ماذا كنت تفعل أثناء حرب تحرير الكويت ؟؟ أدخل هنا واكتب ذكريات تلك الأيام ...
 

اهلين فيكم أعزائي .... وينكم ... ماني شايفكم ؟؟
معليش مو مشكلة !!
موضوعي هذا له شجون وله أحزان و(أفراح)؟؟

تدرون وين كنت أثناء الحرب كنت في أول متوسط؟؟ بالبكيرية !! ( المدينة الصحية)..
وكنا مرررررررره منحاسين ؟؟ أخوي يجيب من هالأقنعة مالت الغاز؟؟!!

ويقول هذي علشان ماتموتون من الغاز السام ألبسوها؟؟

اللــــــــــــــــــه !! تدرون إني أنا كل يوم أروح واشتري أغراض نخزنها ؟؟ مانتم مصدقيني طيب ؟؟

اقولكم وش اشتريت سجلوا عندكم:
12كرتون بسكويت ديمة !! بالتمر طبعاَ
10كرتون موية معبأة موية القصيم من البدائع!!
4 نجف كهرباء تخزين 2 راديو صغير 2كرتون بطارية ليش؟؟ أكيد للراديو !! ياشاطرين.
لا وبعد اشتريت ( تريك) مصباح بطارية وبعد حطيناها في الغرفة اللي أمي صكت شبابيكها ببلاستيك ماأدري ليش بس هي كانت تقول لنا علشان الغاز ؟؟ مع أننا عندنا غاز في المطبخ !! وأمي تزعل اذا خلص وتقول لنا عبوا الغازياعيال..!!
تدرون إني كنت فرحان ذيك الأيام !!
أكيد ما تدرون؟؟ ليش ؟؟
علشانها مافيه دراسة والله العظيم جلسنا شهور من غير دراسة يمكن 4 شهور والله إجازة حلوة لا وبعد كان عندنا ربع من الكويت نلعب معهم كانوا يقربون لنا ويسمونا الخوال .. حبيناهم مررررررره

بس عاد والله إني زعلت وخفت يوم كل اشوي اسمع صافرات الأنذار الله لايعيدها
تصدقون للحين اسمع صوتها في آذاني وبراسي بعد‍‍!!!؟؟
لا وبعد ربعنا يطفون الكهرباء بيروعونا زيادة يعني مو كافي صافرات الأنذار لازم تعيشونا بظلماء

ياشينهم ...... صواريخ ..سكود مالها عيون ؟؟ للحين ماني عارف ليش يطفون الكهرباء اذا قربت الصواريخ؟؟

هذا كل شي قدرت أتذكره هالحين؟؟

أحبتي وقانا الله وحمانا من كل مكروه وجنب كويتنا الحبيبة وسعوديتنا الغالية كل شر وخطر اللهم آمين ,, اللهم آمين ,, اللهم آمين..

تقبلوا تحياتي............ أبو بندر المستلج؟؟!!

رد: ماذا كنت تفعل أثناء حرب تحرير الكويت ؟؟ أدخل هنا واكتب ذكريات تلك الأيام ...
 

هذا احسن شي اشتريته..

انا كنت اثناء حرب الخليج بالسعوديه..

بس عشت اجواء الحرب خلال شهر..بس الله لايوريكم هالمظاهرات اللي سويناها وهالتعذيب اللي نشوفه من العرقيين لشبابنا واحنا نمر بسيارتنا واحنا انقدر نسوي شي..

بس الحمدلله الله ستر واجبرنا على الخروج من الكويت..

وبهذا اشكر السعوديه حكومتها وشعبها والله اكرمونا وصرنا احنا اهل البلد وهو اضيوفنا..

كنت ف منتصف الحلم الجميل وصحيت في نهايته:razz:

اقولكم وش اشتريت سجلوا عندكم:-
12كرتون بسكويت ديمة !! بالتمر طبعاَ ... ليه ... خلص السكري
10كرتون موية معبأة موية القصيم من البدائع!! ... بـــــــــــــس ‍‍!!! وكفتكم ؟؟؟
4 نجف كهرباء تخزين 2 راديو صغير 2كرتون بطارية ليش؟؟ أكيد للراديو !! ياشاطرين ...؟ طيب
يا شاطر ... ماجبت طاري الشمع:confused: ... صاير عليه طق عصي ... ولا حصلنا شمعة وحدة:(
كان متوفر بالقصيم:rolleyes: كان علمتنا يـــــــا أخــــــــــــــي:D





اقول الحمدلله انها انتهت على خير ؟







لأن بيتي تعفن من تسكير كل منسم يدخل البيت:dead:

والله كنت أسهر وألعب وما أدري وين ربي حاطني فييه:sleep: :sleep: :sleep:
بس كنت في ثالث ابتدائي

لكن الحمدلله اللي رد الكويت لـ أهلها

أذكر انه اذا مر صاروخ سكود ... نروح للسطح علشان نشوفه !!!!


والأمريكيين اللي يشوفننا بالقاعده .. يقولون : !!! crasy saudies

كنا فاقدين طعم الحياة وصار كل شئ عندنا عادي
لان ثالث يوم فقدنا عائلة بكاملها
اختي وزوجها واولادها وخالي
لذا كنا نشاهد اسكود ونسمع الصافرات شئ طبيعي بالشوارع ولا يهتز منا ولا شعرة
اما قبل الحادث كنا خائفين وكمامات ولزق على الزجاج ومونه بالبيت
لكن الله الحافظ
وسبحان الله ها نحن الان في السنة 11 تقريبا