ليه نسيتوا اليونان !!
 

السلام عليكم

ناصر الجوهر منزمان ما شفته يلعب بثلاث مهاجمين مع وسط عندهم الطابع الهجومي زي اليوم، اعتقد ناصر الجوهر اليوم ورانا فكره التدريبي الجديد المختلف عن النهج الدفاعي السابق.

اليوم شفنا الكرات العرضيه شفنا اختراق من العمق شفنا التسديد من مسافه الحمد لله ناصر الجوهر ما قصر واتمنى يستمر على ذا النهج الهجومي على طول الا لو بنلعب ضد البرازيل مثلا لان هاهو المنتخب السعودي.

واما عن سبب الهزيمه لو سئلت فارد بان اليونان قصمت ظهر بطلت اوروبا فرنسا حينها هذا وزيدان معهم وقصمت ظهر البرتغال صاحبت الارض والجمهور بسبب التكتل الدفاعي المبالغ. فلاعجب

اقول تقارن اليونان بالسعودية تكفى بلاشي كلام لمنتخبنا ماله داعي الحين التكيتيك الدفاعي مافاد والله مو عيب لو لعبنا دفاع قدام الاردن وسوريا بس نفخ الاعلام للعيبه رهيب خلوهم ملوك السامبا وهم والله لو بالحواري مالعبوهم
اليوم شفت تحليل سامي وش قال عن اللعيب

فهمتني بالعكس ، قارنت الاردن وسوريا باليونان واحنا حصل لنا ما حصل لفرنسا و البرتغال

احنا الحين زي فرنسا والبرتغال؟؟؟؟؟؟

حبيبي ناصر الجوهر مجبر ومجبر ةمجبر بالشوط الثاني وبعد الهدف انه يغامر لانه عرف انه ماراح يخسر شيء فلازم ينزل هجوم ثالث لكن للاسف ضيع هجمه مايضيعها البنقالي الي يعرج في مسجدنا



المنتخب مايعرف يبني هجمه زي الناس كل لعبنا طويل وين تبينا نفلح ؟!!!!!!!!!!

نبي نشوف لعب جماعي بحت مهوب طق الكوره والحقها



خلوكم بس في دوريكم وتمتعو به

اليوم نايف معلق بالهوا من كثر ما يقفز وياسر ضايع بالملعب والشمراني معروف من ايام الدوري السعودي اناني والله محلل صدى اسيا على ام بي سي فهد المهلل يبي يخلي ناصر الشمراني نجم باي طريقه يقول ما اعطيتله الفرصه والا سوا والا فعل يا فهد ناصر ضيعنا صدق المنتخب ضايع بس هو ضيعنا بزياده قدام الاردن فرصه للتهديف لو ناولها لنايف قا لا انا اسجله وهو عارف مارح يسجلها لان الحارس الاردني ماشاء الله عليه غطى الزاوية صح وقدام سورية انفرد هو والحارس يحطها بره كل هذا وماعطيتله فرصه
بالنهاية منتخب فاشل يعتمد على الاسماء لا الامكانيات