اضمن خروج المنتخب السعودي من الدور الاول في كاس اسيا بسبب المصيبة اللي صارت امس.!!!
 

بسم الله الرحمن الرحيم.


بدون مقدمات وبدون ما نقدم اعذار وهمية ونضحك على انفسنا وبدون فلسفة المدربين والمسؤولين وتبرير الخروج من البطولات والتصفيات باي سبب سواء التحكيم او التشكيلة الضعيفة او الحظ او الخ.:razz:



اقسم بالله اي مباراة للمنتخب سواء ودية او تجريبية ما اخاف الا من حاجة وحدة اللي هي ( الكورة العرضية ):s5s:



ادري انكم بتقولون هذا مو عذر لان المنتخب ضعيف بالهجوم او بالوسط او التحكيم اوالخ....



لكن من وجهة نظري ان المشاكل والخروج من البطولات الخارجية للاندية وللمنتخبات كلها بسبب العرضيات :s5s:



حتى الهلال خرج من ذوب اهان بالاياب بسبب فشل في تخليص الكورة العرضية,, حتى الشباب في مباراته الذهاب مع الفريق لكوري كانت هدفين من كورات راسية عرضية,, حتى ان الكوريين صارو عارفين نقطة ضعفنا اذكر على ما اضن ان هدفهم الثاني على الشباب كانت الكورة منقولة من خط الدفاع مباشرة لدفاع الشباب لانهم عارفين ان ما حولك احد:ap:


اما المنتخب والعرضيات قصتنا قصة:rg:

1-اهداف المانيا في مونديال 2002 كانت 5 منها بالراس.

2-هدف تونس الاول علينا في مونديال 2006 من عرضية وتقدمنا بهدفين ولكن في اخر ثانية رفعو كورة عرضية وسجلو التعادل.

3- قدام اسبانيا في مونديال 2006 كنا مقدمين مستوى خيالي ولا قدرو يسجلون علينا الا من عرضية بالراس.

4-اهداف اوكرانيا ال4 كانت 3منها بالراس.

5-في كاس اسيا 2007 هدف اوزباكستان علينا بدور ال8 كان بالراس.

6-في اسيا 2007 هدفين اليابان علينا بالراس.

7-في نهائي اسيا 2007 حسموها العراقيين بكوورة راسية:ranting:

8-في تصفيات مونديال 2010 اول هدف علينا من ايران في اخر الدقايق كان بالراس.

9-هدف الامارات علينا في ملعبهم كان بالراس.

10 هدف الامارات علينا في الرياض كان بالراس.

12-هدف البحرين القـــاتل بتصفيات 2010 في اخر ثانية كان ايضآ بالــرأس.وحتى هدفهم الاول كان عرضية لكن مو بالراس.

11-في مباراتنا الودية قدام اسبانيا هدفهم الاول بالراس.

12-هدف اسابانيا الثالث في اخر ثانية بالمباراة كان بالراس.


13- في كاس الخليج الاخيرة اذكر ان المنتخب اليمني كانت له هجمه وحده ضدنا بمباراة الافتتاح وكانت عرضية لعلي النونو لعبها مقصية. حتى اضعف المنتخبات استغلونا,,


14 الهدف الوحيد اللي جاء علينا بكاس الخليج الاخيرة كان من قطر وفي اخر الدقايق وكالعاده كان بالراس.( طبعا اقصد هدف وحيد قبل المباراة النهائية).


15- هدف يونس محمود امس كان مثل ما توقعت بالراس.مع ان افضل مدافع سعودي حاليا كان يتفرج عليه فقط.:s5s:


اتوقع مافي منتخب بالعالم مثل منتخبنا , يعني اذا الكورة لعبت عرضية كلهم ينخرشون وما ادري ليه.؟ مافي احتكاك مع المهاجمين بالراسيات, مافي مشاركة بتخليص الكورة مع المهاجم.


وانا متاكد ولو تبغوني احلف اننا لا سمح الله اذا طلعنا من اسيا راح نطلع بسبب العرضيات كالعاده.:ranting:والله اعلم.

ما جبت شئ جديد يا غالي ،،

معروف أن المنتخب السعودي قد ورث الضعف في الكرات العرضية من الأجيال السابقة ..

من الأجيال السابقة وحتى الآن لازالت نقطة ضعف المنتخب السعودي هي الكرات العرضية والعالية خصوصا .. ولم تعالج وأظنها لن تعالج لضعف البنية الجسمانية وقصر قامة اللاعبين السعوديين ..


ولكن خذها من الحين.. المنتخب أبعد نقطة بيوصل لها في كأس آسيا - إذا قدم مستوى ممتاز طبعا - هي دور الثمانية ..

وهذي اهداف المانيا للذكرى بسسس

YouTube - ‫جميع اهداف المانيا الثمانية‬‎

ياخوف جماهيرنا من سوء المستوى


لا عرضيات


ولا واحد انتبه من ضرب الراس بالكرة

مشكوووور
والله لا يعنك
وعواف يالغالي
وان شاء الله الكاس سعودي

كل المنتخبات يدخل فيها اهداف عن طريق الكور العرضيه مو بس المنتخب السعودي

بالتوفيق للصقور الخضر

معليش اخوي عندك كلمه حلوه قلها ماعندك اسكت او اقل شي قول الله يوفقهم مااظن انها شطاره تتمنى الهزيمه لمنتخب بلدك

المشكلة الهدف اللي يجي بآخر دقيقة ..قهر

الله يكووون بالعوووووووون

بدل من الردود السقيمه من بعض الاعضاء لنفكر ببعض الحلول ..
فعلاً تطرقت لموضوع مهم .. ويجب ان يهتم له المنتخب السعودي
أو دور الثمانيه هي اخر نقطه نصل اليها !

شآكر لك اخوي =)