عذرا يا شبيه الريح .. أنا ضد حملة موبايلي ( إدعموا الزعيم ) ؟! - نادي الهلال السعودي - شبكة الزعيم

الأصبع الذهبي · #1 22/12/2010, 12:47 PM

السلام عليكم ورحمة الله وبركاته ..

نعم ياسمو الأمير .. ونعم ياموبايلي .. ونعم ياجمهور الزعيم ..

أنا ضد حملة موبايلي ( إدعموا الزعيم ) ؟! .. من ناحية الإسم !
لأن كلمة "إدعموا" فيه نوع من الإلحاح والدفع للزعيم ..

وجمهور الزعيم ما يحتاج إلحاح او مطالبة بدعم الهلال .. لأن جمهور الزعيم مع الهلال بدون أي مطالبة أو إلحاح من قبل الشركة الراعيه ..

ليه ماتكون حملة موبايلي بـ أسم ( هلالي .. نقاطي ) .. يعني أنا هلالي .. راح تكون نقاطي للهلال .. بمعنى بما أني هلالي .. راح أقل تقدير .. راح ادعم الهلال بـ النقاط ..

* الهلال شعبيته تقريبا 50% من سكان المملكة .. وهذه نسبة مو بسيطه .. يعني جمهور الهلال لو فقط 4 أشخاص يدعمون الهلال بـ نقاط موبايلي .. راح نحصل من الـ4 ( 1000 ) ريال .. بواقع 250 لكل شخص ..

فما بالكم جمهور الأزرق الأكثر نسبة في سكان المملكه ..
يعني راح ندعم الهلال بـ مبلغ خيالي ..
وايش المشكلة لو نفترض أن الحملة نجحت من قبل جمهور الأزرق ..!

صدقوني في حال نجاح الحملة .. استاد موبايلي الهلال سيكوون قريب بدعمكم

الحنـــون · #2 22/12/2010, 07:50 PM

إقتباس

الرسالة الأصلية كتبت بواسطة الأصبع الذهبي


	* الهلال شعبيته تقريبا 50% من سكان المملكة .. وهذه نسبة مو بسيطه .. يعني جمهور الهلال لو فقط 4 أشخاص يدعمون الهلال بـ نقاط موبايلي .. راح نحصل من الـ4 ( 1000 ) ريال .. بواقع 250 لكل شخص .. فما بالكم جمهور الأزرق الأكثر نسبة في سكان المملكه .. يعني راح ندعم الهلال بـ مبلغ خيالي ..

كلام سليم , لأن جمهور الأزرق كثير وشعبيته كبيرة

هلآلي بس مب عآدي · #3 22/12/2010, 08:22 PM

اتفق معك واسم حلو ان يكون ( هلآلي نقآطي ) ..

الله يعطيك العآفيه , واتمنى تغيير الأسم

..

feelings hearty · #4 22/12/2010, 08:25 PM

صحيح المُسمىآ المقترح أفضل من الحآلي ..
حنآ مَ يبيلنآ ألحآح لنخدم هذا الكيآن

..

بس أنآ مو ضد أنا معكـ بالأقتراح فقط

..

يعطيكـ العافية ..

STS2005 · #5 22/12/2010, 08:33 PM

اتفق معك بخصوص مسمى الحملة فلها اكثر من تفسيرات وليست حتى حملة تجاريه رياضية .

ولكن ربما لموبايلي والعلاقات العامة عذر في اختيار المسمى لاسباب تجارية فبعض المسميات تكون لها سجل حصري لا يمكن ان تكرره او تكون هناك شروط من اجل المنافسه لا يمكن ان تتجاوزها فأختاروا هذا المسمى ولا تنسى ان موبايلي لديها مشتركين من غير جماهير الهلال ولا تريد موبايلي ان يكون هناك تفريق في مشتركيها من ناحية الخدمات والعروض .

وما يهمنا الآن هو الهدف وهو مساندة الهلال ماديا هذه المره فليس لدينا عذر اما المسميات فهي امور دعائية لا اكثر ولا اقل.

يعطيك العافيه .

الزعيم%الهلالي · #6 22/12/2010, 08:38 PM

إقتباس


	الهلال شعبيته تقريبا 50% من سكان المملكة .. وهذه نسبة مو بسيطه ..

انا معك
بس مو كلهم عندهم موبايلي يمكن 30%موابيلي
والباقي سواء وزين

وفعلا لو كان هلالين نقاطي
نقاطي هلالي
حلو

روح1الهلال · #7 22/12/2010, 09:05 PM

صــــــــــــح كلامكـ اخوي أتفق معـــــــــاكـ (هــــــــــــــــــــــلآلي نقـــــــــــاطي ) أحسن من ( إدعموا الزعـــيم ) 000

مجنونه بحبك أنا · #8 22/12/2010, 09:15 PM

مو مهم وش يكون أسمهــــــاااا المهم يكــــــــون هناااك دعم ""

وهذااااالشي مو غريب علينــــــــااا أحنا الهلاليين""

عــــــــــــوااااافي"

هلالي عالي الرأس · #9 22/12/2010, 09:23 PM

وانا معك
هلالي نقاطي احلى من ادعموا الزعيم

!عاشق و محروم! · #10 22/12/2010, 09:24 PM

يارجال اهم ششي ندعم الهلال

يا شيخ لو انها " تكفون اذعمو الهلال " راح ندعم

حنا ماصدقنا اننا نقدر نسوي ششي للزعيم وندعمه . الحين جايين نتشررط ع الاسم ؟

3ash8.alz3im · #11 22/12/2010, 09:50 PM

انا اتفق معك .,
يعطيك العاافيه فكره روعه ,
تحيااتي ,

BLU · #12 22/12/2010, 09:57 PM

مايهم الاسم

انا كهلالي بحول نقاطي حتى لو كان اسم الحمله (عطنا نقاطك)

alhilal%% · #13 22/12/2010, 10:04 PM

مايهم الأسم أهم شي مشكوره موبايلي أتاحت لنا فرصه لدعم الزعيم أهم شي ندعم بأي أسم

هلاليه نبضي ياسر · #14 22/12/2010, 11:06 PM

هيا جينا لها الحركاااااااااااااااااات !!

بـ العكس ادعموا افضل وارقى مسمى " يليق " بـ هلالنا ...

الأصبع الذهبي · #15 23/12/2010, 04:29 AM

إقتباس

الرسالة الأصلية كتبت بواسطة !عاشق و محروم!


	يارجال اهم ششي ندعم الهلال يا شيخ لو انها " تكفون اذعمو الهلال " راح ندعم حنا ماصدقنا اننا نقدر نسوي ششي للزعيم وندعمه . الحين جايين نتشررط ع الاسم ؟

صحيح أخوي .. أن الأهم الدعم .. لكن مو اشتراط .. هو مجرد اقتراح