|
> نقاش بصراحه < ليه الاعب السعودي مايطلع برا يحترف باوربا تحديدا؟؟ تعالو نشوف المشكله سلام عليكم .. اخبار الزعماء :yes: يارب طيبين وبخير ؟ :ga: اليوم ودي نتناقش ليه الاعب السعودي مايطلع برا يلعب ؟ تعالو نصارح بعض نشوف ايش المشكله ؟ اول شي لايخفى ع الجميع اهمية التواجد بالدوريات الاوربيه لانه بختصار = شهره عالميه ع مستوا العالم اذا كان مستواك قوي .. المهم ليه الاعب السعودي مايطلع ؟ برايي انا كالتالي ليه مايروح برا ؟ الاسباب كثيره لكن بحاول اختصرها بكم سبب والمهمه .. وشوف رايكم صح علي او غلط .. اول شي نظرة المجتمع الاوربي كرويا لمثل دولتنا انها ضعيفه كرويا ..مثل احنا كاسعوديين صعبه نجيب لاعب سوداني او موريتاني او لاعب من دوله مجهوله بختصار لان احنا نحس ونشوف ان دورينا ودولتنا احسن كرويا بكثير فلذلك قد يتواجد مواهب عندهم كثيره ودوري مشعلل لكن احنا مانشوفهم .. وحتا لو حسينا انو لاعب منهم راح يفيدنا لن تجد التقبل من نادي السعودي ان يتقاعد مع لاعب من دوله اقل امكانيات .. السبب الثاني : الاعب السعودي وتفكيره ! طبيعي مراح يجيه عروض يطلع برا الى الاعب المشهور او الاعب الافضل مثل ياسر القحطاني طبيعي يجيه عرض من اوربا لكن الاغرب التفكير من الاعبين اغلبهم : والسبب المجتمع السعودي تقولي كيف !! اقولك مجتمع سعودي اغلبه مظاهر ودعاء .. لو جا لاعب مثلا مثل ياسر القحطاني او محمد نور معه طال عمرك بانوراما وراتبه 20 الف شهريا ومكافئات توصل مجموعها بالسنه حول مية الف .. شهره طاغيه بالبلد .. لمشا بالشارع كان الماشي ملك او شخص غير عادي فلذلك هذي الاشيا مراح يلقاها باوربا كثير .. الاكيد .. لان هناك عندهم لاعبين بيكونو طبيعي احسن من لاعبينا ,, فا انا اتوقع الاعب لما هنا بالسعوديه راتب كبير وسيارات دلع وشهره ويعرف طال عمرك الامير الفلاني والشخص الفلاني شهره ونجوميه وكل شي حصل له بيقول وش يطلعني من هالعز وهالنعمه هذي خلينا هنا ولذلك نشوف لاعبين افريقيين المشهورين باوربا ببلدهم ماطلعو ولا اشتهرو ولا جاهم نص الي يجيبهم باوربا فاطبيعي يروح لوربا ويصبر وويجيه شهره وكذا يعني من الاصل كان فقير ولا عاش نعمه كبيره --- خلونا نتاقش انا وانتم الاسباب هذي تشوفها صح او انت برايك ليه مايطلع برا --- وتخلفت الاسباب من لاعب للاعب ونادي لنادي .. لكن انا اتوقع هذي اهم الاشيا الي احسها هي واقفه بالوجه :smilie47: اعتذر للاطاله ~~~~~~~~~ تعليقاتكم :smilie47::ga: |
افا ولا رد :( ليكون ماعجبكم او شي:( |
والله وانا اخووك خلهم يقعدووون هنآ ... عشآن يقوى الدوري السعودي أكثر .. وتخيل ياسر والشلهووب وأسامه و و و رآحوا من الهلال ... من يبقى ؟؟ والله الود ودي مآحد يروووح خلهم يخدموون الهلال وافضل لهم بعد ^_^ مشكووور:rose: |
الله يعطيك الف عافيه لقد اصبت كبد الحقيقة بموضوعك صعب جدأ اللاعب السعودي يحترف في اوروبا للاسباب الي ذكرتها انت تحياتي لك |
يا أخي الفاضل / لنكن واقعين قليلاً من الوقت أعتقد وهو مجرد أعتقاد أن من الأسباب الرئيسية المهمة لعدم أحتراف الاعب السعودي بالخارج هو عدم أحترافه داخلياً .. سوف أذكر لك عدة أمثلة يفعلها بعض الاعبين السعودين من فئة النجوم وينتمون للأندية الكبرى : سهر ونوم متأخر ، التمارين الصباحية مفقودة ، الجدية بالتمارين مفقودة ، أجسام بعضهم لاتصلح للعب كورة قدم ، عدم وجود ثقافة كروية أو عامة . وشكراً لك |
اذا تبي الحقيقه والصراحه ادارات الانديه ما تبغاء تتخلى عن نجومها عشان ما يتوروطون ويبغون ملايين عشان لعبيتهم يحترفون بــ اوروبا ومستحيل يجي نادي اوروبي ويدفع مبلغ كبير بلاعب سعودي لانه مافيه ولا لاعب سعودي محترف اكيد انهم بيخافون انه يفشل عشان كذا المفروض انه اذا جاء عرض لاي لاعب سعودي يسمحوله يذهب لــ اوروبا ولو بمبلع بسيط عشان يفتح الطريق للاعبين الثانين ويعوود بالنفع للكره السعوديه واكيد اذا راح لاعب كبير راح يطلع بداله من الفئات السنيه ويغطي مكانه وان شاءالله نسمع بالقريب العاجل خبر انتقال احد اللاعبين السعوديين الى اوروبا واهنيك اخووي على طرحك لهالموضوع المهم ويعطيك الف عااافيه |
اخالفك في نقطة... ان السعودية ماهي معروفة على الساحة الدولية وهذا الكلام غير صحيح دولة يعتبر منتخبها من المرشحين دائماً لبطولة آسيا ... ومرشح لتأهل لنهائيات كاس العالم عن القارة الاسيوية بصرف النظر عن الاخفاقات... وفرقها المحلية تتناقل اخباره الصحف العالمية وعلى رأسهم الزعيم... ويتوافد عليها كبار عالم الكرة وأخرهم بلاتر ...وتشبها بدول غير موجودة على الخارطة الكروية...!!!! لكن أعتقد أن السبب يكمن في عدم رغبة الاعب السعودي في الخروج من وطنه ... لأنه شخص إجتماعي يحب يبقى قريب من أهله وأصدقائه... وصدقني لو اراد لاعب سعودي الاحتراف في أوربا لااحترف من زمان لكن طبيعي لن يكون في الانديه الاعظماء في القارة الاوربيه... وهذا لايريدة الاعب السعودي ان يبدء من الصفر مثل مروان الشماخ من بوردو الفرنسي الي أرسنال الانجليزي ... وتقبل تحياتي |
اهلين بالجميع حبايبي نتفق ونختلف .. والله اقتنعت بكلامكم بخصوص انو اصلا مو محترف هنا كيف برا فلذلك اندية برا مراح تجازف وتجيبه ع طول لانه خايفه يفشل مثل ماقلتو ومفروض الاعب عندنا يبدا من نادي صغير بعدين يروح لنادي كبيرمثل لاعبين الافارقه وبخصوص السعوديه واسيا ترا اسيا لو تحلاحظ محترفيها اللي باوربا ماتقدر تقارنهم من امريكا الجنوبيه او افريقيا لانو بالاساس هم يناظرون لاسيا انها قاره متاخره واقل منهم امكانيات فما بالك السعوديه ولو قلنا السعوديه كبيره اسيويا .. ماشفناها بكاس العالم خارجيا تسوي شي مثل ماتسويه باسيا يعني اسيا مو مقياس كبير اشوف انا وختلاف الاراء مايغير فينا شي كلنااخوان وحبايب وهلن بالجميع بنتظار اراء الاعضا الباقين |
شكرا على الموضوع بس تقارنا بناس يلعبون كوره من مئات السنين ؟؟ لو تجمع لاعبين السعوديه كلهم ماجو نص مستوى الخرافي أفلاي http://www.elmundodeportivo.es/gif/2...4/afellay6.jpg |
| الوقت المعتمد في المنتدى بتوقيت جرينتش +3.
الوقت الان » 05:05 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd