بسم الله الرحمن الرحيم

السلام عليكم ورحمة الله وبركاته


في بطولة كاس اسيا 2011 الكل شاهد تفوق دول شرق اسيا على 3 منتخبات من الخليج وكسبو بالمستوى قبل النتيجة وياخوفي بكره تكملها كوريا الشمالية وتفوز على الامارات

اول مباراه انلزخت قطر ب 2 وكانت قابله لزيادة لــ 6 اهداف انواع الشوارع منتخب ضايع من جميع النواحي !!

ثاني مباراه انلزخت الكويت ب 2 رغم تأخرها ورغم الظلم التحكيمي الا ان الصين افضل

ثالث مباراه البحرين تنلزخ من كوريا ب 2 مستوى عااااااااالي جدا جدا وتفتيح شوارع حتى وهم ب 10 لاعبين ماقدرو يوقفونهم !!



والكلام نفسه ينطبق على اللقاءات الجاية نتكلم على اكثر من 5 لقاءات بين الخليج ودول شرق اسيا !!


الي شاهد المباريات بيعرف كلامي صح ناس تطورت واشتغلت صح واهتمت بالبنية التحتيه وهذا ثمارها وتغيير واضح فيها

الله يستر من القادم ياخليجنا :cry:

راح اتكلم عن رياضتنا السعودية ليش حنا زعلانين ؟؟

الي حاصل حاليا بالمنتخب السعودي هي تكملة لسلسلة من الفشل برئاسة الرجل الاخضر ونائبة لا بنية تحتيها مدروسة ولا اكاديميات الي وعدونا فيه من اربع سنوات ولا ملاعب تبيض الوجه اخر ملعب له 30 سنه واذا دخلته يطفشونك ولا اهتمام بقطاع الناشئين ولا بالشباب والدليل جميع البطولات طلعنا منها ولا اهتمام بحكامنا الي ينكرفون كرف بملعب الصايغ الي له قرن وكله عشان طفسه 200 ريال لدرجة الثانيه والثالثه و500 ريال لدرجه الممتازه ونروح نجيب حكام اجانب معزز ومكرم غصبن علينا ب مليون دولار وهم اخس من حكامنا هذا التفكير البدائي ومستحيل نتطور ونوصل مواصيلهم :cry:




الي حاصل حاليا مجرد اجتهادات من رؤساء اندية مثل الهلال والاتحاد والشباب والاهلي والنصر يدفعون مبالغ خياليه ولكن كل هذا له وقت وراح ينتهي كله ورا غطاء الشهره .....




لله در شرق اسيا ناس تتعب على حالها وتطور نفسها


تفوق واضح اوزباكستان والصين وكوريتين واليابان دول شرق اسيا علمونا درس ماراح ننساه ابدا


الفرق بيننا شاسع هم يتطورون وحنا طقاق في ما بيننا والخبر اليقين عند سبورت اولاين والمجلس وابو ظبي



لا حول ولا قوة الا بالله