|
ساهر 70 م ( فيديو ) للعاطلين السلام عليكم ..... بدون مقدمات طوالي إلى صلب الموضوع أمس كان أخوي طالع هو وبعض الشباب ... وهم بالطريق ولا فيه بعض الشباب في طريق عبدالرحمن بن عوف بالرياض واقفين في وسط الشارع ورافعين لوحة مكتوب فيها ( ساهر 70 م ) :) لعدم وجود لوحة تحديد السرعة بالقرب من ساهر اضطر بعض الشباب إلى رفع هذه اللوحة أخوي طوالي صورهم وهذا المقطع للمشاهدة ... YouTube - ‫نظام ساهر‬‎ ياليت الشباب العاطل واللي ما عنده شغل أنه يصقل مواهبه في أعمال خيرية زي كذا حيث إنه يفيد العالم ويستفيد من دعوات الناس له .... هذا نموذج للشباب الصالح في ديارنا .... أخوكم أبو عزام |
ياخووي انا والله مع نظاام سااهر والله انه خفف نسبة الحواادث بعد الله سبحانه لكن المشكلة في ايش اللي يشتغلون على نظام سااهر هم جابووه هنا علشان يلهفوون من راتب الموااطن المسيكين ولاهو نظاام ممتاز وانت لاحظ الرياض كم نسبة الحوادث قبل ساهر وبعد ساهر شووف الفرق كيف .... الله يعين بس |
الف شكر لك وهذه الشاب تحصلها اكل من ساهر لليل ولــكـن الله يكثر من اشكالة والله يجزه الف خير |
وين الشرطة عنهم أنا اللي اعرفه إنه ممنوع مثل هالشيء:no2: لانه قريت خبر قبل كذا انه الشرطة مسكت شباب كانوا يسوون نفس الطريقة:spam: بالمناسبة تذكرت المتبرعين في سويسرا شباب يلبسوا جناحين بيضاء ويوقفوا على الرصيف ويطلبوا من السائقين انهم مايسرعوا طبعا الجناحين تذكيرا بملك الموتs17s شكرا لك أتمنى لك التوفيق تحيتي قبل مودتي |
إقتباس:
هم حطوه علشان ياكلون فلوس المواطن .. والدليل لو تروح للدول الثانية مثل بريطانيا وغيرها يحطون عند كل طريق لوحة كبيرة ويكتبون ( الطريق مراقب بالكاميرات ) اما هنا بالسعودية تلقاهم أغلب الأحيان ما يحطون لوحة والباص حق ساهر تلقاه حاطينه ورى شجرة علشان ما فيه أحد يشوفه طيب يحطون ماعندكـ مشكله بس على الأقل يحطون لوحة قبل أو السرعة القانونية في هذا الشارع أتمنى فهمت قصدي ... أخوكـ أبو عزام |
:s2::s5s::to::to:الصراحه مو معاك بان نظام ساهر حطوه عشان الفلوس...,, اذا يبوا يحافظوا عليكم وتنتوا تفكيركم كذا وهما مساكين جالسين يحافظون عليكم...:ranting: الله بس يكون في عونهم اذا كان البعض كذا.:s3s:,, وفقك الباري |
إقتباس:
لكن بعض الطرق لا يوضع بها لوحة للسرعة القانونية فهنا المشكلة يصيدك ساهر :s3s: |
. اوهـ يالعليا بس احس لا مشيت فيه كني داخله مؤتمر صحفي ع الفلاشات ض1.. والله شعور جميل < نذله ض1 .. ماشاء الله ابو عزام وابو حمزه ض1 .. الله يخلي لنا نظام ساهر ض1 .. |
بصراحة انا مع نظآآم سااهر احسه نظام ناجح بكل شي فيه وووين الرياض الحين وأول :to: فرقت نسة الحوادث بشكل كبير بس مشكلتهم انهم مايعطون وقت طويل قبل لايضاعفون المبلغ :rose: |
الشعب خلآص تآقلم مع سآهر :s4s: وآنآ وآحد منهـم :ap: اللحين نتعآون جميعنآ مع بعض .. اذا فيه ساهر تشوف الموآتر يدقون " فلشر " مع ان الشارع مهو زحمه :d ولكن بيعلمك يا دلخ لآ تسرع وساهر جنبك :to: ايه صح يا شباب آمس كنت على طريق تركي بن عبدالعزيز الاول تقآطع الامآم محمد بن سعود :d لقيت ساهر بجمس حليبي :s5s::d يلعن ذوقكم يا شيخ :d |
حركة حلوة مشكوووووووووووووووور على الموضووع ودي مشكور |
إقتباس:
نظام ساهر يفيد الجميع ,, أول شيء يقلل الحوادث والإصابات والوفيات ,, بعدين أنا عندي تعليق على كلامكـ اللي أنت تقول ما يحطون لوحات لـ تحديد السرعة ,, لو حطو قبل كل رادار تحذيرات كان تشوف الناس كلها مسرعة بس إذا وصلوا لـ المكان اللي فيها الرادار يهدون يعني معنى هذا أنهم ما أستفادوا شيء من الحد من السرعة وبعدين على كلامكـ أصلاً معروف أغلب الطرق السرعة المحددة فيها 70 ما عدا الطرق الرئيسية مثل الدائري أو طريق الملك فهد وما حول ذالك يعني ما يحتاج لوحة تحديد السرعة ,, وعلى فكرة النظام مميز وكل شيء فيه يفيد المواطن نفسة حتى ربط الحزام و الاتصال بـ الجوال وترى كل هذي ما حطوها الا لـ سلامتك وسلامتي من أي مكروهـ لا قدر الله ,, |
بصصراحة هذه دليل على انهم يسحبون درآهم الموآطن , اجل كآميرآ ولا فيه لووحه تحديد السرعه !؟؟ |
إقتباس:
وبالعكس لو يحطون لوحات عند كل طريق ويقولون الطريق مراقب بالكاميرات ويخفونها زين علشان ما فيه أحد يشوفها صدقني محد مسرع لأنه يتوقع تكون الكاميرة بأي مكان .... أخوكـ أبو عزام |
قهههههههههههههههههههههههههههههر وربي سارق مو ساهر |
| الوقت المعتمد في المنتدى بتوقيت جرينتش +3.
الوقت الان » 01:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd