السلام عليكم ورحمة الله وبركاتة
بدش بالموضوع ع طول وياليت تقراه وتعطينا رايك
الجميع سمع وشاف كل الارااء عن بيسيروو انه لا يصلح للمنتخب و و و و
وحنا صراحه نطيرفي العجة وانا اولكم طبعا
بس بالعقل والمنطق ان بيسيروو جالس يقدم عمل جبار
اول شي من اختيارات الاعبين ال 30 او اكثر واشوف ان هذي رساله لكل الاعبيين ان وجودك بالمنتخب مو معناها خلاص راح تضمن موقعك لان يمكن تستبعد في اي لحظه وهذا حافز للاعبين لان الكثير قال ان المنتخب طاحت هيبته واي واحد ينضم له
بس فيه نقطة ايجابيه تمحي السلبيه هذي الي هي حسسو الاعبين ان فيه غير الاعب هذا اكثر من 30 لاعب على اتم الاستعدااد للأنضماام وهذا يحفز الاعبين بمجهود مضااعف ليثبت مدى استعدادة لتمثيل المنتخب وحتى لو انه نجم في فريقه وما يثبت جدارته في الحفاظ على موقعه كا اساسي__على قولة حبيبنا بركوتا ادمن روم الزعيم(مو زمبنا)
ولو لاحظنا مباريات المنتخب الوديه تقريباا اكثر من واحد شارك وهذي ايجابيتهاا ان الاعبيين لعبو مع بعض اكثر من مره لان نص الانسجاام بين الاعبين ان كل واحد يفهم تكتيك المدرب وطبعا بيسيرو مائل للدفاع او الحذر وهذا التكتيك اثبت نجاحة والتكتيك هذا هو الحل الانسب في البطولات التجمعيه عكس تصفيات كاس العالم ذهااب وايااب
والحاجه الي اقنعتني ان اعلامنااا او الاكثريه منهم بعيديين كل البعد عن الواقعيه والاحترافيه
يعني الاعلام صحف تلفزيون منتديات الخ كلهم اجمعو ان المشكله عدم الاعلان ان المنتخب بيشارب بالصف الثاني فقط لا غير وهذي مشكلة اعلامنا (نظام استذياب وتحجير ويحوس لين يطلع شي)
والبعض منكم يمكن يقول اي المفروض يبينوون للعالم وش الخطه اوكي بس هذي النقطة المفروض ما يكبرونها وما يضعونها من سلبيات المدرب بس
الكل مننا يتذكر خليجي 20 ان المنتخب راح يشارك بالأومبي<<مدري صح علي الكلمه ولالا
وهذي صراحة شبه نقطه سلبيه لان المفروض ان منتخب الامولومبي<<والله هبلت فيني ذالكلمة
يكون اعدادة بعيد عن المنتخب الاول لانهم لاعبيين شبااب ومستقبل للكرة ولازم بنائهم يكون صحيح واقل شي انه ما يدخل في معمة الحروب الاعلاميه للمنتخب الاول والجماهير والضغط النفسي يعني اشغولوهم بالمنتخب الاولمبي ومعسكرات خاصة فيه و و و الخ<< يخي فله الي اخترع الكلمه ذي يفكك من مشاوير
يعني منتخبنا على اقل تقدير ماشي في الطريق الصحيح ان شاء الله لان اي عمل نجاحه مرهون على تفوق النقاط الايجابيه على السلبيه
ولو فكرنا بتمعً ان النقاط الايجابيه هي فقط من عمل المدرب والنقاط السلبية بمشاركه من الاتحاد السعودي
واعلامنا الله يهديهم خلو الشعب يوسوسون واضمن لكم ان الاغلبية يقول بينه وبين نفسه<<احس بيخق معي فيصل بن تركي على الكلمه ذي
او التصور والصوره الي قدامه ان متى تنتهي اسيا عشان يقال المدررب
وبيني وبينكم انا اول واحد وسوس في المدرب وشكك ان ماله تكتيك وانه يلعب بالبركة ومجهود الاعبين واخذت صورهـ تختلف عن الواقع وهي الي صورها لنا الاعلام على اشيااء والله مو مهمة
وقلت ارجع لتاريخ بيسيرو اتأكد لاني صراحة شكية في قدراتة والحمدالله ارتحت بعد ما تأكدة من اشياء تطمنا على المنتخب
بيسيرو اشرف على المنتخب في تصفيات كاس العالم اخر ثلاث مباريات ع ما اضن ولم يخسر اي مباراة وبالعكس يخسر اثناء المباريات ويعود في المباريات بفضل من الله اولاا واخررا وبنفس الوقت المدرب وقتها ما عرف امكانيات الاعبين بالسعودية بشكل عام
والحاجة الثانية لما كان مع زعيمنا كان متصدر للدوري(بدون مستوى) او مستوى اقل من الطموحات
والايجابية في النقطة ذا ان مدربنا عنده نفس في البطولات ذو النفس الطويل وشخصية المدرب البطل.
نرجع لأعلامنا الذيب مره اخرى
كلنا شاف النقد على التشكيلة وعدم الثبات بتشكيلة واحدة وحولوها الى نقطة سلبية اكثر من انها تكون ايجابية
لان لاعبيين المنتخب وجميع التشكيلات الي لعب فيها بيسيرو ما ححستنا ان ما فيه تفااهم بين الاعبين وان الاخطاء الي وقعت اخطاء مو سببها عدم الانسجاام او بشكل اصح ما اثر فيها بالشكل الي صوروه لنا اعلامناا
بس فيه حاجه اشوفها مهمة بشكل بسيط وزيادة حرص ان ترتيب المباريات الودية الاخيرة العراق البحرين انقولا<<ما ادري ليه خاقين مع ذالمنتخب
تمنيت ان مباراة انقولا تكون الاولى لانكم عارفين وش معنا انقولاا معنها لعب رجولي وبقوه كذا طبعهم يعني اخر مباراه والي صرح فيها المدرب انه راح يلعب بالتشكيلة الاساسية باأسيا والله يستر لاحد يصاب في اخر مباراة.
__________________________________________________________________
اعلامنا وما ادراك مع اعلامنا والي صراحة وبكل اسف انهم اثبتو فشلهم او مو الكل طبعا بس الاغلبية منهم
والمشكلة ان الاعلام عندنا اعلام اندية وطبعا كلنا عارفيين الي بين اعلام الاندية
اوظح لكم اكثرر الحين لو نلاحظ وندقق بأعلامنا انهم فاهم اشياء غلط وبرضو سهل يطيرون بالعجة لانهم متعودين على اظهار سلبيات الاندية الاخرى والرد على اعلام الانديه وممارسة الاسقاطات لدرجة اني حست ان اعلامنا واحد من العيال نظامهم استذياب وتحجيرر و و الخ وللأسف كذا اعلامنا مبني نرجع ونقول مو الكل طبعا بس الاغلبيه منهم
وحاجة اخرى استنتجتها في اعلامنا (المطفوق) انهم ومن جد طارو بالعجة بقوة بعد كثر في الاعلام العربي والخليجي (ان اعلام السعودية اعلام قوووي)اكثرنا يشوفها عاديه وما يتوقع ان لها تأثير بالعكس طارو اعلامنا في العجة واكبر ديليل او احد البراهين شوفو عدد المقالات في جميع الصحف في اليوم الواحد وكلها او اكثرهاا نقد وايجاد السلبيات وبعيد عن الواقع والمنطق وفي نفس الوقت قرريب جدا من الواقع والمنطق الي صوروها للمملكة
لان مو هذا مفهوم قوة الاعلام ولو نلاحظ اغلب المقالات تكون كلها او اغلبها اشياء من الماضي وهذي سببها نظام(الاستقعاد والتحجير)
لان قوة الاعلام بالفكر والمنطق مو بالمقالات الي يستخدمها الاعلامي في طرحة لأثبات ان النادي الفلاني كان كذا وكذا ونقاطة السوداء في تاريخة..على سبيل المثال المقالات الي تتكلم عن النادي الفلاني سبق وانه هبط وبالواسطة رجعوه للممتاز(ترا ما جبت طاري النصر) طبعا كا مثال هذا خلونا نفكر فيه بالعقل والمنطق الحقيقي
نشوف اي اكثر سلبياتة او ايجابياتة
طبعا اول شي المقال يتكلم عن الماضي والماضي الاكثرية عارفة وثانيا وش راح يفيدنا المقال هذا او بشكل اصح طيب وبعدين او وش المطلوب وايضا راح يزيد من التعصب يووووووووووووه عاد عندنا حنا تعصب اووف الله يبعدنا عنه طبعا اتكلم على التعصب من اندية اخرى لان التعصب الطبيعي هو انك تتعصب لفريقك فقط
ونشوف الايجابياات
صراحة فكرت وعصرت مخي ابي اطلع ايجابيات وابشركم طلعت في ايجابية وحدة فقط لا اكثررررررررررررررررررر
الايجابيه الوحيدة هي لما اجلس مع اي نصراوي على سبيل المثال وطبعا يبدا النقاشات وكل واحد يطلع فضايح فريقة نظام التحجير الي ينتهجها الاعلام لان راح اخليها دليل للتحجير للشخص المنافس او اخليها ذبة امسكها عليه.
اوف من جد حاجة تثبت ان حنا جمهور يطير بالعجة مو كلنا صراحة بس الاغلبييية
هل هذي قوة الاعلام!!!!!!!!!؟
بقولكم قوة الاعلام في الطرح المفيد والمنطقي كا مثال
اتحدا اي واحد فيكم قرا او سمع او حس انه شاف هذا عنوان مقال (سلطان ومحاولة حفظ ماء وجة الكرة السعودية)وايضا(اخر اختبار لرئيس رعاية الشباب والرياضة في اسيا) او(هل سنرى احد الخطط المدروسة تطبق)وايضا(هل ستكون اسيا بداية الخطط المدروسة الي يتغنا بها سلطان الرياضة)
لو هذي المقالات موجوده فوقتها نقول ان اعلامنا اعلام قووووي وللمعلومية وعلى طاري الخطط المدروسة ترا اللجان الي نشوفها ونسمع عنها هي وضعة فقط لتشتيت الجماهير واشغالهم من لجنة الى لجنة وهذي صراحة الي طلع معنا من الخطط المدروسة
واسف على الاطالة واسلوبي في الطرح بس كله طرح عفوي
وبالتوفيق للمنتخب
:[/SIZE]ba:[/B][/I][/SIZE][/I][/SIZE[/SIZE[/SIZE]]]
اثبتنا للعالم ان جمهورنا طاير في العجة 
الوضع العادي
