لا تنسون الراس الكبير
 

هاردلك للجميع الخسارة المتوقعة :ranting:
والله ياجماعة بعد كل هزمية وانكسار سواء مع المنتخب أو النادي الواحد يراجع حساباته ووده انه ماعرف كوره ولا شجع ، خاصة إن عندنا لاعبيه يلعبون بلا روح ، الروح كلمة مدري كيف اشرحها وأفهمها لبعض الاعبين يسمعون فيها ويرددونها قبل كل لقاء ، كل لاعب مع المنتخب شوفوا كم عقده وكم يستلم آخر الشهر اللهم لاحسد وفي النهاية خذلان واحباط للجمهور الغلبان ، من زمان الكورة السعودية سواء للاندية أو المنتخبات ماحققت إنجاز عليه الكلام .

ما تلاحظون أي مباراة مهمة سواء لنادينا ولا منتخبنا هزيمة وعكـ كروي لا يوجد له مثيل ، تقول ناس أول مره يشوفون الكوره ، أرجعوا لمعظم مباريات الهلال والمنتخب المهمة والنهائية ، حدنا بس طايحين في بعض ، ودورينا كل مبارياته رايحه تبطح وتضييع للوقت ، الحين مبارياتنا مايلعب في الوقت إلا 25 دقيقة فعليلا ، وأكثر اللعب طقها والحقها لا تكتيك ولا تحرك بدون كرة ، وإذا طلعنا نلعب بره الناس متعوده تلعب فوق 70 دقيقة انطقينا بـ 8 و 5 و 4 وفرق توها تعرف الكوره تفوز علينا .
والله ياعالم انا ماجيت أكتب إلا عشان أفضفض وأبيكم تشاركوني الفضفة ، ياني مقهور ، خاصة إن الحلول واضحة ، ومثل ماقال سامي الجابر اليوم ، لو تجيب طفل 12 سنة علمك مشاكل الكوره السعودية والحلول ، بس وين الي يفهم .

أخير أنا ملاحظ الكثير يطالبون سلطان بن فهد بالرحيل ، وهذا يظهر بكثير من توقيعات الاعضاء الكرام ، ومعهم حق بمطالبهم ، ولكن أحبابي لا تنسون تشيرون إلى اسير الشوق ، وتضمون صوره إلى صور الرئيس العام ، لآن سلطان بن فهد إذا ذهب بتاكيد بيكون مكانه النصراوي نواف بن فيصل ، عاد وش يفكنا منه ، ولنا في تصريح الاميرورئيسنا المحبوب عبدالرحمن بن مساعد عبره عندما قال أملنا في سلطان بن فهد فقط ، بعدها االنصراوية طلعوا البيان إلا آخره ثلاث فقطات :d والجاسر عندما قال يكفيكم الراس الكبير ..
فيايروحون سوا ولا سلطان أرحم لنا من نواف ..

تحياتي لكل الزعماء .....وهاردلكم جميعا كالعادة ..