اللست تبع الافلام
هذي اللست تبع الصوتيات 
قائمة الاكل اللي بيقدمونه طوال الرحله 
وطبعا ولا شي من اللي فوق شفته لا افلام ولا اكل ولا غيره جلدت امها نومه طوال الرحله 
وهنا صحوني وقالي باقي ربع ساعه على الهبوط 
الربع ساعه هذي صارت ساعتين وهذا مطار هيثرو لحظة وصولنا 
وبعدها نزلنا من الطياره ودخلنا المطار اللي انصدمت منه صراحه
وماتوقعته بالسوء هذا من كثر ماسمعنا عنه
من وجهة نظري اشوف ان اللي يميزه عن مطار الملك خالد السوق الحره فقط لاغير
ومطار ابو ظبي الصغير افضل منهم الاثنين فما بالكم بمطار دبي العريق
رحنا منطقة الجوازات وختمنا جوازاتنا واساله روتينيه وعاديه جدا
مثل ليش جاي ؟ وين بتسكن ؟ كم بتجلس يوم ؟؟
وطق طق ختموا الجوازات لا تفتيش لاب ولا هم يحزنون
بس تعبي الفورم اللي هم يعطونكياه معلوماتك وعنوان سكنك وكذا
وبعدها رحنا استلمنا شنطنا تقريبا جلسنا ساعه وحده بس بالمطار مع الزحمه هذي كلها
وبعدها خذيت اقرب تكسي على فكره التكاسي هناك نصب بنصب
اول تكسي قالي اوديك ب90 باوند يعني 550 ريال
والثاني ب70 باوند يعني 400 ريال تقريبا لما لقيتلي واحد ب50 باوند 300 ريال
ومتاكد لو دورت بلقى ارخص بس كنت دايخ وكذا قلت يلا خلصني
وصلت سكني الساعه 10 وقالولي التشيك ان الساعه 12
نزلت شنطي عندهم ورحت تغديت وتمشيت بالهايدبارك
رجعتلهم 12 استلمت مفتاحي وعلى الغرفه
______________________________________________________________________
اسم الفندق Hotel 43 london
الفندق مكانه في الكوينزوي على بعد دقيقتين مشي عن الهايدبارك
بس من الجهه الثانيه موقعه حلوه ونظيف وكلش حلو
بس ضيق شوي لكن بالمجمل العام اعطيه تقييم جيد وسعر الفندق 85 باوند
وهذي صفحته بالبوكينق
هذي 3 صور خطافيه له 
وبعد التعب هذا كله نومه اجراميه لمدة 18 ساعه
طبعا زي ماقلتلكم وصلت لندن السبت والفندق حاجزه يومين بس
والاثنين تبدا دراستي عشان كذا كنت مضغووووط اقوى شي
______________________________________________________________________
يوم السبت راح بسبب النوم وبقى اخر يوم لي الاحد دورت فنادق لما قلت بس
وللاسف مالقيت قلت خلني اروح للايجوررود (شارع العرب ) اخر امل لي
ومع كل سوالف النصب والغش اللي اسمعها عنه بس قلت وش اسوي ماباليد حيله
بس الحمدلله توفقت بمكتب عربي على الكيف كان عراقي ولبنانيه قمة في الاخلاق
ماقصروا دبرولي شقه على الكيف وسعره روعه بالنسبة للندن
وموقع خيال 10 دقايق مشي عن الاكسفورد و5 دقايق عن الماربل ارش
ودقيقه وحده عن محطه الاندقراوند اللينكستر جيت
كانت مزوده بانترنت مجاني + شاشه بلازما 42 بوصه وجميع القنوات العربيه موجوده
حتى الحمام الله يكركم مزود بالشطاف وهذا الشيء مايحس في معاناته الا اخوانا المغتربين الله يكون في عونهم
اللي بغيت اقوله ان الشقه حقها فيها
كان سعرها 85 باوند يوميا نفس هذيك بس شتان بالمواصفات بين الثنتين
وهذي صور الغرفه 
______________________________________________________________________
وبعد ماستقريت بسكني بعد معاناه شديده وانزاح الهم الكبير
قررت الذهاب لملعب الامارات بعد اسبوعين من مكوثي في لندن <<< متعوب عليها
وقصيت تذكرة التورست وبنفس الوقت استفسرت عن تذاكر كاس الامارات
وتحديدا مباراة ارسنال ونيويورك ريدبولز لعيون هنري طبعا
والحمدلله قالي انها متوفره لكن فقط درجة وحده المتوفر
قلت اوك مو مشكله اهم شي نشوف هنري
وهذي المباراه اوعدكم راح انزل لها تقرير خاص باللفتره الجايه
للفائده فقط تذكرة التورست ب15 باوند يعني تقريبا 100 ريال
اما تذكرة المبارايات الرسميه راح اتكلم عنها بتقرير ثاني
_____________________________________________________________________
طرق الوصول للملعب للي ناوين مستقبلا :
تقدر توصل للملعب عن طريق 3 محطات اندرقراوند طبعا الاولى وهي الاسهل
محطة ارسنال على اسم النادي (على خط البيكادللي)
باي ذا وي ارسنال النادي الوحيد في العالم اللي عنده محطه على اسمه
هذي المعلومه قالوها لي هنا بس انا عارفها من قبل
بفضل الله ثم فضل مسابقات رشود(المعاتب) الرمضانيه اللي حرمنا منها السنه هذي مدري ليش
المحطه الثانيه اسمها هاينبري ايسلنجتون (على خط فكتوريا السماوي)
المحطه الثالثه اسمها فانسبري بارك (على خط البيكادللي)
والمحطتين هذي فيها مشوره شوي ومشي كثير بعكس محطه ارسنال اللي جنب النادي بالضبط
عشان كذا اشوف افضل طريقة للوصول للنادي هي عن طريق محطه ارسنال
اما عن طريق الباصات فماعرف الا باص رقم 277 يوصل هناك هع
بس ان كان احد يبي ارقام الباصات ولا شي من عيوني من بكره اروح اشوفله
_____________________________________________________________________
يلا نبدا الرحله هع
اول شي زي ماتفقنا نركب الاندرقراوند ونوجه لمحطه ارسنال 
واذا وصلنا لمحطة ارسنال وطلعنا من القطار وقبل ما نطلع من المحطه راح نلقى الصوره هذي 
الحين نطلع من المحطه وراح نلقى الصوره هذي قدامنا مباشره 
نمشي 100 متر تقريبا وراح نلقى هذي 
بس قبل ندخل الملعب شرايكم نزور المتجر ونشوف وش فيه وش مافيه
طبعا هذا المتجر الصغير وفيه متجرين بالملعب هذا وواحد ثاني 
خلاص كفاية متجر وسوري عالصور اللي احسها غبيه شوي بسبب ااني كنت مستعجل وقرب موعد اغلاق المتجر
نطلع من المتجر ونروح للملعب
______________________________________________________________________
هذا كشك قص التذاكر 
في الطريق للملعب 
صور اساطير النادي على جوانب الممر المؤدي للملعب 
الاسطوره توني ادامز 
قربنا للملعب 
يلا وصلنا 
والحين اخليكم مع مجموعه من صور الملعب من الخارج 
يلا الحين خلونا ندخل ارضيه الملعب وش رايكم ؟
ولا تدرون قبل ماندخل الملعب نروح للمنصه
هذي الطاولات خاصه للي حاجزين منصه على ماعتقد ياكلون او يجتمعون فيه قبل او بعد المباراه او بين الشوطين 
وهذي يوم دخلت المنصه 
يلا اخليكم مع صور متنوعه من المنصه 
قروب ثاني قاعدين يشروحلهم 
وهذا البثر القايد تبع قروبنا 
خلاص كفايه منصه وش رايكم ننزل ارضيه الملعب؟
______________________________________________________________________
بس قبل لا ننزل وش رايكم نشوف الصور الموجوده بالملعب ومنشآت النادي
المدرب تشامبان 
نهائي الحزن 
الاسطوره توني ادامز 
غرفة تبديل الملابس وصور متنوعه لتيشرتات اللاعبين 
العشق وما هوى هع (عجايز شمطاوات يعني ماتعتبر مخالفة لقوانين القسم) 
فينغر جالس يحتسي علينا بالفيديو هذا وواضح البورد تبعه اللي يشرح للعيبه ادوارهم 
ثلاجة اللاعبين 
المغاسل والشاور 
المساج والعلاج الطبيعي 
الجاكوزي 
قاعة المؤتمرات 
خلاص كفاية يلا خلونا نروح للملعب
______________________________________________________________________
الممرالمؤدي الى ارضية الملعب 
صور متنوعه للصور الموجوده في الممر 
الموسم الذي لاينسى 
وهذانا دخلنا الملعب 
صور متنوعه 
ثالث مقعد من يساركم ويمين الصوره هو مقعد فينغر 
يلا خلاص كفاية نطلع برا الملعب وناخذلنا كم صوره للملعب ونحرك لغرفتنا
هذا الاسم وربي صدفه ولا دريت عنه الا يوم رجعت لسكني وتمقلت بالصور زين اسم مكتوب على البلاط المقابل لمتجر النادي الرئيسي
ونتختتم رحلتنا مع الصوره هذي 
______________________________________________________________________
______________________________________________________________________
______________________________________________________________________
معلومه حصريه للشبكة لو تحفرون بمواقع الدنيا كلها ماتلقونها هع صدق هي مو مهمه بس يعني تفاجأت يوم سمعتها المعلومه هي ان شايبنا المخرف يتكلم 6 لغات مختلفه 
ومن بينها اليابانيه 
الموضوع هذا اهتداء الى رابطتي العزيزه اللي بسببها غرقت ببحر هذا المنتدى الرائع
فكرت اختصر الصور بس احترت ايش انزل وايش امسح
فقلت الاغلبيه يفضل كثرة الصور عشان كذا نزلت اغلب اللي عندي
خبرتي متواضعه في كتابة المواضيع
اتمنى منكم ان تعذروني ان حصل مني اي تقصير او اطاله واعدكم اني سوف استفيد من اخطائي في المستقبل
الموضوع اتعبني جدا وتقريبا خذا مني ايام ولا ابالغ بالشي هذا
منها تصغير الصور ورفعها وكتابة التقرير وتنسيق وتشييك وغيرها
لذلك اتمنى ماحد يبخل علي ولو برد يرفع معنوياتي هع وافضل دعوه هع
اي واحد عنده سؤال او استفسار لايرده الا لسانه ويبشر بعزه
انتظروني قريبا في تقرير مصور عن مباراه ارسنال ونيويورك ريدبولز
خاتمة :-
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.
اللَّهُمَّ إِنَّكَ تَعْلَمُ سِرَّنَا وَعَلاَنِيَتَنَا فَاقْبَلْ مَعْذِرَتَنَا، وَتَعْلَمُ حَاجَاتِنَا فَأَعْطِنَا سُؤْلَنَا.
اللَّهُمَّ اجْعَلْ لِي وَلِلمُسْلِمِينَ مِنْ كُلِّ هَمٍّ فَرَجاً، وَمِنْ كُلِّ ضِيقٍ مَخْرَجاً، وَمِنْ كُلِّ بَلاَءٍ عَافِيَةً.
اللَّهُمَّ إِنَّا نَعُوذُ بِكَ مِنَ الطَّعْنِ وَالطَّاعُونِ وَالوَبَاءِ، وَعَظِيمِ البَلاَءِ فِي النَّفْسِ وَالأَهْلِ وَالمَالِ وَالوَلَدِ.
اللَّهُمَّ لاَ تُؤَاخِذْنَا بِسُوءِ فِعْلِنَا، وَلاَ تُهْلِكْنَا بِخَطَايَانَا يَا أَرْحَمَ الرَّاحِمِينَ.
اللَّهُمَّ اكْتُبْنَا مَعَ مَنْ سَبَقَتْ لَهُمْ مِنْكَ الحُسْنَى، الّذِينَ هُمْ عَنِ النَّارِ مُبْعَدُونَ، لاَ يَسْمَعُونَ حَسِيسَهَا وَهُم فِيمَا اشْتَهَتْ أَنْفُسُهُمْ خَالِدُونَ.
اللهم آمـــــــــــــــين
القاكم
..
الوضع العادي
