عاشت أمي ...رسائل منثورة .... - نادي الهلال السعودي - شبكة الزعيم

الطعنة في الظهر توجع · #1 12/01/2011, 08:48 AM

سلام يالربع

صبحكم الله بالرضا والعافيه

اليوم جايب لكم موضوع شي

هذي افضل عشر رسايل ارسلتها

لامي

الله يطول في عمرها
وبمناسبات مختلفه
اول رساله هي اخر رساله ارسلتها لها البارح
لان كل ما كلمت كان التلفون مقطوع

طبعا انا ارسل الرسايل على جوال اخوي حمد
وهو يقراها لها
لانها فديتها ما تعرف تقرا ولا تكتب

راح اكتب الرسالة كامله
وراح اكتب مناسبة كل رساله
وعلى فكره اسم امي مذكور في حدى الرسايل

>>>حاس داق لطمه بتمسك معه على اسم امي

بسم الله

::::::::::::::::::::::::::::::::::::::::::::::::::::::::::::::::::::::::::

:::1:::

المناسبة: كنت مشتاق لها بس

بلغوها كانها تدرك شوقي والحنين
إني رجلن ما رضخ إلا لها

وبلغوها لو غشت عمري السنين
إني طفلن من صغار عيالها

وبلغوها كان شعري لها يعين
إني ملثِّم قصيدي بشالها

يمه مشتااااااااااااااااااق لش حيل
خلي حمد يصلح التلفون عشان اكلمش

::::::::::::::::::::::::::::::::::::::::::::::::::::::::::::::::::::::::::

:::2:::

المناسبة: عيد الأضحى المبارك

اقبل العيد بفخر
قال هنيها بنا
قلت يا عيد افتخر
جيتنا وهي بيننا

باكلمش تالي الليل على رواقه طال عمرش عندنا ذبح وسدح ذلحين

::::::::::::::::::::::::::::::::::::::::::::::::::::::::::::::::::::::::::

:::3:::

المناسبة: اشتقت لها بعد ما قفلت منها

تصدقين
إني البارح حزين
بعدما قفلت منك
شدني صوبك حنين
سبحان من هو طهرك
اشتاق لك وأنا معاك!
وقال دكتور الهوى
علتي يمه هواك
وقال تدري وش دواك؟؟
عند أمك
طالبك يمه رضاك

::::::::::::::::::::::::::::::::::::::::::::::::::::::::::::::::::::::::::

:::4:::

المناسبة: كان عندي اختبارات

الناس ترجو جنة الله وداره
ما دورت تحت الرجول المحناه

يا جنتي يا غايتي والطهاره
يا قبلتي لا نابشتني المعاناة

بكره صغريك سارح لاختباره
يرجو دعاء منك يمه ومناجاة

بكره آخر اختبار لي يمه دعواااااتش

::::::::::::::::::::::::::::::::::::::::::::::::::::::::::::::::::::::::::

:::5:::

المناسبه: يوم سافرت المانيا احضر مؤتمر >>مهم

البرد صك العظم والعظم ينخاك
وده بحضنك ما طلب غيره دفى

كلما يشين البرد أقول مناك
ترى أمي بقلبي يدفيني الوفا

فيومه درى بأنك على حشاي مدكاك
ولى ولم يعقب وفي لحظه اختفى

ابشرش وصلت وعندهم برد عيال الللذين
مدري كم الساعة عندكم لكن إذا صحيتي خذي جوالك منصور وكلميني
::::::::::::::::::::::::::::::::::::::::::::::::::::::::::::::::::::::::::

:::6:::

المناسبة: عيد الأم

كل عام الناس بالأم تحتفل
وكل يوم بش أنا والله أعيش

بس دام الناس قامت تمتثل
جيت أسابقهم وأزاحمهم عليش

ترى اليوم عيد الأم وحبيت أعيد عليش يمه

::::::::::::::::::::::::::::::::::::::::::::::::::::::::::::::::::::::::::

:::7:::

المناسبة: قبل ما انزل لهم في الصيف بايام

مابقى إلا أيام ونجي
ونلتقي
بعد الفراق
وافرح أنا وتفرحي
ياااااااااااااااااااه
كيف الملتقى
ضمي طفلك يا مرح
وان نزل دمعه غصب
لا تجزعي
هذا دمعي بالفرح

أيام طال عمرش وأنور نجران بمقدمي
واحشتنيييييييييييييييييييييييي
::::::::::::::::::::::::::::::::::::::::::::::::::::::::::::::::::::::::::

:::8:::

المناسبة : يوم مات عمها

لا تلطمي خدك على شيبه مضى
أبغى خدوك زي ما هي لينه

المنيه من قدر ربي وقضا
ومن رضى بالله تصبح هينه

يحشره ربي في امة مرتضى
لان عمك يعبد الله ببينه

واذكريني واتركي أية عضه
العزى في الله وأنتي الدينه

الله يرحم عمك يمه ويسكن فسيح الجنة ويغفر له
المعذرة ما قدرت انزل للعزى
باكلمش تالي الليل

::::::::::::::::::::::::::::::::::::::::::::::::::::::::::::::::::::::::::

:::9:::

المناسبة : تبغاني اتزوج قبل اخواني

لا تزيدي بالملامة ولا تهلي الدمع ظلم
والله ما أعرس وقبلي من بني الشيبة رجال

هذا علمي وجوابي وما بعد هالعلم علم
هذا أمر رجال يمه خل عنك قيل وقال

وش عليك تستعجلي والله ما يدناك هم
لين أملا البيت بأمر الله فروخ وعيال

لا تدخلين في مواضيع الرجال يمه
تريني زعلان منش بجد
ما عهدتش كذا

::::::::::::::::::::::::::::::::::::::::::::::::::::::::::::::::::::::::::

:::10:::

المناسبه : بعد حجه قضيتها

قالوا باني خرجت من ذنبي وإثمي
وقالوا كما يوم الولادة صرت يامسلم

لا ذنب لا إثم لا حقن على دمي
لا ظلم لا عدوان لا تفريط يامحرم

فرحت باني كما يوم جبتني أمي
ذكرتك وفرحتي ارتسمت على المبسم

دعيت ربي يزيل غمك قبل غمي
ويغفر ذنوبك وذنبي ويحفظك مغنم

وجعل يومي قبل يومك إلى عمي
ثلاث أيام يا يمه وشملي وشملكم يلتم

ابشرش قضينا الحج الأكبر
زوجش فاقع كبدي
مدري وش مصبرش عليه
يالله هذا أول ذنب لي
فديتش وربي مشتاق لش

طبعا انا احب اراسل الخلق بالشعر
خصوصا الانسانه ذي
الله يكسبنا رضاهن ويخليهن لنا
اقولها باعلى صوووووت

يمه احبش