السلام عليكم

كيف حالكم جميعا

إن شاء الله تكونوا بخير ومتفائلين بعكسي تماما

صدقوني بينما أنا أكتب هذا السطر جاء هدف العراق الأول ...

ولكن سأكمل الموضوع لعل هناك من يواسيني ويصبرني ...

طبعا المنتخب السعودي يعكس صورة الدوري والرياضة السعودية ..

وبالتالي يادورينا ورياضتنا تكسب سمعة جيدة في الأوساط العالمية ..

أو يعكس عنها صورة رديئة ..

وقبل كل شيء هذا منتخبنا يعني لازم نفرح له ونبكي له ونشجع ونحترق عشانه ..
مثل باقي منتخبات العالم ومانراه من جماهيرهم ..

بعطيكم الزبدة ..

انا بين نارين صراحة ..

حب الوطن والاعتزاز بقيمته وسمعته بين المنتخبات ..

وبين الغضب الشديد على مايحدث في أوساط المنتخب إداريا وفنيا ..

والخوف أننا لو ماشجعنا المنتخب قالوا السعوديين ماعندهم وطنية ومايوقفون ورا منتخبهم..
ولو شجعناه صرنا منافقين لأننا نجامل وطننا على حساب هؤلاء الفاشلين..

يعني أحترق وأشجع مثل باقي العالم .. وأنا أعرف أن منتخبي ملعوب في حسبته إداريا
ومدربنا أكبر طباخ برتغالي شاهدته عيناي...

امممممم

والله ياجماعة يا احنا لنا هالسنين كلها نتابع كورة وفي الأخير مانفهم فيها ولا نفقه فيها إلا المشاهدة والصياح ..

أو أننا على حق ونظرتنا صائبة وهذا سبب توقف الانجازات السعودية ..
فلانحلم بتأهل لكأس العالم ولانحلم بآسيا ولانحلم حتى بالخليجية ..

ياشيخ كاس موية ماحيجيبون ..

أرجع لموضوعي

مناف أبو شقير : ألا ليت الشباب يعود يوما ... مناف في عز مستواه لاعب لم يقدم شيء للمنتخب ولاأتذكر أنه صنع هدف .. ولا أتذكر أنه صنع ركنية حتى مع المنتخب .. وش نبي فيه ولا وملعبه أساسي ..

حمد المنتشري : أكثر لاعب في المملكة هبط مستواه والاتحاد متورط فيه والدليل دفاع الاتحاد صار شوارع من السناتر الموجودين وعلى رأسهم المنتشري .. والمحبط أنه أساسي وهو أكثر لاعب شاهدته هذا الموسم يخطئ دفاعيا ..

محمد مسعد : أجمع المجتمع السعودي عامة وجماهير الأهلي خاصة أنه أسوأ لاعب في الأهلي وليس لديه من إمكانيات الظهير أي ميزة فلا قدرة دفاعية ولا جسم ولاسرعة ولا مهارة ولا رفعات ولا انطلاقات .. ليه انضم للمنتخب ياجماعة ؟؟؟ وليه أساسي ؟؟؟

معتز الموسى : كيف يانادي الأهلي تشتكي من خانة المحور الدفاعي وأنت تملك المخضرم معتز الموسى .. نجم المنتخب السعودي ... يعني ناديه يشتكي منه ولاعب مقدم أكبر كمية أخطاء في مبارياته مع ناديه ويكافأ بالمنتخب ...

وماخفي أعظم على دكة البدلاء فبعض اللاعبين نسقوا من أنديتهم الموسم الماضي وحضروا في تشكيلة المنتخب ..

حسبي الله ونعم الوكيل

وأخيرا
اعذروني اخواني كتبت الموضوع على عجالة وكانت مجرد فضفضة ..
شكرا لكم على الدخول