انهزمنا من باب الحاره قلنا عادي .. لكن نطلع من طيور الجنه والله قوييييييييييه حزنت كثيرا على وضع منتخب الجريح وذهبت للذكريات التي قد تخفف عني قليلا فتذكرت شايع النفيسه وهي يصوب الكره للمرمى ليقص شريط الاهداف وياتي بعدها محمد عبدالجواد ويقطع الكره من قبل المنتصف من المهاجم الصيني ويسلمها لماجد بهجمه مرتده وبكل ثقه وبكل جراْه يركض بها اكثر من 40 يارده نحو المرمى ويتجاوز المدافعين ويتجاوز الحارس ويسجلها في المرمى الخالي وينتهي اللقاء ويصعد الكابتن القائد صالح النعيمه للمنصه ويرفع الكأس بكل شغف وبكل فرح و لنحقق اول انجاز ذهبي للكره السعوديه وتذكرت لنعيمه وهي يقف واثقا ويوجه اللاعبين ويحمسهم وتذكرت الثنيان وهو يجندل الخصوم عام 88 ويرفع ويمرر ليربك الخصوم ويفتح الثغرات لنسجل وننتقل للمباره النهائيه ونحقق الذهب للمره الثانيه وتذكرت ايضا الثنيان عام 96 عندما قلب الموازيين في مباراتنا مع الصين لينقلنا الى الذهب ونحقق الذهب ونحتفظ به للابد ولكن يا الاسف فقد جاء اشباه لاعبين مسحووا قوة منتخبنا الوطني فياالاسف وياالحزن .......... فمنتخبنا متهالك ولا عبين بلا روح وبلا مسئوليه وبرود كبير في جميع الخطوط اعلام ولجان مسيطره سيطره سلبيه على الاتحاد السعودي عقود مبالغ فيها للاعبين المفروض ما تتجاوز المليونين ... وهذه الاردن وسوريا باقل الامكانيات فازوا علينا الفانيله كانت صعبه المنال والان اي لاعب يرتديها باختصار اسوأ جيل مر على الكره السعوديه ... ارجوك يا سلطان ويانواف ضعوا الخبرات في المنتخب فالذين مارسوا الكره هم الاحق باللجان وهم احق بمسك امور ادارة المنتخب ....... وانا اول مواطن اتطوع للعمل في المنتخب السعودي ومستعد ان اقدم كل مالدي بكل اخلاص وبكل امانه فسمعة الكره السعوديه مهمه ولا بد ان تبقى عاليه ومحفوظه ابنكم البار للوطن / محمد السليمي |
إقتباس:
|
المشكلة بكره يا ابو حميد اذا حطوك مسئول بتجحدنا وتطلع تبريرات واعذار وتقول المدرب السبب وترقع عشان ما يشيلونك من الكرسي. خااف تجي عندك خطط جديدة |
شف ياخوي موب عيب نعترف انهم كانوا افضل منا شف الروح و شف القتالية و التنظيم و تعرف الفرق |
إقتباس:
حنا يا السعوديين نشوف انفسنا احسن فريق في مجرة درب التبانه وحنا ماعندنا الا الدجه لازم نعترف انهم احسن منا وانهم يستاهلون وبلاش استحقااار للرياجيل يا راعي الموضوع |
طيور الجنه من فلسطين وليس الاردن عموما الف شكر لك ع الموضوع الرائع |
مستحيل ان يكون تاريخ الكره الاردنيه او السوريه افضل من تاريخ الكره السعوديه مستحيل ومستحيل ان يقارن وسبب تفوقهم علينا لاننا سيئين فنيا ومستوى المنتخب في الحضيض فلو كان المنتخب بعافيته لكان وضعنا افضل منهم بكثير .. وللعلم فمنتخبنا في اسوأ الضروف ولكنهم عند لقاءنا حسبوا لنا الف حساااب ... فتفوقهم ليس بسبب انهم الفضل بل لاننا نحن سيئيين |
ههههههههههه -- طيور الجنه وباب الحاره يلعبون بروح لوطنهم لكن دجاجنا الخضر ؟ لا روح ولا لعب والسبب !!؟؟ |
هههههههههههههههههههههههههههههههههه العنواااااااااااان يكفي قوووووووووووووووووووووي |
ههههههههه العنووان بجددد يكفففي لكن << اقتبسست من موضووعك كلمه او جمله من بييين السسطوور وحسسيتها بتعببر عن اللي بقوووله وآللي هي ((الفانيله كانت صعبه المنال والان اي لاعب يرتديها )) آللي برد قلبي صدددق آليووووم وقلت يآوولي عليييك (( سآآآمي آآخ بس كلآمه في تحليله ع آلجزززيره كآن ع آلجرررررررح )) :ba1::smilie47::ba1: تحيييتي لك / وحسسآفه ع آالمنتتخب :cry: |
اهل باب الحاره واهل طيور الجنه كانوا يقاتلون عشان الفانيله اللي لابسينها حماس وروح وقتال ..ماعندهم الموارد اللي عندنا ولاعندهم الدلع اللي عندنا والاهم ماعندهم خطط مدروسه وبالاخير هم مستمرين بالبطوله والصقور اقصد الجرحى الخضر مو بس طلعوا من البطوله الا فشلونا واحرجونا ياليت طالعين بكرامتنا احسسن من هالمستوى |
هههههههههههههههههههههههههه من عنوانك صدق نكته |
ياخوي احترام الفريق السوري والاردني مطلوبه لانهم ناس يشتغلون على فرقهم ليل نهار مو مثل ابو الخطط عندك كلام في كلام ووعود خربوطيه هو واسير الشوك , تقبل مروري بود بارك الله فيك |
للاسف الشديد وضع الكورة السعودبة في أيدي بدأنا بعدم الثقة في مايقولونه حنى ولو أقسموا على المصحف الشريف فالطمع هو السائد وتصفية حسبات مسيطرة تماما على العقول الصغيرة واللي متوليه مناصب والله بديت أخاف من المستقبل لانه الروئية غير واضحة وعدم الشفافيه في التصريحات باتت سمه لدينا نحن السعوديون.......... الغرور والمكابرة تأتي كطرف أساسي في كورتنا السعودية نحن أفضل دوري ونحن مدري وش مسوين لأسف والله قبل شوي كنت في كلام مع شخص أردني والله العظيم أنه قاعد يضحك علينا ويقول هاذا اللي فايز مدري بشو أتمنى من سلطان يفهمها لان الشعب مل من كثرة الكلام وبكرة رح يطلع و..يقول نحن بصدد جلب خبراء اوربيين وسوف ندرس معهم وضع المنتخب .. الله يعين عليك بس وشكرا لك على الموضوع اللي خلى كل واحد يتذكر أيام الرجال أيام الثنيان وماجد عبدالله ومحمد عبد الجواد وسامي الجابر أسماء سوف نبكي عليها طويلا تحياتي},,,,,,, |
سلطان بن فهد ,,, نفسي أغني لــك . أشكيك لميــن والخصم أنتا والحكم أشكيك لــمين . |
الوقت المعتمد في المنتدى بتوقيت جرينتش +3.
الوقت الان » 11:37 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd