|
" وقفة رجل" رسالة الى الامير نايف... قصيدة ...تسجيل صوتي بسم الله الرحمن الرحيم صبحكم الله يالخير والرضا يالربع طبعا الكل يعرفني بان انتمائي نصراوي وهذا شي لا يجعلني اغمض العين عن الحقيقة والحق واللي حصل بعد مباراة التعاون والنصر من قبل رئيس نادي النصر الامير تركي بن فيصل ما يقبله اي نصراوي فما بالك باي سعودي وطريقة تعامله مع الجندي كان فيها نوع من الكبر والغرور وهذي خليقه يبغضها الله القصيده هذي كانت اطول من كذا بس حذفت نصها لاسباب خاصه وهي موجهه للامير نايف بن عبد العزيز لان اللي صار عدى على الرئاسة العامة لرعاية الشباب مثل سحابه صيف وكأن لسان الحال لديهم يقول مو شغلنا انا كتبت كلامي ذا وكلي امل في سيدي النائب الثاني رابط ملف القصيدة Download اضغط هنا بسم الله ياسيدي ياصاحب الامر الكبير ياللي نشوف انك كبير لا تخيب الظن وتنام بلا كلام ولا خصام وكن شين ما جرى وانت شفت اللي جرى ما شفت ابن تركي الامير كيف كبره غرره وسوى فيها عنتره وعاقب الجندي الصغير ثم اهانه بلا ميانه تدري ليه لان هالجندي غبي يشتغل بكل امانه .................................. ياسيدي وياوزير الداخليه وثالث شنب في المملكه نبغى رايك بالقضيه وراي غيرك نتركه انت الامير وانت الوزير وحنا نقبل ما تقول بس قول ولك علي كل القبول بس قول ولا تقول انها رياضه والا كوره وتنتظر منا الرضى والا شين قد قضى اللي صار والله اهانه بكل دوله وكل ديانه وان كان يوسعك السكوت ترى ما يلزمنا الرضى .................................. ياسيدي حنا بدو محدن يهين عيالنا يا سيدي لولا البدو ما خفقت اعلامنا يا سيدي انتو فخر وحنا ترانا عيالكم شلون يكمل فخرنا ان كانكم في ارضكم ترضون ضيم عيالكم كلنا جنود الوطن وكلنا عيال المليك وكلنا اعضاء ببدن وكلنا نمدح ابيك ما ترك الا رجال هم امل .................................. ياسيدي انت الامل ولا تسوف في الاجل لا حمى صلب الحديد لا تنتظر يومن جديد لاجل يبرد ما حصل لان دمن بالوريد ما برد وما خمل ما استكان ولا رضى حنا امة مرتضى رجمة لكل العبيد ما نفرق بالانام وماننام وفينا ضيمن قد مضى كل ما نطلب يامير فيما حصل وقفة رجل .................................. ياسيدي خذ اسمع مني السالفه حكم غشيم ورجال خطه خايفه وجمهور اغشم ما يريد الا ظهور وطايفه لاعب سقيم حارش رئيس جندي قويم ذاق المهانه والقهر والناس والله شايفه تبرير ما يقوله فهيم وبالنهاية لا حسب ولا رقيب وفي الرئاسة كم حبيب هذي كل السالفه .................................. يا سيدي بالنسبة لوضع الرياضه الرئيس ونايبه منصب شرف رجال فعلا غايبه وملاعب بحد التلف ولجان والله كثير لبس فوقها ناسن كبيره والملايين تناثر من شمال ومن يمين بس لمين الله لوحده امين والناس صارت خايفه وانت الامير ابن الامير وصاحب الامر الكبير وانت الوحيد اللي يفل الحديد من الحديد وانت الرجل اللي ما حد يخالفه كل ما نطلب يامير وقفة رجل واللي مضى ما قد مضى وان كان يوسعك السكوت ترى ما يلزمنا الرضى وسلامتكم |
يعطيك العافيه يالـــــــــــــــــــــــــغلا |
إقتباس:
منور اخوي ..... |
اقسم بايات الله انها شي روعه قسم بالله انك شاعر انت احسن نصراوي في العالم |
شاعر ماشاء الله عليك ...ليت كل جمهور النصر مثلك ...........ودي لك |
إقتباس:
منور |
إقتباس:
منور |
وانا اقول وش فيك مهستر طلعت نصراوي:s2: والله مدري وش اقول غير انك كبرت في عيني :smilie47: ولو فيه منك اثنين في النصر كان صرتوا كويسين :d عموما ننتظر لما يرجع ونشوف يقولون مطلوب يحضر في الامارة خلال شهر !! واذا مر على سلمان صدقني مابيقصر معه :d حتى وان ماطلع شي رسمي ولا شالوه :d يديك ستمية عافية ياخويه >اشوف فلم مصري :s5s: |
اقسم بالله العظيم اول مرة اشوف نصراااااااوي عااااقل زيك وال شي اللي سواه هذا فيصل بن تركي ما يقبله لا عاااقل ولا مجنون يعني امير اهين الشرطة لا ياحبيبي المفروووض يحااسبونه ويعااقبونه على اللي سواه لانه لو سواه شخص عاادي اتوقع رااح يسون النون وما يعلمون فيه لكن الله اقوى ابي اسال : وشو شعور ام الشرطي او زوجته او ابوه واخوانه واللي يعرفونه وقراابته وكل شي عن اللي شاافوه ؟؟؟ |
الله يعطيك الف عافيه ع القصيدة وصح لسانك ماشاء الله شبكة الزعيم فيها اعضاء من ميول مختلفة :d بس مو قادر استوعب نصراوي في منتدى الهلال :d تحياتي لك |
إقتباس:
تبي الصدق والله ما شفت الهستره الا عندكم:s2::s2: فيكم ميزه يا جمهور الهلال:smilie47: عندكم سرعة بديهه غير طبيعيه :rose: وعلى فكره تدري ابوي اذ عصب علي وش يقول يقول والله اني غاسل يدي منك يوم انك نصراوي :s2::s2: منور ياشنب |
إقتباس:
ياخي ابليس وهو ابليس ما رضى بالاهانه فما بالك مسلم وسعودي وولد قبايل عموما العشم في القاده كبير وربك اكبر عالجميع منور اخوي:rose: |
إقتباس:
والمجالس الطيبه فيها كل طيب منور :rose: |
"وشهـد شــاهد من أهــله" مميــيز كعــادتك::"" يعـــطيك الــف عآآآآآآآآآآفيه ع القصـــيدة وفعـــلاً اللــي صـــار محد يرضـــاة والله فضحــنا في العــالم حتى المــواقع العـالميه صــارت تتكلم ع هالحادثه ويتمسخرون علينــا ياأخــي انتــم مايجــي منكــم الشي الزيــن؟!! |
إقتباس:
اللي صار خطأ والعاقل يقول الحق ما يهمه شي وبعدين وش ما يجي منا شي زين والمشاركه ذي مو شي زين يعني :s2: |
| الوقت المعتمد في المنتدى بتوقيت جرينتش +3.
الوقت الان » 12:17 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd