|
بوسيرو داهيه ......والحرب خدعه!!!!!! [COLOR="Red"]اولا السلام عليكم ورحمه الله [/COثانيا انا استغرب الحكم المبكر على بوسيرو من خلال مشاهدة مباراة واحده ياجماعه مباراة وحده ليست دليل او مقياس .. مثلا لو فاز الاخضر هل هذا دليل على ان المنتخب يطمن ؟؟ لا بل ربما الفوز يغطي على بعض السلبيات والتي سوف يبان اثرها في معترك البطوله .... ايظا العكس صحيح المستوى الضعيف اللي ظهر فيه الاخضر ليس دليل على ضعف المنتخب بصراحه كل شي راح يبان مع بدايه البطوله .. من المتوقع ان يظهر الاخضر بهذا المستوى انا اقول لكم ليش ياجماعه بوسيرو مدرب داهيه هو عارف ان سوريا والاردن واليابان قاعدين يتابعون المباراه فشي اكيد راح يخفي بعض اوراقه وما راح يكشفها لاحد والا يعتبر مدرب فاشل جدا لو زج بجميع اوراقه المهمه في المباريات الوديه مثلا عندك " معتزالموسى " استحاله يلعب فيه بس هو منزله ك نوع من التمويه ... "اعتقادي الشخصي الاخضر راح يسوي شي انا اتفائل في البطوله اللي يروحها الاخضر ويكون الاعلام ضده وخايف اكثر من البطولات اللي ندخلها واثقين ونطلع من الدور الاول "مجرد احساس " وتقبلو تحياتي بالتوفيق كلنا مع الاخضر .. LOR] |
والله ممكن كلامك يطلع صح ونتمنى يكون كذا يعطيك العافيه . |
كلام منطقي جدا اخوي. و انا اتفق معك في كل نقطه ذكرتها شكرا |
انه مدرب جيد.... المسؤولية لاعبين الآن ليس لدينا حالة الرباط الصليبي والحمد لله الآن:razz: |
هذا الشيء اللي لاحظته انو مسعد ماراح يكون اساسي وبديله حسن معاذ ومعتز الموسى بديله كريري ومن الممكن شهيل بديل السعيد ارها نموذجيه بهذا الشكل |
انا فضّلت السكوت وماحبيت اثير مواضيع مثل هذي لكن دامك فتحت موضوع ... ودي اتكلم براحتي شوي وبمنطق وادله يااستاذي بيسيرو بكل بساطه يدربي دميجته اولا لاننسى انه بيسيرو كان مدرب طوارئ بعد اخفاق ناصر الجوهر في تصفيات كاس العالم ... جابوا بيسيرو علشان يرقع الموقف وللأسف فشل عموما بيسيرو لايملك من التكيك اول حرف حتى مجرد انه انسان مقّلد فاشل لجوزيه مورينيو الحبيب ناسي انه مورينيو يملك نخبة لاعبين اوروبا انا ابي الخص نقاط الفشل في المسمى بيسيرو :- 1-اختيار اللاعبين بسيرو اكثر انسان يحب لاعبين الاحتياط !! نص تشكيلة المنتخب لاعبين احتياط في انديتهم .... تبون اجيب مثال من الزعيم ؟؟ عبدالعزيز الدوسري نواف العابد احمد الفريدي ولو انه الاخير مستواه يأهله علاوة على انه يحب يضم لاعبين توهم راجعين من اصابه !! على اساس انه نازل عليهم الوحي وقت الاصابه ولياقتهم لازالت في عزها يامدرب الغفله ؟؟ ضم محمد السهلاوي وهو توه راجع من اصابه ... وللأسف جاته اصابه خطيره في المعسكر !! ياخي لاعب مالعب مع النصر 3 مباريات اساسي ... تضمه مع المنتخب ليه ؟؟ انا ماني متعصب ضد النصر ... السهلاوي خويي قبل مايكون نصراوي وولد جيرانا ... لكن خلونا منطقيين شوي اترك موسى الشمري ومحمد الراشد و واضم لاعب توه راجع من اصابه ؟؟ وطبعا اي لاعب يسجل هدف في الدوري خلاص ضمنها اساسي في المنتخب ... هذا منطق المسمى بيسيرو 2- توظيف لاعبين في غير مراكزهم !! كامل الموسى قلب دفاع .. عشنا وشفنا معتز الموسى محور !! ظريف يابيسيرو ياحبيبي ... عندك اصابات في مركز المحور ... استدعي لاعبين في المركز هذا 153 نادي لايملكون لاعب محور !! سبحان الله يعني اصيب غالب وكريري وعزيز والغنام .. خلاص انتهو المحاور الدفاعيه !!؟ قبلها اتحفنا بـ حسين عبدالغني في مركز المحور والحمدلله عدت على خير مو لذكاء بيسيرو ... لعدم كفائة الخصم مع احترامي وحاليا معتز الموسى محور عبده عطيف صانع لعب وحيد في وسط الملعب .... قراندايز ذا مو عبده عطيف ناصر الشمراني جناح !! ترانا اول مره نشوف ناصر ولاندري وش مركزه !! اللهم زد وبارك 3- عدم الثبات على تشكيله معينه :- هذا اكبر دليل على عدم الثقه بالنفس انا كمدرب ... اعرف انه تكتيكي صحيح سواء كان ياسر مهاجم او هزازي او الشمراني اعرف انه تكتيكي صحيح سواء كان عبده والا الشلهوب والا الدوسري والا حتى نور في صناعة اللعب مو اسوي معسكر .. واضم 26 لاعب ... وفي المباراه الوديه اللي بعد المعسكر بـ 3 اسابيع ... اضم 13 لاعب جديد !! موديهم نقاهه الله يجزاك خير ؟؟ وبعدها يجي كاس الخليج يقول بنلعب بالرديف ونصنع منتخب لاسيا ... ويوم هزمنا في مباراة العراق الوديه قبل امس ... يقولون له وش الاسباب ... قال العراق يلعب بالتشكيله هذي من زمان ... وهو فريق متجانس على عكسنا بلا والله من دلاختك يالجدار !! دام التجانس عذرك ورى مالعبت بهم في الخليجيه طيب ؟؟ والطامه الكبرى عاد هذي اللي تبين لكم انه بييسيرو مجرد سباك جاي بفيزه مدرب في مباراه وديه ... اكيد اننا نبحث عن المستوى واكتشاف الاخطاء ياجماعه اكثر من الفوز .. صح ؟؟ طيب تلعب بتشكيله ... وتبي تغير طريقة لعبك وتجرب لاعبين تروح في التبدلات ... تنزل 5 لاعبين دفعه وحده !!؟ اقسم بربي انه السباك يفكر احسن منك !! شف مدرب العراق ... بدل 5 تبديلات مثلك .. لكن كل واحد لحاله !! ليه ؟؟ ابشرحها شوي مثلا عبده عطيف مايقدر يوصل كور للمهاجمين بشكل صحيح ومناف مايأدي دوره ... وش اسوي ؟؟ انزل الشلهوب مع عطيف ... واشوف وضع الوسط تحسن والا لا ماتحسن ... معناته الخلل اما في الهجوم ... او في عبده نفسه هنا اقوم استبدل عبده بصانع لعب اخر ... نقول عزوز الدوسري مثلا الحين اشوف الوضع كيف .... تحسن والا لا ؟ ماتحسن معناته المشكله في الهجوم بشيل ياسر وانزل هزازي مع الشمراني واجرب مانفع ؟ المشكله في الشمراني ... اشيله وانزل اما لاعب وسط او مهاجم ثاني كذا التفكير ياعالم اما ابدل 5 لاعبين دفعه واحده !! كيف بتعرف الخلل ياصيخ !!؟ كيف تقرا المباراه بعدين ؟؟ كيف تعرف انه اللاعب ذا فيه عيب ضعف لياقه مثلا ... هزازي مايعرف يلعب الا مع عطيف ... ياسر مايعرف الا مع الشلهوب .... كيف تعرف اذا كنت تبدل نص درزن بنفس الوقت ؟؟؟ مدرب غبي غبي غبي تعالوا للي بعده 4- التكتيك:- اغبى مدرب تكتيكيا مر علي بصراحه بسيرو ياخي انت اوكي تحب تأمن الدفاع ....تلعب دايم بثلاث محاور ... اوكي راضين ... ترى مورينيو في الانتر كان كذا اوكي بس وش الفرق الفرق انك صيخ ملعب لي ثلاث محاور بمسؤوليات متداخله غالب يجي مكان الغنام مكان مناف مكان اي واحد جنبه عادي جدا الخطه اللي يلعب بها بيسيرو دايم 4-3-1-2 او 4-3-2-1 سواء صانعين لعب ومهاجم واحد او مهاجمين وصانع لعب واحد طيب هذي طريقة مورينيو صح عليك وانت مسوي في امها فطين وتبي تقلد انت وخشتك مورينيو يابابا كان عنده ستانكوفيتش ... عنده شنايدر ... عنده مونتاري ... عنده كمبياسو لاعبين 100% دفاع ... 100% هجوم انت اذا حطيت لي في وسط المنتخب الغنام 100% دفاع وغالب 100% دفاع واحمد عطيف 50% دفاع كم بيصير المسانده لصانع اللعب ؟؟ الـ 50% حقت احمد عطيف بس ؟؟ ليه احد قال لك انه ريكلمي عندنا ورى المهاجمين ؟؟؟ وربي انه فاهم غلط طيب ياجماعه اوريكم الدلاخه والمنطق المنطق في طيب الذكر انقوس انقوس لعب بـ 4 2 2 2 الاظهره البحري والموسى امام البحري كان عبده عطيف وامام الموسى عبدالرحمن القحطاني طيب في عالم كرة القدم يابيسيرو باشا .... الاظهره مايتقدمون الاثنين الا اذا انت مهزوم وزي مايقولون خاربه خاربه انقوس كان يخلي البحري يتقدم من اليمين ... ويخلي عطيف يخترق من العمق ... يعني صار عندنا 2 صناع لعب ع اليمين لان عطيف بطيء فيستغل البحري اما ع اليسار مخلي كامل الموسى ثابت ... وامامه عبدالرحمن القحطاني كـ جناح لسرعته طيب يعني من بيخترق من العمق من جهة القحطاني ؟؟ هو المهاجم الثاني اللي كان مالك معاذ يعني بالعربي كان منتخبنا يخترق من اليمين لليسار بـ البحري عبده عطيف مالك معاذ عبدالرحمن القحطاني شوف كم صانع لعب صار ؟؟؟ شف الدفاع في حالة الهجوم كم عددهم ؟؟ 3 قلبين دفاع وظهير يسار الثابت اللي هو الموسى لانه مايحتاج يجنّح بوجود جناح اللي هو عبدالرحمن القحطاني في حالة الدفاع يكون القلبين مع الموسى مع احد المحاور كان عزيز اتوقع .. يغطي مكان البحري .. يعني 4 مدافعين :) مع استاذ بيسيرو وش الوضع مسعد مجنّح ومشعل السعيد يعطي اوفر لهزازي ورى مافيه الا قلوب الدفاع !!؟؟ يستهبل تكتيكك ياعمنا ؟؟ لخبطه مو طبيعيه في الخطوط لاتقول لي مباراه تجريبيه ياخي في التجريبيه اذا ماشفنا خطوط ... ماشفنا تجانس وش الفايده من المباراه ؟.؟؟؟ ملعب لي مناف واحمد عطيف ومعتز الموسى وعبده عطيف في الوسط !!؟ ولاواحد قد لعب مع الثاني ابد ماعدا اخوان عطيف وفي التبديلات ... تبدلهم كلهم جميع ؟؟ وش استفدت طيب ؟؟ المحللين خايفين من الامير سلطان والا كان طبوا في بيسيروو تبون تشوفون صدق كلامي ؟؟ شوفوا تصريح الذيب عبده عطيف بعد مباراة العراق الوديه قال المذيع ليه المهاجمين مايسجلون بحكم انك صانع لعب قال رباعي الوسط اول مره يلعبون مع بعض فيحتاجون تجانس قال المذيع لا اقصد الهجوم ليه مايسجل ؟ قال اعتقد الهجوم مسألتهم تتعلق بتوظيف امكانياتهم بيسرو موظف اللاعبين غلط ... هذا الكلام السليم !! الشمراني جناح وياسر على قوس الـ 18 ... ماتبي تسجل مثلا ؟؟؟ اوول مره اشوف ناس يلعبون بصانع لعب واحد ؟؟ وتقول لي سألعب بطريقة الهلال ؟؟ الله يكرم الهلال عن ذا الوجه يابيسيرو !! لاتفتري على هلالنا ... الحمدلله هلالنا عند ادارييه عقل يعرفون المدرب اللي يجيبونه ويكون كفؤ هلالنا ماعمره لعب بصانع لعب واحد .... على اساس معك في تشكيلة المنتخب قيقز ياذيب البرتغال ياجماعه وربي انه يدربي دميجته الله يستر بس وربي حسوفتي على قوة الاسماء اللي عندنا اللي ماراح يشاركون في كاس اسيا 2014 :( واولهم ياسر بيصير عمره وقتها 31 :( ونور :( اذا بنوصل في اسيا او ناخذ الكاس ... اعرفوا انه بيسيرو مايدري وش الطبخه تذكروا انه عندكم لاعبين وحوش .. وربي اسماء مرعبه في اسيا قادره انها تجيب الكاس بدون مدرب وليس بوجود مدرب يخرب فكرهم !! :( سلام |
إقتباس:
كفيت ووفيت ياااااااااااااااابطل وكلامك عين الصوااااااااااااااااب |
عين العقل .. كلام منطقي جدآ وانا متوقع هذا الشي يصير ,,, والمنتخب قدم مباراة ممتازه امام شقيقه المنتخب العراقي واغلب المباراة كانت للمنتخب السعودي ( وفقدنا كريري وابراهيم غالب ) وان شاء الله راح تشوووفوون المنتخب راح يفاجئ باذن الله الجميع. ( وانا متفائل جدآ للمنتخب). شوفوه قدام البحرين ,,, |
وانت اصادق له مع المنتخب منالتصفيات وهو كل مباراة بتشكيلة اذا خرج المنتخب الهدف بيجي عرضية كالعادة والدفاع مكلجين |
كيف يعني ما نحكم عليه من مباراة وحده؟؟ بيسيرو له معنا فتره طويله وللحين يجرب هههههههههههههههههه عجبي |
إقتباس:
احييك على تحليلك المنطقي .. من جد جبتها عالجرررررح وخل بيسيرو ينفعهم مليون مره قلت جايبينه يرقع لهم الميزانيه من سنه عاملين معسكر لاسيا والحين يقول مافي تجانس !!!! |
من جججد يعني شيء طبييععععي ماراح يكشف أوراقه والله ذا الجمهور ماراح يسكت هو مدرب وعاد لليابان والأردن وسوريا عده بس إنتو إنتظرو تاريخ 9-1-2011 وإن شاءالله ماتشوفون إلا كل خيييير |
كلام منطقي جدا اخوي. و انا اتفق معك في كل نقطه ذكرتها شكرا |
مشكورين على مروركم الجميل ياشباب وانا احترم جميع وجهات النظر وكلها ع العين والراس بس برضو انا متفائل :s2: |
انا متفائل في بيسيرو من مسك السعودية قدام ايران لكن التاهل ما يسأل عنه وكأس الخليج ما قصر مع ان اللي معه اسماء من الصف الثالث واشوف انه راح يبدع في اسيا توقع خاص |
| الوقت المعتمد في المنتدى بتوقيت جرينتش +3.
الوقت الان » 05:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd