|
أنتي أمي ولا جايك ......... السلام عليكم ورحمة الله وبركاته صباحكم / مساؤكم .. ورد وفل وياسمين كيفكم ان شاء الله طيبين من زمان ودي انزل موضوع وكل يوم اقول بكره بس شفت كم موضوع عن الأموانا اتذكر اعز صديقاتي ومعاناتها هي واخوانها مع أمها وحبيت اقولكم قصتها... هذي وحده من صديقاتي تشكيلي من أمها تقولي تصدقين أني اكره أمي مااحس باي شعور تجاها والله أني اتمنى انها تموت (قلتلها استغفر الله حرام عليك هذا عقوق مايصير مهما كانت امك جنتك ونارك ) قالت والله ادري بس غصب عني كيف تبيني احبها وانا من يوم كنت صغيره وانا مع الشغاله أنام في حضنها وهي اللي توكلني وتلعب معي وتهتم فيني جتني فتره أنادي الشغاله ماما مع العلم ان أمي ماكانت موظفه عشان اعذرها اقول عشان كذا خلتني عند الشغاله بس هذي طريقتها مع إخواني كلهم ماينامون معها الا اول اسبوع من النفاس وبعدين مع الشغاله طيب وين قلبها تتركنا في الشهور مع شغاله ماتدري وش تسوي فينا هذي ام بالله عليك كيف تبيني احبها ماعطتنا الحنان يوم كنا صغار وكنا في حاجه له توها بتعطينا يوم كبرنا وعذرها ماخذت الحنان من أبوكم والله انها اذا لمتني أنا وإخواني أنا نستغرب نحس بشي غريب علاقتنا معها رسميه ماكأنها أمي نفسي انها مثل الأمهات اللي يكونون مصادقين بناتهم بس والله مابيني وبينها الا السلام وطلبات اذا ابي من المدرسه شي ولا انها تهاوشني ليش ماسويتي كذا ليش مادرستي إخوانك بس يوم كنا صغار اذا تعب الواحد منا وصاح من بطنه من ضرسه تحسبينها تقول بسم الله عليك تعال ياقلبي الحين بتطيب ان شاء الله والله مغير تعطينا دواء وتقول خلاص عاد وش تبوني اسوي فيكم دواء وعطيتكم وفي هالحاله ماندري وش نصيح منه من الألم الجسدي ولا النفسي مره والله خنقتني العبره كان اخوي يوجعه ضرسه ويصيح منه شافته خالتي قالت بسم الله عليك وحطت يدها على خده يقول والله حسيت بحنان أني حسدت عيالها يقول موب أمي اذا رحتلها مغير ماعندها الا الدواء هذا وهو توه صغير حاس بالجفاف منها الله يعينه الا كبر والله أني اسمع أناشيد عن الام واردد معهم وتعجز كلمة امي تطلع من فمي أني اقول بدالها اسم اختي الكبيره لانها هي أمي وام إخواني اللي ماولدتنا بس ربتنا ودرستنا وشافت وشفي خواطرنا وهي اللي بعد الله نشكيلها ونفضفض لها لولا الله ثم هي يمكن انحرفت أنا ولا واحد من إخواني بس هي اللي تنصحنا وتصبرنا وهي اللي علمتنا على الصلاة والصيام وأمي للأسف ماقد قالت لي صلي او وجهتني او علمتني هذا صح او خطا وكيف ماتبيني اتمنى انها مو أمي او انها تموت يمكن الموت يريحنا منها لانا ماراح نفقدها باي شي بالعكس بنرتاح والله أني اتمنى ان أبوي يتزوج عليها عشان تزعل وتطلب الطلاق وحنا نروح مع أبوي وداريه ان زوجة الاب مهما كان بيكون فيها حقها من الشر بس معليش أتحمل العذاب الجسدي ولا النفسي.. بعض الاحيان احس أني في حلم من أشياء تسويها أعجز أني أصدقها تخيلي تغار علي من أبوي اي شي اسويه يمدحني أبوي تولع حتى أبوي انتبه لغيرتها حسيت أني جارتها مو بنتها اجل فيه ام تغار من بنتها .. مره اخوي يسألني يقول (هي صدق أمنا ولا جايينها هديه) قلتللأسف انها امنا اللي ماخذنا منها لاحب ولا حنان ولامشاعر ولا.. ولا.. ولا.. هي كانت متزوجه قبل أبوي وماقعدت معه الا شهرين يقولون ان فيه حاله نفسيه يعني معقول انه اثر عليها ولا طبعها كذا ؟؟؟ والله بعض الاحيان تتصرف تصرفات اللي في شهار مايسوونها والله تعبت منها ماني عارفه كيف أتعامل معها .......... اتمنى لمن يقرأ قصتها بان يدعوا لها وان لايبخل عليها بنصيحه... |
الله يحنن قلب امها عليه والله يخليهم البعض {{ والله يقلب حالتها من جحيم الى نعيم مع امها }} ولــــــــكــــــــن الأم شي عظيم والله ما اصدق ولا اعرف شلوون يجي يووم وما اشوووف امي او ما اسمع امي او ما ابوووس امي امي جنتي تحت قدميك فجعليني ابوووس قدميك امـي انتي نور حياتـي انت سهرتي علي وتعبتي علي الله لا يوريك من بعد هذه اليوم تعب الكثير لا يحس بطعم ولذة الأم الا بعد ما يفقدها فلنحافظ عليها |
:rose:الا الام مهما كانت الانسان اللي حبتني بدون منه وعطاء تعطيني اكثر من انها تاخذ مني:yes: يكفيني انها تعبت لين جابتني وفوق هذا ربتني ليه اطالع اغلاطها ولا اشووف حسناتها:yes: و الدواء اللي عطتها هذا دليل لاهتمامها فيها وتحبهااا والله تحبها بس يمكن ماتقدر توضح هالشي:smilie47: يكفينا ان الله سبحانه رضاه من رضاها ورضى الابو والرسول عليه الصلاة والسلام وصانا عليها امك ثم امك ثم امك ثم ابوك ماعليش حنان الدنيا وش تبيبه ترضي امها وبتلقاها عند ربها ان شاء الله وليش تتمناها تموووت اللي امهاتهم ماتو وهم مجافينهم يتمنون يرجعون لهم لحظه ويعوضون اهلهم عن كل تقصير وكل غلطه في حقهم اسمحيلي صديقتك هذي ماعندها قلب شكلها هي المريضه نفسيا ولا احد يتمنى ان امه تمووت عذرا طلعت عن الحد بس بعذري تشكرين:rose: عاشقه الشلهوب بس اتمنى توضحيين لها مكاانه الام |
الله يكون بعونها اختي ... طيب حاولي تكلمينها انها تتقرب اكثر من امها لان اهم ماعلى الانسان رضى الام على ابنائها ... الله يعينها بس |
تبين الصدق والله بعض الامهات يفقعون الكبد لكن تبقى ام والصبر عليها واجب انصحها تكون قويه مع امها لان ما يفل الحديد الا الحديد وانا اخوك |
والله شي يعور القلب فعلااا .. فيه امهااات .. حنانهم وعاطفتهم ما تظهر .. بكلام ..تظهر بتصرفات .. وفيه العكس .. وفيه اللي مافيه اي احساس نهائيا ..الموضوع رااجع لتربيه الام نفسهااا... وكيف تعامل امها معهااا.. هي تعامل عيالها بالمثل .. الله يعينهااا ويسر امرهاا... والله وصلنا لمرحله قويه .. من الجفاف حتى بالبيت الواحد نادرا ما تجتمع الاسره .. وتناقش مواضيع وتضحك وتسمر .. مدري الزمن تغير .. ولاااا احنا تغيرنا... نسأل الله العافو والعافيه |
إقتباس:
شاكره لك مرورك:rose: |
إقتباس:
خيتوو زعيمه أنا وانتي وغيرنا مانتمنى موت أمنا لانا حاسين بحبها لنا وحنانها وندعي ان يومنا قبل يومها لان الدنيا عقبها ماتسوى شي بس اللي مثل صديقتي ماحس بحنان امه ولاحبها أكيد انه يتمنى موته ولاموتها وتمنيت انك دعيتيلها بدال كلمتك انها مريضه وشاكره لك مرورك خيتوو:rose: |
الأم مهما كان تعاملها مع ابنائها تحبهم وتخاف عليهم وهذي فطرهـ الله فطر قلب الأم عليها .. من خلال ماذكرتيه قلت ربما ان الأم هذي تعاني من مشاكل نفسيه وتخفي عنهم .. مافي ام بالدنيا تغار من بنتها !! ليه مايجلسون معاها ويقولون لها اللي بخاطرهم كله يمكن بعد تقولهم شي هي مخفيته عنهم !! يحاولون يتقربون منها اكثر اكثر .. بس بلغيها لاتدعي عليها هذي امها الله سبحانه قال ..(( وان جاهداك على ان تشرك بالله شيئاً فلا تطعهما وصاحبهما في الدنيا معروفا )) ماني متأكده اذا الأيه كذا اذا غلط صححوا لي " ولله يوفق الجميع لما يحبه ويرضاهـ :rose: |
إقتباس:
الله يعينها تقول ان امها صعب التعامل معها والحين علاقتها معها رسميه.. شاكره لك مرورك:rose: |
إقتباس:
والله يجزاك خير ع النصيحه وشاكره لك مرورك خيوو:rose: |
إقتباس:
إيه والله انك صادق الله يعين بس في بيت واحد نقعد بالأيام ماشفنا بعض.. شاكره لك مرورك خيوو:rose: |
إقتباس:
تقول ان زواجها الاول مادرينا منها درينا من الناس ويوم سألتها وهي ترتبك وشكله مآثر عليها مرره الله يتوب عليها ان شاء الله قوله تعالى " وإن جاهداك على أن تشرك بي ما ليس لك به علم فلا تطعهما وصاحبهما في الدنيا معروفا " اللهم امييين والله يجزاك خير وشاكره لك مرورك خيتوو:rose: |
لا نملك لها إلا الدعاء ,, الله يحنن قلب أمهم عليهم :cry: هالبنت أختها وقفت معها طيب البنات اللي مثل حالتها من يوقف معهم ؟! |
إقتباس:
إيه والله ربي راحمهم وعوضهم بهاالاخت الله يعيين ان شاء الله يوقف معهم اللي خلقهم ماراح ينساهم.. وشاكره لك مرورك خيوو:rose: |
| الوقت المعتمد في المنتدى بتوقيت جرينتش +3.
الوقت الان » 06:51 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd