[ في المرمى ] نيفيز : ظروفي العائلية تجبرني على الرحيل من الهلال السعودي :: تقرير :: - نادي الهلال السعودي - شبكة الزعيم

الــدكــتــ 15 ـــور · #1 06/01/2011, 12:24 AM

السلام عليكم ورحمة الله وبركاتة

كيف حالكم يامعشر الزعماء

تحدث قبل قليل على قناة العربية برنامج ((في المرمى))
مع بتال القوس

لاعب نادي الهلال المحترف البرازيلي تياقو نيفيز

بأن الأندية البرازيلية لاتملك المال اللي طلبة نادي الهلال

وتحدث كذلك بأن نادي الهلال من أغنى الأندية بالسعودية

وطبيعي بأن يشتري لاعبين بمبالغ غالية لأنة نادي غني

وقال كذلك بأن لايفكروا بالمال ويفكرون فيني ويعطوني حريتي

في الأنتقال لأحد الأندية البرازيلية ..

وسألة المذيع هل سيعود لنادي الهلال غدا ً

أجاب بأنه يعاني من مشاكل أسرية حاليا ً مع زوجتة

لأنها لاترغب للعودة للسعودية ..

أكيد الزملاء في أستديوا شبكة الزعيم سيعرضون اللقاء فيما بعد

احترامي وتقديري

أخوكم /

الـدكـتــ 15 ــــور

زعيمنا ياسر · #2 06/01/2011, 12:25 AM

نيفيز الهلال في غنى عنك
والهلال عمره ماوقف على لاعب معين
والله يوفق الزعيم في القادم من الايام

غريب جده · #3 06/01/2011, 12:26 AM

وقال كذلك بأن لايفكروا بالمال ويفكرون فيني ويعطوني حريتي

في الأنتقال لأحد الأندية البرازيلية ..

.................................................

تصريح غريييييييييب من تياجو نيفيز

انت قبل ماتجي للهلال فكرت بالمال وأغراك المال

وقبلت بالعب في السعوديه

واللحين تقول لاتفكروا بالمال !!!!!!!!!!!!!

انا اشوف ان تصرف الاداره مثالي جداً

هلاليه وعشقي ياسر20- · #4 06/01/2011, 12:26 AM

أجاب بأنه يعاني من مشاكل أسرية حاليا ً مع زوجتة

لأنة لاترغب للعودة للسعودية

هذا البلاء حسبي الله عليها من حرمه ,رجاء يااعضاء نبغى نطالب في مهاجم اوك بس بنفس الوقت نطالب بانه يكون اعزب ,, غير متزووج يعني ,, من جد لمتى اجانبنا يروحون

مننا والسبب زوجاتهم صراحه مره قهر ,,,, وبعدين ماشفتوه لما لمح وقال لما ارجع للسعوديه ماراح العب كويس وراح يكون كل

فكري في البرازيل مع عائلتي ولا انا غلطانه ؟؟؟!!

ابي افهم ليش اداره الهلال للحين متمسكه في عقده ..

وبعدين لمتى وحنا نايمين في التعاقدات اليوم

الاتشاد خلص من الراشد , وحنا للحين نعير نيفيز لا مانعيره صراحه ,, لاتعلييييق ,,

عوافي اخوي الدكتور

FAISAL AL7RBY · #5 06/01/2011, 12:28 AM

الله يعطيك الف عافيه

يارجال زوجتة قلق لو يطلقها احسن

يرتاح من حنتها

تحياتي لك

#6 06/01/2011, 12:37 AM

ضحكني لمى قال الهلال نادي غني يقدر يجيب لآعب اوربي والأنديه البرازيليه
ما تقدر تدفع المبلغ المعروض .. الظاهر يبي الفكه

"
خلـوهـ يروح وانتقال كامل اجل يقول اتمنى من الهلال مايفكر بالأموال

اجل وش تبيه يفكر فيه ؟

"

شبح الزعيم 111 · #7 06/01/2011, 12:28 AM

عواااافي اخوي الدكتور15
بـــ التوفيق للهلال والااعب تياقو
تحياتي

هلالي عتيبـــة · #8 06/01/2011, 12:28 AM

...................................................

mesho KSA · #9 06/01/2011, 12:30 AM

واضح اللاعب ما يبي يرجع
واضح من كلامه
اتمنى اعارته بالمبلغ المعروض و بعدين يحلها الف حلال
قال ايش ودي العب في الهلال لاكن عقلي في البرازيل
ياعمي طييير

STS2005 · #10 06/01/2011, 12:31 AM

كلامه منطقي لما جا دوره صارت الادارة تفكر في المبلغ المالي طيب ليه ما فكرت في الفلوس اللي دفعت على الجمعان والكعبي والجيزاني .

كنت اريد بقاء تياغو نيفيز من الاساس ولكن عودته الآن لن تنفع الهلال وسوف يكون ضيف شرف .

يعطيك العافيه .

ملك التكتيك · #11 06/01/2011, 02:18 AM

إقتباس

الرسالة الأصلية كتبت بواسطة STS2005


	كلامه منطقي لما جا دوره صارت الادارة تفكر في المبلغ المالي طيب ليه ما فكرت في الفلوس اللي دفعت على الجمعان والكعبي والجيزاني . كنت اريد بقاء تياغو نيفيز من الاساس ولكن عودته الآن لن تنفع الهلال وسوف يكون ضيف شرف . يعطيك العافيه .

أي منطقي الله يرحم والديك

هو لاعب محترف وجابه الهلال بحوالي سبع ملاين يورو ماجابه ببلاش بعد ماكان إحتياطي في هامبورغ

والحين يبغى الفريق يتنازل عن حقوقه عشان يرجع للبرازيل !! أي منطق يقبل هذا الكلام؟

إذا حب يرجع للبرازيل ماعنده إلا أحد أمرين

1- يدفع الشرط الجزائي ويتوكل على الله

2- يتنازل عن جزء من راتبه اللي اتفق عليه مع النادي البرازيلي عشان النادي البرازيلي يقدر يكمل دفع المبلغ المطلوب من الهلال

أما الكلام العاطفي وراعو نفسيتي وانتم عندكم فلوس واجد هذا الكلام مايوكل عيش

حبي الهلآل · #12 06/01/2011, 12:31 AM

شكل زوجته مرره نششبه
اتمنى اذا جاء العرض المناسب
ولو انو اقل من المطلوب خليه ينقلع
نبغى نتفضى لجل الاعب الاجنبي البديل
لانو جتى لو ماجاء عرض مناسب لنيفز ورجع ولعب مع الهلال
ماراح يقدم مستويات

كريم المشاعر · #13 06/01/2011, 12:32 AM

خَلّوْه يَرُوْح الْلَّه يَسْتِر عَلَيْه
شَكْلِه مَايُبِيْنا

فيصل2004 · #14 06/01/2011, 12:33 AM

أنا ماأقترح بيعه بأي قيمة على كيفه هو يجي بأغلى
الأثمان وبعدين يبغة يروح برخيص..!!!!!
لازم يجي لاعب بداله ويبقى هو معلق بدون مايدخل
في فترة التسجيل الثانية أما إنه يفكر إنه يجي غالي
ويروح ببلاش هذي لايفكر فيها...

هلاليه وعشقي ياسر20- · #15 06/01/2011, 12:43 AM

أجاب بأنه يعاني من مشاكل أسرية حاليا ً مع زوجتة

لأنة لاترغب للعودة للسعودية

هذا البلاء حسبي الله عليها من حرمه ,رجاء يااعضاء نبغى نطالب في مهاجم اوك بس بنفس الوقت نطالب بانه يكون اعزب ,, غير متزووج يعني ,, من جد لمتى اجانبنا يروحون مننا والسبب زوجاتهم صراحه مره قهر ,,,, وبعدين ماشفتوه لما لمح وقال لما ارجع للسعوديه ماراح العب كويس وراح يكون كل فكري في البرازيل مع عائلتي ولا انا غلطانه ؟؟؟!!

ابي افهم ليش اداره الهلال للحين متمسكه في عقده ..

وبعدين لمتى وحنا نايمين في التعاقدات اليوم الاتشاد خلص من الراشد , وحنا للحين نعير نيفيز لا مانعيره صراحه ,, لاتعلييييق ,,

عوافي اخوي الدكتور