|
يامرحبـا ترحيب الـروح للـروح فـي مجـلس مـافيـه نفـس ثقيـله () بسم الله الرحمن الرحيم مدخـل : يامرحبا ترحيب(تـ) الروح للروحـ :smilie47: http://www2.0zz0.com/2011/01/10/07/327614917.jpg :wub: بما ان تم تكريمي امس .. دايما نسمع كلام من بعض الفنانين عندنا بالكويت اللي محد يعترف فيهم ويكرمهم ولما يصير شايب تقووم الدوله مشكووره بتكريمه بعدها بكم اسبووع يتوفى :d صارت عقده عند بعض الفنانين يقولون كل ماكرموا احد توفى خلاص مانبي هالتكريم :s5s: فأنا قلت بعد فتره مو قصيره تم تكريمي اخاف يصير فيني شي وماانزل مواضيع :razz: فحاولت اضغط على ايقونة موضوع جديد واكتب جم شغله افضفض فيها :s4s: وحده من الاهل عندها 5 بنات ماشاءالله والله منعم عليهم واتوقع انهم عندهم ملايين << ابد مو حاقده :d البنت الاولى ليلحين مو متزوجه ماياها نصيبها او يمكن الله مو كاتب لها نصيب عمرها تقريبا 35 وماتزوجت ! الام صارلها مثل عقده بما ان البنت الاولى ماتزوجت يعني الكل مابيتزوج من بناتها وصار هالشي دايما بافعالها وعلى لسانها وتتصرف تصرفات غريبه !! دايما لما نقعد معاهم ونسولف عن مذيعه او ممثله تزوجت ترد علينا هي بإجابه حفظتها منها وهي : البنات اللي بالشوارع مكشفين والكل يشوفهم يتزوجون وبنات الحمايل ببيوتهم يعنسون !! وطبعا البنات مايردون عليها ولكن كل يوم يسمعون هالكلام ولو شفنه وحده بالشارع مو متحجبه ومكشفه ومعاها زوجها تقوول ايي البنات اللي بالشوارع هم اللي يتزوجون وبنات اللي ببيوتهم عوانس !! انا اللي مااشوفها الا بين فتره وفتره واحس مرات كلامها يقعد يرن براسي الى الليل وافكرر فيه كيف وضع بناتها اللي هم بعمر خطر بعضهم مراهقات وبعضهم بعمر زواج !! وحده من البنات ( الثانيه ) دايما تشوف خوف امها وترددها بأن كل البنات يعنسون مثل بنتهم الاولى .. قامت وللأسف بدت تتعرف على شباب وتطلع معاهم صراحه انا مااستغرب ولما سألتها ليش تسوين جذي قالت هذا كلام امي تقوول بنات الحمايل اللي ببيوتهم مايتزوجون ومحد يدري عنهم وبنات الشوارع هم اللي يتزوجون !! ابتكلم عن الام الله يهديها يعني بعض الامهات تقوم بترديد بعض الكلمات اللي ماتدري شنو مدى خطورتها على بناتها او عيالها وخطأ الام الثاني هو انها تشائمت من القدر والمكتوب بالمستقبل لباقي بناتها فقط من مصير بنتها الاولى يعني الاولى ماتزوجت خلاص حكمت ان كل بناتها ماراح يتزوجوون وبيقعدون عندها بالبيت !!! ممكن الاولى مااتزوج وممكن بعد الثانيه ماتتزوج بس ليش تحكمين على القدر بالمستقبل من الحين وتقفلينها بوجه بناتك !! :s5s: الله يهديها ويصلحها :smilie47: في شي ثاني قاهررني على موضوع الزواج :d نشووف بعض البنات تمووت وتتزوج ممكن ترضى بأي مواصفات بس المهم انها تتزوج وبعد ماتتزوج تقعد بجمعة حريم وبنات تقعد تردد بعض الكلمات اللي تنرفززني وتثير غضبي :mad: تقوول اففف الزواج اذيه وصيحة وتعب ماانصحكم تتزوجون طبعا هالكلام لنا احنا ياللي مو متزوجات :d ولا كنها بغت تمووت لو مااعرست :s2: شي ثالث قاهررني :d قبل اتذكرر كانت البنت لما تنخطب وتتملك وينكتب كتابها محد يدري عنها الا اهلها لا وبعد مو كلهم يقولون لها لاتقوولين حق احد الا لما يتم كل شي :yes: والحين اشووف بناتنا ماشاءالله طالعين بموضه يديده كل وحده تنخطب اول مايطلعوون اهل الخاطب من البيت تررسل اسرع مسج لبنات الجامعه كلهم وتقوولهم انها انخطبت !!! :s5s: طييب اصبرري يمكن يهوَن الولد ماله داعي تنحطين بمووقف بايخ :d >< يدي الله يرحمه ويغمد روحه الجنه توفى قبل 3 اسابيع :smilie47: >< مابي اتكلم عنه ولا اقوول شنو هو بالنسبه لي لان والله ان مابيكفيه موضوع لكن استفدت شي واحد من بعد ماطلعت من العزا !! ان الانسان اهم شي يسويه بحياته طيبة قلبه واخلاقه الزينه مع الناس لان جد مابينفعك شي بعد مووتك الا الدعاء الصادق من الناس اللي كنت تعاملها بطييبه وخلق حسن :ba1: عسى الله يرحمك عسى الله يرحمك عسى الله يرحمك ويغمد رووحك الجنه يارب العالمين :smilie47: المدخل والمخرج هذا بيت دايما يردده يدي :( :ba1: مخرج : في مجلس(نـ) مافيه نفس ثقيلـه :smilie47: اختكم شوق الكويت :rose: |
مرحبا شوق الكويت :d:d:d ويسرني أن اكون اول من يشارك>>> من زمااان عن أول رد s121s بس صراحة ماأدري وش الميزة بس اشوف الأعضاء مسابق وحجز قلت اسبقهم :d:d:d إقتباس:
إقتباس:
إقتباس:
هالنوعية من الحريم غريبة !! وش يحسون بس !!:d أحد قايلهم أن الزواج كله شهر عسل وقشطه وفله ووناسة s121s الزواج هو عقد شراكة بين اثنين رجل وامرأة ليعيشا مع بعضهما البعض ما بقي لهم من أعمارهم!! ولا بد لأي شريكين أن يختلفا وتحدث بينهم مشاكل طارئة ! ولولا ذلك لما كان للسعادة وللفرح في حياة الأزواج طعم :ga: لكن الشريكان الذكيان هما من يستطيعا الجلوس مع بعضهما وحل كل مايطرا من مشاكل تهدد شراكتهم :naughty: >> أحس اني تفلسفت زيادة ولالا s121s إقتباس:
هذا من كيد النساء s121s زميلة لنا في العمل انخطبت وبعد الخطبة كثرت حركات يدها وأصبع يدها اليمين :naughty: يعني شوفوني لابسة دبلة خطوبة :smilie47: انخطبت وأنتم ياباقي البنات لا s121s الحركات هذي عارفينها من زماااان s121s إقتباس:
كونوا بارين به بالدعاء له والصدقة عنه ! |
هلا والله بـ اختنا شوق الكويت .. :rose: القصه الأولى ... مثل ماقلتي احتي ... هالشي غلط ..والمشكله إنهم تأثرو من هالكلام .. طبعا الزواج بيد رب العالمين ... وإذا ماكتب لها نصيب .. قد يكون خير لها.. واما ,, هذا شي عادي :s2: ... تزوجت .. ثمن .. تقول ... انصحكم بعدم الزواج :d لنشر الخطوبه ... فأنا أقول ... إن كان بصمت أحسن .. فلا داعي ,, إنك تروحين ,, تخبرين كل من في الجامعه.. ...... الله يرحم جدك .. ويغفر له ... يارب ... بالتوفيق .. أختك .. |
هلآبج يآقلبي ,, منورتنآ ,, والله اشتقنا لج ولموآضيعج .. الحلوة مثلج ,, ألف مبروووك التكريم ,,تستآهلين والله ,, بصرآحة أستغرب من الامهآت الي جي ,, يعني مآله دآعي هالكلآم ,, وله اثر سلبي على بآقي البنآتهآ ,, يعني زي مآصآر مع بنتهآ الثانية ,, ،, ههههههههه هدي اعصآبج ,, لآوبعد اذا تزوجت وخلآص ماتجلس ويآنآ ,, يعني صرت حرمة ,,!! ،, سبحآن الله كل شئ تغير ,, حتى حيآء البنت ,,مومثل اول ,, اول تستحي مووت اذا جابو طاري الزواج ,, تموووت من الحيآء ,,وأذا انخطبت يآلله توآفق او ترفض ,,يعني تقول رآيهآ من الحيآء ,, مو مثل الحين ,, هي من تحجز الرجل وتخليه يتقدم لهآ ,,!! وتنشر خبر خطبتهآ قبل مايصير شئ رسمي ,, الله يرحم جدج ويغفرله ,, وعظم الله اجرج,, يعطيج العآفية ,, شكرا لج ,, أخآف اموت انا بعد التكريم ,, يمكن اموت ,,سآمحوني وحللوني ,,<صدقت ,, ^ وشو رآيك فيني ,,؟ ضآبطة اللهجة الكويتيه ,,؟ دمتي في حفظ الرحمن |
اهلا وسهلا شوق :rose: في بادئ الأمر نسأل الله ان يتغمد جدك في واسع رحمته .. وكما تفضلت لا يبقى من الانسان عند الرحيل للقاء رب العالمين سوى السيرة الحسنة والعمل الصالح .. نسأل الله ان يجعل خير اعمالنا خواتيمها .. وخير ايامنا يوم لقاءه ،،، إقتباس:
الله يصلحنا واياهم ،،، قصة المرأة وبناتها الخمسة .. نسأل الله ان يعوض صبرها خير ..وان يرزقهن ويرزق بناتنا وبنات المسلمين الخير وان لا يولي عليهن من لا يخاف الله فيهن ولا يرحمهن ،،، تأخر الفتاه في الزواج اصبح هاجس يؤرق تفكير الجميع .. ولا اعتقد ان هنالك اسرة عربية او مسلمة لا تتمنى زواج بناتهم والستر لهن في بيوت ازواجهن .. لذلك القلق الذي تعانيه والألم في نفسها يفترض ان نقدره ونراعيه :yes: الأنسان في حياتنا قد يناله شئ من ضعف الايمان في بعض الاحيان .. والشيطان يجيد دور البطولة جيدا في تلك اللحظات التي يشعر فيها احدنا بالضعف او الاحباط .. خاصة اذا كانت الشخصية سوية وتراعي حق الله ولكن نالها شئ من ضنك الدنيا .. لذلك كان مهم جدا في حياتنا ان نجد بالقرب منا من الأهل او الاصدقاء الصالحين و ( النافعين ) الذين يأخذون بايدينا ويدفعونا قدما نحو الأمام عندما نسقط في لحظة ما او نتعثر ،،، هذه الأم في حاجة الى حديث صادق يذكرها بالله وحكمة وجودنا في الحياة وواقعنا وواقع الكثير من حولنا وجمالية الثقة بالله والأمل العظيم به وحسن الصبر على قضاؤه وقدره . إقتباس:
ثقافة الزواج اصبحت تتجه بسوء نية حينا وبحسن نية حينا آخر نحو ( الجسد ) فقط ! .. نعم هذا امر طبيعي وجميعنا يحب الجمال ونطمع اليه .. ولكن ان يكون الفكر والحديث موجه نحو زاوية واحدة فقط .. فهنا يكمن الخطأ :yes: علماء الدين والأسرة ساهموا بطريقة غير مباشرة في هذه الثقافة التي اراها غير سوية .. فكثير من علماء الدين في ( الزواج ) يركزون على جانب البحث عن ما يثير في المرأة .. وتناول الاحاديث الشريفة التي تتحدث عن البكور وعن الجمال كغاية .. وانا اتفهم سبب هذا الطرح ظنا منهم ان ذلك تشجيع للشباب وتحفيز لهم على الزواج عوضا عن المتعه الحرام .. والأسرة بحسن نية لأنها دوما تبحث عن ما يجعل ابنهم لا يقف متنهدا امام قنوات التلفاز ! نسأل الله صلاح حالنا ومجتمعتنا .. وحاولي يا شوق ان تتداركي الفتاه الثانية أو من خلال من يقرب لها .. فطالما بلغ الأمر الخروج مع الشباب فالمخاطرة التي تنشدها عالية .. والنهاية لن ستكون مؤلمة جدا .. فافعلي بها خير ولو اضطر الأمر الى افادة اهلها ولكن انتقي شخص مناسب لهكذا امر ،،، إقتباس:
لا احد ينصح الآخرين باجتناب ما احل الله .. حتى اذا افترضنا انها لم توفق في رجل مناسب .. فلا يعني ذلك ان الأخريات قد لا يوفقن في رجال مناسبين ،،، إقتباس:
شكرا شوق يعطيك العافية ،،، |
يا هلا و مرحبا بأختنا شوق : بادئ ذي بدء رحم الله جدك و أسكنه الفردوس الأعلى من الجنة و رزقه من الحور العين و ثبته عند السؤال يآرب العالمين ! نأتي للموضوع الخطير جداً : صراحة بعض الأمهات لا تلقي لكلامها بالاً فبعض الكلام يهوي بصاحبه بجهنم كما في حديث المصطفى عليه من الله أفضل الصلاة و أتم التسليم ( رب كلمةً لا يلقي لها صاحبها بالاً تلقي به في جهنم سبعين خريفاً ) و العياذ بالله .. و هذهـ المرأة ’’ الأم ’’ قد تكون سبب فساد أو بمعنى أصح إنحراف بناتها الخمس جميعاً بسبب كلمة لم تلقٍ لها بالاً .. قبل فترة أعجبني حوار لإحد الدعاة مع أحد الكفار و بدأ الحوار عن سؤال الكافر للداعية لماذا أنتم يالمسلمين تكون نسائكم متحجبات بشكل كامل و لا يظهر منها شئ أبداً فأتى الداعية بــ ( حلاوتين ) أحداهما مفتوحة و الأخرى كما هي فقال للكافر تقبل أيهما فقال بكل تأكيد أقبل الجديدة و التي تكون فيها الحلاوة غير ظاهرة فقال الداعية نحن بالإسلام هكذا نقبل المرأة المسلمة المحتشمة المحافظة على دينها أيما محافظة ! و لكن قد تكون الأم أتت بكلامها بحسن نية ! وفقكم الباري :rose: |
لي عوده بعد اذنك شوق واذن المشرفين :ba1: |
اثاااااااااااري عندكمـ خووووش مجلس هنيهـ:s2: وناااااااااا بس متكي بمنتدى الجمهور الاعب هذا جااااااانا والاعب هذا انتقل:ranting: موضوووووووووووع شيق اختي شوووق بكل ماتحملهـ الكلمهـ من معنى :naughty: وعسى البناااااااااااااات العواااااااانس يتزوجن كلهن وماتبقى ولا وحده بالكويت الا عندهااا رجااال:s4s: الله يرحم موتااااااااكمـ وموتى المسلمين يااااااااااااارب العاااااااااااالمين |
فك الحجز :d اجل انتو عندكم اول اذا الوحده انخطبت ولا تملكت ماتعلمون احد والعكس .! :d احنا عاد عكسكم بالضبط :d ماتدرين عن موعد الزواج الا قبله بكم اسبوع :s5s: مدري يعني يقالك يخافون من العين ولا من حتسي الناس :s5s: كلن وتفكيره عاد :d الله يرحم جدك ويغفر له ويثبته عند السؤال :smilie47: وعوداً حميدا شوق :d |
لـ الحين منب مقتنع بـ سالفة تزويج الـبنت بـ الكبر خخخخخخ ! الي بيجيها نصيبها تروح والله يوفقها ! لازم الكبيره يعني ! طيب الكبير ماكتب ربي لها نصب ! اخواتها ينتظرونها يعني ؟! :D يعطيك العافية شوق |
ع طاري الزواج ، انا بصراحة اكبر خواتي و للحين ما تزوجت اللي اصغر مني تزوجن الحمد الله ما عندي مشكله ، و اهلي مب معقدين اللي تبغي تتزوج بكيفها و اللي حابه تعنس بعد بكيفها مشكلتي عندي مواصفات معينة يعني سيارة فل اوبشين ... الحين بدأت امي تلمح لين متى بتريا ... و دايما اقولها و لكل حرمة تسألني كل شي بوقته حلو و الزواج نصيب .... مع أني اردد دايما ابغي اتزوج و فعلا كلام الحرمه اللي تروح و تجي هيه اللي تتزوج و القصد اللي تكون اجتماعية بزيادة يالنسبة الخطوبة ، البارحة ربيعتي بالدوام انخطبت و وزعنا حلويات و احتفلنا بالدوام .... و في الختام .... اللهم ارحم موتى المسلمين و ربي يوفقك دوووم ... |
. هلآ وغلآ بـ شوق :d:smilie47: وشسمة لك مده عن الموآضيع :yes::smilie47: صرآحة استغرب كثير موضوعك وسألفت البنت الآكبر إقتباس:
إقتباس:
إقتباس:
الله يرحمة يآرب , ويغمد روحة الجنة :cry::smilie47: عبدالله :rose: |
ياهلا ومرحبا ببنت الكويت .......................... مبروك عليك التكريم ودامك خايفه وبداك الوسواس ض1ض1 حللينا تكفين ض1 :::::::::::::::::::::::::::::::: بالنسبه للام....فيها منها كثير الله يهديهم....يعني بعضهم يحسس بناتهم كأن الوحدا اذا ماعرست انحكم عليها بالاعدام ولا الي يقهرك ......انك تقولين معهم ملايين ض1ض1 يعني وش لهم بالعرس ::::::::::::::::::::::: النقطه الثانيه...حقت الي تزعجك تبغا العرس واذا اعرست ماتبي احد يعرس ض1 هذي ذكرتني بوحدا اعرفها يعني فيها الشفقه على العرس قسم خفت تموت مااعرست وماصدقنا نفتك ونزوجها الا تجينا اختها لكن مشكلتهم فاهمين ان الزواج ........ولد يحبني واحبه ونصير لميس ويحيى مايدرون ان الدنيا احترام وتقدير ومساعده وتنازل ومافيه شي ع الكيف :::::::::::::::::::::: النقطه الثالثه.........الرسول قال ..اقضوا حوائكم بالكتمان :::::::::::::::: النقطه االرابعه........الله يرحم جدك ويغفر له ويجمعكم فيه بجنته تحياتي |
أهلين شوق مبروك التكريم ومن طول الغيبات جاب الغنايم إقتباس:
بس ما اجمل القناعه والرضى بماقسم الله يعني لو الله ما قسم للبنت تتزوج وش تسوي تحرق نفسها بالعكس عسى ان تحبو شيئ وفيه شر لكم يمكن الله يكتبلها نصيب عند واحد مايستاهلها يبهذلها ويكرهها عيشتها علشان كذا اقول ارضى بما كتب الله لك تكن اغنى الناس إقتباس:
والكل يعرف نظرة المجتمع للمتستره مقارنتا بالمتكشفه ومثل ما انه المشرك لا ينكح الا مشركه والمؤمن لا ينكح الا مؤمنه فالمتستره لا ينكحها الا مؤمن يخاف على عرضه وقس على ذلك اللهم ارحم موتانا وموتى المسلمين وعظم الله اجرك من جديد في جدك اعتذر على الاطاله |
السلام عليكم. عظم الله أجـركم وأحسن عزاكم وجعل جدك في عليين. /، الشي اللي قاهرج الأول: ملاحظ هالشي كثير! بعض الآباء والمربين بشكل عام وأولياء الأمور ما يدركون عظم الكلمة اللي تطلع منهم. أقول عظم ولا أقول خطورة. الكلمة الوحدة (الطيـبة) ترفع بالولد وتوصله بالسماء وتخليه واثق من نفسه بشكل ما يتصور! والكلمة اللي مو محسوب حسابها توصل بالولد للأرض وتخليه يقتنع فعلاً أنه سيء وعالـة. بكلا الحالتين ممكن تكون الكلمات غير صحيحة، لكن بالنهاية أثرها واضح! /، الشي الثاني اللي قاهرج : هذولي يخافون من العين، ولا ما فيه أحد يحب يبدي مساويه. /، الشي اللي قاهرج الثالث: الله يهديهم. ذكريهم بـ (استعينوا على قضاء حوائجكم بالكتمان :)) . إقتباس:
|
| الوقت المعتمد في المنتدى بتوقيت جرينتش +3.
الوقت الان » 08:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd