|
كيف أصبحت صديق نفسي ؟؟؟؟ كيف اصبحت صديق نفسي سلام يالربع :ba1:صبحكم الله بالرضا والعافيه :ba1: شحالكم :s2: اشتقتوا لي ؟:s2: عاد انا متقطعs121s طيب كثر الكلام في كوني نصراوي وكثر الاستغراب اكثر وعشان تفهمون الموضوع كله لازم تعرفون القصه كامله وخلوا بالكم طوييييييل لان السالفه طويله ولها ابعاد شريفه وخلوكم جديين شوي لان السالفه جديه محزنه ومؤلمه لكن حقيقية واعتز بها واعتز في كوني نصراوي يوم مولدي في عام 1407هـ وفي شهر 7 بالتحديد حدث التالي : ولد اخوي الكبير في يوم 1/7/1407هـ ولدت انا بعده في تاريخ 14/7/1407هـ ولد اخوي الصغير في تاريخ 24/7/1407هـ نعم ثلاث اولاد في شهر واحد يوم بشروا ابوي باخوي الاول فرح كثير واجل الختان لين يشوف البطون الثانيه وش تكون ويوم جيت انا رمى ابوي بنذر غير مجرى حياتي كلها نرجع لشهرين قبل ولادتي عمي " الله يرحمه" عمي الله يرحمه كان اخو ابوي الكبير وكان شيخنا وكبيرنا وشيبتنا وصاحب امرنا وكان نسله معظمه بنات فربي عطاه في بداية نسله خمس اولاد ثم 12 بنت وكان يتمنى ولد فقبل ما اجي بشهرين ربي رزقه بولد وسماه على اسم ابوي وفرح فيه كثير وسوى له ختان وعقيقه ما صارت لاحد لكن يا فرحه ما تمت مات الولد بعد ختانه باسبوعين "الله يرحمه"وزعل عمي واجد وكان نفسه في هالولد لكن قدرة الله على كل شي سلم عمي امره لله وقال في ربي العوض نرجع ليوم ولادتي كان عمر امي يوم جابتني 58 سنه وقد هي عجوز وانا آخر عيالها فيوم جيت فرح ابوي وجاته البشاره وعمي عنده فقال من فرحته نذر علي لو جاء الثالث ولد اعطيك واحد منهم >يقوله لعمي طبعا عمي رفض وقالت امي انشالله الثالث بنت:s2: لكن طلع ولد s121s وابوي صار ملزوم بالنذر حقه جاء لعنده عمي وقال انت في حل من نذرك وعيالك لك ومن هالكلام ابوي حلف على عمي ياخذ واحد منا عوض عن ولده قال عمي ماني متخير اختار لي انت قال ابوي ابد انت اللي اختار قال عمي الكبير اول فرحتك ما راح اخذه والصغير هو تمام الفرحه ما راح اخذه والوسطي هو اللي نذرت بعده والنذر لازم فيهووحنا امه وسط ان كان ولا بد عطني ولدك ذا قال ابوي فداك والنفس طيبه وختنونا كلنا سوا وسماني عمي (عبد العزيز –اخيرا عرفتوا اسمي ):smilie47::smilie47: طفولتي نشأت عند عمي ما اعرف الا انه هو ابوي وان عمتي ام الولد اللي مات هي امي لانها كانت ترضعني والحقيقه ما فيه صدر في الديره ما مصيته >> لا حد يفهمني خطا يالربع:cry::cry: والجيل حقي كان جيل عيال اكثر من 13 واحد في نفس السنه ولدوا في الديره لكذا كانت المرضعات واجد:s2: فانا رضعت من امي (وكنت اشوفها ذيك العجوز الطيبه اللي تحبني في البيت اللي جنبنا:cry:) امهات اخواني الثانين ارضعوني عمتي ارضعتني كل العيال الباقين رضعت من امهاتهم وكان عمي يضحك ويقولي (ربي رزقك كل صدر في الديره صغير ، وراح تنحرم منها كبير ) وما فهمت معنى كلامه الا يوم كبرت (والمعنى واضح):s2: واللحين كل بيت في الديره يحل لي دخوله وانا محرم لنسوانه لكن مفطوم من بناته :cry: المهم زي ما ذكرت كان عمي كبيرنا وشيخنا وكان ياخذني معه لكل مكان فتعلمت واااااجد وصرت معروف بشكل كبير متى عرفت من انا ولده يوم صار عمري 9 سنوات لان عمي رزقه ربي بولد وكان الجميع يقول ولد بعد 16 سنه وكنت احسبها شوي في بالي واقول اذا عمري 9 سنوات ليش يقولون 16 سنه فالاخير رحت وسالت عمي وخبرني بالسالفه كامله:cry::cry: بيني وبينكم ما افرقت وياي واجد :s2: وتمنيت اني ما عرفت وكملت حياتي طبيعي وعالرغم من محاولات عمي في اشعاري باني ولده الا ان ميوله لولده الجديد كان واضح وكنت ازور امي واجد :smilie47::ba1::smilie47: بس ما كنت انام ابد عندها بداياتي الشعريه يوم بديت اكتب شعر خبرت عمي وفرح فيني كثير لكن قال استاذن من ابوك اول وابوي كان معارض الفكره بالمرررره وحط شروط شافها هو تعجيزيه لكن ربي وفقني وعديتها لانه طلب مني احفظ القران وكلام الرسول وكلام العرب وايامهم وحروبهم واشعارهم وكنت استلذ بالشي ذاs121s وساندي عمي واجد :smilie47: وكان يعرضني ويعرض شعري على الناس s121s وعرف عني الشعر وقتها وكان 90% من قصايدي في عمي وفاة عمي توفى عمي وانا عمري 16 سنه في يوم عيد الفطر وكان بداية السنه مريض وكنت اشوف المرض فيه ويوم رحنا انا وهو وابوي المستشفى فحصه الدكتور وقال لابوي تعال ابيك وقاله وانا اسمع اخوك عنده سرطان كبد وما باقي له الا شهور ويقابل ربه منظر ابوي يوم سمع الخبر لا يمكن انساه لان ابوي كان يحب عمي واجد فوق الطبيعي قال ابوي طيب ما ينفع نزرع له والا نعالجه قال لا والموت حق ابوي ما خبر عمي وقال بنوديك الرياض نعالجك قال عمي اصدقني القول يابن ابوي وش فيني يوم خبره ابوي قال عمي هالكلمات اللي لا يمكن انساها ابتسم وقال (شوف يابن ابوي ، الموت حق ، مهما عمرنا نموت ، وانا عمري فوق الثمانين ، وعشت حياة كريمه ، وخلفت من يشيل اسمي ، وما مات من ترك في العرب مثلك ، خلني اموت في نجران بين هلي وربعي ، ولا احد يدري باللي فيني ، خصوصا بناتي ، وخلنا ندفن الموضوع هنيا في ذي الغرفه ) عمي يقول هالكلام وابوي يصيح مو متحمل وحقيقة كنت اجمد من ابوي وما نزلت مني دمعه وفي بداية شهر رمضان بدا المرض على عمي اكثر وصار يصلي في البيت وكنت معه على طول وفي ليلة العيد كنت عنده وكانت حالته شينه جدا فطلب عياله وبناته كلهم وسلم عليهم يعني انه سلام عيد وهو عارف انه موادع وطلب ابوي لحاله وما خرجت انا وجلس يوصي ابوي وانا اسمع يوصيه في الاراضي والقبيله وفي عياله وابوي يسجل ويحفظ وكان ابوي في موقف لا يحسد عليه فيوم خلص من ابوي ناداني وضحك وقال خلك جامد ياولدي خلك زي ابوك واوصاني في ابوي لدرجه اني حسيت ان ابوي نبي مو رجل من حال العرب وقال لابوي اعتذر لام الولد اني اخذته منها :cry: وقال لي شوف يا ولدي انت حر بعدي تبغى تجلس في بيتي فحالك من حال عيالي تبغى تروح لبيت ابوك فهو بيتك لكن اياني واياك (يقولها وهي يضحك) اشوفك تشجع الهلال زي ابوك واخوانك خلك نصراوي ذيب زي عمك:cry::cry: بعدها طلعني ابوي من عنده وما اصبح صبح العيد الا والديره كلها مفجوعه في عمي"الله يرحمه" . . . . . . باقي القصه ما تهمكم اكيد وش صار فيني ووين رحت وكيف كملت حياتي هذا كلام طويل بس حبيت اخبركم ليه انا نصراوي وليه تشجيعي لغير النصر استحاله قد يكون كلام عمي من باب المزح وتخفيف الصدمه لكن تبقى وصيه وعلي عهد الله في حفظها الى يوم اقابل فيه عمي تحت عرش الرحمن بحوله وقوته بعد موت عمي بسنتين رحت ازور قبره وطلبت بنت عمي سارة تروح وياي ورحنا نزوره وبكينا شوي وترحمنا وردينا ويوم ردينا البيت كتبت قصيده في عمي اكثر من 100 بيت طويله راح اذكر بس بعض الابيات منها منعا للاطاله قلت يا صاحب القبر قوم وقابل احــــــــــبابك هل يسمع الصوت من هو ساكن في القبر يا صاحب القبر جينا والوله جابك تزفنا الاشواق صوبك سيدي كل فجر يا صاحب القبر دمعي ببل ثيـــــــابك حشى الكفن عنك والله مسكنك بالصدر قم شوفها ساره تنخاني وتنخى بك جرت دموعي وهزتني وأنا من صخر تمسح بيمناها اليتيمه من على ترابك وانا يتيمك قبل تمسح تراب القـــبر جيتك معاهد وعهدي انحته ببابك احفظ وصاتك على مر الزمن والدهر ابيّض الوجه في ضيفك وانسابك وابقى على شرعك راس عشقي النصر وازور قبرك وانثر فوقه اطيابك واقرى عليك من الهدى سيدي كل ذكر الى اخرها الخلاصه يالربع قد تقولون اني صديق نفسي... لكني صديق رجل تحت الثرى ... يجمعي به عشق النصر.... لا تقسون في الملامة.... ملاحظات: عدد اخواني الله يخليهم لي 16 وكلهم مع الوالد هلاليين لكذا تجدون مني ميول وتعاطف تجاه الهلال لا حبا في الهلال بقدر ما هو حبا فيهم. تربطني بامي الله يطول عمرها علاقه اجمل ما تكون بين الابن وامه وكأني لم اغب عنها لحظه واحده. ما زالت العلاقه مع الوالد الى الان رسميه وعلاقه احترام وتقدير لا اكثر . لا اريد مما قلت أي تعاطف بقدر ما هو كلام تزاحم في صدري واحببت ان اخرجه |
لي عوده سريعا .. قصه مؤؤؤؤؤثره جدا .. واخيرا عرفنا قصة صديق نفسه :s2: بررررب:naughty: جيت :yes: إقتباس:
وعليكم السلام ورحمة الله وبركاته .. * ورا كذا السلام مختصر :cry: موضوعك شكله دسم بقوه .. وطويل :d ومشّووووق جدا :ba1: أنا استغربت صراحه لمّا قالت لي ميمي ان انت صديق نفسك :s4s::s2: شكل قصتك زي ماقلت محرزنه ومؤؤؤلمه :cry: تعليقاتي بسيطه كل مااقرا جز اعلق بنجمه :s2: وفي بعض اشياءماقدرت اعلق عليها :cry: انربط لساني :cry: * سبحان الله ثلاث في شهر واحد :yes: .. *وش هالنذر :to: صراحه قويه جدا :to: *ماني قادره اصدق اللي تقوله :cry: :s5s: جد جد رحت عند عمك :s5s: أمك كيف رضت :s5s::s5s::cry::cry: شي مؤلم للأم جدا :cry: ضناها ياخذه حد غيرها ويربيه :cry: ويعيش أمام عيونها عند أم غيرها ..فعلا أم صبوره وعظيمه جدا وقدّرت النذر :cry: أحس اني جالسه اقرا روايه خياليه :cry: إقتباس:
هههههههههههههههه من أعماق أعماق قلبي ضحكت بعد الحزن اللي جاني من بداية قصتك ياصديق نفسك :d ..االغريبه أحسن من القريبه :d:s2: إقتباس:
طيب الحين أمك ماتروح عندها :cry: قصدي ماتروح تنام عندها بعد ماعرفت الحقيقه :cry:<<الفضول عمل عمايلو:cry: *ماشاء الله شروط ابوك اللي شرطها عشان تكتب شعر قلّ مانجدها في زماننا هذا :cry: بارك الله فيك ي الشاعر عبدالعزيز صديق نفسه :d إقتباس:
الله يرحمه ويجعل مثواه الجنه .. وأخيرا وصلنا للشي اللي متشوقين نعرفه :cry: خلك صديق نفسك :cry: وخلك ذيب زي ماقال عمك الله يرحمه :yes:.. جد جد مدري احس دموعي مو راضيه توقف :cry: طيب رجعت بيت امك وابوك ولا استمريت بالمكان اللي نشات فيه :cry: ؟ إقتباس:
اذا مو قايل لنا ..ليش تنزل القصه وتشوقنا :cry: وكذا يصير فينا فضول :cry: *القصيده جدا جدا حزينه :cry::cry: وكلماتها مؤثره جدا :cry: إقتباس:
نزّل القصيده كامله اذا مافي احراج أو كلافه ..:cry: إقتباس:
* تعليقي مافيه اي تعاطف مثل ماطلبت:wub: .. * الله يحفظ لك والديك :ba1::rose: ياليت تكمل لنا التفاصيل اذا مافيه احراج ياصديق نفسه :d وصراحه قصتك عجيبه غريبه .. وتصلح تصير روايه :d بانتظار الجزء الثاني << جد فيني فضول غير طبيعي :s5s:واتمنى ماتفشلني ياصديق نفسه :d:d يالبى كحيلان (صديق نفسه ) .. لولا الله ثم هوو ماعرفنا قصة عبدالعزيز :s2::s5s::s4s: |
ما كذب مشرفنا كان هنا يوم قال يبالك مشرف بروحك ما شا الله قصتك تنفع فيلم الله يرحم عمك و يسكنه جنته و يعينك ع النصر و بلاويه |
هلا وغلا بالطعنة :d:d:d لا يكون أنت رئيس النصر ومسجل في الزعيم !! خبرك ماصديق نفسه الا هو s121s إقتباس:
إقتباس:
إقتباس:
والله يطول بعمر أمك وابوك ويرزقك برهم !! |
إقتباس:
والنصر ما جاء منه بلاوي الا صوبكم s121s شاكر كلامك والله يرحم موتى المسلمين جميع منور اخوي :rose: |
إقتباس:
لا ياخوي 58 سنه عمري اللحين 24 سنه وعمرها الله يحفظها 82 سنه وبعدين لو ما كنت متأكد من حسن اخلاقكم وطيب مجلسكم ما قطيت بوجهي فيه مشكور على كلامك والله يخلي لك والديك منور يا مميز الشهر :s2: |
دامك نصراوي أجل لا نشوفك توطوط بـ منتدى الجمهور :d :smilie47: تراه خاصّ بـ الشّؤون الهلاليّة فقط لا غير s121s إقتباس:
وقصّتك يكفي فيها وفاء أبوك لعمّك , ومسألة معاملة والدك شيء طبيعي :rose: الله يغفر لعمّك ويحفظ والدينك ويرزقك برّهم :smilie47: عوافي |
حياش الله وحيا ردش ياشلهوبيه موهوبه وراح ارد عليش في كل شي طلبتي وما راح انزل جزء ثاني إقتباس:
إقتباس:
إقتباس:
إقتباس:
الشي الثاني امي معها 10 اولاد غيري من بطنها اصغرهم يكبرني بسنتين بس .... ثالث شي امي تحب ابوي واجد وما بغاه تم في المقابل هي تحترم عمي وتقدره لموقف سابق اقوله لك على انفراد فما كانت تستخسر فيه شي حتى لو ولد ....... وامي زي ما قلتي عظيمه في عيني وعين من حولها اقل ما يقال عنا جابت 11 ولد للشيبه يشيلون اسمه.... إقتباس:
إقتباس:
طول حياة عمي ما نمت عندها .. اصلا ما كان لي غرفه عندهم :s2: لكن بعد وفاة عمي حسيت نفسي غريب في بيته وانتقلت لبيت امي وخذت عندها شهور قبل ما انتقل للدراسه في الرياض ... يعني فعليا ما بعد كملت سنه كامله في بيتها .... إقتباس:
ما فكر اني راح اوافق ولكنه فادني ورزقني ربي العلم والمعرفه ويرزقكم من حيث لا تحتسبون ..سبحانك إقتباس:
إقتباس:
رديت بيتنا لكن ما اخذت شهور وانتقلت الرياض ... إقتباس:
وما يصير افرض عليكم حياتي الشخصيه عموما انا اللحين اطبق في الرياض بمهنة (مهندس اجهزة طبيه).... إقتباس:
وسبق ونشر قصايد هنا وشهرة شبكة الزعيم سلاح ذو حدين فانت تلقى صدى لكلامك لكن كلامك يؤخذ لمنتديات ثانيه وينتحل لاشخاص ثانين و من القهر اشوف قصيدتي في عمي تقال في مجالس اقل شأنا منها ... إقتباس:
ووالله يحفظ لش اهلش ووالديش اعتقد اني جاوبت بما يثري ويشبع فضولش وارفض تقديم جزء ثاني ... إقتباس:
تريني اكثر نصراوي يبغضه على وجه الارض ... مشكوره على كلامش اختي منوره:rose: |
إقتباس:
وعلى فكره انا ميولي ادبيه مو رياضيه ياخوي لا تكبرون السالفه عمي زي ابوي وابوي زي عمي ما تفرق عندنا واجد بالديره إقتباس:
مشكور منور:rose: |
حيالك الله اخوي عبدالعزيز واضح التواضع والشفافيه والتلقائيه والبساطه في حديثك ماشاء الله تبارك الله كأني اقرأ روايه سرد للقصه جميل جدا وقصيده أجمل وعائله قمه في الترابط والتكاتف وتجسيد لكل ماتحمل الاخوه من معني الله يجمعكم ولا يفرقكم وسواء كنت نصراوي أو هلالي نتشرف بمعرفة الرجال شرواك وبالنسبه لاخوانك ماشاء الله تبارك الله ماشاء الله تبارك الله يقدرون يسون فريق كرة قدم بالاحتياط والمدرب ماشاء الله تبارك الله الله يحفظهم ويخليهم لك تقبل مروري |
إقتباس:
اشكر جدا على كلامك وابداء اعجابك بطريقة الطرح وعلى راسي من فوق اخوي وصدقني لو ما ادري ان هذي اخلاقكم ما جيتكم وبالنسبه لعدد اخواني لا توصي حنا فريق بس ناقصنا رئيس ما يكون صديق نفسه ودايما اذا انهزمنا يقولون كله من وجهك يا فقراوي واذا فازوا قالوا لان حنا نلعب فيهs121ss121s يالله عدلك يوم الدين :cry::cry: مشكور اخوي ومنور:rose: |
إقتباس:
إقتباس:
|
:tT::tT: هلا أخوي عبدالعزيز :smilie47: : أول شئ : الله يرحم عمك و يسكنه فسيح جناته و يثبته عند السؤال يأكرم الأكرمين و يبقيكم يآآآآرب ! ثاني شئ : ألحين أنت نصراوي :ct: .. قسم بالله مو باين عليك :bs: .. بسس ألحين وش لك بالنصر عمك الله يرحمه يمزح عليك :ag: ! بسس اللي مخليني أستغرب شوي أنك نصراوي .. موضوعك عن الشيبان سبيت النصر إنما أيه و مدحت الهلال :fun34: ! بسس أشوفك بمجلس الجمهور الهلالي أسوي فيك هيك :pokey: أمزح أمزح .. الله يحييك بأي وقت >> وش عندهـ المشرف :d تحياتي s71s |
الله يرحم عمك ويسكنه فسيح جناته :smilie47: ومعوض بخير ان شاءالله :smilie47: تعجبني شفافيتك بالطرح والتلقائيه اللي تمتلكها :yes: بس شينتك فقراوي :d:ba1: ليت هالفقر كلهم مثلك كان الدنيا بخير :s2: أعجبتني اللفته العجييبه جدا من أبوك انه يعطي أحد عياله لأخوه ، من يتحمل الشي هذا ، سبحان الله وأنا اقراه تذكرت قصه ابو طالب لما أخذ النبي صلى الله عليه وسلم منه عليا تخفيفا عليه ، طبعا مع اختلاف الظروف والأحوال بينها وبين قصتك ، بس قدحت في ذهني كما يقال :d شكرا لك ياصديق نفسك ، ومثل ماقالوا بعض الأعضاء لانشوف خشك في الجمهور :d:ba1: .. عموما نسعد بك وبأمثالك دائما :ba1: |
انت تتكلم من جد ولا تستهبل ,,ولله مادخلت مخي يجون ثلالاثه في شهر واحد:ci: ,,اللي مشككني الردود خخخخخخ:s2: مرره اقول صدق ومره اقول يستهبل ,,يعني وشلوون جو ثلالاثه في شهر وااحد :s5s:,,اييه مااقول الا الله يرحم عمك :d...| |
| الوقت المعتمد في المنتدى بتوقيت جرينتش +3.
الوقت الان » 06:25 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd