هل انت شجاع إذن انتـــ !!! ..... خاص للاعبي الزعيم - نادي الهلال السعودي - شبكة الزعيم

هـ عاشق قديم ـلالي · #1 20/12/2010, 10:42 AM

السلام عليكم ورحمة الله ..

صبحكم / مساكم الله بالخير يازعمااااء

الموضوع يعتبر رساله مختصره للاعبي الهلال وفي النهايه معادله بسيطه

الكل يتفق معي بأن لاعبي برشلونه الافضل على مستوى العالم كيف حصل لهم هذا ؟؟؟ أنا اشرح لكم كيف

1) التحلي بالشجاعه وطلب الكوره لجميع افراد الفريق =====> كل لاعب يحاول يكون قريب بأسرع وقت لحامل الكره ويطلب الباص يكون له وعندما يكون 3 أو 4 لاعبين قريبين لحامل الكوره ويتناقلونها بلمسه واحده وبجديه تامه وبقتاليه للمحافظه على امتلاك الكوره يسطرون الملعب والمستطيل الأخضر بالمثلثات والمربعات وفك أي إختناق او تكتل دفاعي او عملية الضغط على حامل الكوره .

2) التحلي بالذكاء والفكر الكروي =====> يعني وقت خضم الفقره الأولى وإنشغال 3 أو 4 لاعبين بالمثلثات والمربعات المذكوره يكون فيه 2 أو 3 لاعبين متمركزين نحو هجمه ناجحه

ـ وأيضاً ـ 2 أو 3 لاعبين من الخلف (الدفاع) متأهبين لأستلام الكوره وفك الضغط في حال تم تكثيف التكتل حول مسطرين المثلثات والمربعات واستلام الكوره وبدء رسم مثلثات ومربعات من جهه أخرى لترتيب هجوم جديد .

هذا بإختصار شديد

بمعنى يااللاعب الهلالي ==> انت شجاع وذو فكر كروي ... إذن انت هلالي قديم

أنتـــ برشلوني

وأيضاً انت ياياسر (فييا) وانتم يا الشلهوب والفريدي وزيزو (ميسي وشادي وإنيستا) وأنتم يا المرشدي وهوساوي (بويل وفيكي) ...

فهلا تحليتم بالشجاعه وطلبتم الكوره ... والفكر الكروي بالتمركز السليم وامتعتمونا

ولا ننسى النشاط والحماس الدائم خلال الـ 90 دقيقه

يسعدني يكون هذا ثاني موضوع اطرحه للمنتدى .. والاول لم يتم نشره

وهذا الثاني اتمنى يلاقي استحسان المسؤولين في المنتدى والأعضاء

بالتوفيق لزعيمنا ولاعبينا الأعزاء على قلوبنا

دمتم بود

تــعــ راحــه ــبــك · #2 20/12/2010, 03:27 PM

كلآآم حلوو

لكن هل تتوقع ان لاعبين الهلال

رح يسووا مثـل لاعبين البلرسآآ ؟؟

اتوقعا صعبة جداا

لااهنت

mr:naif · #3 20/12/2010, 05:00 PM

مقارنه صعبه ي الغالي

لاعبين محترفين بمعني الكلمه

ولاعبينا يوم فوق ويوم تحت

عوافي

عاشق السكب الهلالي · #4 20/12/2010, 05:05 PM

حبيبي هذا تكتيك مدربين وليس للاعبين أي شغل في هذه الحركات ولازم يتدربون عليها إذا أرادوا أن يطبقوها..

OMAR15 · #5 20/12/2010, 05:12 PM

يعافيك ربي وبالتوفيق للزعيم ولكل من يقف خلفه ويسانده

هـ عاشق قديم ـلالي · #6 20/12/2010, 09:51 PM

والله ياجماعه مو صعبه !!!

كل المطلوب هو اللياقه الكامله وتتوفر مع مدرب لياقه على مستوى عالي

والمهاره وهذي موجوده في لاعبين الهلال وهذا ما يميزهم عن باقي اللاعبين في الدوري السعودي

وأيضا هي فرصة اللاعبين بتواجد كادر فني ارجنتيني والمعروفين بعشقهم واتقانهم للأسلوب هذا وهو اللعب الجماعي في كامل مساحات الملعب

وسبق وطبقه المدرب باكيتا مع الهلال في فترته الاولى وهو اللي انتشل الهلال من الخمسات اذا رجعنا بالذاكره لورى شوي

وأيضا المدرب الارجنتيني هيكتور مع فريق الشباب

طبعا يختلف الطبيق حسب مهارة اللاعبين .. وهذا اللي احنا نراهن عليه بالنسبه للاعبين الهلال

وياليت نرجع بالذاكره لمباراة الهلال وناجويا وكيف تغلبو اللاعبين على سرعة اليابانيين وبالأسلوب اللي ذكرته

شاكر مروركم يازعماااء وملاحظاتكم وبالتوفيق للزعيم بإذن الله