المشاركة السابقة   المشاركة التالية
  #1  
قديم 05/01/2003, 11:26 PM
زعيــم مميــز
تاريخ التسجيل: 10/06/2002
المكان: الرياض
مشاركات: 1,784
اانواع ضحكات التماسيح في المجتمع الشاتي(ممنوع دخول الجن الناعم)

الحلقه الاولى
عندما تشرق شمس المحبه وعندما تزقزق عصافير الندى انسدح واقعد اشبك النت وادخل هذا العالم المزركش المليئ (اقوووووووووووووووووووووووول وش لي في الكلام الكبير انا)
المهم...............
من خلال خبرتي المخضرمه في عالم النت والتي تجاوزت العشر طعشر سنه ايام ما كان الانتر نت ابيض واسود كنت صبيا في عمر الورود قبل لا اصير تمساح شين كنت ادخل الشات وامووووووووووووووووت في التعارف .كنت ادخل باسماء مستعاره كثيره المكان لايتسع لذكرها
لما ادخل باسم تمساح ..ولا ابن امه يعطيني وجه
"""والله مقدمه على كيف كيفك طالعه احسن من مقدمة نجمة الابداع"""
واذا دخلت بنك بنت الله وكيلك شف البرايفتااااااااااااااااااااااااااااااااااااااااات قسم بالله تقعد شاشتي تفلشر تقل داخلها فايروس.....ولا كنها الكميرات اللي على خط الدايري اللي تتصيد المخالفات ...تصدقون احيانا اصدق عمري اني بنت واعيش الجو
المهم
خلونا نبدا بالتماسيح اولا
والمره الثانيه نروح على الجن الناعم اااسف قصدي الجنس الناعم

1ـــــــ1- هاهاهاهاهاهاهاهاهاهاه
- هذي الضحكه سلمكم الله تمساح محترم وراكد وثقييييييييييل
- شفوني تراني احب الايتي كيت والتنظيم لكن تلقى اغراض غرفتك كنها عفش مطلقه
- دايم يقول ويردد ان مافيه احد فاهمه حتى في حارتهم او عند العيال في الاستراحه
- بااااارد وهادي وحيانا يسوي فيها عصبي لزوم الرومنسيه
- بجنبه كومة فصفص القشم مليان سعابيل يعني يحلل ويمزمز اممم الحبه

1ـــــ2- ههههههههههههههههههههههههههههههه
- هذا تمساح عجاز يعني زول ما يحب يكلف عمره في الضحكه على الكي بورد
- على قد ما يمد هذي الضحكه على قد ماهو يقول شوفوني تراني راعي فله وسعه صدر
- دايما يفق خشته بالضحك ويهتز وهو يضحك تقل انتل كامري تفحط
- يحب الضحك دايم ولو انه كان يقطع بصل
- امه متزوجه ابوه قبل ماينولد

1ـــــ3 - لووووووووووووووووووووووول
- هذا تمساح مسوي فيها واثق بالمرره
- مدمن شات- والعياذ بالله- ماخلا ولا شات الا ودخلها تقل كنه ابراهيم الفريان
- مسوي فيها انه قديم في الشات راعي خبره يعني
.....هذا مايطلع من الشات الا في حالتين ..
.....يايقضى اشتراكه ...
.....او يهنق جهازه ..
.....او يفصلون تلفونه..
.....او يخمه ابوه براااااااااااااااااااشدي يضيع امممممممم امه معد يعرف الماوس من الهاوس
(شكلنا زودنا عن الحالتين والله عاد منيب فاضي ارجع واعدل نخليها للمشرف يعدلها)
- يحب يشرب الشاهي المنعنع وهو ع النت ولا تهون الزقيره

1ـــــ4- خخخخخخخخخخخخخخخخخخخخخ
- هذا التمساح راعي بنات بس مايبي يعلم
- حتى بالماريه تشوف النك تبعه عذااااااااااااااااااااااب يعني فيه الم ودمع واحزان من هالكلام الفاضي يعني
- مسوي فيها ضحكه حلوه تجذب البنات..يقالك ان البنات مايحبون اللي يفق خشته وهو يضحك
- عند جيرانهم ديك يئذن الضحى...محد سال ليه ؟
((( اآآآآه الا هذا الخراره كنز رفع يده وسال
لان سلمكم الله هالديك يسمر مع هالتمساح الى الفجر ويقعد معه يشوف مواقع جناااااااااااان من بتوعين ××هذه الصفحه لايمكن الوصول اليها×× ويروح عليه اذان الفجر )))

1ـــــ5 - lolololololololol
- هذا التمساح يسمع بالانقليزيه والمفهوميه يعني أي واحد عنده انقليزي لازم يصير افهم المفهوميين
- مسوي فيها انه راعي شات دولي يعني عالمي (الايس كيو او الام اس ان او الياهو) وان عنده اصدقاء وصديقات اجانب مع العلم انه داخلها بالغلط ذاك اليوم ولعبو في دين اممممممممممممممممممممه الهكرز وخربو جهازه
- يموووووووووووت ويدووور معجبات بس على مستوى عالي من الثقافه يعني يعرفون انقليزي
- كأنه يقول شفوني تراني مثقف واقرى لشكسبير واعرف السيمفونيات كلها (مب السيفونات اللي في الحمام عزكم الله .لأ . السيموفونيات تعني لعبه زي الكيرم )

1ـــــ6- هع هع هع هع هع هع هع هع هعهعهعههعهعهعه
- هذا التمساح يبي بالقوه يصير زااااااااااااحف
- كأنه يقول اللي يبي الهستره تراها عندي بالكيلو ... وياحظ اللي بيتعرف علي..امه داعيه له وانا اهستر المهسترين في الغرفه وانااللي مشعلل الغرفه وانا كل واحد يتلزق فيني.. وانا... ونا... وانا... (اوف تعبت وانا اكتب عنه)
- يسمع بالدخاااااااااااااااااااااااااااااان ويقول وش اسوي ما اقدر ابطله

1ـــــ7 - كغغغغغغغغغغغغغغغغغغغغغ
- هذا التمساح دلوووووووووع او مسوي فيها دلع ((ماتجي تمساح ودلوع ..صح!!..بس وش نسوي هو يبي كذا )
- من ضحكته يقول شوفوني تراني اكلمكم من الاب توب
- مسوي فيها ولد نعمه وان الكدلك عند الباب .. وهو حده كوريلا... وان كثر كامري
- لسان حله يقول انا ما ادور البنات هم اللي يجون لي عشاني مدلعاتي ..مالت على امك

1ـــــ8 - كع كع كع كع كعكعكعكع
- هذا تمساح مسوي نفسه ضريف
- ومسوي فيها خفيف دم بس غير شكل
- هؤلاء التماسيح ولله الحمد قليلين
- يحب يتضيحك مب يضحك فاهمين معناها يعني شوفو ضحكتي تراها مميزه ونادره وملفته ...مادرى ان الناس يقولون عنه ..وش يبي ذا مسوي فيها زحمه والشارع فاضي ؟؟
- ماعنده انفصام في الشخصيه لكن قريبه منه يبيله 6 كيلو وياصلها


[c]انتظررو الحلقه التانيه
انتظررو الحلقه التانيه
انتظررو الحلقه التانيه
والاخيره من
(شموخ وضحكات بنات النت)

انتظررو الحلقه التانيه
انتظررو الحلقه التانيه
انتظررو الحلقه التانيه
والاخيره من
(شموخ وضحكات بنات النت)
بعد سبعه ووووووعشرين يوم ووووووخمسه ووووووعشرين ساعه ووووووووعشرووووووعشرين دقيقه

[/c]

اخر تعديل كان بواسطة » شمــوخ في يوم » 05/01/2003 عند الساعة » 11:53 PM
اضافة رد مع اقتباس
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:45 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube