سلام يالربع

صبحهم بالخير ياربي

شحالكم مع البرد

الله يذكرك بالخير يالهليل يوم يقول




ما علينا

اهلا بكم في الجزء الثاني من أنواع عجايزنا

جاتني البارح مكالمة من عمتي الله يطول عمرها

كنت اكلم أمي فقالت للوالده من تكلمين؟
قالت ولدي عبد العزيز
قالت عطيني ياه اسلم عليه
وكلمتني وياليتها ما كلمتني
أنواع الخربطه يالربع
من طول الليل تقول شلونك يا سالم!!!
واقولها انا عبد العزيز ياعمه الله لايردنا لارذل العمر
تقول اني ادري شلونك يا حسين
يوم دريت انها رايحه فيها قلت لها طيب والله شحالش انتي
قالت طيبه شلون عبد العزيز أخوك
هنا انفجرت اضحك صراحه
قلت هو عندي تبين تكلمينه
قالت أي والله
وسكت شوي وقلت هلا والله عمتي
قالت هلا والله عبد العزيز شلونك ياولدي
قلت طيب
شحالش انتي (وانا كاتم ضحكي في حشاي)
قالت والله اني مشتاقه لك يا عبد العزيز
قلت وانا بعد وتخلصت من مكالمتها بحنكه وقفلت ...

لكذا راح نستفتح بعمتي اليوم




المضيعة : هذا النوع من العجايز ما يقمعشي على قولت اخوانا المصاريه ، يطيل التأمل في اشياء غبيه زي جدار البيت وفناجيل القهوه ، مفهيه ، تمشي على التاريخ الجاهلي ، معها رادي تداريه من ذيك الروادي ابو اناتل وفرفره كنها رادار ، تعرف الناس بوجيهم والاسامي يخلف الله ، دايما تلوم الناس وتقول لا تخلفون واحد عشان ما نضيع ، تحن لأهلها كثير ، زوجها يحب يطقطق عليها وهي تضحك على خيبتها من الفهاوه ، طيبه لكن ساذجه وملعبه ، حكمتها في الحياة (من أمك يا ولدي ) ، وقدوتها (الزعيم العنزي معمر القذافي ) اللي ما يضيع ابد.



أم البنات : هذا النوع من العجايز عسره جدا ، صارمه ما تتهاون ، صبوره ، مربيه مخلصه وحكيمه ، واغلبهم يكونون حلوات حتى مع العمر ، ألزم ما عليها بناتها وبيتها وما يهمها احد ، أول بناتها مفهيه ، والثانيه حاذقه ، والثالثه مكروفه ، والرابعه دلوعة أبوها ، والخامسه مضيعه دروب المحبه ، والسادسه غبيه ، والسابعه شينه ، والثامنه ذكيه جدا ومتفوقه وأحلامها توديها النجوم ، التاسعه وما بعدها تكملة عدد ونسخ مكرره من خوتاهن الاولات ، زوجها يحبها ويخاف منها بنفس الوقت ، شعارها في الحياة (أهم شي بيتي ) ، قدوتها في الحياة (أم حاتم اللي في باب الحارة ).



أم العيال : شفتوا أوصاف أم البنات هذي عكسها هههههه ، النوع ذا نشمي ويعرف الواجب ، عزيزة نفس ، ظهرها قوي ، دايما ما تكون الزوجه الأولى ، لان زوجها يتزوج عليها حبا في البنات ، معها بنت وحده إخوانها على حالتين ما فيها وسط إما إنها تكون كبيره فهم راح يكونون لاعنين جده جدتها كرف ، وإلا تكون صغيره فراح يدلعونها دلع ما مثله ، بيتها عامر ، وأحفادها متعلقين فيها ، في الغالب قدراتها العقليه متواضعه ، تعرف الدراهم من لونها ، الزرقا خمس والحمرا ميه والخضرا خمسين ، تخبي دراهمها تحت فراشها ، عيالها للحين ينامون على فراشها من حبهم لها ، شعارها في الحياة ( ما الحب الا للحبيب الأولي )، قدوتها (سيدتنا هاجر عليها سلام الله).



البنوته: هذا النوع من العجايز عيا يكبر ، مصره إنها صغيره وفي مقتبل العمر ، تلبس تنانير وبلايز ، عيالها ضايعين وبناتها ما يهابونها ، زوجها منغث منها ، تحب الأعراس والمناسبات ، معها جوال شي لكن حدها الزر الأخضر والأحمر ، تكره اسم عمه وجده ، مره سوت لزوجها كيكه لعيد الزواج واكلها عيالها قبل يشوفها الشيبه ، فاهمة الرومنسيه غلط ، تحط مناكير لأظافرها ثم تحنيها ، شعارها في الحياة (الحياة حلوه بس نفهمها) ، قدوتها (صباح).



راعية الدين: هذا النوع من العجايز مسوي زحمه على ولا شي ، على سجادته ليل نهار ، تقضي شهر كل سنه في مكه ، تتصدق واجد ، ذكر الله على لسانها ، كثيرة الصمت ، تسلم للقدر في كل شي ، منظرها يوحي بالفقر رغم الخير ، إذا جلست على سفره لازم يخلص الزاد وإلا ما هنت نفسها تلقم الموجودين غصب أهم شي الزاد لا يبقى ، تقدر الخبز واللبن ، زوجها متزوج عليها منذ مبطي ، مضيعه بيتها ، تكبر بسرعه ، تستغني عن الحياة بشكل غبي ، شعارها في الحياة (ألا بذكر الله تطمئن القلوب ) ، قدوتها في الحياة (سيدتنا خديجة عليها سلام الله ).


أخيرا وليس آخرا

راعية المباريات : ارهب عجوز في الدنيا ، بالعادة تكون أهلاويه ، وأحيانا نصراوية ، لكن تقدر شي اسمه منتخب ، ودايما تتخيل المنتخب يلعب ضد الهلال ، أثناء مشاهدتها للمباره تجيها قدحه ودها إنها تشق الكورة بشفرة خضره ، تهذر بشكل غير طبيعي أثناء المباراة ، أي لاعب يسجل تقول بعدي لو هو مو بفريقها ، تقدر الثيل الأخضر ، تقول لو فيها سدره كبيره في الثيل كان يازينها كشته ، تتهور أحيانا أثناء نشوة الفوز وتوزع عصريات ودراهم ، تحب الجلسه مع الرجال ، لها غمزات ولمزات خطيره ، شعارها في الحياة (العالمية صعبه) ، قدوتها (محيسن الجمعان).


خلصنا يالربع كفى العجايز ما جاهن فديهن

تدرون ليه نزلت الجزء الثاني بسرعه


رحت اكتب في قوقل عنوان الجزء الأول لقيت كذا واحد منزل موضوعي في كذا منتدى

المهم كلهم كاتبين انتظروا الجزء الثاني فما حبيت أبطي عليهم مساكين

أعيد واكرر حبايبي العجايز تاج فوق الراس وهن روح البيت

والسالفه ضحك وفرفشه

الخلاصة
ياحبني لهن

أهلآ وسهلآ بك اخي الفآضل ,,

موضوع رآئع ,, واخرجنآ من جو الرسمي شوي ,,

خآلتي الله يحفظهآ من عجائز المبآريآت ,,
وهي نصرآوية صميمه ,,

وينطبق عليهآ الكلآم الذي ذكرته ,,

يعطيك العآفية ,, شكرا لك ,,

وبعد تم طرح موآضيع عن الشيبآن والعجايز ,,
واتمنا ان نرا موآضيع عن الشبآب والفتيآت ,,


دمت في حفظ الرحمن

إقتباس الرسالة الأصلية كتبت بواسطة محبة الرحمن أهلآ وسهلآ بك اخي الفآضل ,, موضوع رآئع ,, واخرجنآ من جو الرسمي شوي ,, خآلتي الله يحفظهآ من عجائز المبآريآت ,, وهي نصرآوية صميمه ,, وينطبق عليهآ الكلآم الذي ذكرته ,, يعطيك العآفية ,, شكرا لك ,, وبعد تم طرح موآضيع عن الشيبآن والعجايز ,, واتمنا ان نرا موآضيع عن الشبآب والفتيآت ,, دمت في حفظ الرحمن

يا حبكم للاحراج يعني

شوفي اختي الفاضله >>شرايكم في الفاضله

الشيبان والعجايز صنف غايب ما ينخاف منه

لكن العيال والبنات لو تكلمت فيهم افترسوني

والا والله لو أأمن جانبهم لاشرشحهم لش شرشحه

لكن حفاظا على العلاقات العامة نكتفي بهذا القدر

منورة يا اختي الفاضلة >>

يا الله حي عبدالعزيز :

صراحة أنا أعرف واحد من العيال منزل موضوعك حق الشيبان في منتدى ثاني بس يا جاهـ حش و تقطيع لإن المنتدى اللي منزله فيه كله شيبان و قال توبه أنزل الأجزاء الثانية هع !

نرجع للموضوع :

العجوز ( البنوته ) هذي لحالها ههههههههه

و فيه اللي قدوتها أم حاتم بس بشر ماجاها عيال ..؟؟

حقت المباريات هذي لها قصة و بعد على طاري العالمية صعبة قوية .. هذا يوم مباراة الهلال ضد الفريق الإيراني الأخيرة و بعد المباراة يجي الوالدة اتصال من وحدة من العجايز تقول أن الحكم ظلم الهلال و لو حكم ثاني كان فزنا !


ألف ألف شكر يَ مبدع

إقتباس الرسالة الأصلية كتبت بواسطة تركي السلماني يا الله حي عبدالعزيز : صراحة أنا أعرف واحد من العيال منزل موضوعك حق الشيبان في منتدى ثاني بس يا جاهـ حش و تقطيع لإن المنتدى اللي منزله فيه كله شيبان و قال توبه أنزل الأجزاء الثانية هع ! نرجع للموضوع : العجوز ( البنوته ) هذي لحالها ههههههههه و فيه اللي قدوتها أم حاتم بس بشر ماجاها عيال ..؟؟ حقت المباريات هذي لها قصة و بعد على طاري العالمية صعبة قوية .. هذا يوم مباراة الهلال ضد الفريق الإيراني الأخيرة و بعد المباراة يجي الوالدة اتصال من وحدة من العجايز تقول أن الحكم ظلم الهلال و لو حكم ثاني كان فزنا ! ألف ألف شكر يَ مبدع

لا تذكرني بمباراة الايراني ذاك

ياني تشمت في اخواني شماته

جلست اضحك عليهم وهم في قمة النرفزه شوي الا ويطبون علي ولعنوا شكلي


والله ما ادري الضرب يجيني من وين كل واحد وهمته فيني

يوم ضربوني وخلصوا ناظرتهم وضحكت وقلت بس العالمية صعبه

منور ياشنب

ونستنااااااااااا اللهـ يووووووونسكـ

بأنتظاااااااااااااار الجديد

إقتباس الرسالة الأصلية كتبت بواسطة jojoالهلاليه البنوته فااهمه الكشخه غلط,,,اما رااعية المبارياااات خخخ ياحبيلها متعقده من الخليجيه لانها صعبه قويه,,,,,ياالاسف اخر حلقه اليوم,,

ياااااه تذكرت هايدي اخر حلقه

منوره يا صديقة الكل

إقتباس الرسالة الأصلية كتبت بواسطة بن جبله ونستنااااااااااا اللهـ يووووووونسكـ بأنتظاااااااااااااار الجديد

دوم الوناسه يارب

منور

إقتباس الرسالة الأصلية كتبت بواسطة حروف الغلا الله يسعدك دوووم .... و ع طاري عجوز المباريات .... عمتي تتخيل اسماعيل مطر يلعب بكل الأندية ، و المشكلة اذا اوصيها شوفي المباراة دقيقة و برجع اتخبرني ان اللاعب دخل عشر اهداف مرة وحدة .... مسكينة تحسب الهدف و الاعادة و اهداف الخصم ...

ياحليلها عمتش

الله يخلي لها اسماعيل مطر

منوره

إقتباس الرسالة الأصلية كتبت بواسطة كل ما فيني هلالي ههههههههههههه العجووز البنوتة وحدهاا نكتة من يوم عرفت ان قدوتها صباح وانا غاسلة يدي منها هع هع على قولتك الله لايردنا لارذل العمر ههههههههههه ربي يعطيك العاااافية على الجزء القميييييييل ماننحرم ابداعك تحياتي

الله يعافيش اختي

منوره

وعليكم السلام ورحمة الله وبركاته. حيّ الله أصدقاء نفسهم كلهم

/،

يعض التحليلات أعتقد بصحتها فهذا يعطيني مؤشر أن بقية التحليلات صحيحة إلى حد كبير.


ينخاف منك يا عزيّـز

إقتباس الرسالة الأصلية كتبت بواسطة كان هنا وعليكم السلام ورحمة الله وبركاته. حيّ الله أصدقاء نفسهم كلهم /، يعض التحليلات أعتقد بصحتها فهذا يعطيني مؤشر أن بقية التحليلات صحيحة إلى حد كبير. ينخاف منك يا عزيّـز

ياحبي للمشرفين هنيا

ينخاف منك يامشرفنا


منور ياذيب