رحلة في بلاد الضحك.... - نادي الهلال السعودي - شبكة الزعيم

الطعنة في الظهر توجع · #1 15/12/2010, 08:27 AM

سلااام يالربع

صبحهم بالخير ياربي
وبارك فيهم
ولحفهم برحمتك وعافيتك

شحالكم

انا يومي مقسوم نصفين
اما اني لحالي اقرأ كتب واكتب شعر

او مع البزران اناشبهم واضحك معهم

لكذا مواضيعي ما تعدى اما قصيده او موقف مضحك معاهم

ومواقفي معهم واجد جدا

لدرجة اني لو جلست اسولف انا واخواني عنها نجلس بالساعات

طبعا انا رايق وهم يقولون ( ذا البثر اما شعر والا سواليف بزران )

ولاني اشوفكم زي اخواني

بافرض عليكم سواليفي هههههه

والسواليف اليوم كلها عن علي ولد اختي

تذكرونه لا ؟؟

طبعا الولد ذا قلت لكم عمره اللحين 9 سنوات بس خطير شوفوا سطح المكتب حقي هو اللي منسقه

[IMG]

[/IMG]

وهو ملسووووووووون ولسانه خبيث

وذباته على الجرح

وما يناشب الا الشيبان

يحب يطقطق عليهم

طبعا معظم ذباته اللي اشوفها تكون على الشيبه والعجوز (الوالد والوالده)

المهم

تخش في الذبات

نبدأ بالشيبه:

علاقتي بالوالد رسميه جدا جدا

بحكم اني ولدت انا واثنين من اخواني في نفس الشهر

ثلاث عيال في شهر حسدوه كل اهل الديره

ولاني البطه السوداء فيهم ( الشين )

كان نصيبي من الحنان الاسم في البطاقه فقط

لكذا كنت ما امازح ابوي ابد

لكن اجيب متعمد ولد اختي ذا عشان ينكت عليه

واذكر هنا يعض ذباته على الشيبه:

مره طلعنا انا وهو الوادي وتغدينا هناك ورجعنا قبل العصر

والوالد توه جاي من الدوام

المهم كان جويع جدا

والوالد زي ما تذكرون سمين شوي

المهم قالت لي امي روح انت وعلي تغدوا مع ابوك

قلت لها ان حن متغدين

قالت روح تغدى غصب عيب ابوك ياكل لحاله

المهم رحنا وجلسنا

فجات امي وحطت غداء الوالد وكان شوي يعني حق نفر نفرين بس

فصاح علي في امي وقال كثري الغداء ياجده

قالت ما تغديتوا تو ؟؟؟

قال مو عشان ناكل ياجده

لكن الدب ذا والله لو خلص اللي بين يده افترسني انا وخالي

وخالي ما عليه فدوه لابوه

لكن انا عاد امي تبيني هههههههههههههههههههههه

انا ميت ضحك والشيبه يقول اعوذ بالله منك

المهم وطول ما الوالد ياكل الصبي يقول خف شوي ياجد

حرام عليك ارحمنا

قام ابوي وعصب

قال وش عليك مني اكل لين اشبع وش ضارك

قال كيف وش ضارني

انا اكثر واحد يتضرر

قال الوالد وش ضارك يا ولد فلانه

قال الصبي وهو معصب مو حنا اللي بنشيلك اذا مت

وربي لو يشلونك اهل نجران كلهم ما احتملوك

فكر في غيرك ياخي

قال له الوالد قم اقلع من عندي ياابليس

تبغى تقبرني وانا حي

قال

وانت عادي تقبر غنمنا ودجاجنا في بطنك

هههههههههههههههههههههههههه

قال الوالد اللحين من حلالك شي يومك تلوم

قال لا لكن ترى امي لها في حلالك ورث

قال الوالد : والله ما تورث من حلالي انت وامك الا الفلس

قال علي : اكيد دام ذا فعل يمينك في الزاد وش نورث غير الصحون

فقام ابوي وقال سديت نفسي من الزاد

قال بعد ما لحست الصحن تقول سديت نفسك

انتبه يالنفسيات بس

طبعا الوالد هزئني وعطاني من ذاك الكلام اللي خبركم

وطردنا

موقف اخر:

مره كنا سمره مع الوالد

وجاء ولد اختي وجلس جنبي

وقال تحداني يعطينا جدي محاضرة دينيه بعد شوي

بس والله لاطفشه

شوي الا وابي يقول قصه اصحاب الكهف

وابوي يقولها وهو متحمس

فقاطعه علي وقال

ياجد عندي سؤال
ففرح ابوي وقال وش

قال تلعب معنا كورة اليوم هههههههههههههههه

فما عبره الشيبه

فقال ولد اخوي اووه نسيت ما تقدر تجري

لو انك خاف يدك كان طاعك تلعب

وين الهلال منك بس هههههه

قام ابوي وعصب قال تستهزئ في صحتي وانا حاج 35 حجه

قال اوما 35 حجه كثير طلبناك نتقص شوي

فقام ابوي وحلف وعصب وقال الله علي شهيد

ثم سكت علي

ويجع ابوي يكمل القصه

فقال علي تصدق ياجد ذكرتني عدد المرات اللي حجيت فيها بعدد يطولات النصر اللي مو موجوده

هههههههههههههههههههههههههههه

قال ابوي اذلف العب كوره منت كفو علم انت

قال طيب ويوم قام قال لابوي تلاحظ شي ياجد

انا اجري ماني اتدحرج مثل بعض العرب

هههههههههههههههههههه

واختصر بعدها الشيبه القصه ودخل ينام

موقف اخير مع الشيبه:

في الديره نلبس الجنابي في الزواجات والمناسبات زي الاعياد والختان وذي الامور والجنبيه حزام يلبس على الخصر في وسطه خنجر والا فرد ورصاص ومن ذي الامور

وهي زي الغترة والعقال

المهم ابوي ما يلبس بحكم الجسم

وولد اختي ناشب له

فيوم جانا ابوي وحنا في زواج ولد عمي
وكان فرحان ابوي

فقال له ولد اختي ما سمعت البشرى الساره ياجد

قال ابوي بشر قال فتحوا محل تفصيل جنابي هههههههههههههه

فابتسم ابوي ما يبي يخرب الزواج

فقال ولد اختي اذا تبي لازم تقدم قبل شهر عشان يستوردون لك حزام على قدك من الهند

فحشره ابوي في زاويه وقال له اذا زد سمعتك تقول كلمة وريتك شغلك

فقال ولد اختي وش بتسوي يعني بتاكلني ؟؟؟
تراك ما تخوف الا في الزاد هههههههههه

قال ابوي لا باقطع ظهرك بذا العقال

قال الصبي : تقطعني ؟؟ طيب يعني تقطعني وتغمسني في مرق وتاكلني ؟؟؟

قال ابوي والله لاكويك كوي

قال الصبي : تكويني ؟ ثم تشويني ثم تاكلني ؟؟

قال ابوي اذلف مني ياكلب يا.....

فجاني الصبي وقال مرعب جدي كل العقابات حقته فيها زاد ههههههههههههههه

خلاص خلونا نرحم الشيبه شوي

ونخش على العجوز

موقف رهيب :
طبعا الوالده من اصول يمنيه
وما تعرف تقرا او تكتب

ولد اختي ناشب لها كل ما قالت له شي قال والله اقرب مكتب جوازات اردك صعده

المهم في ايام خليجي 20 الاخيره

دخل ولد اختي على امي

وكان جدي بشكل غريب

وقال اسمعي ياجده انا عندي لك كلام خطير

وابغى تنتبهين لي

انتي ما قصرتي ربيتي امي وخوالي وصبرتي على جدي واجد

وانا ابغى اقدم لك شي

ففرحت امي وقالت وش

قال هذي عشرة ريال تعاونك في البطوله مساعدة من الشعب السعودي

وعلي الحرام والطلاق ما تردينها

انتو تستاهلون

ههههههههههههههههههههههههههه

وفي مباراة السعوديه واليمن قالت امي وش ذا الاسود اللي يطلع من الملعب

قال لها علي اول شي حددي انتي تشعين اليمن والا السعوديه

قالت السعوديه عشانكم

قال لا تلصقين قولي ميولك صدق

قالت والله اليمن

قال ايه اول شي هاتي العشره اللي عطيتك ياها

ثاني شي الاسود ذا كفراتنا حقت السعوديه مجمعينها اليمنين من البناشر وودوها لفوال يمني وفرمها زي المعصوب وحطوها في الملعب

ثالث شي والله عيب باقي لك اسبوعين واربع ايام وتقابلين ربك وجالسه تشجعين

وياليت تشجعين شي عليه السنع

طبعا خواله كلهم يخاصمونه ويقولون كل تبن اسكت ياحيوان ومن هالكلام

وهو يقول ايوه طلع العرق طلع

والله لوني الملك عبدالله ملكنا حقنا كان سحب البطاقات منكم

واخليكم تفحطون في اسواق ابو ريالين تبيعون سطول

موقف اخر:
كنا نفطر في فجر انا وهو والشيبه والعجوز

وكان العجوز مسويه له لنا بر في سمن وعسل

فيوم ذاقه الشيبه قال مشالله مزين هالعسل وما يجيب هالعسل الا عسل والله

فصاح ولد اختي وقال ووووووووووووووووع ياكبدي كبداه ياشين بعض الغزل

وربي انكم تسدون النفس وانا انبطحت اضحك

وابوي ما شره عليه وقام يخاصمني و يقول عز النعمة ياحمار واحترمنا

فقال ولد اختي لا تخاصمه ياجد انت الغلطان

تطامر في اليمنيات وتجيب لنا هالاشكال

في ذمتك ما ودك اني ولدك بداله

فضحك ابوي وقال الا ودي قال الصبي بشرط ما يكون اليمنيه ذي امي لاني احتمال اسجل في العسكريه

هههههههههههههه

وابغى سجلي نظيف

المهم سرح الشيبه وجلست امي تحمس القهوة وتحطها في علب نيدو كبيره فقرأ ولد اختي على العلبه يساعد على النمو

فقال لامي ياجده لا تشربين نيدو مو زين لك

قالت له امي والله ان حنا نشربه من يوم عرفنا انفسنا

قال اوكيه بس لا عاد تشربينه قالت ليه

قال لانه يساعد على النمو وانتي بيني وبينك ولا تزعلين ما باقي لك الا شوي

واخاف تشربينه وتنمين بسرعه ويخلف الله

قالت الوالده عوذه منك ما اخبث لسانك

قال لا تعايريني تريني طالع عليكم

قالت اقلع من عندي لا اشوفك قال خلاص انا باطلع من بيتك بس انتي اطلعي من السعوديه ههههههههههههههه

ومره يوم امي تقول لابوي تبي تحج قال الولد ما ينفع تحجين معهم قالت ليه مو مسلمه زيهم

قال مسلمه لكن انتي حجي مع حجاج الخارج والا مع الجاليه اليمنيه

ومره جاب لها شهادته من المدرسه وكانت زي وجهه

فقالت امي ما اعرف اقرا وش فيها

فقال كلها ممتاز وكاتبين تحت خل جدتك تعطيك خمسين ريال نجاح

المهم وربي لعب عليها وخذ منها خمسين

ويوم شافت امه تخاصمه على النتيجه قالت ما قلت انها ممتاز

قال انها ممتاز بس ما يعرفون يقرون زيك فديتك ظلم والله ما فيهم الا انتي عادله هههههههههههه

ياحبي لك ياعلي

ارجو اني رسمت بسمة على محياكم

ملاحظات : الوالده تحب علي ذا موت وتقبل أي شي منه وروحها خفيفه ما تزعل ابد وانا احترمها حيل بس نحب ننكت معها .

الوالده يمنية الاصل بس سعوديه وخوالي في اليمن ونحبهم وبينا نسب وازورهم كل صيف وربي بلادهم طبيعه .

علي هذا مجنون هلال يحبه يموت فيه ويحب رادوي اكثر شي يقول تحسه ولد قبايل نشمي .

ودمتم