بسم الله الرحمن الرحيم




هذا اول موضوع لي يالغوالي واتمنى ماكون ثقيل عليكم بس شبكة الزعيم تجذب الواحد غصب



ابتدي معكم موضوعي





جمهور الزعيم هو افضل واكثر واعرق جمهور عرفته أسيـآ



لكن فيكم نقطه اقسم بالله العلي العظيم حتى جماهير الفقر تقولها اننا ننكر الجميل بأسرع مايمكن




انا عارف ان المواضيع كثرت عن ياسر القحطاني ولكن لي تعقيب بخصوص التهجم عليه



ليونيل ميسي افضل لاعب في العالم لم يصنع الفارق للمنتخبه الارجنتين لاحظوا كأس العالم ماجاب ولا هدف





بكل بساطه الكل يعرف خط الوسط هو العامود الفقري لأي فريق بالعالم وهذا سبب نجاح ميسي في برشلونه




لدى برشلونه خط وسط يستطيع ان يغير مجريات مباراه كامله




عارف الكل بيقول وش له الزحمه ذي كلها وبرشلونه ومدري ايش


اللي ابي اوصله حبايبي



ان ياسر القحطاني ماهو فريق كامل هو اسم فقط لاأكثر ولا أقل هو لاعب يمتلك منطقته بس



اليوم مثلآ بمباراة المنتخب جا الهدف على السعوديه قالو ياسر سبب الخساره اللي ابي افهمه ليش



اعلام الفقر جماهير الفقر هذي خالصين منها هي عدت شوائب ماراح تنظف السعوديه الا اذا رشينا مبيد عليهم



لكن اللي ابي افهمه انتم ياجمهور الزعيم وش تبون بالضبط من ياسر



يعني اذا سويتي كذا واحرقتوه تسمون هذا انتقاد



ابي اذكر اللي اتذكره من افعال ياسر للزعيم



الدوري السعودي مع الاتحاد قبل 3 اعوام يوم كان الهلال يلعب بفرصة الفوز فقط



جاب هدف واهدانا الدوري




لاتروحون بعيد دوري ابطال اسيا في مباراتنا مع الغرافه اياب رجعنا للمباراه بأخر دقيقتين واللي وربي حز بخاطري وقطع قلبي دخلت المنتدى هنا لقيت الكل يشيد بطلق المحيـآ طيب وياسر مو هو اللي رجعنا للمباراه


في مباراة ذوب اهان ذهاب اهدانا ركلة جزاء وجته اصابه وعلشان الجمهور الهلالي قام وكمل وضيعها ويلي ومع ذلك ورب الكعبه دخلت المنتدى ولقيت الكل مانتقد ويلي مدري ليش !!



ويلي سبب بدخول هدف علينا بمباراة ذوب اهان ومحد انتقده ومدري ليش



لو تجمع رادوي على ويلي على لي يونغ على نيفيز مايجون نص ولاء ياسر للهلال



تذكرون مباراتنا مع الاتحاد يوم تقدموا علينا شلون كان يرمي نفسه على الكوره كتفه فيها اصابه قويه وتحامل على نفسه علشاننا



اللي ابي افهمه انتم وش سويتوا للياسر ياجمهور الهلال



صوت النشاز اللي يطلع بمباريات الفقر ياسر وينه بالاستراحه ليش ماوقفتوا وقفة رجال ورديتوا عليهم ياسر وينه ياسر جاكم ياسر وينه شق مرماكم



ولا بس تبون الاعب يلعب لكم وانتم جالسين وساكتين وماتسوون شيء




اقسم بالله لو كان ياسر عند نادي ثاني غير الهلال لقدروه جماهير الهلال ارقى تقدير




اللي يهايط ويقول ياسر عاله علينا سؤال واحد اوجهه له اكثر من مباراه صار هجوم الهلال وياسر بالدكه او مصاب تقدر تقولي وش سوا الهجوم بذاك الوقت




اتحدى اي واحد منكم يقول لي ان هجوم الهلال يساوي ربع من ال 100% بدون ياسر




ويلي من اللي خلاه يجيب اهداف كثيره لاتقولون هو وفنه ولعبه لا ياحلوين ياسر هو سبب بهالشيء من اللي يسحب المدافعين معه من اللي لادخل يهبل فيهم



نسيتوا وش سوا ياسر بمدافعين النصر يوم مصخرهم تمصخر وفرح قلوبنا وخلاهم يضيعون


وهذا هم يتفوقون عليكم جمهور النصر وتسببوا باعتزال ياسر دوليـآ



لاتقولون سلطان بن فهد سبب طلوعنا اقسم بالله لو فيه احد يخاف على مصلحة الكورة السعوديه فهو سلطان بن فهد



لكن رؤوساء الانديه ماهمهم الا ناديهم وبس



اجل خذيلان الخبل يقول ياسر حق منشطات والدوره باقي عليها اسبوع بس !!!!!!!!!!!




وش التحطيم هذا




مباراة السعوديه وانجولا جماهير سعوديه تقول ياسر وينه بالاستراحه



ابي اللي يقول سامي وسامي وابلشنا بسامي



سامي جاه نص اللي جا ياسر




اقسم بالله لا ولو انه جاه نصه بس تلقاه اعتزل



لاعب محارب اعلاميا وجماهيريآ واي مباراه يخسرها المنتخب او الهلال قالوا ياسر السبب لو انه احتياط



النكته بالموضوع اللي يكرهون ياسر بهالمنتدى انا اقولكم السبب وبختصار



اغلب اللي يكرهون ياسر هم لان البنات يحبون ياسر فتلقاه متفتف من هالسالفه ويحفر عليه بس كذا !!



لان اللي يقول ياسر عاله فهو العاله على تشجيع الزعيم ماهو ياسر




حنا وش سوينا مجرد نحضر مبااراه ب20 ريال وياسر ماسك هجوم 4 سنوات لحاله مع الهلال وماطالب الاداره بمهاجم يساعده كله عشاننا ومانقدر هالشيء



اختصار موضوعي والله العظيم ان ياسر وقع في القاره الخطأ ومكانه أوروبا ولا غير اوروبا تحمل هذا الاسم العملاق



اقسم بالله ان عشقي للهلال لايعرف اي ميول لاي لاعب واني اعشق الهلال منذ الصغر



لكن قلته والحرقه بقلبي على اسطورة الكورة السعوديه ياسر سعيد القحطاني




ودي