التصحيح يبدأ مع هذه التشكيله .................................... - نادي الهلال السعودي - شبكة الزعيم

ابو فرراس · #1 14/01/2011, 03:08 AM

بسم الله الرحمن الرحيم

نتيجه التخطيط السليم والخطط المدروسه تم وبحمد لله خروج المنتخب لكي يتفرغ الشعب السعودي للاختبارات ويستعدون لها من بدري .................................

مثل مهو واضح في العنوان التصحيح يبدأ مع هذي التشكليه....

قبل التشكيله ابي اعلق على هدف الادرن : هو خطا من وليد عبد الله وهذا لاعب الخبره يعني ما تقدر تقول شي صح بس لو فيه حارس شباب كان تقول ما عنده خبره يتعلم بس تجي من واحد خبره .... وفي الاخير يصيح طيب وش يفيد الصياح انت برصيدك مبلغ وقدره من ملاييين الريالات وحنا اللى ناكلها ...وها الكلام جميع لاعبي المنتخب......
التشكيله
عبدالله المحمد وياسر الفهمي ومعتز هوساوي ومحمد برناوي واحمد العوفي ومحمد فتيلي ومحمد مجرشي ( الأهلي ) عبدالله الشمري وفهد اليامي وعبدالإله النصار وفهد الرشيدي واحمد الجيزاني وعبدالعزيز العازمي ومصعب العتيبي ( النصر ) عبدالله عطيف وصالح القميزي وعمار بلال ( الشباب ) عبدالله السديري وحسام الحارثي وخالد الكعبي وفهد الجهني وبندر البيشي ( الهلال ) ياسر الشهراني وماجد عسيري ومحمد الفهمي ( القادسية ) هتان باهبري وفواز القرني ويحيى دغريري ومعن خضري وأحمد عسيري (الاتحاد) عبدالله الحافظ (الاتفاق) ماهر إسماعيل (الوحدة ) سعود آل حمسل (نجران) سطام ابو قرين (الرياض

مع اضافه حارس عبد الله العنزي واسامه هوساوي وابراهيم غالب ...............

هذا هو التغيير وهذا هو التصحيح يعني بالعربي لاعبين منتخب الشباب مع بعض الاضافات القليله

انا قلت كذا لان شباب المنتخب 19 عمره وبعد اربع سنوات 23 واذا كانو لاعبين من فتره طويله يبي يكون التفاهم بينهم موجود ......

ومن تابع تصفيات المنتخب للشباب يعرف جيدا هذي الاسماء وكيف لعبها

.................................................................................................... .

واخيرا : اقولها وبكل صوت عالى لا يوجد عندنا في السعوديه لاعب يحسم لك مباراة

كان عندنا اخر واحد وجته اصابه واعتزل وهو الحسن اليامي قبله سامي الجابر وحمزه ونواف التمياط

اما هذا الجيل فهو يلعب يوم وعشره خارج الخدمه ..................

...............................................................................

ودمتم سالمين

انا والسمراء · #2 14/01/2011, 03:17 AM

اييييييييييييييييييييييه نبي تجانس وانظباط تكتيكي ونبي ناس تعرف تستلم وتناول

محمد بن ماجد · #3 14/01/2011, 05:36 AM

ونلعب سعد الحارثي عشان يصير كبتن وخبره هاه ؟

turky18 · #4 14/01/2011, 05:43 AM

خخخخخخخخخخخخخ

من جدك تتكلم انت

ابو فرراس · #5 14/01/2011, 12:58 PM

إقتباس

الرسالة الأصلية كتبت بواسطة محمد بن ماجد


	ونلعب سعد الحارثي عشان يصير كبتن وخبره هاه ؟

اذا الكلام ما عجبك رجا موب لازم ترد

ابو فرراس · #6 14/01/2011, 01:00 PM

إقتباس

الرسالة الأصلية كتبت بواسطة turky18


	خخخخخخخخخخخخخ من جدك تتكلم انت

نعم اتكلم من جد والدليل شوف اليابان وين راح منتخب كاس العالم اكثر لاعبي اليابان سرحوهم

ولاتروح بعيد شوف الامارات كيف منتخبها ؟؟؟؟؟؟؟؟؟؟؟؟؟؟؟؟؟؟؟؟؟؟؟

أمـــيــر الظــلام · #7 14/01/2011, 01:09 PM

بلا منتخب بلا هم خلونا على أنديتنا

بالتوفيق لنادي القرن الآسيوي

ابوصالح- · #8 14/01/2011, 01:22 PM

حنا نبي تشكليه لمنتخب الاول وليس الالومبي تبي تلعب بهذول في الاول فاأنت ؟؟؟؟؟؟

ابو فرراس · #9 14/01/2011, 01:26 PM

حبيبي اولمبي اصبر عليه احسن من اول يرفع ظغطي

بعدين اذا وش فرقنا عن بعض الدول ليه بس حنا اللى نفرق بين الاولمبي والاول

انا اتكلم عن 2014 الحين اعمارهم بين 19 وعشرين يعني بعد اربع سنوات يبي يكون اعمارهم 24

اذا قلنا اصغر لاعب خبره في المنتخب 26 بعد اربع سنوات يبي يكون 30 يعني ما استفدنا

انا اقول لاعبين شباب مع بعض الاضافات

شوف الامارات ثلاث لاعبين خبره والباقين كلهم شباب ولعبو اول مباراه امام كوريا مستوى مميز

أبَــرقً · #10 14/01/2011, 01:34 PM

ياجعلك تسلم ايه بالله هاذي هي التشكيله تجيبلي صغار يلعبون برووح مو مثل الي عندنا مشكور والموضوع يستااهل التثبيت

أبو فيصل الأسكندنافي · #11 14/01/2011, 01:37 PM

كلامك سليم 100%
لازم نصنع فريق قادر على المنافسة من جديد

و مو شرط الأسماء اللي حطيتها

ابو فرراس · #12 14/01/2011, 01:38 PM

انت اللى تسلم ياطلال

حتى الصغار لو يخطي تعذره وتعطيه فرصه وتدعمه وكل شي بس الخبره اذا اخطا وش تسوي له .......................

سليم الأركاني · #13 14/01/2011, 01:41 PM

مســـــــــــــــــــــــــــــــــتحــــيل

ابو فرراس · #14 14/01/2011, 01:45 PM

ابو فيصل انا حطيت لانها في اللى تلعب في الشباب المقصود صنع منتخب جديد

مشكله كثير من الجمهور متمسك في لاعبه المفضل بس الى متى خلاص حنا نبي المنتخب ولا علينا من فلان وعلان

نبي السعوديه تكون الاولى الى متى وكل منتخب يجي ويفوز علينا وحنا نقول ونقول

تابعو كاس العالم القادمه للشباب تشوفون المواهب الموجوده فيه

FINAL10 · #15 14/01/2011, 02:25 PM

ما شاء الله عليك

وش رآيك تدرب المنتخب !!

يا حبيبي المشكله مو بالتشكيله فقط !

المشكله فوق في الاتحاد السعودي كله
في الاداره في سلطان في نواف في لجنه التطوير كلهم مع بعض !!

كم لنآ سنه نغير مدربين !
وكم لنآ سنه نغير تشكيله كل شوي !!

نبي فريق يتطور ويآكلهم اكل !!

اذا عام 94 تاهلنآ للدور الثاني في كاس العالم

الوآجب في 2011 اقل شي كاس اسيا في مخبآتك !!

نبي فريق يرعب لو ما اخذ بطوله !!