السلام عليكم

صباحكم .. غبار .. أحسن مانبي حنا بس اللي يصير عندهم غبار

إلا عندكم شرطي يقطع إشارة ؟
مدري قلت يمكن ..! لأن أمس وانا راجع من جابر العثرات وفي رواية .. الصعيدي .. < بنجلد
وبينما انا واقف عند الاشاره وانتفض من البرد القارص , بحكم ان سيارتي جميلة جدا
وابد الهواء ما يدخل فيها مررره خخخخخخخ
المهم .. صارت اشارتنا خضراء وانا ادوس عالبنزين وامشي علشان ماتطفي السيارة
فجأه الا ابو الشباب الشرطي يقطع الاشاره اللي قدامنا والمشكله يمشي على حبه حبه ومو مشغل السفتي يعني لسان حاله يقول بالليل والشارع مافيه الا سيارات شوي .. بالطقاق ومالي دخل
انا وجهي كذا ..
قلت خيررر ماذا هذا < كلمة اخت واحد من اخوياي الصغيره
وانا أسحب الجلنط وارد وجه والحقه .. وانا اكبس له بالنور واطلع دمجتي من الدريشه واقول سفط سفط يالحبيب , ترا البوري خربان والا كان ضربت له بوري ولا اطلع بالبرد ذا مالنا بالطويله .. سلمكم الله وهو يوقف وانا طبعا ما نزلت
وهو مانزل كلن يحتري الثاني .. وانا اكبس له مره ثاني بالنور يعني يبو الشباب دحدر وتعال لي الله لا يهينك .. وهو ينزل ويجيني وانا مسوي قوي

قلت له : الرخصه والاستماره
قال : وش
قلت أمزح يابن الحلال لا تعصب , بس وراك تقطع الاشارة ..
لا وعلى سيارة الحكومة مسوي قوي مثلا ؟
قال , وانت وش دخلك انت وموترك اللي كنه علبة صلصه خخخخخخ ..
قلت تبا لك اهم شي موتر يرفع رجلي أحسن من اللي يركبون سيارات الحكومة ويقطعون الاشارات < مسوي يدق
ما دريت الا يوم عطاني ضربه على دمجتي
وهو يسحبني مع شوشتي ويقول هات الرخصه والاستمارة وبطاقتك
واانا اتوهق لأن الاستمارة للأسف منتهيه
وانا ماشي للقسم .. جلست اردد واقول

خل الهيط يا انا ينفعك
وراك ماخليته على كيفه
لو انك ماشي وماديورت <- يعني ارجع
كان ماصرت بالسجن ضيفه

كتبتها لكم من وراء القضبان

ملاحظة : ما كتب باللون الرمادي ليس له من الصحة شي فقط وهو يقطع الاشاره تخيلت هالموقف < خيال واسع

ورأيكم حول رجال الامن وقطع الاشارات وحركتهم القديمه اذا جا عند اشاره شغل السفتي وقطع الاشارة يعني اني عندي مهمه

إقتباس الرسالة الأصلية كتبت بواسطة شلهوبيه موهوبه ههههههههههههههههههههههههههههههههه يقطع أووووم القصه الخياليه .. يعطيك العافيه ...

الله يعافيك
لاهنتي

إقتباس الرسالة الأصلية كتبت بواسطة سفيرة الزعيم 14 ههههههههههههههه ماشاء الله خيالك واسـع ,’ وبالنسبة لسؤالك : ألمفروض رجل الأمن مايستغل مهنته بهذا الشكل ,’ ويكون عنده أمانة وضمير ,’

هذا المفروض لكن اغلب السعوديين مايخلون طبعهم
ويعطيك العافيه عالمرور

إقتباس الرسالة الأصلية كتبت بواسطة فَيْلَـسُــ زَمَانَهُ ـــوفْ المفروض والمفروض .!! كثير .!! لكن مو كلهم كذآ فيه نآس جدآ محترمين .!! لكن أبو طبيع مآيخلي طبعه .!! ويمكن يمكن عنده ضروف ولا شي .!! وللأسف مآيقدرون المنزلة التي وضعوآ فيهآ .!!

اكيد فيه ناس محترمين ..
والله ما اعتقد ان عنده ظروف انت لو تشوفه بس
عالعموم نورت يالغلا
ولاهنت عالمرور

إقتباس الرسالة الأصلية كتبت بواسطة HILALYA ]~ . وعليكم السلام ورحمة الله وبركاته .. يعني ما دخلت السجن ض1 ؟! يؤ قههر ليه ض1ض1ض1..

أنا أدري ليه تبيني أسجن
تبا لك راما لي مب لأخوك

إقتباس الرسالة الأصلية كتبت بواسطة وافي المالكي ههههههههههههههههههههههههه يعطيك العافية على الخيااال الواسع

الله يعافيك
منوور اخوي

إقتباس الرسالة الأصلية كتبت بواسطة وينك يالزعيم ’ مآشآء الله تبآرك الله قصه من الوآقع الخيآلي < يقصد الي باللون الرمآدي وشسمة بالنسبة للعسكري آضن لهم الحق بقطع الإشآره < إذآ كآنت حآله تستوجب ذلك

لهم الحق اذا فيه شي اما اذا فاضي ماله حق
نورت يابعدي

إقتباس الرسالة الأصلية كتبت بواسطة محبة الرحمن السلآم عليكم ورحمة الله وبركآته ,, ماشآء الله تملك خيآل وآآسع ,, للإسف فيه ناس يستقلون منآصبهم للامور شخصية ,, لاكنهم قله ,, يعطيك العآفية ,, شكرا لك ,, دمت بحفظ الرحمن

الله يعافيك ..
ويعطيك العافيه عالمرور

إقتباس الرسالة الأصلية كتبت بواسطة هلالي معالي ههههههههههههههههههآآآآآآآآآآييييييي ما هذا يا فتى لقد اضحكتني الله يسعد يومك كمآ اسعدت يومي المليء بالسمآجه و الزهق ايه يآخي وش ورآهم آخر الليل قاعد اهجول و اكبر سيفون لسآهر اقلع ابو الونآآآصه اغللب حقين المرور و الدوريات و الطقه يجيك واحد مآكل تبن في الثآنوي و كذا مالقى الا هي و استلم الشعب استقعآد و لكع مصيبه لكن فيه بعضهم فلللللله تطقطق عليهم يطقطقون عليك و تذب عليه و يذب عليك لكن نآدر تلقآهم ذولي بالتوفيق

اللهم امين ويسعدك معي
والله مره وقفني تفتيش عالطريق السريع وانا رايح للرياض
ومعي خويي اللوح < مصرقع
وجلسنا نص ساعه وربي نطقطق عالعسكري والعسكري يطقطق علينا
واخرتها قال يلا توكلوا طبعا كان اخر الليل ومافيه احد
لاهنت عالمرور