وش عقبه ؟؟ - نادي الهلال السعودي - شبكة الزعيم

مالها إلا هلالها · #1 01/01/2003, 12:11 PM

السلام عليكم ورحمة الله وبركاته ..

بدري ياجماعه .. عسى ماتكلفتوا بس ... !!

نعم نعم نعم .. أنا مالها إلا هلالها .. الأصلي ..
نعم نعم .. أنا اللي كنت في الإقلاع منذو مبطي ..
نعم نعم .. أنا من أوائل اللي سجلوا في شبكة الزعيم ..

بداية القصه :
أول مافتحت شبكة الزعيم قريت بكل ما أملك من سعاده خبر إفتتاحها في الجريده .. وكنا حينها محجورين في موقع واحد .. طبعاً هالموقع ماجاز لي أساساً ..
في اول فرصه .. تصفحت شبكة الزعيم .. وقررت أني أخوض غمارها ..
سجلت .. وياليتني ماسجلت ..
في هذا التاريخ
Date :
Mon, 12 Feb 2001 12:15:12 -0500
وصلتتي رسالة التفعيل ..

وهذي صوره زنوغرافيه لها .. طبعاً غطيت الباسوورد

جيت مكيم ورصيت لنك التفعيل أكثر من عشرين ألف مره .. ولا أشتغل اليوزر ...
مالكم بطولة السالفه .. لكني من هاك اليوم .. وأنا من واسطه لواسطه .. ومن هلالي في هلالي .. ومن مشرف في مشرف .. لين قفلت معي وقلت قلعتهم النقصه عليهم ... وأقنعت نفسي أنه أنتم الخسرانين من عدم تواجدي ..
بس الشهاده لله .. أني يوم جيت لقيت أن أغلب المشرفين اللي كلمتهم موب فيه .. فتيقنت أنكم قاشعينهم عشانهم مازبطوا وضعي .. ( <== على نياته

)

المهم .. بعد هالفتره كلها .. تدخل الأخ والصديق : منادي وقال مالك إلا يوزرن يقرا .. وفعلاً الرجال ماقصر وطق البشت وراح كلم الإعصار واللي جزاه ربي الف خير تدخل وصلح اليوزر .. بس وش عقبه !!

عاد على فكره ترى كل فتره والثانيه يعطوني الشباب لنك لعضو مسجل بنفس يوزري .. وأنا من منبري هذا أعلن إخلاء مسؤوليتي عن أي يوزر كتب تحت نفس الاسم في شبكة الزعيم قبل هذا التاريخ , أما المواقع الأخرى فأنا تارك الكتابه الهلاليه من حول سنه يمكن .. وذلك إمتعاضاً من حضرتي على الوضع المزري اللي وصلت له المواقع والمنتديات الهلاليه على الإنترنت ..

وبذلك .. أضمن دخولي لموسوعة قينتس للأرقام القياسيه كأطول فترة تسجيل في عالم الإنترنت كله ..

كل الأماني أن تكون شبكة الزعيم أفضل من غيرها في مجال الكتابه الهلاليه .. وهذا العشم والأمل بعد متابعتها ..

هاه تبوني .. ولا أروح ؟