ابـشـرك حـنـا بـخـيـر وسـلامـه .. - نادي الهلال السعودي - شبكة الزعيم

قاسم البُر · #1 04/01/2011, 01:28 PM

.

ابشرك حنا بخير وسلامة ..
إن كنت تسأل هذا جوابي حنا بخير وسلامه ..

الشعب مبسوط ومتهنئ بـ كافة شرائحه وطبقاته كلهم بخير وسلامه

اقولك عن الشباب .. الكل متوظف ما فيه أحد عاطل من قبل يتخرج من الجامعة وهو عارف مكان وظيفته وموب أي وظيفة إلا وظيفة محترمه وأقل راتب 5 الآف ريال .. شيء طبيعي رواتبهم عالية وحنا من اغنى دول العالم واكبر دولة مصدرهـ للبترول ..

ومن ناحية رب الأسرة .. ابشرك ما عليه قروض ولا مديونيات ولا يقفل جواله آخر الشهر عشان الديانه ما يأخذون مصروف عياله .. تصدق عاد أنه في نهاية الشهر يكون باقي في حسابه ثلثين الراتب ..

ومقاضي البيت رخيصه رخص التراب .. ونسمع بـ غلاء المعيشه لكن ما شفناهـ حماية المستهلك ما قصرت محددهـ الأسعار وكل من خالف تشكمه شكم وتحط عليه عقوبات وغرامات ومع كل هذا تجينا 15% .. اعلى نسبة بين كل دول العالم ومن زود الفسقه صرنا نصرف في الشهر كامل هالـ 15% والراتب الاساسي ما نلمسه ولا نجيه ..

وعاد ما اقولك عن السعودة .. تصدق من قوة تطبيق السعودة اطلع في الشارع ادور أجنبي واحد ما حصلت ادخل مؤسسات وشركات ابي اشوف اجنبي واحد ما حصلت .. خير البلد كله ما يطلع لـ برى كله منا وفينا .. ومن زود الفسقه الشعب يطالب بتخفيف تطبيق السعودة لا تلومهم مشتاقين يشمون ريحة شعر الهندي آهـ على ذيك الريحه فقدتها وفقدت أهلها بس يبقى في النهاية قراركم سليم ما يصلح خير البلد يأخذها هندي وبنقالي وباكستاني مع انهم يأخذون خير خفيف موب مثل أهل لبنان اشوى انهم طلعو من الديرهـ بس ولا كانو يستلمون مثل راتب الموظف الحكومي ياحليلهم قنوعين

والبيوت والشقق هذه وضعها احسن ما يكون الإيجارات رخيصه حقين العقار مساكين رخصو الإيجارات لان الشعب كله عندهـ بيوت ملك كل واحد متزوج من يوم يجيه بزر واحد بس وهو مشتري له بيت ملك بدون قرض عقاري من بنك يأخذ الفائدة 100% وبدون قرض عقاري من الدولة مع ان الدولة ما قصرت تعطيك قرض عقاري يجيبلك ثلاث فلل يارب لا تحرمنا من هالخير ..

والشوارع والطرق فااااااااااضيه لدرجة أنك وانت طالع للدوام الصبح تأخذ لك غفوهـ وانت تسوق من عشر دقائق إلى ربع ساعة ثبت الطارهـ وحط راسك وارقد تصحى إلا أنت عند مخرج دوامك .. يا رجال المرور ما حط ساهر الا بسبب أن الشوارع فاضية والناس يأخذها الحماس وتشوف الطريق فاضي وتسرع وتمشي 180 وقتها قال المرور لازم نظام ساهر والمواطنين الله يهديهم ما يقدرون النعمة اللي هم فيها ويازين مخالفات المرور إذا جيت تسدد عطاك الحد الأدنى المخالفة بـ 300 ريال وتجي تسدد قال 150 ريال سددها وتطيح عنك من قالك أنهم يدبلونها دبل بالعكس ودنا أنهم يقولون دبل شرط أني لاقول ثري يستاهل المرور من يدعمه ويوقف معه

عاد الحفريات ما تشوفها في شوارعنا نهائيا وهي شيء لا بد منه لكن سبحان الله يخلصونها في وقت قياسي طريق الملك عبد الله حطو فيه نفق تصدق ما قعد إلا خمسة أيام ثم فتحو الطريق والنفق جاهز للاستخدام البشري .. وعندك طريق ديراب هذا كله تغير 180 درجه في وقت قياسي في شهر واحد بس سريع سريع وفتحو الطريق من يقولك أن له 4 سنوات وهو ما خلص ما عليك منهم لا تصدق هذولي ناس حقودهـ واعداء الوطن ..

وعلى طاري أعداء الوطن سمعت بالاشاعة اللي قالوها وهدفهم تشويه سمعة السعودية عند العربان قبحهم الله يقولون أن البلد كله ماشي على الواسطه وأن الفساد الإداري مسجل نسبة عالية .. وش هالكذب أجل معقوله طالب يتخرج من الثانوية ما يدخل الجامعة إلا بواسطة وش هالكلام بالعكس إلا الجامعة ترسل له مندوب وهو في بيتهم وتقول اي كلية تختار ثم يختار الطالب وتقول خلاص تم قبولك وألف مبرووك .. حتى الوظائف ما فيه تقديم أصلا لان الطالب من يوم يوصل لآخر مستوى ووزراة الخدمة المدنية مرسله له رسالة تقول ترى تم تعيينك من التاريخ الفلاني ما يحتاج يقدم ولا يحتاج واسطه ..

ولا الفساد الإداري قالو ايش قالو جده غرقت من الفساد الإداري وإن البيوت في مجرى سيول طيب وش دخل الفساد الإداري أنت يا مواطن ياحقير قبل تشتري لك بيت المفروض تروح تدرس هندسه وتعرف هل موقع بيتك سليم وله تصريف سيول وأمورهـ طيبه .. أنت من جهلك ماتو عيالك في سيول جده وجاي تطالب بكل بجاحه بحقك ومع هذا ما قصرت الحكومة صرفت لكم على كل رأس مليون ريال وتم صرف هالمليون من وقت تقديم شهادة الوفاة على طول من يقول قعدت سنة ما شمو ريحتها .. وشكلت لجنة لمكافحة الفساد الإداري ومن أول اسبوع لهم اكتشفو الجاني والمتسبب مع أن الخطأ منكم وقدموهـ للمحاكمة وكلنا سمعنا بخبر القاضي والرجال رأسه طار في الصفاة ..
وبكل بجاحة يقولون الحكومة قصرت معنا يا خي انتم مواطنين ما عليكم شرهه ..

الفقراء والمحتاجين هذه قووويه عاد لانه كل ما جاء رمضان وجاء وقت تطلع زكاتك وصدقتك في كل سنة اتذكر كتاب التاريخ حق رابع ابتدائي واتذكر الخليفة عمر بن عبد العزيز يوم كان الزكاة في الطرقات ولا يحصلون أحد تستحق عليه الزكاة الناس كلها شبعانه والحمدلله .. وهذا صاير معنا لدرجة اننا من زود الفسقه عندنا وتغطية كل المحتاجين هنا وصرنا ندور ما نلقى محتاج رحنا نتبرع لـ الدول المجاورة .. حتى امريكا وهي امريكا يوم اعصار كاترينا تبرعنا لهم .. وهذا دليل أن ما فيه في هالدولة لا فقير ولا محتاج الشعب كله شبعان ويتاغر امهات خمس

باختصار الشعب كله يقول الحمد لله اللذي لا يحمد على مكروهـ سوآهـ
باختصار حنا بخير وسلامه .. انت شلونك بشرنا عنك يا حياتي

ودي اغني لك واقول انت طيب هذا هو اللي يهم انت طيب وغير هذا ما يهم

.

بلو كادي · #2 04/01/2011, 01:52 PM

موضوعك في الصميم لي باك إن شاء الله
..............................................بآآآك

اهلاً اخوي قاسم
وش ازيد على كلامك
واقع مرير

إقتباس

الرسالة الأصلية كتبت بواسطة قاسم البُر


	وعاد ما اقولك عن السعودة .. تصدق من قوة تطبيق السعودة اطلع في الشارع ادور أجنبي واحد ما حصلت ادخل مؤسسات وشركات ابي اشوف اجنبي واحد ما حصلت .. خير البلد كله ما يطلع لـ برى كله منا وفينا .. ومن زود الفسقه الشعب يطالب بتخفيف تطبيق السعودة لا تلومهم مشتاقين يشمون ريحة شعر الهندي آهـ على ذيك الريحه فقدتها وفقدت أهلها بس يبقى في النهاية قراركم سليم ما يصلح خير البلد يأخذها هندي وبنقالي وباكستاني مع انهم يأخذون خير خفيف موب مثل أهل لبنان اشوى انهم طلعو من الديرهـ بس ولا كانو يستلمون مثل راتب الموظف الحكومي ياحليلهم قنوعين

ايه والله تصدق من كثرا ماإ السعوده في منتشره إنتشار عظيم لدرجة ان الاجانب حولوا على المدن الثانيه يقولون وش نبي بذولي المناصب للسعودين والاجنبي على 1500

إقتباس

الرسالة الأصلية كتبت بواسطة قاسم البُر


	باختصار الشعب كله يقول الحمد لله اللذي لا يحمد على مكروهـ سوآهـ باختصار حنا بخير وسلامه .. انت شلونك بشرنا عنك يا حياتي ودي اغني لك واقول انت طيب هذا هو اللي يهم انت طيب وغير هذا ما يهم

أيه والله الحمدلله على كل حآآل
ششكراً

3ash8.alz3im · #3 04/01/2011, 02:14 PM

اه بس ,
الله لايحيجنا لاحد,
دمرنا شبابنا ,
لاوضايف ولا شي ,
موضوعك في الصميم ,
بس مين اللي يسمممع ااااااااااهــ
مــــــــــــن الــــقـــلـــب تــحـــيــه ~

تركي السلماني · #4 04/01/2011, 06:43 PM

يا مرحبا و مسهلآ :

شر البلية مايضحك فالوضع الحالي لشباب مملكتنا لا يسر صديق أبداً !

أعتذر عن التعليق أكثر

ام متعب التميمي · #5 04/01/2011, 07:17 PM

والله العظيم وحشنا الملك وقسم

لكن بالنسبه لموضوعك................لاتعليق

الحال مؤسف

تحياتي

am-20am · #6 04/01/2011, 08:05 PM

لالالالا ترى مافية عاطلة ابد هههههههههههه ما اقول الى الله يرحمن برحمتة

ولا تعال يم الواسطات الحين الواسط ادخلت الي يتخرجون من الثانوية

شكل بعد سنتين الي طالع من المتوسط ورايح الثانوية لازم واسطة

ما اقول الى حسبنا الله ونعم الوكيل

بطلة · #7 05/01/2011, 02:35 AM

صباح الخير ,,

تصدق عاد أنه في نهاية الشهر يكون باقي في حسابه ثلثين الراتب ..

عندك سلف

؟

ونسمع بـ غلاء المعيشه لكن ما شفناهـ

ولا أنا ماشفت شي

وش هالكذب أجل معقوله طالب يتخرج من الثانوية ما يدخل الجامعة إلا بواسطة وش هالكلام

مو كلهم , دخلت الجامعة بـ اجتهادي الحمد لله , أصلاً من وين لي واسطة ياحسرة

لو عندي واسطة كان ماشفتم خشتي بـ هالوطن

قبل تشتري لك بيت المفروض تروح تدرس هندسه

علبة الهندسة ماتؤدي الغرض

ولا لازم دراسة بتعمق

---> برا

..

وش ذا الوطن اللي يجيب الهم

#8 05/01/2011, 02:59 AM

الله على الظالــــــم .. وبس

قاسم البُر · #9 05/01/2011, 04:10 PM

سأحدثكم عن « محمد صالح عبدالرحمن «

محمد الرطيان

سأحدثكم عن « محمد صالح عبدالرحمن « :
لا تعنيه كل هذه الثرثرة الوطنية الذي يشعلها اليمين واليسار.
لم يقرأ كل التقارير الإعلامية عن « حرب محتملة في المنطقة «.
لم يعد يتابع ارتفاع سعر برميل النفط.
سمع عن « الكاشيرة « وحتى هذه اللحظة لا يعرف معنى هذه الكلمة الغربية.
معرفته بالنظريات الاقتصادية لا تتجاوز معرفة باراك اوباما بصنع « الكليجا «.
يسمع بـ « الإسلاميين « و « الليبراليين « و « الاختلاط « و « إرضاع الكبير « و « التشدد « و « التغريبيين « ..
ولا يلقي لها بالاً.. بل يردد بينه وبين نفسه: (والله من الفضاوة)!
يزعجه ارتفاع سعر الطماطم أكثر من انزعاجه من السياسة الإيرانية في المنطقة..
أما سعر كيس البصل فهو أهم لديه ألف مرة من « الحوار الوطني «.
« محمد صالح عبدالرحمن « مواطن سعودي على مشارف الثلاثين من عمره..
يعيش في جدة والرياض وتبوك ورفحاء ونجران والزلفي والقطيف وشرورة وأبها..
وفي كافة الجهات والمناطق.
وكما قلت لكم قبل قليل:
معرفته بالاقتصاد لا تتجاوز ما يعرفه الزميل « محمد السحيمي « من اللغة الصينية..
ولكنه يُجيد الحساب، ويستطيع أن يضرب 10 ملايين برميل في 100 دولار في 3,75 ريال
ليصل إلى هذه النتيجة: 120 مليارا خلال شهر.
« محمد صالح عبدالرحمن « يسألكم بحسرة:
120 مليارا خلال شهر ولم تستطيعوا أن توفروا لي وظيفة وبيتا؟!

المقال في جريدة المدينة

HILALYA ]~ · #10 05/01/2011, 04:59 PM

.

الله يسهلها ع الجميع ان شاء الله ص1 ..
الحين وراكم يلاعاطلين ما تتقاطون وتفتحون لكم شركه < لا عاد تفكرين ض1..
بالتوفيق للجميع و1..

هلاليـ للابد ـه · #11 05/01/2011, 07:16 PM

اف شي يقهر الواحد والله
قالوا زيادة 15% وغيرنا الزيادة عندهم بحدود 85%
المشكله كبيرة

داق لطمة · #12 06/01/2011, 09:46 AM

آآآآهـ بس تصدقون احيانا ودي ارووح اعيش بقطر ولا الامارات واترك ديرتي اللي حبها الله العالم فيه لكن الشكوى لله اخوي له اكثر من 15 سنة متوظف ولا قدر يبني ولا يشتري بيت لعيالة بالله هااذي عيشة سؤال لازم نقووله المليارات اللي نسمع عنها وبالارقاام اتوقع انها اقوى من فلكية بشي كثييييير وين تروح ؟؟