#1  
قديم 26/12/2010, 08:38 AM
زعيــم مميــز
تاريخ التسجيل: 23/03/2008
المكان: tabuk
مشاركات: 2,409
Icon20 خطط علميه مدروسه..الخواف ( أعجبهم ) ؟؟....ولا المركز الثاني؟؟؟

)
(
)
السلام عليكم

هلا و غلا يا زعماء ,., منورين الموضوع حبايبي

(( ما أحب أكتب بالفصحى ,., تبون الصدق..ما أعرف أعذروووني ))


مدخل

لبى قلبك يا ابو متعب ألف حمدلله على سلامتك وما تشوف شر يا رب .. أفرحتنا خرجتك من المستشفى وبأذن الله تفرحنا برجعتك لنا..الله يديمك تاج على راسنا يا يبه .. ولا يحرمنا قلبك الطيب

( نجي لموضوعي )

الله يفرجها علينا وناخذ أسيا..تعبنا من الخطط العلميه المدروسه اللي ( ما جابت ) غير المركز الثاني..وموال فريق الاحلام وبناء مستقبل للكره السعوديه

والله لو اننا نبني السد العالي كان من زمان خالصين (لاكن) الله كريم

علشان حنا الحين في موضوع يخص المنتخب..ما راح اتكلم عن التشكيله لانه مافي (2) في السعوديه اتفقوا على منطقيتها..وهي في النهايه ( قناعة ) مدرب..يعني ذوقه..ولا أحط بذمتي انها مفروضه عليه
العلم عند الله..ثم عند 3

لاكن بكتب عن اللي أختار التشكيله..وعن اللي عطاه كامل الصلاحيات ( من الباب للمحراب )

ايش الشي المميز في (بيسيرو) اللي يخلي الرجل الاول في رياضتنا ولجنة المنتخبات يتمسكون فيه؟؟؟؟

((للأسف ولا شي..غير انه رجل اجتماعي))

السعوديه تقدر تطلع منها أكثر من منتخب..وأي مدرب ممكن ينجح معاه (لاكن) بشرط..يكون قارئ متمكن للمباراة

بيسيرو ( خواف ) خاصه..لاحظ معي..خاصه اذا تأخر بهدف يعني تشوفه مبتلش ما يدري وش يسوي
مرتبك..رايح جاي..يجلس ويقعد..يعني ( حوسه )

واللي يقول نجح بفريق رديف في بطولة الخليج..أقوله لولا الله ثم مدافع قطر ولا كنت صاف جمب اليمن مع احترامي الكبير لآخواننا في اليمن ( ما علينا )

الشي ( المخجل ) من جد..ان الانديه جالسه تشتغل وتجيب مدربين ( المنتخب ) مو قادر يجيبهم..ولا ودي أدخل في نقاش ( بيزنطي ) عن منهو أفضل مدربين ( الانديه ) اللي جونا..الامثله كثيره..لاكن الاكيد ان بعض الانديه صح مع الفارق المادي ( المهول ) بين الانديه ومسيري الدوري والانديه

يعني ما أدري هل تنقصنا ( الدراهم ) ولا أيش بالضبط؟؟؟

ليش دايم عيوننا على اللي جانا وراح..أول اللي جانا وباقي موجود..أو اللي ( طردوه ) جيراننا في الخليج..قصدي يعني ليش ما تكون..مبدع..وخلاق..تختار..وتفاضل..وتجيب شي مميز وأترك الباقي على الله

لاكن حسسني على الاقل أنك قاعد تخطط صح..ولك هدف تبي توصله..وبكذا ما تترك لحد عليك طريق بعد أجتهادك وأنك فعلا جبت المميز وهذا اللي المفروض يصير

يعني مثلا..بعد أنجوس أعتقد قلنا أكيد ومليون بالميه اللي بيجينا ( سكولاري ) مدرب مشهور ومعروف وكاس عالم وغير كذا..( كان جالس في بيتهم ) وفرصتك كبيره معاه

لقينا اللي جانا مدرب ( سبق ) له التدريب في السعوديه وما قدم شي يشفعله بالبقاء وهنا نظرية (عيننا) على اللي حولنا

يعني اسف على اللي بقوله لاكن ( قد ) يقول البعض هو شي من اثنين
اما ان المدرب يقبل التدخل في عمله ( ويتم فرض ) التشكيله عليه..وهو مبسوط (والربع) مبسوطين
أو
انهم جابوه لآن ( سعره ) رخيص بالمقارنه مع ما يستحقه منتخبنا

((أنا أقول قد يقول البعض..قد..ولا ما أحد قال ترا))

طبعا كل وحده ( أخس من الثانيه )

في نهاية كلامي بقول ( تعبنا ) واللي تعبنا أكثر ( الافلام الوثائقيه ) لتاريخ متسيد لآسيا..ارجع يا زماااان

الله يوفقهم في اسيا وينصرهم .. ويرجعون لنا بالذهب .. ونفرح ويفرح الوطن

مخرج

(( أحب أشوف ردود مفيده وفي الاخير هي وجهة نظر شخصيه لك عضو ))

تحياتي

اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:16 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube