نادي الهلال السعودي - شبكة الزعيم - الموقع الرسمي - طيب ليش ما يكون عبدالعزيز الخالد هو مدرب المنتخب؟؟ صدقوني ما راح نتأهل وأذكركم..

- منتدى المنتخب السعودي (http://vb.alhilal.com/f51/)

طيب ليش ما يكون عبدالعزيز الخالد هو مدرب المنتخب؟؟ صدقوني ما راح نتأهل وأذكركم..

سؤال لسلطان الرياضة..

مافيه مدرب وطني الا ناصر الجوهر.. خلونا نجرب فكر تدريبي جديد..

هذا اذا كان فيه عندنا فكر تدريبي أصلا..

على الأقل نضحك على الناس اللي برا ونقولهم ان عندنا أكثر مدرب وطني..

ناصر الجوهر أدى ما عليه وأكثر.. بالضبط مثل سلطان بن فهد.. كلهم أدوا اللي عليهم وأكثر..

ليش أبو متعب الله يحفظه.. ما يسوي شوية تغييرات جذرية في إتحاد الرياضة.. يعني مثلا يحط سامي رئيس الرياضة والشباب.. ويجيب له مساعد أوروبي..

ويعينون الخالد مدرب على المنتخب الأول.. مو حقق كأس العالم مرتين لذوي الإحتياجات الخاصة..

مو سلطان بن فهد يتباهى فيها في كل مرة يتكلم فيها عن الإنجازات اللي تمت في عهدهـ..

ولا يمكن عشانهم ما يلعبون على عشب أخضر يمكن العشب اللي يلعبون عليه عشب غير كذا..

ياناس لا نضحك على أنفسنا العيب مو بوسيرو العيب في الإدارة العليا..

العالم سبقونا والله.. وحنا للخلف در.. والله العالم اسبقونا..

دول الشام كلها مستوى منتخباتها أفضل مننا.. والأردن راح تأكد اللي سوته سوريا.. واليابان ما راح يخلينا انتأهل..

وضاعت علينا هالكاس بعد مثل اللي ضاعت اللي قبلها..

تدرون عاد.. عسانا ما انتأهل عشان على الأقل يرجع الدوري.. وانتابع فريقنا بدل هالمهازل اللي حنا فيها..

حتى لو جاء مورينهو ماراح نتعدى المجموعات

السالفه مهيب مدرب وبس

خلوكم شوي متفائلين

إن شاء الله الاستبنه يعدل الي راح ونتأهل وارجع لكاس اسيا 2000 وشوف

نجيب مدرب جديد وبكأس اسيا !! .. وعلى فكرة ترا الخالد هو احرز كاس العالم مع ذوي الاحتياجات الخاصة

وظنك راح ينجح ؟!

والله كلامك صحيح ..

ياخي ما فيه الا الجوهر .. > والله ازعجوا امنا به ..

ياخي فيه الخالد . ويوسف خميس .. و و والخ ..

غريبين انتم ؟!

فيكم تشأهم مو طبيعي

انا عن نفسي ولله الحمد كللي تفأل بالمنتخب وخآصة بعد اقآلة بوسيرو

اللهم يارب وفق المنتخب السعودي و فوزة في مبآرآتة امام الاردن وخله يتأهل يارب اللهم آمين يارب العآلمين

أنت من جدك مصدق ان المدرب الحقيقي هو ناصر الجوهر !!!!!!!!!!

ههههه يالحبيب الكبتن القدير السير سلطان بن فهد هو مدرب المنتخب من خمس طعش سنه :s2: بس مامن فايده عيت تجي معه ولا يفهم بالكوره الا خططنا مدروسه ونعرف ماذا نفعل من أجل الوطن :s5s:

بالفعل ليه مايخلون الخالد يمسك المنتخب !!

خلوكم شوي متفائلين

إن شاء الله الاستبنه يعدل الي راح ونتأهل وارجع لكاس اسيا 2000 وشوف

كأس آسيا 2000 ياخوي في زمن غير هالزمن..

عام 2000 يابن الحلال كان 10 مليون تجيب لك أفضل فريق مع 3 أجانب..

الحين وش تسوي لك 100 مليون.. حنا الحين ياعزيزي بعام 2011 تخيل وسلطان الرياضة يطلب من بلاتر معونة الدول الفقيرة لعمل ملاعب على أراضيها..

حنا أغنى دولة ياناس..

يارب توفق المنتخب في مبارياته القادمه

لو جاء الملك وشال سلطان بن فهد بيجيك الفيفا وبيقولون لا تتدخلون ورجعوه فهمت؟؟

المفروض سلطان بن فهد يسوي اتفاق مع اتحاد الكرة البرازيلي والاسباني للتطوير والاتفاق مع مدرب ويفضل ارجنتيني يهاجم لأن منتخبنا يبعدون اكثر مع الارجنتينيين

إقتباس:

الرسالة الأصلية كتبت بواسطة Al Suwalih 9 (مشاركة 17010665)

جبتها على الجرح هذا مشكلة شيلته مو سهلة وبعدين مفروض يكون بيه لجنة تطوير عليا من مجلس الوزراء وأخر سنة تقر وليس كما حصل لموضوع الخصخصة سكتونا بورقتين وقالوا دراسة

ياخوي ناصر الجوهر مدرب منتخب المملكه العربيه السعوديه بتكليف من صاحب السمو الملكي الامير سلطان بن فهد بن عبدالعزيز ال سعود , فهمت , على فكره ترا هذا مو كلامي كلام الجوهر مدرب منتخب المملكه العربيه السعوديه , كل ماسألوه في الاعلام قال هالكلام, ياخوي قل انا مدرب المنتخب السعودي ليش هالمطــــــــــه .

تقبل مروري بود بارك الله فيك

صبرا جميل والله المستعان
الله يكتب اللي فيه خير