23/12/2010, 06:03 AM
|
| زعيــم متواصــل | | تاريخ التسجيل: 03/12/2008 المكان: سألتني [ وهي عارفة ] : " أنت حائلي " ؟! .. .. جاوبتها [ وبكل لكاعةٍ ] : " لا يا بعد حيّي " ! ...
مشاركات: 140
| |
اووم الغباء....ابي اصير طيار ^-^ بسم الله الرحمن الرحيم اووم الغباء
كنت اتابع مسلسل للفنان فايز المالكي وشدتني كلمه يقولها (اووم الغباء)
بصراحه حسيت انها تعبر عن اشياء ما اظن نقدر نعبر عنها بالف كلمه
__
لما كنت بايام المتوسطه وايام الثانويه لما تكون عندنا حصة بدنيه اكيد
الكل يفرح لانها حصة تنسيك هم المدرسه المهم ...
اتذكر المدرس يتركنا ويمشي وكلنا نبي نلعب فاكيد ما احد
يبي يكون حكم
كنا نتصيد بعض الشباب اللي طالع من فصله ويتمشى بالاسياب(الممرات)
حتى لو ما نعرفه زين نقول له تصير حكم
هذا هو حال لجنة الحكام الله يصلحها مع معظم (ليس الكل)من
مباريات الدوري باختيار الحكام
ومرت علي ايام الطفوله جد فيها اشياء اتوقع انها لو كتبت بورقنا
لصار مستقبلنا افضل
اتذكر لما نتجمع باول يوم بالصف الابتدائي الكل فينا يبكي ويحاول بعض
المعلمين يهدينا ويقول بكرى تكبر وتصير طيار ولا دكتور ونفرح
كاني بديت اطلع عن الموضوع
القصد من الكلام لما نجي ونسال في زماننا هذا اول سؤال
الحين يسالك المدرس وش تسجع(تشجع) وتاتي الردود من الطلاب
انا اشجع الهلال انا نصراوي انا اتي اتحادي ... الخ
صح شي طبيعي بالنسبه للي بياخذ الموضوع بشكل عادي لكن
نبي نرتقي شوي فوق
تخيل لو ركبت شعار مثلا هلالي ومشيت في مكان فيه
نصروايين
تتوقع زجاج سيارتك بيكون سليم ولا بيدخلونه لك على المراتب
فهمتم وش اقصد
صدقوني اليوم صرت اخاف على جيلنا اللي بيجي
الكبير والصغير لاحظوهم
وربي وربي وربي مو المشكله في ناديهم كلهم من وطن واحد
المشكله لو نحصرها بموضوع صغير
وقلنا نبي نفتح شركه ونسلمها لشخص من الناس لكن هذا الشخص
ما عنده الا الكلام وبيمشي المساهمين على اشاعات لرفع شركته
وبتكون اي شركه منافسه هي شركه عدوه له وبيطلع اشاعات عليها
ويقول هذي شركه يهوديه ومثل هالكلام لكي يبتعد المساهين عنها
الحين فهمتو قصدي
انا هلالي واحمد ربي لان لم يمر على ادارتي ناس تسير
تفكيري على تفكيرهم السطحي
عشان كذا لا تخلون الفرق الثانيه اعداء لنا ونتشمت فيهم
اكيد البعض بيقول نبي نوضح خطاهم
طيب ما قلت شي
لكن ما نجعل نقاشاتنا كلها في اخطائهم
تذكرت شي مهم جدا
الحين المنتخب السعودي يسمونه بنادي الهلال لان اغلبه هلالي
واليوم طالع رئيس النصر يقول المنتخب هو السبب بخسارتنا لانه اخذ اساسي نادينا واحتياط باقي الانديه ننفسر كلامك عذر مثلا
اخر نقطه حاب اقولها
الكل عارف ان المملكه العربيه السعوديه تم توحديها والدليل على وجود كلمة سعودي
وهي نسبة لــ الـ سعود المعنى
كلنا مسلمين ....
واتمنى ما نخلي تعصبنا يدخلنا في امور تفرقنا
اخوك او اخوي غير هلالي راح تعامله نفس معاملة اللي تكتب فيهم وتشمت فيهم
فهمت علي انت ياللي تقرا كلامي
ادري دخت من كلامي
بس يقول لك خير الكلام ما قل ودل اوم الغباء
لما اكتب حرف شماته باخوي المسلم اوم الغباء
لما ادخل في نوايا الناس اوم الغباء
لما اضحك على مصيبة غيري اوم الغباء
لما اطلع عن روحي الرياضيه بفعل مشين اوم الغباء
لما تدخل وما ترد على موضوعي مما راق لي -اللسان الطويل دلالة على اليد القصيرة -ذوو النفس الدنيئة, يجدون اللذة في التفتيش عن أخطاء العظماء -لا تتحدى إنساناً ليس لديه ما يخسره -يوجد دائماً من هو أشقى منك , فابتسم -كثرة حسادك , شهادة لك على نجاحك -من لا يشكر الناس لا يشكر الله
شكرا لمروركم
سبحان الله وبحمدك سبحان الله العظيم
الحمد لله عالسلامه يا ابو متعب بقلمي
اخوكم سامي العنزي
اخر تعديل كان بواسطة » فخر الشمال في يوم » 23/12/2010 عند الساعة » 11:16 AM |