كل ما جيت اببكي قمت اردّ الدموع
الدموع العزيزه .. ليه .. وش فودها ؟!!
في ظلام الحنايا .. ما تفيد الشموع !!
و لا يفيد المحاجر جــود موجودها !!
و الله اني أحاول لا يزيد الخضوع
و المشاعر ضعيفه .. منكسر عودها !!
صاحبي ما بقى لك بين عوج الضلوع
غير لـــوم الطعون و قدح بارودها !!!
رحت ما كنّك اللي ناوي ٍ بالرجوع
و الظنون البريئه ضااااع مجهودها !!
حلم عمر ٍ عشقته صار شوفه يروع !!
و الحقايق حدايق ..ماتت اورودها !!
كل صبر ٍ صبرته ما تحمّل .. جزوع !
و قولة الناس إنسي آآه ,, يا كودها !!
الزمن ما يجامل و المواجع تجوع
للقلوب الرهيفه في زمن جودها !!
قوّ باسي تهاوى و انحنى للركوع
خاضع ٍ للهموم و جيش نمرودها !!!
الفراق الأناني صار يوم الربوع !!
و اللقا صار كذبه طالت وعودها !!
!!
الوفا دين
منبع الأبداع أختي الغالية الوفا دين
سلمت الأنامل وصح الله لسانج
تقبلي مروري المتواضع