سجل حضورك لمباراة الهلال والنصر .. - نادي الهلال السعودي - شبكة الزعيم

الموهوب · #1 31/12/2002, 07:03 AM

[c]دعوة لحضور مباراة الهلال والنصر
[/c]

[c]

[/c]
[c]
بقي على مباراة الهلال والنصر 3 ليالي .. .. ليلة الثلاثاء .. وليلة الاربعاء .. وليلة الخميس ..

ليلة القبض على النصر ..

والله اني انتظر هالليلة بشغف .. واحس انها بعيدة ..

وما ادري .. !

هل يبي الجمهور الهلالي اني اوجه له دعوة عشان يحضر المباراة ..؟

والا هل يحتاج الجمهور اساسا الى دعوة ؟؟

كان الكثير من الجمهور يتحججون ان الهلال ما قدم مستوى حلو عشان نحضر عشانه مباراة ..؟؟

مع ان الحجة هذي ما اقنعتني ... !

لكن معليش ..

الهلال الان جالس يسوي كل شيء عشان سعادتكم ..
[/c]

[c]
رئيس نادي محنك .. عبدالله بن مساعد ..
ادارة منظمة ولجان متخصصة ..
مدرب عالمي ... بلاتشي ..
الصدارة ..
المستوى الرائع امام الاهلي ..

يوسف الثنيان ..
سامي الجابر ..
الدعيع ..
الدوخي ..
الجمعان ..
الشلهوب ..
الخثران ..
احمد خليل ..
الشريدة ..
عبدالله سليمان ..
العلي ..
العامودي .. الصالح .. عزيز .. الشهراني .. الجري .. ذياب .. ضاري .. لطف
سيوبدرا المحترف الجديد ..
صوماليا ..
[/c]

[c]
ما ادري ..!!! ما يتساهل اللي ذكرته اننا نحضر ونشوف المباراة عشانهم ..

طيب لو ما كان عشانهم ..
ليه ما نحضر باسم

حب الهلال ..
والاخلاص للهلال ..

ليه ما نحضر .. ونشارك الهلال في قمته وصدراته ...
قبل ما تروح القمة من يدينا ..

حبايبي ..

الهلال يواجه اعداء كثيرين ..

الهلال الان في وجه الاندية كلها .. ( اهلي .. اتحاد .. نصر .. ) ما بقى الا انهم يسوون منتخب ويلعبون قدامنا "على قولة ابو هيا "

الهلال في وجه الاعلام .. صحف وتلفزيون .. فهو مادة دسمة لهم ...

الهلال في وجه التحكيم .. ليس كرها فيه .. بل من اجل اثبات ان التحكيم منصف .. على حساب الهلال ..

خل نوقف سد منيع مع الهلال في وجه كل اللي ذكرت ..

ويوم الخميس الجاي .. فرصتكم لاثبات وجودكم .. هل انتم مع الهلال ... ام ان الهلال لوحده ..

الهلال يمر بمرحله حساسة جدا هذه الفترة .. وصدقوني ان الهلال احوج لنا الان من اي وقت مضى ..

ما ابي اطول عليكم

لكن حبيت انزل الموضوع هذا .. عل وعسى يوقظ القلوب الهلالية النايمة ..

واحب اقول للجميع .. اني باذن الله .. ( واعوذ بالله من كلمة انا )

انا انشاء الله راح اكون اول واحد يحضر المباراة .. وراح اجي من الشرقية مخصوص عشان اشوف المباراة وارجع .. واي واحد يبي يجي معي يقول لي بس ..

وانشاء الله الهلال راح يفوز ..

2 - 1

واحد منهم راح يجيبه سامي الجابر .. باذن الله ..

احس اني متفائل جدا .. وكأني اشوف اللاعبين فرحانين بالهدف الاول ..

وكأني اسمع تصريح بعض الناس من الحين .. وهم يشتكون من التحكيم

[/c]

[c]

اتمنى ان كل واحد يجي هنا يسجل حضوره .. لنشحذ همم بعضنا البعض ..

واختاروا الصورة اللي تبون تظهرون بها يوم الخميس ..

الصورة هذي

والا هذي ؟

[/c]

[c][sound]http://www.geocities.com/maohob1000000/zrgalfnayl-mohamed.ram[/sound][/c]