30/12/2002, 07:21 PM
|
زعيــم فعــال | | تاريخ التسجيل: 06/07/2002 المكان: مملكة RGHالمتحده
مشاركات: 272
| |
الراشـــــد..الفيصليه..المملكه الراشـــــد..الفيصليه..المملكه
تصدقون عجبني الاسم الثلاثي حسيت فيه شي غريب رابطه قويه بين هالثلاثه مع انا بينهم مسااااااافه مو قريبه بس الرابطه اللي بينهم يومي بينهم علاقة ود وحنان يااااااااااالله اتمنى انه يكون هالعلاقه موجوده بين كل عائله هههههههه وش داخل العائله بالموضوع بس تعرفون الفلسفه حلوه .
المهم ناخذهم اسم اسم نبدا بالراشد بحكم اني قريبه من الخبر.. ونفس الشي حتى لو تكلمت بالفيصليه او المملكه احس اني اتكلم عن واحد يعني ماراح يفرق الا المكان واللون الخارجي بس اما المضموون واحد فانا مثلا ابوي مانعني من دخوله مادخلته الا في افتتاح الراشد انا اقول لكم كيف يعني لو تكلمنا عن الخرفان بالرياض نفس خرفان الشرقيه بس يمكن الصوت يفرق يعني الشرقيه خرفانها شوي تقول نباع مرتين او ثلاثه بس خرفان الرياض توصل الى سبع مرات .هههههههههههه ماعلينا وش جاب الخرفان لاتلوموني لي مده ماكليت مفطح يااااااااااااني شفقانه على مفطح احس اني غريبه بدونه .
ولو حاولتو تسوون مقارنه بين الخرفان والمجمعات هذي راح تلاقون شبه . الخرفان اغلب الوقت تكون في المناسبات يعني عرس عزيمه من هالنوع تكون فيها الذبايح واجد والمدعووين يكونون في احسن حااال يعني كشخه على سنقة عشره حريم ورجال . نفس الشي الراشد المملكه الفيصليه لازم ترووووح على سنقة عشره اذا سنقة تسعه مالك دااااعي يعني ديور ابرك لك .
يمكن بعض اغلب الناس تجاهلو شروط الدخول للمجمعات الثلاثه او الواجبات بمعنى اصح علشان تطلع منتصر او منتصره انا بصراحه اشوف من اهم الشروط بالنسبه للاولاد اما احنا يالبنات عارفين ويش علينا لكن الاولاد اشوفهم صارو يخالفون هالشروط
اولا.. تكون كاااااااشخ حدك يعني الثوب توه جديد يلق ابيض ولانقطه سودا فيه ولا وسخ وياويلك لو كان متعفس يعني سوق السياره وانت واقف
ثانيا . العطر يكون مرشوش من زاويه ستين درجه غرب مع انحناء من جميع الزوايا . يعني غرق نفسك وبس
ثالثا . خل ورقة ام خمس في جيب الثوب اللي قدام ولو ماعندك سو لك بسكنر وحده يعني دبر عمرك
رابعا . خل الجوال لايسكت قول للشباب يتصلون فيك خله يرقع الى مايقول بس. علشان تلفت الانتباه لك وياليت تكون نغمة سمي لبو نوره
خامسا .الله يعز من يقرا الجزمه تكون سوداء جديده يعني خل لك في البيت لكل مجمع جزمه بس
سادسا .نظارات نظر حتى لو انت منت اعمى رقعها وشوف لك حل البس نظاره يخليك ربي دس عيونك الزرق
سابعا .المشيه تكون متوسطه مع رفع الصدر لامام وتكون ضلوعك منخشه من زين هالجسم الحين
ثامنا. دخول المجمع برجلك اليمين علشان الله يفتحها عليك . وشكلك طالع بيد الهيئه قول امين
تاسعا . الارقام تكون مكتوبه بكرت يحبه قلبك الرقم وبيت شعر والاسم شوف لك اسم حلو تشطر عاد وافهمها
عاشرا . ارفع خشتك وانت دااااخل ولا تتلفت علشان مايقولون مصفوق وماشفت خير
احدعشرا صح احدى عشرا ولا غلط المهم: لازم تخش المجمع والعدد زوجي يعني لاتروح بالحالك شوف لك واحد معك علشان يغطي عليك
يمكن كلامي والشروط اللي فوق مو واقعيه بنظر some bady لاكن والله هذا اللي يصير تقول الواحد لما يروح هالمجمعات نازلعرس اخته. واذا شاف مرايه وقف وقام يعدل شماغه ويحرك شفايفه لعنبوك حاط احمر شفاه فيها؟والله الواحد بدا يشك .مره في حدى المطاعم بالراشد جالس واتعشى المطعم كله قزاز تشوف اللي برا وهم مايشوفونك من برا شكله مرايه وتعال وامسك بطنك واضحك انا اشوفهم يوقفون قدامي طبعا هم مايشوفوني ويعدل بشماغه ويحرك خشته ويعدل شفايفه . ويجيك واحد شين يسد نفسك الله يسد نفسه والله ماقدرت اكمل عشلي طلعت جاء واحد وووووووووووووووووععع شين وسد نفسي . مدري هذا وشلون دخل ولا شرط ينطبق عليه مخالف لكل الشروط . بس اكبر ظني انه دخل من مدخل البضائع يالله بكيفه
ياجماعه والله مهزله والله افلام هنديه داخل هالمجمعات تصير 99 % بس يجون يتفرجون على بعض وواحد بالميه جاي يشتري ومنهم العجايز واللي من رحم الله يعني صار كورنيش مو مجمع تسوق ولا كلنا نعرف انا المجمعات هذي اسعااارهااا نااار موووت ومع ذلك . تلاقين كلام سخيف . هذا واحد يكلم خويته .اسمعو ايش يقول
هلا حياتي والله ياعمري شريت قلم سنسنديور من ام تي حط عجبني مرررره تصدقين يكتب ازرق غريب لونه قرمزي اتحداه يعرف هاللون وش معناه بس سمعها مره عجبته . وحياتي بصراحه ماقدرت اطلع بدون ماخذ لك هديه ولفيتها بعد .. الله يازمن نسينا كرتون العصير نشيله وحنا رايحين للمستشفى نزور مريض الحلين بوكيه ورد وشوكلاته مدري وش كلالالالالالالالام فاضي وابشركم رزق الهبل على المجانين . وصدقوني ناس عندها هناك مراكز يعني ان كان في امك خير خذ بنت من هالموقع او رقمها اقوووولكم صارت حرب داخل هالمجمعات ملابس غريبه اشكال اول مره اشوفها . ناس تداوم في هالمجمعات والله يجلسون فيها اكثر من بيوتهم ولو انا من ادارة المجمع اوظفهم مرقبين ترقيم تحت الطلب . واتحدى انك ماتخجل او ماتخجلين لو قلتي اني رايحه للمجمع فلاني تحسينن فيها عيب نقااده راح يناظرونك بعين
المهم انا تكلمت عن الشباب اليوم والوعد بكره يابناااااات ياني فيني بلاوي بطلعهاااا ياني حاااااقده حست بالشباب واجد وحسيت اني ظلمت حقهم يعني تكلمت عنهم ونسيتكم ههههههههههه لا امزح بس عشان انا عارفه ان نسبة الشباب اكثر في منتدانا الوعد بكره بكره بكره بكره السفر ... وعلى قولة الشاعر ان لم تمت بالسيف مت باشاكوش
باي رهام الملاك
[sound]http://songs1.6arab.com/nelly..ahly-3arab.ram[/sound] |