نادي الهلال السعودي - شبكة الزعيم - الموقع الرسمي

السلام عليكم ورحمه الله وبركاته

مجاراة سمو الأمير خالد بن سعود الكبير لقصيدة ( لاضاقت الدنيا ) للشاعر : محمد بن فطيس المري .
لا ضاقت الدنيا

لا ضاقت الدنيا عليك وتشاويت
خلق الله اللي في الرخا كان واجد
ومن العرب والصوت والثوب مليت
وقامت عليك هموم بقعا تراجد
فارفع يديك لخالقك لا توضيت
وادعو تراك اقرب الى صرت ساجد
ووقت من أوقاتك للأوقات توقيت
وسجل لنفسك في المساجد تواجد
وأبشر بفزعة حامي الدين والبيت
إلى هجدك من الهواجيس هاجد
اللي يميت الحي ثم يحيّي الميْت
لرضاه شِفْ كِثر البشر في المساجد

شعر : محمد بن فطيس

المساجد

يا بوحمد كَفّيت والله وْوَفّيت
قولك صحيح ولو يلاجد ملاجد
يا مسلم اسمع عِلمْ من صار له صِيت
واقضب نصيحة واحدٍ لك مناجد
لى ضَكتك دنياك خَلْ التناهيت
انصْ الإله اللي على الخلق ماجد
تراك لى مِنّك ذكرته وصليت
لك ركعتينٍ والخلايق هواجد
تفرّجَت عَنْك الكروب وتسليت
وقامت همومك في عيونك تباجد
واعلم ترى المغبوط في الناس وبخيت
اللي تعَلّق خافقه بالمســــاجد

شعر :خالد بن سعود الكبير