تنفذ بجلدك وماقدروا يضحكون عليك يمكن غيرك راح فيها :cry: فـ تراك محاسب ,, اللهم بلغت اللهم فـ اشهد ,, ** ** طيبة القلب مطلوبة لـ ترتاح نفوسنا , وش بنستفيد إذا عملنا العكس ؟ ماراح نكون مرتاحين نعمل خير ولاننتظر شكر من احد :rose:,, حط ببالك تكسب الاجر وكل عمل خير وكل فعل تعمله عن طيبة قلب :ba1: بـ تجني ثماره مستقبلاً :ba1: لك ولـ أهلك :ba1:,, مثل ماساعدنا الغير ربي بيرزقنا بناس تساعدنا وتكون عون لنا وقت الحاجة والله لا يحوجنا لـ أحد :yes:,, ** ** اقصد طيبة القلب المعقولة اللي فيها خدمة ومساعدة للغير من دون مانضر أنفسنا :ba1:,, كل واحد ربي بيعطيه على قد نيته :ba1::rose:,, شكر لك بطلة |
1- هل طيبة القلب هـ الزمن تعتبر دلاخة ؟:s3s: ايه ياخوي اكبر دلاخه بس ماتكون بزياده مثل ولد خالتك 2-وش اللي يخلي الناس في هالزمن زي الوحوش تاكلك وان صرت ماراح تنفعهم بشيء رموك ولا التفتوا عليك ؟:cry: لان ها الزمن زمن الحسد والعين اذامعك قرش تصير فوق واذا مامعك تصير... 3-ليه اللي لسانه طوويل او فلوسه واجد هو الحلو واحسن انسان بالارض وماجابت مثله الامهات واللي ع نياته او فقير لاابوه لا ابو من جابه لدرجة ان بعض الناس تقول انه سبب خروج المنتخب السعودي من اسيا :s5s:؟ [/COLOR]هاذا الزمن وعلى فكره صايره معي مثل ها المشكله بس وش نقول لي عودة مع ردودكم ان شاء الله :smilie47::rose:[/QUOTE] مشكور اخوي على موضوعك المتميز بس انتبه اخوي علي من هاالاشكال اللي تمشي معهم لاتفكر في نفسك فكر بامك المسكينه وابوك المسكين احرص اخوي انك تماشي الرفقه الصالحه تقبل ها النصيحه من اختك |
والله الطيبه هذي مششكله:s5s::smilie47: ! بسس الحمدلله انا اعتزلت الطيبه:d , صرت اعامل الناس ببرود , يعني لو يجيني احد اعطيه على قد الحاجه:smilie47: ! لآ زيآده ولآ نقصصآن:yes: ! عآد سسبحآن الله ربي معطيك الطيبه عششآن بعض المواقف تبين لك الخبيث من الطيب ويعطيك درس مع الناس وتراجع حياتك اول بأول:yes: ! وتعرف انت تثق بمين وتأخذ حذرك من مين:yes: ! زي قصصتك انت:rose: , الحين عرفت والمفروض تاخذ الصداقه على انها ضحك وفرفششه وتقدير:yes: ! خلك ذهين وانتبه لا يلعبون عليك ويستغلونك:yes: , عطهم على قد الحاجه:smilie47: ! ~ ومن نآحية اخويآك هذولي حقين الحشيش مدري وشو هذآ:ap: , بلغ عليهم لا تسسكت:s5s: ! رح قلهم كذآ وكذآ:s5s: , بسس تدري راح يسسسوون لك حركه:s3s: , رآح يدخلونك معهم بآلسسسآلفه:yes: ! أحتمال بعد يحطون لك شي بسيآرتك ولا بأي مكان يخصك وويهقونك:s5s::yes: ! ~ الله يعين بسسس على هالدنيآ ومصصصآيبهآ:cry: , آلوآحد صصآير يتمنى ـآإ الموت ولآ يعيش بين هالبششر:smilie47: ! ششكرآ على هالمممموضووع:rose::s5s: ! |
إقتباس:
والله وانا اخوك اللي انت سويته لهالولد ورده عليك مايبين منه الا شيء واحد الا وهو طيب اصلك وتربية الماما والبابا لك وبعض الناس والله مايستاهلون من يكلمهم وع باله مدري من الله لا يبلانا بس اوماا مسألة الترقية توسط لي اول وابشر باللي ينكب عفش اخوياه كلهم <<<هنا النذالة :d إقتباس:
اقرا رد اخوي احمد تيت يالغلا إقتباس:
والله يااختي خياليه الواحد من كثر مايشوف نكران الناس لجميله وطيبته مع الناس صاار يخاف انه يصير انسان بلا عقل والله يسمع منك وكل واحد قلبه طيب يشوف ثمارات فعله مشكورة ع المرور إقتباس:
الدنيا مازالت بخير بس لازم نشيل هالتوقع من عقلنا :cry: شكرا ع مرورك يالغالي إقتباس:
حلووة الثقة تيت ننتظر اتمام لقراءة الموضوع شكرا لمرورك ع موضوعي:rose: |
المشكله عندك هنا في المجتمع اذا صار طيب يعني دلخ:s3s: يعني لازم الواحد ينفخ عمره ويأذي خلق الله ويطول لسانه عشان يصير موب دلخ:s5s: الطيبه مطلوبه لكن اذا وصلت للاستغلال على ناس ماتستاهل اوتقدر فهذا اللي يسمى ضعف ودلاخه.. وتلقى ناس طيبين بس رجال تحطهم على يمناك.. الرسول اللهم صلي وسلم عليه كان اطيب الخلق واقوى الخلق واحكمهم فهل يعتبر هذا دلاخه؟! سؤال موجه للجميع عالعموم الطيب في النهايه اجره على الله كلن بيعطيه الله على قد نيته:smilie47: جزاااك الله خير ياخوي الله يعطيك على قد نيتك:laugh: والطيبين امثالي:d |
ما عاد فيه شي أسمه طيبة قلب فيه ولكن قليل |
خيو محب الجنه الخرج <<<< اسأل الله بمنه وكرمه ان يرزقني واياك اعالي الجنان وجميع الاحباب والاصحاب ياحبي لك وكأن لسان حالك في موقفك الذي ذكرته يقول :: أكبر عيوبي بالزمن طيبت القلب ... في مجتمع خاين وجاحد وجافي !!! :cry: شوف حبيبي طيبة القلب ليست بدلاخه بقدر ماهي احسان الى الناس .. بعدين احنا مجتمع مسلم لابد ان تكون نظرتنا الى اعلى من كذا .. يعني اذا عاملت انسان بكل طيبه واحسنت اليه اخلص النيه لله ولاتنتظر رد جميل او اي شي من هذا القبيل .. فأن الله سيجزيك ويرفع مكانتك وكفى بذلك شرفا قوله سبحانه { وإن الله لمع المحسنين } يعني بالله تخيل لو كل واحد عمل مثل ما قلت انت رمى بالطيبه عرض الحائط .. تتخيل كيف راح يكون مجتمعنا كيف بيكون تعاملنا مع بعضنا البعض وكيف وكيف وكيف ؟؟؟؟؟؟ طبعا هذا كله مو معناها ان الطيبه تخليني اصير ساذج عند الناس ينضحك علي بالراحه واصير اضحوكه عندهم لا بالعكس الواحد يكون مثل ماقال المثل لاتصير قاسي تنكسر ولا تصير لين تنعصر .. لان الطيبه لها حدود مثلها مثل اي امر من امور الدنيا .. بعدين ياحبيبي الدنيا لايزال فيها الخير وسيظل الى قيام الساعه فلنجاهد انفسنا لنكن منهم :ga: .. لك مني ارق واعذب التحايا :rose: |
هلا اخووي محب انـت اتووقع ما شفت ولا جربـت الا انا شفتة ؟ وكثير من اصدقاء اليوم سيارة فلوس حيااك انت احسن صديق واذا ما في وش نبي فيك فهولاء اتركهم مـن الأول قبل ما هم يتركونك اي شخص تعطية ثقة اكـثر من ما يستحقها سوف يقلـب عليك وسوف يعض الأصاابع الذي مدت الية الحمدالله مواقف المااضي اصبحت دروس لي في المستقبل والحمدالله انا الطعنة او الغدر يجيك من الصغر افضل مـن الكبر واهل الريااض لـيس الكل وانما الأكثرية الا ما شاء الله المصلحة اولا ثم الفرفشة اذا انتهت فاعرف ان صداقتك انتهـت ليس الكل مشكووور ’’’ وطيبة القلـب انا ما اتكلمـ على الشعب السعودي فقط وانما العرب ككل والأجانب الموجدين في المملكة ما اقول لك لا تعطي ولكـن اعرف تعطي منا ما اقول لك لا تمشي مع احد امشي مع الصالح والطالح حاول انت تغير بهم ليس هم من يغيرو بك واذا فعلت خير فلا تنتظر من يرد لك هذه الخير |
من ناحية هل تعتبر طيبة القلب دلاخة؟ فـ نعم الناس صاروا يعتبرونها دلاخة .. لكن في الحقيقة هل هي دلاخة؟ طبعاً لأ ! بس المشكلة وبصراحة =$ .. لما الواحد يكون ( فاهي ) ويعزو ذلك :d لطيبة القلب :@ ! شيء حلو لما الواحد يكون قلبه طيب وحليل. وأحلى لما يكون قلبه طيب وفطين وذهين. ملاحظك ياعلي مشاكلك كثير مع الناس =$ .. ترا مهوب دايم يكونون غلط :):) |
ان لم تكن ذئبا آكلتك الذئاب s121s الله يعيننآ وياك ان شاء الله ، الي تقوله قد يكون شي طبيعي وبكل المجتمعات ، عالعموم لا تصير دقيق بالحيل :d ، وسـع صدرك :naughty::smilie47: |
اعمــــــــــل خير وقط بالبحر............ كل انســـــــــان يرى انه طيب ويقابل اناس اشرار خبيثين وماترا انت طيبه ......انا قد اراه خبث وشر مثل اخوياك شفتهم بيحششون...انت سكت ..وهم عاشانهم عارفين انك بتسكت يقولك هذا طيب مابيعلم احد علينــــــا ....وانت سكت على انك طيب .......لكن هذا بمنظر القانون خبث لانك رأيت الجريمه بعينك وتسترت عليها إقتباس:
^ هذا ماردت قوله .......شكرا ابو ريناد تحياتي |
هالزمن هذا ما يعيش غير الخبيث وزي ما قال ابن عمي فاينل ان لم تكن ذئبا اكلتك الذئااب يبو خلك خبيث وانسا شي اسمه طيبة قلب ما عااد فيه شي اسمه طيبة قلب ترا والله اقول الكلام هذا من مواقف جرت علي لكن اسمحولي |
إقتباس:
(الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ) صدق الله العظيم لذلك لا تكون الطيبة الا نبل وكرم في الاخلاق وليست دلاخة ! لذلك فأن الاعمال الطيبة التي تصدر من احدنا من الجميل ان يتحرى فيها رضى الله .. فذلك فيه دواء لكل من يقابل الاحسان بالإساءة ،،، إقتباس:
فاذا كان والد احدهم كما الوصف اعلاه .. او مديره بالعمل .. او دكتوره بالجامعه .. أو مسؤول في دائرة حكومية .. وكذلك لا ننسى أثر المواد الاعلامية في قضايا الفساد التي تتداولها الصحافة والقنوات التلفزيونية دون وجود رادع او محاسبة بعد ذلك نحو اولئك المفسدين .. ناهيك عن قصص الافلام والمسلسلات كل ذلك عوامل تدفعك ان تكون رجل الغابة .. مثل الضبع الذي لا يستمتع الا بتناول طرائد الآخرين ومخلفاتهم :yes: لذلك فأن الايمان والاخلاق ليست تلك التي نرددها ونرفع شعاراتها .. انما ما وقر في ( القلب ) وصدقه ( العمل ) .. ودون ذلك ليس سوى كذب على الذقون واقنعة نرتديها لقضاء حوائجنا مثل الفئران في الظلام ،،، إقتباس:
ومن يهين نفسه بسوء اخلاقه يبقى أرذل الناس مهما بلغ شأنه وقوته وفي الختام .. ( كل اناء بما فيه ينضح ) :yes: يعطيك العافية يا غالي :smilie47: كن مع الله يكون الله معك ،،، |
وعليكم السلام ورحمه الله وبركاته إقتباس:
مو دلاخه وبس إلا بعد يعتبرونها ضعف بالشخصيه كمان :to: ,. > جعلهم بالـ ض ع ف هـ :s2:s121s , أنا اللي يقهرني انهم مايعطون الشخص الطيب أهتمام قد الشخص النذل ومايحسبون حسآبه قد هذاك الشخص :to: .. تلاحظ حتى لاصار فيه غلط والغلط جاء على الأثنين ( الشخص الطيب والشخص اللي مو طيب نقول ) يجي أول يعتذر لشخص اللي مو طيب ويشيل هم رضاه بعد أكثر من الطيب ليه ؟ لانه الطيب مسكين وحبوب مايزعل وماعليك يرضى بسرعه بإي شيء :cry: ,. ـ وب النهايه نقول كله عند ربي ,, :smilie47: وكل (ن) يعمل بأصله :yes: .. شكراً لك :rose: ., همسه :/ لو تعمل الطيب .؟! و يضيع .. ! لآتقول ( طيبي .. أنجحد ) خلّك مثل موج البحر / يغسل مدآرآت المدى ـآآ وينكسر مآآ حسّ ، بـ أوجآعه ! - أحد :yes: |
إقتباس:
أسـئـلـة فـي الـصـمـيـم .. اخـي مـحـب الـجـنـة، هـي سـلـوكـيـات دأبـنـا عـلـيـهـا لا تـمـت لأصـول تـعـالـيـم ديـنـنـا الـحـنيف الذي وصـى بـمـكـارم الأخـلاق .. يـا حـلـيـلـه عـلـى نـيـاتـه ..!! عـبـارة نـسـمـعـها كثـيـراً .. الـثـقـافـة والـحـضـارة عـمـلـيـة تـراكـمـيـة ,, هـل لانـتـقـال الـجـيـل الـسـابـق وتـطـوره الـسـريـع دور فـي الـقـفـز عـلـى الـعـديـد مـن الـمـبـاديء والـتـي بـدأ هـذا الـجـيـل الآن فـي اسـتـيـعـابـهـا بـشيء يـسـيـر جـداً ؟؟؟؟؟ دمـت بـود |
اشكر الكل ع مرورهم وردهم علي ولي عودة مع الردود لاحقا ان شاء الله |
في ناس طيبين بس قليلين في هالزمن الحين كل الناس خبيثين ومصلحجيه وانانيين وفيهم عقدة النقص يعني انت إنسان طيب وقلبك أبيض وما تحقد على احد في ناس منا والطريق فيهم نقص يطلعونه على الناس ويحسبون الدنيا تمشي على هواهم الطيبه اعتبرها مكمله لقوة الشخصيه لكن لازم تفرق في فرق بين الطيبه و السكوت عن الحق انت ما عجبك جوهم وتحسه غلط قولهم جوكم ما يمشي علي وترا مامنه فايده وانا ماني ماشي معكم لما تحششون لكن لما تبون توسعون صدوركم ونطلع نستانس حياكم الله فنان العرب يقول ولا ني بندمان(ن) على كل ما فـات اخذت مـن حلـو الزمـان و رديَّـه هذي حياتي عشتها كيف مـا جـات آخـذ مـن ايامـي و أرد العطـيّـه |
1- هل طيبة القلب هـ الزمن تعتبر دلاخة ؟:s3s: طيبة القلب بدون أن تحسب لتبعاتها حساب تعتبر دلاخة .. مثلا : انسان طلب منك شيء وانت تدري انه مايسوا وتدري انه ممكن ينسى جميلك وتدري من خلال حركاته وكلامه انه انسان ذميم .. هذا المفروض تصرفه بأي شكل من الأشكال . لكن صدقني اذا كانت طيبة القلب مع واحد يستاهل تعتبر من اشرف الصفات . 2-وش اللي يخلي الناس في هالزمن زي الوحوش تاكلك وان صرت ماراح تنفعهم بشيء رموك ولا التفتوا عليك ؟:cry: الدنيا الحين تمشي عالمصالح ونادر ماتحصل شخص يقدرك لأجل ذاتك !!! :( |
طيبة القلب من صفات المسلمين ولكن لايكون مغفل أعرف صديقك من عدوك قبل ما تتورط في إنسان مايستاهل الصداقة والدتي رحمها الله وأسكنها فسيح جناته كانت تحذرني من صديقة الساعة التي ترمي الصداقة في بئر مالها قاعة عند أول خطأ أو عند إنعدام المنفعة . ومن وصاياها رحمها الله أختبري الصديقة قبل الثقة بها . وأصحب من إذا صحبته زانك وإذا ذكرت الله أعانك . وربي يعطيك على قدر نيتك الطيبة والحمدلله كشفت خويك المزيف الله يهديه لجادة الصواب . |
ماشاء الله كلكم طيبين وعانيتو من هالشي dfda وكلكم طاهرين واللي حولكم حقين مصالح dfda جد مدري وش اقول بس ياحليلكم الله يطرح فيكم البركة :d:rose: ياطيبين .. ياطاهرين .. ياللي قلوبكم بيضاء تملاهآ الطهارة :pleased: |
^ ^ شف انا ماراح اعلق على ردك رغم انه دايم يطري على بالي ..:d:smilie47: لكن تعليقي على وصف المكان .. صار لي اسبوع ماسمع الا هي مدري ليش ..؟!:ga: هلا اخوي علاوي ..:smilie47: من وجهة نظري لو خويي راعي شراب او حشيش مشكلته .. بس لا يحاول يجرني معه .. وعاد انا مشكلتي على الريحة انجر بسرعة .. :d ومن ناحية طيبة القلب شف لا تسوي عمل وانت ترتجي شكر او رد له من نفس الشخص .. اسال الله فقط انه ما يضيع تعبك حتى لو كان الشخص اللي عملت له المعروف ما يسوى .. وتذكر قول الله تعالى " إن الله لا يضيع اجر من احسن عملا " هذا والله اعلم واحكم ,,:ba1: يعافيك ربي على الموضوع , :smilie47: |
احيان الطيبه الزايده تنقلب على راعيها ! ما اقول خلك نذل ووصخ وحقير :D بس مب في نفس الوقت اذا واحد طلب منك شي قلت تم ! سو الي تقدر عليه وبدون تـكلف |
ربك ستر عليك و لله الحمد .. زين انك مارحت في خبر كان .. و محد يمشي معك الا له مصلحه .. هذي الكلمتين حطها في بالك ( الدنيا مصالح ) ولاهنت على الموضوع |
طيبة القلب في هالايام مالها داعي مو مع كل الناس لان في ناس ماتستاهل طيبة القلب .. تخيلوا اثنين من اخوياي وهم اخوان على نياتهم وطيبين مع كل الناس .. و80% من هالناس من وراهم مافي الا حش .. ويتكلمون ويقولون ذول حق ........... وانتوا فهموها وغيرها من جميع انواع الحش .. واحد منهم لاحد تكلم عليه مايسكت عن حقه .. وهذا بطل وعاجبني .. اما الثاني يزعل فتره ويرجع من نفسه ومن الطيبه .. يعني في هالزممن كون طيب مع اللي يستاهل بس اما اللي مايستاهل دوسه بالجزمه اكرمكم الله .. اما انا في ناس تتكلم علي من وراي وقدامي .. ماعصب ولا اقولهم شئ .. كل اللي اقوله لهم جزاكم الله خير .. او مشكورين .. وان كان يتطنزون على الجسم ولا غيره اقولهم خلقة ربك مثل ماخلقك خلقني .. ماحب اتسبب في مشاكل .. اامااا طيبة قلبي مو كل واحد .. 3 بس من اخوياي يستاهلونها .. اما الباقي مايستاهلون الا التبن عزكم الله |
| الوقت المعتمد في المنتدى بتوقيت جرينتش +3.
الوقت الان » 01:30 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd