14/01/2011, 04:27 AM
|
| زعيــم فعــال | | تاريخ التسجيل: 17/12/2009 المكان: يآآزين ترابها وغبارها وحرهاوثلجها هع >الرياض<
مشاركات: 285
| |
ياحرام يا*لاعبين السعوديه*انتم الضحيه*انصح جميع اللاعبين بعدم رفض الأحتراف الخارجي لو بريال السلام عليكم
هاردلك للكل ,,وان شاءالله المستقبل أفضل,,
مبروووك للأردن وسوريا مع أحترامي لهم تاريخهم بيلمع بفضل السعوديه..
المهم وبدون مقدمات..
أستغرب منكم أنتم يالجماهيريعني
أن شاءالله تكون هذه ردة فعل هالهجوم على اللاعبين .....!أنامعكم أدائهم ماكان بالعال ولابالواطي كان جيد هذه متفقين عليها بس أسباب الخروج من الدور الأول ماأدري نسيتوا ولاتناسيتم!!
فيه قله اجتمعوا أن المنتخب بيطلع من الدور الأول وأناكنت منها
أسباب الخروج بأختصار وابيكم أنتم تقييمون!!
*منتخب لايثبت على تشكيله والوسط والهجوم والدفاع كل يوم شكل أكيد بكون مافيه أنسجام..
*مدرب مهستر ومسوي أني عالمي اعطوه الصلاحيه الكامله ومهجد الكل ومحد يقدر يناقشه بالتشكيله حتى رئيس الأتحاد المستقيل بأذن الله سلطان بن فهد..
*عمل أدراي عشوائي من الأتحاد السعودي ومن اللجان ومن أدارة المنتخب..
*تعصب رياضي بكل مكان أصبح للأسف جمهورنا مشحون ومتهور واذا جاب هدف أفضل لاعب وأذا ماجاب هدف ماعنده روح ولاوطنيه..
بسألكم سؤال تعتقدون هاللاعبين الي تركوا أهاليهم وأشغالهم والي منهم ترك دراسته والي منهم ترك أحبابه وناسه ومنهم الي ترك زوجته وعياله تعتقدون أنهم بلاوطنيه؟؟؟
طيب أنت يالي تتفلسف أشرحلي الوطنيه بأعتقادك؟
أعتقد بتقول أدخن وأدور بالشوارع وأدور بالمولات وأفحط وأشتري آخر سي دي وبالليل أجلس عالنت اتفلسف...!؟
مع أحترامي
والي يتفلسفون على ياسر بسألهم سؤال
لوكنتم مكانه وش بتسوون.....؟
اذاكنت محارب من وطنك وين تروح وتهج
ياسراتهموه بسمعته واتهموه بشرفه واتهموه أنه بلاوطنيه وآخر أتهام له..المنشطات كل هذا عشان كوره
وبالمقابل لاأتحاد كره خذا حقه ولا نادي أخذ حقه والكل جالس يتفرج حتى أنتم يالجماهير..
بالله عليكم لكم عين تقولوله ليه أنت بدون مستوى وبدون روح وبدون وطنيه واحد مجروح ومقهور من وطنه...!
ياسر ماعطيتوه شيء عشان يعطيكم...!
واذا بتتكلمون عن الفلوس مثلا حاسدينه ولابتشاركونه حلاله
مثلا الحين طالعين بسبب جديد ضد اللاعبين أنهم أشبعوا من الفلوس وضامنين المستقبل يآآخي يحقلهم يضمنون مستقبلهم الي ضاع عشانكم ...
ذنبهم الوحيد أنهم أعشقوا .المجنونه الكوره.
أنا أنصح جميييع اللاعبين أنهم أذا أذا تقدم لأحد منهم أحتراف خارجي يوقع لوبريال لوبفلس يروح ابركله يمكن يلقى من يقدره ويحس بمواهبه خارج بلاده..
أذا كانت الدعوه عندكم مجرد تلبس الشعار تحرث الملعب حرث..!
طيب يالله ياالأقوياء ياأساطير نتمنى نشوفكم لاعبين وبنشوف حرثكم..!
لا رئيس أتحاد كفو ولا أعضاء كفو ولا لجان كفو ولا أدارة منتخب كفو ولامدرب كفو
وهذا كله زرع بشخصيات اللاعبين عدم الثقه والخوف والأرتباك والتوتروبعد هذا كله تتطالبون اللاعبين بأيش..!
بهجمه مثلاا..؟طيب هوماعنده ثقه يخاف يسوي هجمه وتضيع ويهاجمه الشعب العزيز عشان هجمه..!
*قبل أنسى الشلهوب اليوم أبدع ولازم نعطيه حقه بس الي نقصه المسانده والجوهر الله يهديه بدله بالشوط الثاني ماأدري عيونه ماشافت الأسوء منه مثل عطيف وتيسير
لك الله ياالشلهوب متى بجي يوم ياترى تاخذ فرصتك كامله..!
ياسرالقحطاني..
أذا كان خبر أعتزالك دوليا صحيح ماألومك وخلهم يفرحون بمنتخبهم وتذكر أنك حطيت بصمه لن تنسى وكلنا معاك ومازلت الكاسر..
*كلمه لجميع اللاعبين بجميع الأنديه*
الله يلعن الكوره الي بتذل وبتهين..
قبل الختام حملة أرحل للي ماوده يحس الأمير سلطان لاتوقف وأنتم قدها ياجمهور الزعيم..
وأي واحد يكتب موضوع يختمه بهذه العباره:
(سلطان بن فهد أرحل فرحيلك أكبر بطولاتنا) |