[ فيديو كليب ] عروق الوفاء , كلمات الشاعر / محمد بن فطيس أداء / معيض القحطاني ( من تصويري) * جديدي 2011
-
السلام عليكم ورحمة الله وبركاته ,
هالمره رجعه رسمية لي <<< وش عقبه
كيف حالكم عسآ’كم بخير ؟
* *
اليوم جايب لكم فيديو كليب من تصويري قبل 3 شهور وصارت لي مشاكل أثناء الشغل
ومشاغل ثانية كثيرة , المشكلة اذا الواحد جلس يأجل في شغله تتجمع
عليه الدنيا
طبعاً التصوير كان مدته يوم واحد , صورنا الصباح بعد الفجر مقاطع ثابته
ومن ثم بعد صلاة العصر صورنا مقاطع ومتحركة وأيضاً بعد العشاء
وكانت يعني فيها بعض الأخطاء التصويريه والفنية , لأنه أول عمل
والكليبات لها نظام خاص وقواعد وأمور خاصه بها , أنا يوم جلست ع الجهاز
وشفت العمل اكتشفت اخطاء واجده بس قلت ماعليه دامه أول عمل معذورين
لأن الواحد وهو يصور ومنشغل مايفكر في بعض الأمور لأن باله مشغول
بكيفية إختيار الزوايا وكمية الإضاءة والمودل اللي يمثل وكيف يخرجها صح
وبعدين منتجته 7 مرات هههههه لأن أول شيء كانت عينات
وبعدين بديت فيها رسمي وخرب جهازي وتفرمت وراح كل شيء وهذا ما سبب
في تأخري وأيضاً أعدنا تمثيل المشاهد لأن المشاهد الأولى الموديلات ماضبطوا
تمثيلهم .
والحمدلله عُرض على قناة شدا أكثر من مره , وبيعرض إن شاء الله
في قنوات ثانية , لكن أطمح بأفضل من هذا بإذن الله في القريب العاجل .
* *
* *
تغطية الكليب /
* *
فريق العمل /
أداء وألحان / معيض القحطاني " أبوحسن "
كلمات الشاعر الكبير / محمد بن فطيس المري
تصوير ومونتاج / مالك العنقري
تمثيل /
عبدالرحمن الرشيدي
جمهور الشمري
تم التصوير في :
مدينة أشيقر التراثية
ومزرعة الأميرة العنود
تغطية /
عبدالله الشثري
عبدالكريم الغنام
تصميم البنر /
مالك العنقري (MaLik74)
شكر خاص لكل من
أ.عبدالمجيد الدوسري
أ.سمير البشيري
أ.طارق الشتوي
أ.عبدالمجيد الدوسري
أحمد المقيط
عبدالله الشثري
عبدالكريم الغنام
صالح الصالح
عبدالله الودعان
أمجد العنقري
مؤسسة كوادر الفن
أتمنى إن العمل نال إعجباكم ووصل إلى ذائقتكم
وإعذروني ع الإطالة , وصحيح باقي نقاط ماوضحتها
لكن خير الكلام ماقل ودل
وترقبوا الأعمال القادمه بإذن الله , وعسى ربي يسهل ويوفقنا وياكم
وبإذن الله تكون رجعتي مثل أول وأحسن .
الله الله يا مالك ماشاءالله تبارك الله
أول عمل وهذي النتيجه !! جداً رائع
من جد ابدعت , شغل حلو ونضيف , حتى حركة الكام كانت رائعه ماشاءالله
أهنيك على هالعمل , يكفي انه وصل للناس وطلع على القنوات هذا الشي اعتقد يكفي
ودلاله كبيره على احترافيتك ونجاحك , أهنيك من جد
Canon 7D
تحمست اشتريها قبل كم شهر , والحين زاد حماسي اكثر وأكثر
الله يعطيك العافيه , وان شاءالله من أفضل لأفضل يارب
من طول الغيبات جاب الغنايم ي مالك
الله يعطيك العافيه و اللي معك كلهم
ع الشغل المميز و الرائع و المرتب و الجميل
الصوت كان بعض الاحيان قبل الصورة او بعدها بس
هذي البداية و الجايات افضل باذن الله
وعليكم السلام ورحمة الله وبركاته ..
ماشااااااااء الله وش ذا الاجرام ذذ ..
جمييل جدا جدا , واذا هذا اوله وش تاليه ذذ ..
ماشاء الله عليك ابداااع , ولو اني مشرف ثبت الوشسمه ض1..
بالتوفيق مك مك ض1 ..