|
شي سيزعجنا كثيرا في بطولة اسيا بقطر!! بالرغم من تحفظي على اقامة كاس العالم في دولة مثل قطر وفرحي بوجودها في دولة خليجية وشرق اوسطية لاول مرة في تاريخ البطولة وبالرغم من الاجواء المناخية المغايرة تماما لاغلب دول اوربا ودول امريكا اللاتنية وارتفاع هائل في درجات الحرارة الا ان دولة مثل قطر اتمنى لها النجاح في هذا المونديال غير اننا سننزعج كثيرا من (التطبيل) اذا جاز التعبير من الان وستستغل قطر المونديال الاسيوي الحالي لعمل دعاية لذا انصح اغلب المتابعين والذين لا يحبون التطبيل الزايد ان لا يتابعوا الكرنفال الاسيوي على القنوات القطرية |
طيب بس ماحددت بالضبط وش هي النقطه الي راح تزعجنــا .؟.؟ القنوات القطرية والأعلام القطري بأكملـه من حقه ان يفتخـر ويتباهـى بـ هذا الأنجـاز الي تم تحقيقــه على حساب أكبر واعظم الدول بالعالم (أمريكــا )..! اي أنهـم حققوا ماعجـزت عن تحقيقـه السلطـة الأولى واليد الطولى بالعالــم أجمــع ..؟! وأمر طبيعي كل دولة ستنـل شرف تنظيم بطولة كبيرة مثل كأس العالم سـتتبطـل وتعزف أيضا أجمل الألحـان ..! عد قليلا الى الورى وانظـر أحتفالات الألمان حينما أعلن انهم الدولة المنظمة لـ كأس العالم 2006 ..! |
إقتباس:
|
أجد من الطبيعي المفاخره وتفخيم الامر الذي اسميته بـِ [ تطبيل ] مع احترامي لـِ رأيك عزيزي لكن هذا المطلوب وليس هناك مايزعج / كُل الانظار ستتوجه لـِ قطر التي اقامت بطولات وليست بطوله ولكن الآن النظر عليها بسبب انها البطوله التي أتت بعد منحها شرف اقامة كأس العالم 2022 لذا سيتوجه الجميع الى النظر الى [ قطر ] بحلتها الجديده كـَ دوله تسعى الى صنع مجد لها وللشرق الاوسط لذا : ليس هناك مايزعج !! واعتقد ان ماتقوم به قطر في كأس آسيا < شيء جداً كبير .. فناديق رأيتها بالامس في برنامج أفخم من ان تسمى بقصور اجنحة للمنتخبات متصله بقاعات رياضيه وأشياء لاول مره تحدث في عالم الكُره ، غير الاستقبال في المطار المصطحب بعائلة التعويذه لكل منتخب وأطواق ورود قطر تعمل لذا لا اعتقد ان هناك من سيحدث نوع من التطبيل بل سيكون هناك مديح يليق بما سنرى ! وحتى وان رأينا بعض التفخيم .. ليس بغريب ولا يثير الانزعاج لانه مطلوب خصوصاً في الوقت الحالي وفي قطر تحياتي لك عزيزي |
الله يعطيك الف عافيه يحقلهم هذا انجاز مو اي دولة تحققة تحياتي لك |
قطر سبقت جميع جيرانها وبعض الدول المتقدمة وتستااااااااااااااااااااااااااهل كل خير والله يوفق ديرة ابو مشعل . تحياتي |
كلناااااا قطرررر ومن حقهم بصراحه وهم ما استضافو هالشي الا انهم قده |
قطر عملت الكثير و الكثير لتحقيق هذا الإنجاز الكبير .. فلها كل الحق في أن تتباهى و تبدي للعالم أجمع استحقاقها فعليا لهذا الانجاز ... |
والله اتمنى لهم التوفيق من كل قلبي ويحق لهم أن يفتخروا بذلك بعدين من المفروض تفتخر بأن دولة عربيه بتنظم كآإس عآإلم مو قاعد هنا تقول تطبيل ومدري وش وإذا كآإن يزعجك فهو يطربنآإ واتمنى تترك الحسد والحقد وإلى الأمام يآإ قطر ونحن خلفك |
والله انا ضد تطبيلك اخوي والله انا كلنا فرحين بقطر واستضافتها كأس العالم وبنسبه لتباهييهم يحقلهم كلنا يد بيد مع قطر الخليجية العربية الأسيوية قطر تستاهل . |
قطر ماعليها كلام مع احترامي لك لأنها ستبذل كل ما بوسعها لي اسعاد الناس سلااااام لك |
ياحبيبي هذي قطر العز وانا ادرابه .. ’، بالنسبه للتطبيل يستاهلون التطبيل أنغام موسيقيه على اوتار قلبي هم قدها وقدوها :smilie47: \\ خلي صدرك شمالي ولاتكون غيور ماشاءالله تبارك الله ياقطر |
بدال ما تحسدهم قول ليش ما حنا مثلهم مع اننا اكبر وافضل منهم في قوة الدوري والفرق والمنافسه واللاعبين الكبار ومع ذلك منشآتنا مصديه بالتوفيق لقطر وتستاهل كل خيرر (يالبيه بسس |
براحتهم ويحقلهم والله..، بالتوفيج لدار بو مشعل بهالاستضافه..، |
شف المنتخب السعودي اذا فاز في مباراة وش يسوي الاعلام السعووودي والقنوآآت ... انوااع التطبيييل وذولي فايزين باستضافة كاس العالم وتبيهم يسكتووون أتمنى اغلاق الموضوووع .. لأنه مسخره مع احترآمي لك |
ترا فيه فرق بين الاعلام السعودي و القطري الاعلام القطري ، من حقه يفخر بالانجازات اللي عنده و من حقه مثل ماتقول يطبل بالملاعب و الفخامه في مباني قطر :smilie47: الاعلام السعودي ، جالس يطبل و بقوه بس مدري ع وش :d ! لا مباني و لا ملاعب و لا منتخب |
يآخي من حق كل قطري وخليجي ومسلم وعربي الفرحة بإستضافة بطولة العالم في دولة عربية وبعدين هذا ما يسمى ( تطبيل ) .. فمن حقهم يفرحون ورآح نفرح معاهم بهذا الإنجاز العالمي إلى سنة 2022 بإستضافة بطولة العالم .. وتعليقي على إنه إلى الآن ما بنوا ملاعب .. روسيا اللي رآح تستضيف كأس العالم 2018 للآن ما بنوا ولا ملعب .. وقطر يمديهم يخلصون كل الملاعب بـ 5 سنوات إذا بغوا .. |
إقتباس:
رآي من رآيكـ آخوي صح لسآنك |
انا ارى من حق قطر والقنوات القطريه التفاخر لانهم حققوا ما عجزت عنه الدول الاخر.. بالعكس هنا المفروض محد يلومهم .. توقع لوالسعوديه فازت باستضافة كاس العالم وش يبي سوي الاعلام السعودي ؟؟؟؟ |
يحق لقطر المفاخرة بما عملوووه , مع إن إنجازات منتخبهم لاتشرف وماهي ذيــك الإنجازات مثل المملكة , أتمنى التوفيق لقطر حكومة وشعبا ً. |
ياشيخ يستاهلون اكثر والله شف ملاعبهم مو ملاعبنا اجل في ملعب من سبة الملعب اصابة ثلاث لاعبين في مباراة وحده ههه |
الله يعطيك العافيه كفيت ووفيت |
يارجال الحين منتخبنا اذا فاز على بنغلاديش خذ الازعاج والاغاني الوطنيه وكأننا حققنا كاس العالم اجل لو مستضيفين كاس العالم وش بنسوي ؟! والله ان نسوي أكثر منهم بألف مره عموما انا مثلك أكره ما اشوف شي اسمه تطبيل :s3s: لكن نشوف نفسنا اول ثم نشوف غيرنا |
لو كاس العالم عندك في السعودية كان تغير كلامك مع انك تحلم يكون عندك بطولة مثل كاس العالم |
باعكس الفيفا يعتبر التطبيل على قولتك ثقافه كاثقافه الابواق عند الجنوب اقريقيين رائيي |
يحقلهم ............. والله يوفق الجميع |
والله يستتتاهلون ويحق لهم انهم يطبلووون على انجااز حنا ما رااح نسوي او ما فكرنا نسوي مثلهم لكن يستااااهلون اهل قطر هذه الاستضااااافة وان شاء الله انهم قدها وقدوووووووود |
اتوقع واجب عليها انها تظهر بالصورة في البطولة الاسيوية لأن انظار العالم كلها تتجه لقطر بعد ما تم ترشيحها لاستضافة البطولة العالمية 2022 ,, وهذا راح يكون اختبار لها وضغط كبير عليها . |
شي طبيعي انه تفتخر بل العكس والله اني فرحت حق قطر من قلبي .. وهذا شي طبيعي وإذا انت تقول انه ما سوو شيء من بناء ملاعب وغيرها ترى وانا اخوك باقي 11 سنه على ما يصير كاس العالم 2022 . |
طيب عاديم الطبيعي أنهم يتباهون ويفرحون بصرآحه أنا أعارضك الرأي لأن بصرآحه اللي تسويه قطر هذآ شيء منطققققي وعآآدي حنى السعوديه لو بمكآن قطر سوينآ زيهم وأكثثثثثثثثثثثر |
إقتباس:
اعتقد انك مقهور منهم والله اعلم للحين اجل ماسوو ملاعب !! ياشيخ ملعب السد يسوى ملاعبنا كلها هذا وللحين ماسوو شي للمونديال انت خل ملاعبنا اول شي تسمح بالمويه تدخل بعدين اقدح على قطر :s4s: ومعليك محد فازع مع قطر , قطر قدها وقدود :smilie47: بعدين ترى اسمه جوزيف بلاتر مو جزريف بلاتر |
ياشباب الرجال قال رايه نبي ردود باحترام! قطر يحقلها التفاخر بكل امانه حنا خلنا نستضيف الخليجيه ويصير خير:s2: مشكور اخوي ولايهمونك بعض الاعضاء:smilie47::yes: |
:rg::ap:يالب قطررررر والله من حقها تفتخر قطر دوله عالميه |
| الوقت المعتمد في المنتدى بتوقيت جرينتش +3.
الوقت الان » 10:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd